Morgunblaðið - 28.08.1986, Blaðsíða 2

2
MORGUNBLAÐIÐ, FIMMTUDAGUR 28. ÁGÚST 1986
Sjóflutningar Bandaríkjahers:
Mörg skipafélög
mótmæltu nýju
reglugerðinni
Frá Jóni Ásgeiri Sigurðssyni fréttaritara Morgunbladsins í Bandaríkjunum.
BRÉFIN STREYMDU inn hjá varnarmálaráðuneyti Bandaríkjanna
í gær, þegar frestur rann út til að skila athugasemdum við fyrir-
hugaða reglugerðarbreytingu viðvíkjandi sjóflutnunga fyrir Banda-
ríkjaher. Mark Yonge, forstjóri Rainbow Navigation skipafélagsins
sagði við fréttaritara Morgunblaðið, að fyrirtækið og mörg skipafé-
lög hefðu sent ýtarleg mótmæli gegn þessari áformuðu reglugerðar-
breytingu.
Varnarmálaráðuneytið gaf reglu-
gerðidrögin út 29.júli síðastliðinn
og auglýsti eftir athugasemdum.
Reglugerðin útfærir fraktforgangs-
lögin frá 1904, en þau kveða á um
að vistir Bandaríkjahers skuli að
öllu jöfnu fluttar með skipum, sem
sigla undir bandarískum fána ,
„nema uppsett farmgjöld séu óhóf-
leg eða á annan hátt ósanngjörn."
Tilefni reglugerðardraganna var
dómur, sem gekk í máli Rainbow
Navigation, sem flytur vaming
Bandaríkjahers til Islands, gegn
bandaríska flotamálaráðuneytinu.
Dómurinn féll ráðuneytinu í hag.
Mark Yonge forstjóri sagði, að hann
teldi drög þessi færa geðþóttavald
í hendur ýmsum mönnum í flota-
málaráðuneytinu og að leiðbeining-
ar um mat á farmgjöldum væru
mjög óljósar. Hann kvaðst viss um
að þessi drög ættu eftir að breytast
mikið og ef ekki, þá væru margir
aðilar reiðubúnir að hefja málsókn
gegn ráðuneytinu. Mark Yonge
sagði, að í þetta skiptið væri um
hagsmuni vel flestra bandarískra
skipafélaga að tefla.
Talsmaður vamarmálaráðuneyt-
isins skýrði fréttaritara frá því, að
í gær hefðu hátt á annan tug aðilar
sent inn athugasemdir við títtnefnd
reglugerðardrög og vitað væri, af
fleiri bréfum í pósti. Hann kvað
þetta mjög viðkvæmt mál og nú
tæki við umfjöllun lögfræðideildar
ráðuneytisins. Síðan yrðu gerðar
þær breytingar sem þurfa þætti.
V estmannaeyjar:
Arnaldur Bjarnason
ráðinn bæiarstjóri
Vestmannaeyjum. U U
Á aukafundi í bæjarstjórn
Vestmannaeyja í gærkvöldi var
Arnaldur Bjarnason ráðinn
bæjarstjóri. Tólf sóttu um starf-
ið en tveir umsækjenda drógu
umsókn sína til baka.
Amaldur Bjamason hefur und-
anfarin sex ár starfað sem sveitar-
stjóri Skútustaðahrepps í
Mývatnssveit. Amaldur hlaut at-
kvæði bæjarfulltrúa meirihluta-
flokkanna, Alþýðuflokks, Alþýðu-
bandalags og Framsóknarflokks,
en fulltrúar Sjálfstæðisflokksins
sátu hjá. Hann mun hefla störf í
byijun október en fram til þess tíma
mun Páll Zophoníasson gegna
störfum bæjarstjóra.
Tólf umsóknir bárust um starfíð,
sem var auglýst í tvígang. Tveir
drógu síðar umsókn sína til baka.
Allir nema tveir umsækjenda ósk-
uðu nafnleyndar.
„Við erum ánægðir með að fá
Amald Bjamason til starfa hér í
Eyjum, þetta er reyndur maður og
við væntum góðs af störfum hans.
Hans og okkar bíða mörg og viða-
mikil verkefni," sagði Guðmundur
Þ.B. Olafsson, formaður bæjarráðs,
í samtali við fréttaritara. — hkj.
Fjórhjólið kemst yfir nánast hvað sem er. Morgunbiaaið/Þorkeii
Ný tryllitæki um allar sveitir:
Fjórhjól í stað
þarfasta þjónsíns
Yfir 100 tæki hafa verið seld á árinu
FRÁ ÞVÍ um siðustu áramót hefur verið á markaðnum hér
tryllitæki sem nefnist fjórhjól. Samtals hafa selst rúmlega 100
hjól á þessum tíma og mörg þeirra hafa farið til bænda. Bænd-
ur hafa margvisleg not af hjólinu við hverskyns snúninga, svo
sem við gegningar, smalamennsku og tófuskytterí, og kemur í
mörgum tilvikum í stað hestsins sem þarfasti þjónninn.
Samkvæmt upplýsingum Morg-
unblaðsins hafa tvö umboð selt
mest af fjórhjólum, Hjólbarða-
þjónustan á Akureyri, sem hefur
selt um 60 Polaris-hjól og Suz-
uki-umboðið i Reykjavík, sem
hefur selt 40-50 hjól. Þá er
Honda-umboðið einnig að hefja
sölu á fjórhjólum. Það kom fram
í samtölum við sölumenn umboð-
anna að mikil eftirspurn er eftir
þessum tækjum, ekki síst af
, bændum, sem nota þau við bú-
1 skapinn, en einnig af mönnum
sem eingöngu nota þau til
skemmtiferða.
Fjórhjólin eru með belgmiklum
hjólbörðum og komast því tölu-
vert í torfærum og snjó. Hægt
er að fara á þeim yfir grunn vötn.
Ýmsar gerðir eru til af þessum
tækjum, þau er til dæmis bæði
hægt að fá með drifi á öllum hjól-
um og aðeins með drifi á aftur-
hjólunum. Fjórhjól af Polaris-gerð
með drifi á tveimur hjólum kostar
143 þúsund krónur. Suzuki býður
svipuð hjól á 150-160 þúsund
krónur, en selur þó mest af hjólum
með drifí á öllum hjólum sem
kosta nú 219 þúsund krónur.
Hondan er með drifi á öllum hjól-
um og kostar 240 þúsund krónur.
Fjórhjólin virðast koma mikið í
staðinn fyrir torfæruþríhjól sem
hér hafa verið á markaðnum und-
anfarin ár svo og vélsleða. Þau
eru stöðugri en þríhjólin og hafa
það fram yfir vélsleðana að vera
nothæf allan ársins hring. Meðal
notkunarmöguleika fyrir bændur
sem sölumennimir gátu um má
nefna allskyns snatt og snúninga,
gegningar, girðingavinnu, grenja-
vinnslu, hreindýraveiðar, smala-
mennsku og kúarekstur. „Þau
koma í mörgum tilvikum í staðinn
fyrir þarfasta þjóninn, en stijúka
þó ekki frá manni," sagði einn
sölumaðurínn.

Frystihúsi Granda lokað í 3 vikur vegna sumarleyfa:
Full afköst í allt sumar
Áður hafa afköst farið niður 130% yfir helsta sumarleyfistímann
Amaldur Bjamason
„MEÐ ÞESSU móti hefur okkur
tekist að halda uppi fullum af-
köstum í allt sumar en á
undanföraum árum hafa afköst
yfir helsta sumarleyfistimann
farið niður f 30%,“ sagði Bryiy-
ólfur Bjaraason, framkvæmda-
stjóri útgerðar- og fiskvinnslu-
fyrirtækisins Granda hf., um
tilraun sem fyrirtækið gerði í
sumar til að loka fiskvinnslunni
alveg um þriggja vikna skeið á
meðan starfsfólk fór í sumar-
leyfi.
V estfjarðakjördæmi:
Prófkjör sjálfstæðis-
manna 11. og 12. október
PRÓFKJÖR Sjálfstæðisflokksins
í Vestfjarðakjördæmi til þess að
velja frambjóðendur á framboðs-
lista flokksins við næstu alþingis-
kosningar fer fram dagana 11.
og 12. október næstkomandi.
Framboðsfrestur rennur út laug-
ardaginn 13. september kl. 12.00 á
hádegi. Framboðum á að skila til
formanns kjördæmisráðs Sjálfstæð-
isflokksins í Vestfjarðakjördæmi,
skrifstofu kjördæmisráðsins í Hafn-
arstræti 12, 400 ísafirði, en skrif-
stofan verður opin síðustu dagana
fyrir skilafrest og verður það nánar
auglýst síðar.
Kosið verður í flögur efstu sæti
listans.
Rétt til þátttöku hafa allir flokks-
bundnir sjálfstæðismenn sem búsett-
ir eru í kjördæminu svo og þeir sem
undirritað hafa stuðningsyfirlýsingu
við Sjálfstæðisflokkinn eigi síðar en
samhliða kosningunni.
Eins og fyrr getur fer prófkjörið
fram dagana 11. og 12. október
næstkomandi, en utanlqörstaða-
kosning hefst væntanlega 3 vikum
fyrir prófkjörið og verður hún m.a.
á Akureyri og í Reykjavík.
Nánari upplýsingar um próflqörið
má fá hjá Engilbert Ingvarssyni.
(Fréttatilkynning)
„Það hefur oft verið erfitt að
halda uppi rekstri yfir sumarið og
vegna sumarlejrfa, sem hafa teygst
yfir allt sumarið, hefur ekki verið
unnið nægilega mikið við arðsöm-
ustu framleiðsluna," sagði Brynj-
ólfur. „Nú tilkynntum við í mars
síðastliðnum að við myndum loka
frá 5. til 25. ágúst og báðum fólk
að taka sín sumarleyfí á þeim tíma.
Reynslan varð sú að yfírgnæfandi
meirihluti starfsfólksins var við
vinnu í allt sumar, að undanskild-
um þessum þremur vikum. Tvær
síðustu vikumar í júlí var til dæm-
is um 85% mannaflans við vinnu
og nú eru á milli 75 og 80% kom-
in til vinnu á ný - skólafólkið að
stórum hluta líka. Við gemm ráð
fyrir að við verðum búnir að ná
fullum afköstum á ný í næstu
viku."
Hjá Granda hf. vinna alis um
520 manns. Meðan á sumarleyfum
stóð voru þrír togarar af sjö í slipp,
hinir íjórir stunduðu veiðar og
seldu afla sinn í Bretlandi og
Þýskalandi. Á togurunum eru alls
115 manns. Auk þeirra voru liðlega
20 iðnaðarmenn að störfum við
viðgerðir og viðhald í fiskvinnslu-
sölum meðan fiskvinnslufólkið var
í sumarleyfi.
Steingrímur til
Grænhöf ðaeyja
Forsætisráðherra Grænhöfða-
eyja, Pedro Verona Rodrigues
Pires hershöfðingi, bauð
Steingrími Hermannssyni í opin-
bera heimsókn tíl eyjanna fyrr á
þessu ári. Boðið hefur verið þeg-
ið og dvelst Steingrímur á
Grænhöfðaeyjum frá 16.—20.
september næstkomandi.
Sem kunnugt er hefur Þróunar-
samvinnustofnun undanfarin 5 ár
aðstoðað íbúa Grænhöfðaeyja við að
þróa rannsóknir, fiskveiðar og
vinnslu.
Til Grænhöfðaeyja (Cabo Verde)
eru 5.240 km í beinni sjólínu frá
fslandi. Þær eru lítill eyjaklasi undan
vesturströnd Afríku, um 800 km frá
Senegal. íbúamir, rúmlega 296.000
talsins, eru dreifðir um níu eyjar,
þar sem byggilegt land er samtals
ekki nema 4.000 ferkílómetrar.