Morgunblaðið - 04.12.1985, Page 42

42
MORGUNBLAÐIÐ, MIÐVIKUDAGUR 4. DESEMBER1985
Verslunareigendur í Hagkaupshúsinu fjölmenntu sl. laugardag I Kríngluna og skoóuðu þann hluta byggingarinnar
sem risinn var og hlýddu m.a. á arkitekt hússins segja frá útliti og nánasta umhverfi.
Verzlunareigendur skoðuðu fram-
kvæmdir í Hagkaupshúsinu
FUNDUR var haldinn med verslunareigendum þeim, sem keypt hafa hús-
nædi í hinu nýja Hagkaupshúsi viö Kringluna, sl. laugardag. Skýrt var frá
framkvæmdum, útliti og umhverfi byggingarinnar auk þess sem gestir
gengu um þann hluta sem búið er að reisa.
Byrjað var á verkinu í júní sl.
og er áætlað að verktakinn,
Byggðaverk, skili byggingunni i
nóvember 1986. Gert er ráð fyrir
að byrjað verði að versla þar í
apríl 1987, að sögn Sigurðar Sigur-
jónssonar forstjóra Byggðaverks.
„Við erum með 60 manna starfs-
lið í byggingu Hagkaupshússins,
en það er um 60% af mannafla
fyrirtækisins. Aðrir starfsmenn
eru í ýmsu öðru svo sem í byggingu
Mjólkursamsölunnar og í fjölbýlis-
húsi Verslunarmannafélags
Reykjavíkur, sem verið er að reisa
í nýja miðbænum fyrir aldraða
verslunarmenn. Þá erum við að
reisa nýja dreifingastöð í Garðabæ
fyrir Þykkvabæjarkartöflur auk
annarra smærri verkefna," sagði
Sigurður.
Ragnar Atli Guðmundsson,
framkvæmdastjóri, sagði í samtali
við blaðamann að húsið yrði alls
28.000 fermetrar en þó væri aðeins
fyrirhugað að selja 11.000 fer-
metra nú. „Alls hafa 7.500 fermetr-
ar eða 35 verslunareiningar nú
selst en ætlunin er að selja sem
svarar 50 verslunareiningum og
er áætlað að starfsemi hefjist
samtímis í þeim öllum. Frá því að
byrjað var að reisa húsið hefur
sala aukist mjög í húsinu, en menn
héldu að sér höndum i fyrstunni.
Ætlunin er að kalla eigendur húss-
ins saman við og við til að leyfa
þeim að fylgjast með framkvæmd-
unum. Þetta er raunar í annað sinn
sem við höldum slíkan fund en sá
fyrri var fyrir þremur mánuðum."
Hrafnkell Thorlacius, arkitekt
byggingarinnar, skýrði teikningu
hússins út fyrir fundargestum.
Hann sagði að alls yrðu fimm
inngangar, meðai annars af bíla-
stæðum, sem verða um 1.300 tals-
ins vestan við húsið á tveimur og
þremur hæðum. Göngugötur munu
liggja endilangt eftir báðum hæð-
um. Gert er ráð fyrir miklum
gróðri á göngum, jafnvel háum
trjám sem ná á milli hæða, en
opið verður á milli þeirra að
nokkru leyti.
„Ætlunin er að skapa persónu-
legt umhverfi í björtu og hlýju
umhverfi. Á milli suðurenda Hag-
kaupshússins og Borgarleikhúss-
ins verður útitorg sem tengist
þessari miklu verslunarbyggingu.
I byggingunni er gert ráð fyrir
þremur veitingastöðum og verða
þeir væntanlega allir í suðurenda
hússins, með glerskálum, sem snúa
munu út á torgið.
Nýr föstuhökull gef-
inn Þingvallakirkju
Haraldur Arngrímsson í dyrum
vereiunar sinnar.
FJÖLMENN hátíðarguðsþjónusta
var haldin si. sunnudag í Þingvalla-
kirkju. Einar Sigurðsson annaðist
orgelleik og sóknarprestur, séra
Heimir Steinsson, predikaði og
þjónaði fyrir altari. Við guðsþjón-
ustuna var vígður og tekinn í notk-
un nýr messuhökull, sem ætlaður er
til notkunar á fostu. Höklinum fylg-
ir stóla og altarisdúkur.
Börn og tengdabörn hjónanna
Einars Halldórssonar og Guð-
rúnar Sigurðardóttur á Kárastöð-
um gáfu Þingvallakirkju messu-
klæðin. Einar fæddist á Heiðarbæ
í Þingvallasveit árið 1883, en föð-
urætt hans hafði búið á Skála-
brekku kynslóð eftir kynslóð.
Guðrún Sigurðardóttir fæddist í
Hrauntúni í sömu sveit árið 1892.
Þau Einar og Guðrún gengu í
hjónaband 1. nóvember árið 1912
og bjuggu nær allan sinn búskap
á Kárastöðum. Þau áttu ellefu
börn.
Einar gegndi ýmsum trúnaðar-
störfum um dagana. Var hann
m.a. organleikari Þingvallakirkju
um hríð og hreppstjóri í Þingvalla-
hreppi í aldarfjórðung. Sá sterki
stofn fólks úr Þingvallasveit, sem
að þeim Einari og Guðrúnu stóð,
stendur enn styrkum rótum í sveit-
inni. Núverandi bóndi á Kárastöð-
um, Helgi Guðbjörnsson, er sonar-
sonur þeirra hjóna. Helgi er hrepp-
stjóri sveitarinnar eins og faðir
hans og afi voru. Eiginkona Helga
er Þóra Einarsdóttir.
Aðalfundur Þingvallasafnaðar
1985 var settur í kirkjunni að loknu
messukaffi á prestssetrinu á Þing-
völlum á sunnudaginn. Þar bar á
góma nauðsyn þess að færa predik-
unarstól Þingvallakirkju í upp-
haflegan búning, en hann er nú
liðlega þriggja alda gamall.
I lok safnaðarfundar fór fram
kosning sóknarnefndar samkvæmt
nýjum lögum um tilhögun þeirra
mála. Kjörin voru þau Sveinbjörn
Jóhannesson, Heiðarbæ I, Ingólfur
Guðmundsson, Miðfelli, og Guðrún
Kristinsdóttir, Stíflisdal. Guð-
mann Ólafsson á Skálabrekku
hefur setið í sóknarnefnd um
þriggja áratuga skeið og var hann
lengst af þess tíma meðhjálpari
og hringjari við kirkjuna jafn-
framt. Guðmann lætur nú af störf-
um, en aðstoðar enn við endur-
skoðun kirkjureikninga. Hann var
af sóknarpresti kært kvaddur á
fundinum, en nýir menn boðnir
velkomnir til starfa.
(flr fréttalilkjnninjfu)
Selfoss:
Fyrsta jólatréð komið upp
Selfoesi, 1. deaember.
FYR8TTA jólatréð var sett upp á
Selfossi nokkrum dögum fyrir mán-
aðamótin. Það var verslunin Blóma-
hornið sem reið á vaðið og skóp um
leið ákveðna stemmningu með jóla-
Ijósunum við inngang verslunarinn-
ar.
Haraldur Arngrímsson verslun-
armaður og eigandi Blómahorns-
ins er enginn eftirbátur annarra
blómaverslana hvað það snertir
að hafa á takteinum allt sem þarf
til skreytinga þegar aðventan
nálgast. Og til þess að þjónusta
fólkið nógu vel og gera útivinnandi
húsmæðrum, sem hafa í mörg horn
að líta, og öðrum kleift að njóta
þess sem í boði er hefur hann
verslumna opna alla daga til jóla
frá kl. 9 að morgni til 9 að kveldi.
Þetta sagði hann hafa komið til
fyrir nokkrum árum og fólk kynni
vel að meta þetta.
í kaupbæti býður hann, og kona
hans Klara Sæland, svo upp á
munngát i skál um leið og varan
er rétt yfir borðið. Sig. Jóns.
Etlum að stand-
ast samkeppn-
ina með gæðunum
— segja Gunnar Steinn Pálsson og Hörður Sigurðarson
eigendur nýs bókaforlags, sem ber heitið „Nótt“
BÓKAÚTGÁFAN „Nótt“ er nú að senda frá sér sinar fyrstu bækur,
en forlagið var stofnað sl. sumar og er til húsa á Laugavegi 145. Eig-
endur þess eru Gunnar Steinn Pálsson og Hörður Sigurðarson. Bæk-
urnar eru fjórar talsins og allt skáldsöguþýðingar og fást þær einnig
sem kiljur: „Merki Samúræjans", „Hrossakaup", „Hörkutól stíga
ekki dans“ og „Minningar einnar sem eftir lifði“.
„Mörgum .hefur þótt þetta
mikil bjartsýni hjá okkur að
ætla út í þessa hörðu samkeppni
sem er á milli bókaforlaganna,
en við höfum hugsað okkur að
standast samkeppnina fyrst og
fremst með gæðunum," sögðu
þeir Gunnar Steinn og Hörður í
samtali við blaðamann. „Við
hyggjumst leggja ofurkapp á
markaðssetningu, útlit bókanna,
höfunda, þýðendur og auk þess
ætlum við að fara óhefðbundnar
leiðir í auglýsingum sem að
mestu byggist upp á því að við
tökum gagnrýni upp úr blaða-
dómum.
öll bókaforlög verða að hafa
vissan bókmenntametnað til að
réttlæta tilveru sína. Þó skiptir
rétt markaðssetning ótrúlega
miklu og hefur það oft komið
fyrir að góðar bækur hafa ekki
selst, fyrst og fremst vegna lé-
legrar markaðssetningar. Við
höfum fengið góða þýðendur til
samstarfs og ætlum við okkur
einnig að vinna með innlendum
höfundum í framtíðinni. Bókaút-
gáfa hefur verulega þurft að
sækja í sig veðrið til að standast
myndbandamenninguna að und-
anförnu. Þróunin hefur verið sú
að gefnir hafa verið út færri
titlar en þó vandaðri," sagði
Gunnar Steinn.
„Merki Samúræjans" er barna-
og unglingabók eftir Katherine
Paterson frá Bandaríkjunum í
þýðingu Þuríðar Baxter. Sagan
gerist á miðöldum í Japan og
segir frá ungum dreng sem legg-
ur af stað í leit að föður sínum,
frægum stríðsmanni og hetju,
samúræja. Drengurinn Muna —
Hinn nafnlausi — þráir að bera
nafn sem sómi er að. Leit hans
ber hann til borgarinnar Kyoto,
framandi heims, þar sem erfitt
er að týna ekki sjálfum sér. Eftir
hrakninga og reynslu finnur
Muna loks gæfuna þar sem hann
vænti hennar síst.
Dick Francis frá Suður-Wales
skrifaði „Hrossakaup" en þýð-
andinn er Þuríður Baxter. Bókin
segir frá ungum manni á uppleið
í lánadeild voldugs banka. Hann
fær yfirmenn sína til að fallast
á að lána stórfé til kaupa á
glæstum hlaupahesti sem ætlun-
in er að nota til undaneldis. í
fyrstu virðist allt ætla að ganga
að óskum, en síðan dregur til
tíðinda og það er fleira í húfi en
fjármunir bankans og framavon-
irnar.
Bandaríkjamaðurinn Norman
Mailer er höfundur bókarinnar
„Hörkutól stíga ekki dans“ en
Árni Ibsen þýddi. Bókin segir
frá Tim Madden, misheppnuðum
rithöfundi, sem vaknar einn
morgun eftir langvarandi
drykkju og man ekkert af því sem
hann hefur aðhafst. Ýmislegt
bendir til þess að hann hafi
framið morð og milli vonar og
ótta hefur hann leit að vísbend-
ingum um hvað hafi gerst.
Doris Lessing skrifaði „Minn-
ingar einnar sem eftir lifði", en
henni hefur verið boðið hingað
til lands næsta vor á vegum
Listahátíðar. Hjörtur Pálsson
þýddi bókina. Doris hefur sjálf
kallað bókina tilraun til sjálfs-
ævisögu, en hún er einskonar
dagbók konu sem skráir hana í
framtíðinni við aðstæður þegar
flest það er gengið úr skorðum,
sem einkennir lífsþægindaþjóð-
félag nútímans. Konan, sem
dagbókina skráir, hefur tekið að
sér að gæta 12 ára telpu, sem
lærir að laga sig að breyttum
aðstæðum, á meðan fullorðna
konan fylgist með úr fjarlægð
og flýr raunveruleikann inn í
ímyndaða fortíð.
Morgunblaðið/Július
Höröur Siguröarson og Gunnar Steinn Pálsson meö nýútkomnar
bækur hins nýja bókaforlags.