Morgunblaðið - 14.08.1986, Side 46

MORGUNBLAÐIÐ, FIMMTUDAGUR 14. ÁGÚST 1986
46
t
I
i
M
I
I
í
t
§
f
ást er...
■ ■ .að syngja henni ástaróð
í baði
TM Reg. U.S. Pat. Otf.—all rights reserved
© 1986 Los Angeles Times Syndicate
Hvaða fuplasönfn má ég
bjóða þér að heyra?

Ég er að hjálpa mömmu,
en ég kem strax þegar ég
hef brotið nokkra bolla og
diska.
Fróðlegt að skoða það sem
vinstrimenn gerðu sjálfir
Velvakanda hefur borist bréf frá
Þorleifi Kr. Guðlaugssyni og segir
þar meðal annars:
„Geta Þjóðviljinn og Alþýðublað-
ið virkilega gert og sagt eitt í dag
og annað á morgun svo að margir
taki mark á þeim til lengdar. Væg-
ast sagt voru broslegir leiðarar
þessara blaða þann 31. júlí nýlið-
inn, en þó undarlegt megi teljast
voru blöðin alveg sammála að þessu
sinni.
Eftir að vitnaðist um skatta-
álagningu nú síðari hluta ársins
hefur ekki linnt látum út af hækk-
uðum sköttum hjá fólki. Nú er það
svo, að einmitt fyrir tilstilli þeirra,
sem að þessum blöðum standa,
hafa skattarnir hækkað.
Ekki er það ríkisstjóminni að
kenna þó skattar hækki þegar tekj-
ur hækka.
Vinstrimenn hafa barist hvað
mest fyrir, að enginn geti orðið
ríkur af tekjunum sínum. Nú þegar
þær hækka og ljöldinn kemst í
hærri skattþrep verða þessir menn
æfir og segja: „Allt ríkisstjórninni
að kenna, svik við verkafólk."
Þarna geta þeir séð sjálfír að það
er rangt sem þeir hafa haldið fram,
að eingöngu venjulegt verkafólk
beri skattana og verðbólguþung-
ann. Mikill áróður hefur samt verið
um það lengi.
Skemmtilegast við þetta allt er,
að nú vilja þeir ekki leggja skatta
á háu tekjurnar af því þeir eru lent-
ir í hálaunaflokkunum og halda nú
uppi feykna áróðri fyrir því, að
ekki megi nota þennan aukna skatt-
glaðning ríkissjóðs til niðurgreiðslu
á vörum fyrir fátækt fólk og aðra,
það séu svik við fólkið og minnki
möguleika á að fá hækkað kaup í
haust og þá vonandi hærri skatta
á næsta ári. En það er fróðlegt að
skoða það sem þeir gerðu sjálfir
þegar þeir voru í ríkisstjóm.
Þá var aukin skattheimta á fjög-
urra mánaða fresti með ýmsu móti,
einkum gengisfellingu og vöm-
gjaldi, skattar vom afturvirkir og
lán tekin til að halda niðri vísi-
tölunni.
Já, margt gátu þeir brallað karl-
amir, því er nú komið hag fólks sem
raun ber vitni. Kaup hefur verið
spennt svo upp að flestir em komn-
ir yfir fyrsta skattþrep í launastig-
anum en þá em skattar orðnir það
háir, að vítahringur myndast. Fastir
og duldir skattar taka þá meira en
helming teknanna til baka í ríkis-
sjóð og þegar svo er komið er til
lítils að vinna, að hækka kaup.
Hver einasti maður ætti að geta séð
hvemig komið er og allt er þetta
afleiðing skattastefnu vinstriflokk-
anna frá fyrri tímum.
Hafa menn gert sér grein fyrir
því, að þegar þeir em komnir í
hæn'i flokka í skattþrepum, þá eru
þeir í þegnskylduvinnu hjá ríkinu í
hálft ár og í mörgum tilvikum leng-
ur.
Ég hef bent á það áður að ríkið
verður að fara að skila hluta af
hátekjuskattinum til tekjujöfnunar.
Annars lendir þungi nýrra kaup-
hækkana á einkarekstrinum,
vinstrimenn vilja ríkisrekstur.
I sveitarstjórnakosningunum
sviku þeir til sín fylgi með loforðum
um hærri laun til bæjarstarfs-
manna. Afleiðingin er meiri álögur
á almenning.
Eftir Hafnarfjarðarsigur Alþýðu-
flokksins er gott bú fráfarandi
bæjarstjórnar notað til að hækka
kaup bæjarstjómarmanna og
starfsmanna.
Vinstrimenn drepa niður fram-
kvæmdavilja og getu athafna-
manna. Þegar atvinnurekendum
hefur verið komið í skuldafjötur er
næsta stig ríkisrekstur.
Síðan er öllu stjómað með laga-
boði valdhafanna, dæmin höfum við
frá kommúnistaríkjunum þar sem
kaupið er skammtað eftir þörfum
ríkisins."
Vísa vikunnar
einingur i verkalýðsanni Alþýðubandalaggins:
[Guðmundur Þ. féll við kjör
sljóm verkamannabústaða
Igudmúndur þ.
lýðufélngjLnnn 1
.......
i tr* AlþýðuluuxUl^inu I
vrrlalýðnféUcuma I tjórn
lýAuniUrAð Alþýðu
Allir hrópa: „Upp með hendur“,
eru líkt og verstu fjendur.
Bróðir ei neinn að baki stendur,
berirðu nafnið fræga, Gvendur.
Hákur
Víkverii skrifar
Starfsmenn borgarinnar hafa
unnið mikið starf að undan-
förnu og hafa mörg svæði í borginni
tekið stakkaskiptum síðustu daga.
Allt kapp er lagt á að fegi-a borgina
fyrir afmælishátíðina miklu næst-
komandi mánudag. Ástæða er til
að taka undir hvatningu Fegrunar-
nefndar borgarinnar, sem í lok
síðustu viku þakkaði fyrir það sem
vel hefur verið gert fyrr á sumrinu,
en bendir jafnframt á að lokaátakið
er eftir við að gera góða borg betri.
Síðan er aðeins að vona að veður-
guðirnir verði borgarbúum og
gestum þeirra hliðhollir á afmælis-
daginn næstkomandi mánudag.
xxx
Arbók atvinnuveganna er nú
komin út á ensku í sjötta
skipti. Utgefandi er Iceland Review
og ritstjóri Haraldur J. Hamar.
Upphaflega var rit þetta einskorðað
við sjávarútveg, en nú er fjallað um
flesta þætti útflutningsverzlunar.
Þar er að finna mikið af staðreynd-
um og tölulegum upplýsingum, en
einnig sjónarmið og skoðanir sér-
fræðinga hvers á sínu sviði. Víða
er komið við í ritinu, sem örugglega
er hið gagnlegasta fyrir viðskipta-
vini íslenzkra fyrirtækja erlendis
og áhugamenn um atvinnulíf á Is-
landi.
XXX
Eitt af þessum hvimleiðu keðju-
bréfum datt inn um bréfalúg-
una hjá Víkverja á dögunum. Að
sjálfsögðu er það sent til að boða
mikla hamingju eða skyndilegan og
óvæntan gróða. Bréfíð er sagt hafa
farið umhverfis jörðina níu sinnum
og eitt gróðadæmið er rakið til árs-
ins 1953.
Fjóra sólarhringa hefur fólk til
að svara bréfinu svo keðjan slitni
ekki. Ef 20 bréf eru ekki snarlega
send til vina og kunningja á allt
að fara í klúður og voveiflegir at-
burðir geta gerzt. Fáránlegasta
dæmið í bréfínu er eftirfarandi:
Maður nokkur á Filippseyjum missti
konu sína sex dögum eftir að hann
fékk bréfið, enda hafði hann ekki
sinnt um að svara. Áður en kona
hans dó áskotnuðust honum þó á
óútskýrðan hátt yfír 300 milljónir
króna.
Það er ekki öll vitleysan eins.
XXX
Aþriðjudag spáði Víkveiji nokk-
uð í spilin í íþróttunum.
Laugardalsvöllurinn var vettvangur
uppgjörs Vals og Fram í 1. deild-
inni í knattspyrnu á sunnudag og
fylgdust fleiri áhorfendur með
leiknum en á öðrum leikjum 1.
deildar í sumar. Viðmælandi
Víkvetja hafði orð á því eftir leikinn
að bílastæðamál væru í ólestri þeg-
ar mikil aðsókn væri að leikjum og
sannkölluð ringulreið er fólk reyndi
að komast burt að leik loknum.
Reyndar ætlaði maður þessi að
yfírgefa vettvang er 10 mínútur
lifðu af leiktímanum. Það reyndist
hins vegar ekki einfalt því bifreiðum
hafði verið lagt þvers og kruss eft-
ir aðkomuleiðum og varð maðurinn
að gjöra svo vel að bíða þangað til
leiknum lauk. Vildi hann koma því
á framfæri að bílastæðin yrðu mal-
bikuð og merkt. Fannst honum
reyndar löngu kominn tími til þess.
Auk þess sem það auðveldaði mjög
fyrir vallargestum yrði svæðið til
muna snyrtilegra en það er nú.
XXX
Víkvetja hefur borizt svohljóð-
andi bréf:
Kæri Víkvetji.
Mig langar að biðja þig að koma
á framfæri fyrir mig beiðni til baka-
ranna sem eiga að baka afmælis-
tertuna stóru fyrir
Reykjavíkurborg.
Þeir hafa tilkynnt að í henni verði
sherryfromage og ég hef reynslu
fyrir því að ekki eitt einasta barn
borðar það. Eitt sinn var ég á barna-
balli og þá var af óskiljanlegum
ástæðum borin á borð ís með
vínbragði, og það voru foreldrarnir
sem borðuðu hann. Bakarar eiga
nóg af góðum bragðefnum, sem
þeir geta notað í staðinn. Til að
forðast misskilning vil ég taka fram
að ég er ekki á móti víni og tek glas
í góðra vina hópi.
Móðir á Akranesi
Víkvetjí þakkar kærlega fyrir
þetta athyglisverða bréf og kemur
ábendingunni á framfæri. Víkvetji
tekur undir með bréfritara.
Vínbragð á ekki við í tertu sem
ætluð er öllum gestum hins mikla
afmælis, jafnt börnum sem fullorðn-
um.