Morgunblaðið - 14.08.1986, Blaðsíða 50
50 MORGUNBLAÐIÐ, FIMMTUDAGUR 14. ÁGÚST 1986
Formula 1 kappaksturinn í Unqverjalandi:
■ Sextándi sigur
Nelson Piquet
fjórir eiga möguleika á heimsmeistaratitlinum
TVÖ hundruð þúsund áhorfendur
fylgdust með einvígi Brasiliu-
mannanna Nelson Piquet á
Willams og Ayrton Senna á Lotus
í ungverska Formula 1 kappakstr-
inum á sunnudaginn. Hvert sæti
var skipað á áhorfendapöllunum
við Hungaroring-brautina nýju í
Budapest. Var keppnin sú fyrsta
af þessu tagi í austantjaldslandi
og fögnuðu áhorfendur sigurveg-
aranum Piquet ákaft, en hann
hafði betur í baráttunni við
Senna. Bretinn Nigel Mansell á
Willams varð þriðji, en hann hefur
forystu í heimsmeistarakeppni
ökumanna.
Flestir ökumannanna í ung-
verska kappakstrinum áttu í mestu
vandræðum á æfingum fyrir
keppni. Brautin hafði aldrei verið
notuð og malbikið svo nýtt að breið
dekk keppnisbílanna gripu illa á
hált yfirborðið, sem þó var farið
að skána þegar að keppni kom.
Piquet var þó heppinn á lokakafl-
anum þegar hann skaust framúr
Senna, skautaði bíllinn til hliðar í
framúrakstrinum, en Piquet bjarg-
aði málunum. „Ég var heppinn,
það munaði engu að ég keyrði á
Senna, komst framúr en missti
hann síðan frá mér aftur. En ég
náði honum síðan aftur og komst
framúr,“ sagði Piquet. Þetta var
sextándi sigur Piquet í Formula 1
kappakstri og annar sigur hans í
röð, tveim vikum áður hafði hann
sigrað v-þýska kappaksturinn.
McLaren veldið var ekki rismikið
í þessari keppni. Heimsmeistarinn
Alain Prost varð að skipta um
keppnisbíl rétt fyrir ræsingu vegna
bilunar og nýi bíllinn bilaði fljót-
lega. Var þetta hundraðasta
keppni Prost. Keke Rosberg hætti
einnig á McLaren vegna bilunar.
Það er langt siðan Ferrari-bílarnir
hafa skilað sér í mark, en Svíinn
Stefan Johansson náði fjórða sæti
á Ferrari. Óvíst er hvort hann held-
ur sæti sínu hjá liðinu, Alain Prost
fer til Ferrari á næsta ári frá
McLaren og ítalinn Michele Alb-
oreto hefur skrifað undir nýjan
samning við liðið. Aðeins tveir öku-
menn komast þar að og því er
líklegt að Johanson verðl að færa
sig um set.
Fjórir ökumenn eiga enn mögu-
leika á heimsmeistaratitlinum,
þegar fimm keppnir eru eftir.
Mansell, Senna, Piquet og Prost
geta allir sigrað, en Williams-bílar
Mansell og Piquet hafa bestu vél-
arnar, sem koma frá Honda í
Japan. Þetta gæti gert útslagið auk
þess sem Williams-liðið er mjög
vel skipulagt. Þeir hafa þolað
pressuna sem fylgir því að vera á
toppnum og hafa sigrað fjórar
síðustu keppnir. Senna hefur verið
í tveimur síðustu keppnunum, náð
öðru sæti og á enn ágæta mögu-
leika á titlinum. Það virðist hins-
vegar allt vera í upplausn hjá
McLaren. Prost hættir í lok ársins
hjá liðinu, sömuleiðis Rosberg og
færasti tæknimaðurinn, John Barn-
ard, fer til Ferrari með Prost. Þetta
gæti haft slæm áhrif á liðið á loka-
sprettinum.
Morgunblaðið/Gunnlaugur Rögnvaldsson
• Hinn 33 ára gamli Brasilíumaður, Nelson Piquet, er nú kominn á
sigurbraut að nýju, hefur unnið tvær síðustu Formula 1 keppnirnar
á Willams Honda.
Úrslitin og
heildarstaðan
■o 1!
c - =5
Nigel Mansell « ^ C 2 'S. m tn - 6 .2 •o (0 c 'O 5 3 (C Belgia (O Kanada C 1 n -o c <0 CQ 2 (0 Frakkland (0 Bretland V-Þýskaland -L Ungverjaland (0 s E <3 55
Ayrton Senna 6 9 — 4 6 2 9 — — 6 6 48
Nelson Piquet 9 - 6 — — 4 — 4 6 9 9 47
Alain Prost - 4 9 9 1 6 4 6 4 1 — 44
Keke Rosberg - 3 2 6 — 3 — 3 - 2 — 19
Jaques Laffite 4 — — 1 2 — 6 1 — 14
René Arnoux 3 — — 2 — 1 — 2 3 3 — 14
Stefan Johanss. — 3 — 4 — — — __ 3 10
Keppnirnar sem eftir eru eru: Austurríki 17. ágúst, Ítalíu 7.
september, Portúgal ; Ástralíu 26. október. 21. september, Mexíkó 12. október,
Norska knattspyrnan:
Brann og Djerv
íhörkuformi
Frá Bjarna Jóhannssyni, fróttaritara Morgunblaðsins í Noregi.
ÍSLENDINGALIÐIN i 2. deild
norsku knattspyrnunnar eru f
hörkuformi eftir sumarfríið og um
helgina unnu þau bæði sina mót-
herja.
Á laugardaginn vann Djerv
1919, lið Aðalsteins Aðalsteins-
sonar, Vard 2:0. Bæði liðin eru í
Haugasundi og voru um 2.700
áhorfendur á leiknum, sem þykir
mikið. Djerv 1919 er nú í 3. sæti
í B-riðli 2. deildar með 16 stig, 5
stigum á eftir Brann, en á einn
leik til góöa.
Brann vann Nansos 1:0 í fyrra-
kvöld. 5.000 áhorfendur sáu góðan
leik, en vildu fá fleiri mörk. Yfir-
burðir Brann voru miklir og m.e
áttu ieikmenn liðsins 3 stangar-
skot í leiknum áður en knötturinn
hafnaði í stöng og inn á 89. mínútu.
Já, tæpara mátti það varla standa.
Norska Dagblaðið skýrir frá því
að Brann hafi alla burði til að fara
upp í 1. deild, hafi sterka einstakl-
inga, sem leiki vel saman og það
sé ekkert vafamál, að íslenski
landsliðsmarkvörðurinn, Bjarni
Sigurðsson, sé toppmarkvörður.
Brann er efst í riðlinum með 21
stig eftir 13 leiki, 8 sigra og 5 jafn-
tefli.
Lillestram heldur sigurgöngunni
áfram í 1. deild, vann Hamkam 3:2
á útivelli um helgina og er í 2.
sæti með 16 stig. Mjondalen er
efst með 17 stig, en liðiö vann
Váleringen 4:1.
Pétur Arnþórsson lék ekki með
Viking í 1:0 sigri gegn Tromsq, en
liðið virðist vera að rétta úr kútnum
og er nú í 3. neðsta sæti, en 2 lið
falla úr 1. deild.
Allt á sama stað: Hieinsiefm • Pappír • Vélar • Einnota vorur • Vinnufatnaóur • Raðgiöf • 0 fl o fi
K.E.W. HOBBY
Háþrýstihreinsitækið, nauðsynlegt hjálpartæki fyrir
nútímaheimili og smærri fyrirtæki
Með K.E.W. HOBBY ganga öll þrif fyrir sig á mettfma og erfið verk verða leikur
einn. Þú getur sand-vatnsblásið - t.d. gamla málningu og ryð, hreinsað klóök og
losað stíflur, þvegið bílinn, bátinn, rúðurnar, já sjálft húsið og girðingarnar
og hvað eina sem þarf að þrífa.
Þú getur blandað
hreinsiefnum í vatn'ið
með sérstökum innbyggðum jektor og þú getur ráðið bæði þrýstingi og dreifingu
vatnsins. Með K.E.W. getur þú gert hlutina betur, jafnframt því sem þú sparar
tíma og minnkar allt erfiði.
Nokkrar tækmlegar upplysingar:
Þyngd: 17.5 kg, straumnotkun: 9.1 A
orkunotkun: 2.0 kW,
þrýstmgur: 66 kg (bör)
REKSTRARVÓRUR
Pósthólf 4184, 124 Rsykjavlk
Símar: 31956 & 685554