Morgunblaðið - 04.12.1985, Side 32

32
MORGUNBLAÐIÐ, MIÐVIKUDAGUR 4. DESEMBER1985
Timman teflir við
Tal um fjórða sætið
Jafntefli í fyrstu skákinni
Montpellier, 3. desember. AP.
FYRSTU skák Jans Timman og
Mikhails Tal um þátttökurétt í
áskorandaeinvígjunum í janúar og
febrúar á næsta ári lyktaði í gær
með jafntefli eftir 22 leiki.
Um miðbik skákarinnar virtist
Tal hafa betri stöðu, en þegar á
leið jafnaðist taflið með hótunum
á báða bóga og að endingu bauð
Tal jafntefli.
Tal og Timman voru jafnir að
vinningum á áskorendamótinu í
skák í Montpellier í Frakklandi
fyrir skömmu, báðir í fjórða sæti.
Þar sem fjórir efstu á mótinu tefla
innbyrðis um næsta áskoranda
heimsmeistarans í skák verða tví-
menningarnir að tefla sex skákir
um fjórða sætið. Timman hreppið
hnossið, ef báðir hafa þrjá vinn-
inga eftir skákirnar sex, þar eð
hann vann fleiri skákir á áskor-
endamótinu. Tal gerði aftur á móti
fleiri jafntefli.
Artur Youssoupov, Rafael Vag-
anian og Andrei Sokolov voru í
fyrsta til þriðja sæti á áskorenda-
mótinu og vinni Tal nú eru aðeins
Sovétmenn í hópi áskorendaefna.
Filippseyjar:
16 ára fangelsi fyrir
afglöp í bréfburði
Manila, Filippseyjum, 3. desember. AP.
LUCIO Iloipho, bréfberi á Filipps-
eyjum, hefur verið dæmdur í sextán
ára fangelsi vegna þess að honum
láðist að bera tvö sendibréf til við-
takanda.
Dolpho var dæmdur af sama
rétti og sýknaði á mánudag Fabian
C. Ver, hershöfðingja, 24 hermenn
og einn óbreyttan borgara af
morðinu á Benigno Aquino.
Ekki er nóg með að bréfberinn
ólánsami þurfi að dúsa sextán ár
í fangelsi, heldur var honum auk-
inheldur gert að greiða þúsund
peseta (um tvö þúsund íslenskar
krónur) í sekt og verður hann ekki
ráðinn til starfa hjá hinu opinbera
næstu þrjátíu og tvö árin. Refsing
Dolphos er sú þyngsta, sem hægt
er að dæma fyrir brot af þessu
tagi: óheilindi með opinber skjöl
í fórum sínum.
Amante Q. Alconsel, dómari,
sagði að glæpur Dolphos væri
alvarlegur, „vegna þess að hann
firrir almenning trausti á þjón-
ustu ríkisins, trausti, sem er bráð-
nauðsynlegt í öllum geirum þjóð-
félagsins".
Upphafs málsins var að kona
nokkur kvartaði yfir þýí að pen-
ingasendingar frá syni hennar í
Bandaríkjunum hefðu aldrei kom-
ist á leiðarenda. Dolpho heldur
fram að hann hafi sent bréfin
aftur til sendanda, þar er við-
takandi fannst ekki. Rétturinn
hafnaði þessari staðhæfingu á
þeirri forsendu að Dolpho gæti
ekki sannað að hafa sent bréfin
til baka.
Bréfberinn var þó ekki dæmdur
fyrir að stela peningunum í bréf-
unum því stefnanda tókst ekki að
sanna að um peningasendingar
hefði verið að ræða.
Enduruppbygging í Kólombíu
Jarðýtur og trukkar vinna að endurbyggingu brúar til Armero en brúna tók
af í aurflóði eftir eldgosið. Hhiti borgarinnar sem eyddist að mestu sést í
baksýn.
Svíþjóð:
Afnota-
gjöldin
hækka
Stokkhólmi, 2. desember. AP. Frá frétta-
ritara Morgunblaósins, Erik Liden.
ÞAÐ verður methækkun á af-
notagjöldum sjónvarps á næsta
ári. 1. júlí hækka afnotagjöldin
úr 805 sænskum krónum í 902
og árið 1987 er gert ráð fyrir að
gjaldið fari yfir þúsund krónur.
Þá hækka bréfburðargjöld
þann 3. febrúar næstkomandi
um 10 aura, úr tveimur krónum
í 2,10.
Frönsk hjálparsamtök
rekin frá Eþíópíu
Iddia Ahaha 1 doasmher AP
Addis Ababa, 3. desember. AP.
FRÖNSK hjálparsamtök lækna
hafa verið rekin frá Eþíópíu, eftir
að hafa sinnt hjálparstarfi þar und-
anfarið. Er það vegna deilna sam-
takanna við ríkisstjórn landsins,
sem hefur ásakað samtökin fyrir að
grafa undan aðstoðarstarfínu vegna
þurrkanna með því að Ijúga og
rangherma það sem embættismenn
hafa sagt og fyrir að hafa tekið þátt
í fjölmiðlaáróðri gegn hjálparstarf-
inu.
Michael Fiszbin, yfirmaður
Medecins Sans Frontieres- sam-
takanna í Etiópíu (MSF), sagði að
brottreksturinn hefði komið á
óvart, þeir hefðu ekki talið að þeir
yrðu reknir á brott, heldur yrði
þeim gert ófært að sinna verkefn-
um sínum í landinu. Yfirmaður
hjálparstarfsins í Eþíópíu sagði
að samtökunum yrði gefinn nægi-
legur tími til að yfirgefa landið
og sagði að sérhverjum meðlimi
samtakanna yrði gefinn kostur á
aðstoðarstarfi með öðrum samtök-
um, að því tilskyldu að hann segði
sig úr MSF.
Leðurblökur eyði-
lögðu morgunkaffið
(>sló, 2. desember. AP.
ÖYVIND Klöv átti sér einskis ills
von er hann hugóist hella upp á
kaffíkönnuna á sunnudagsmorgun,
en er hann kveikti Ijósin í eldhús-
inu réöst á hann mergð leðurblaka.
Eyvindur vissi í fyrstu ekxi
hvaðan á sig veðrið stóð og fékk
vott af taugaáfalli. í Ijós kom að
nær 200 leðurblökur höfðu flogið
inn um opinn eldhúsglugga á húsi
hans í Ryfylki við Stavanger.
Ekkert varð af því að Eyvindur
færði konu sinni kaffisopa í rúmið,
því um leið og hann opnaði eld-
húsið leituðu leðurblökurnar það-
an og lögðu húsið undir sig á
augabragði. Þótti fjölskyldunni
ráðlegast að yfirgefa húsið hið
snarasta og kalla á hjálp.
Líklegast hafa leðurblökurnar á
heimili Eyvindar vaknað af vetr-
ardvala vegna óvenjulegra hlýinda
að undanförnu. Leðurblökur eru
friðaðar í Noregi en eina leiðin til
að koma þeim út úr húsi Eyvindar
er að svæfa þær með því að dæla
gasi inn í húsið og verður líklega
veitt undantekning frá friðunar-
ákvæðunum í þessu tilviki.
Kemur kalsíum
í veg fyrir
ristilkrabba?
KALSÍUM getur e.Lv. komið í
veg fyrir krabbamein í ristli, að
því er fram kemur í skýrslu, sem
birt var nýlega í bandaríska
læknatímaritinu New England
Journal of Medecine.
Hópur vísindamanna undir
forystu dr. Martin Lipkin, hef-
ur komist að raun um, að kals-
íum getur komið í veg fyrir
breytingar, sem eru undanfari
krabbameins í ristli. Eru áhrif
efnisins að öllum líkindum
fólgin í því að gera matarfitu
skaðlausa, en fitan liggur
sterklega undir grun fyrir að
vera krabbameinsvaldandi.
Önnur rannsókn, sem gerð
var í San Diego-háskólanum i
Kaliforníu, leiðir í ljós, að fólki,
sem drekkur mikla mjólk og
neytir að öðru leyti kalsíum-
og D-vítamínríkrar fæðu, hætt-
ir síður til að fá ristilkrabba-
mein en öðrum.
Kalsíum er í ríkum mæli í
mjólk, osti og kornmat. D-vít-
amín stuðla að kalsíumupptöku
í líkamanum.
Danmörk:
TVeir menn
ræna 70
millj. kr.
Annar ræningjanna
í hjólastól
Kaupmannahöfn, 3. desember. AP,
TVEIR menn, annar þeirra í hjóla-
stól, rændu í dag 70 milljónum
danskra króna (um 240 milljónum
íslenskra króna) í reiðufé og ávísun-
um af peningaflutningamönnum í
borginni Herlev skammt norður af
Kaupmannahöfn.
Sendlarnir voru á leið frá póst-
húsinu í Herlev með afrakstur
gærdagsins er þeir óku fram á
hjólastól á miðri götunni. Ræn-
ingjarnir þvinguðu sendlana til að
afhenda sér öll verðmæti í bryn-
vörðum sendibílnum með „odd-
hvössu vopni" og flúðu því næst
niður göngugötu og gegnum göng
fyrir fótgangandi, annar þeirra í
hjólastólnum, sem leiddi peningas-
endlana í gildruna.
Að sögn danska útvarpsins var
aðeins ein milljón fjárins í reiðufé.
MSF hefur harðlega gagnrýnt
þá stefnu stjórnvalda að flytja fólk
frá þurrkahéruðunum í norðri til
frjórri suð- og vesturhéraðanna.
Stjórnvöld segja að sé ekki gripið
til þess ráðs að flytja fólk frá
þurrkahéruðunum muni það deyja
hungurdauða, en í skýrslu MSF
sem gerð var opinber nýlega kem-
ur fram að fólksflutningarnir
kunni að kosta 300 þúsund manns
lífið.
A-Þjóð-
verjar
selja
þegnana
Bonn, 2. desember. AP.
ÞAÐ sem af er þessu ári hafa
stjórnvöld í Austur-Þýskalandi selt
úr landi 2.180 pólitíska fanga og eru
kaupendurnir Vestur-Þjóðverjar.
Embættismaöur í ráðuneyti, sem fer
með samskipti ríkjanna, skýrði svo
frá í dag.
Fyrr í dag kom út skýrsla frá
samtökum í Vestur-Berlín, sem
kallast „13. ágúst“, eftir deginum
þegar fyrst var byrjað á Berlín-
armúrnum, og er þar nefnd sama
tala yfir þá, sem austur-þýsk
stjórnvöld hafa selt úr landi á ár-
inu. Embættismaðurinn, sem ekki
vildi láta nafns síns getið, stað-
festi, að rétt væri með farið. í
skýrslu samtakanna segir einnig,
að á síðasta ári hafi Vestur-Þjóð-
verjar keypt alls 2.341 pólitískan
fanga í Austur-Þýskalandi.
Samkvæmt vestur-þýsku stjórn-
arskránni eru Austur-Þjóðverjar
einnig borgarar í Vestur-Þýska-
landi og verja stjórnvöld árlega
milljónum eða tugmilljónum
marka til að kaupa pólitískum
föngum frelsi.
Joseph Dolezal, talsmaður ráðu-
neytisins, sem fer með málefni
beggja ríkjanna, sagði, að ekki
væri venjan að borga í reiðufé.
„Stjórnvöld í Austur-Þýskalandi
benda okkur á hvað þau vilja fá
fyrir frelsi mannanna og yfirleitt
er um að ræða einhverjar neyslu-
vörur, t.d. olíu,“ sagði Dolezal og
bætti því við, að fangarnir hefðu
oftast gerst sekir um „starfsemi,
sem beindist gegn ríkinu, haft
samband við útlendinga eða reynt
að flýja vestur“.
Stærstu flokkarnir
njóta jafn mikils fylgis
London, 2. desember. AP.
ÍHALDSFLOKKURINN og Verka-
mannaflokkurinn njóta jafn mikils
fylgis meðal bresks almennings, að
því er fram kejnur í skoðanakönnun
breska blaðsins The London Stand-
ard í dag. Báðir flokkarnir fengu
36%, en kosningabandalag Sósíal-
demókrata og frjálslyndra fékk
25%. Skekkjumörk könnunarinnar
voru sögð plús eða mínus 3%.
í umsögn breska blaðsins um
könnunina kemur fram að erfitt
sé að segja um framtíðina og ekki
þurfi mikið til að kjósendur skipti
um skoðun. Þó kosningabandalag-
ið hafi ekki bætt við sig frá því í
kosningunum 1983, þá búi samt
það mikið í því að það geti haft
mikil áhrif á þróunina.
Næstu kosningar verður að
halda fyrir mitt ár 1988, en því er
almennt trúað að Thatcher muni
boða til kosninga árið áður. íhalds-
menn fengu 44% atkvæða í síðustu
kosningum, en fengu í skoðana-
könnun í október 37%. Þá fékk
Verkamannaflokkurinn einnig
36%.