Morgunblaðið - 28.08.1986, Side 4

MORGUNBLÁÐIÐ, FIMMTUDAGUR 28. ÁGÚST 1986
Mikill smáþorskur í f iskaf la:
Sjöveiði-
svæði lokuð
Þriggja ára árgangur talinn mjög sterkur
MIKILL smáþorskur hefur verið í fiskafla að undanförnu og hefur
sjö veiðisvæðum nú verið lokað af þeim sökum. Eru það tvö drag-
nótasvæði fyrir Vestfjörðum og- fimm svæði fyrir norðan og austan
land sem eru lokuð fyrir togveiðum. Hér er um að ræða svokallaðar
skyndilokanir, sem standa yfir í viku hver. Eru þetta óvenju margar
skyndilokanir í einu, en alls hafa orðið 49 lokanir á þessu ári sem
er með meira móti. Þriggja ára árgangur af þorski er mjög áberandi
í aflanum og að mati fiskifræðinga er það staðfesting á að sá árgang-
ur sé mjög sterkur.
Að sögn Ölafs Karvels Pálsson-
ar, fiskifræðings, stafa fyrrgreindar
lokanir af því að smáþorskur, eink-
um þriggja ára árgangur, hefur
verið mjög áberandi í aflanurv, en
viðmiðunin er sú að ef meira en
20% af fiski er undir 55 sm er við-
komandi svæði lokað. Ólafur Karvel
sagði að þetta mikla magn af
þriggja ára árgangi væri staðfest-
ing á niðurstöðum rannsókna fiski-
fræðinga frá því í vor, að þessi
árgangur væri mjög sterkur.
Aðspurður sagði Ólafur Karvel
að ekki lægi neitt fyrir um hvaða
áhrif þetta hefði á þorskkvóta á
næsta ári, enda margt annað en
stærð þessa þriggja ára árgangs,
sem hefði áhrif á ákvörðun þar að
lútandi. Ólafur Karvel sagði að
minna væri vitað um stærð yngri
árganga, en þó talið að þeir væru
í meðallagi.
Útvarpsmálið:
Verjandi krafðist
sýknunar að fullu
VERJANDI tíumenninganna,
sem ákærðir eru í útvarpsmálinu,
Páll Arnór Pálsson, krafðist i
málflutningi i Sakadómi
Reykjavíkur að skjólstæðingar
hans yrðu sýknaðir að fullu.
Eins og kom fram í Morgun-
blaðinu í gær krafðist Jónatan
Sveinsson, saksóknari, þess að tíu-
Norræna húsið:
Dagskrá um
lífríki
í TENGSLUM við ráðstefnuna um
lífríki Þingvallavatns verður flutt
dagskrá í Norræna húsinu fyrir al-
menning fimmtuaginn 28. ágúst kl.
20.30, þar sem lífríki Þingvallavatns
og Mývatns verða gerð skil með
sérstakri áherslu á silung og fuglalíf.
Pétur Jónasson flytur inngangs-
orð, en síðan fjallar Karl Gunnarsson
líffræðingur um tilhugalíf og hrygn-
ingaratferli silungsins og sýnir
litskyggnur og stutta kvikmynd með
erindi sínu. Að loknu kaffihléi verða
sýndar tvær kvikmyndir.
menningamir yrðu sakfelldir og
þeim refsað samkvæmt 176. grein
almennra hegningarlaga, þar sem
m.a. segir að ef maður veldur með
ólögmætum verknaði verulegri
truflun á opinberum póst-, síma-,
eða útvarpsrekstri, þá varði það
varðhaldi eða fangelsi allt að þrem-
ur árum, eða sektum.
Páll Amór Pálsson lagði á það
áherslu i málflutningi sínum að
þessu ákvæði hefði aldrei verið beitt
í svipuðum málum. Það hafí verið
tekið fram í greinargerð með fmm-
varpi til laga þessara á sínum tíma
að ákvæðið næði til ólögmætra
verkfalla, en það eigi ekki við í
þessu máli. Tíumenningamir hafí
lagt niður vinnu í fullum rétti, þar
eð þeim hafí ekki verið greidd laun
með lögboðnum hætti.
Páll gagnrýndi meðferð máls
þessa, t.d. að ákæra hafi birst í
dagblöðum áður en tíumenningun-
um hafí borist hún. Þá sagði Páll
að menntamálaráðuneytið hafi lagt
blessun sína yfir ákæmna, en hafí
ekki gefið rökstudda umsögn, eins
og því er skylt. Krafðist Páll þess
að lokum að tíumenningamir yrðu
sýknaðir að fullu.
Heimilið ’86:
Gullpeningnr fyrir
bestu uppfinningnna
SÝNINGIN Heimilið 86 opnar
í Laugardaghöll í dag, fimmtu-
dag, klukkan 18:00. Að þessu
sinni munu 138 aðilar sýna í
76 sýningardeildum. Fjöllista-
flokkur mun sýna iistir sínar
og fyrirtæki bjóða gestum upp
á ýmis sértilboð. A sýningunni
er að auki sérsýning „Hugvit
’86“ þar sem íslenskir hugvits-
menn sýna uppfinningar sínar.
Á myndinni má sjá Þorleif Þór
Jónsson, framkvæmdastjóra
Hugvits ’86, með gullpening
þann sem Hugverkastofnun
Sameinuðu þjóðanna veitir
þeim íslenska hugvitsmanni
sem, að mati sérstakrar dóm-
nefndar, á bestu hugmyndina á
sýningunni.
Afmælið:
Kostnaður
nálægt
áætlun
— segir Davíð Oddsson
„ÉG HELD það sé alveg ljóst
að kostnaður vegna 200 ára
afmælis borgarinnar verður
mjög nálægt þeim áætlunum
sem gerðar voru og menn al-
mennt samþykktu,” sagði
Davíð Oddsson borgarstjóri
en á borgarráðsfundi sl.
þriðjudag var lögð fram fyrir-
spurn, sem verður svarað
síðar, varðandi kostnað við
afmælið.
Samþykkt var að veita um 20
milljónum króna úr borgarsjóði
vegna afmælisins og tæknistofnanir
borgarinnar og Landsvirkjun leggja
til 20 milljónir í tæknisýninguna í
Borgarleikhúsinu. Innifalinn í þeirri
upphæð er kostnaður vegna
fræðslumynda sem sýndar eru í
sjónvarpinu um stofnanir borgar-
innar en eftir er að draga frá
aðgangseyri að sýningunni.
„Þetta er sama liðið, sem er
óánægt yfir að allt gengur vel og
er að reyna að fínna eitthvað að,“
sagði Davíð. „Afmælisárið er ekki
einu sinni liðið en afmælishaldið
verður allt gert upp þegar því er
lokið. Það er bara þetta fólk sem
getur ekki á heilu sér tekið ef ekki
er allt í böli.“
Borgarráð:
Minnihlutinn vansæll yf-
ir vel heppnuðu afmæli
— segir Davíð Oddsson, borgarstjóri
„MÉR finnst þetta vera ósköp kjánaleg bókun sem ekki á heima
í borgarráði,” sagði Davíð Oddsson borgarstjóri en minnihluta-
flokkarnir létu bóka sameiginlega fyrirspurn á fundi borgarráðs
sl. þriðjudag, vegna kvikmyndarinnar Reykjavík — Reykjavík,
eftir Hrafn Gunnlaugsson.
borgarstjómar kunnugt um að
Sjálfstæðisflokkurinn hafí á sama
tíma látið vinna fyrir sig heimildar-
mynd og er hugsanlegt að myndir
hafi víxlast. Ef ekki, er þá ekki
ástæða til að láta gera heimildar-
mynd um líf fólksins í borginni?"
„I öðru lagi hef ég það á tilfinn-
ingunni að þetta fólk sé að einhveiju
leyti vansælt yfír því að afmælis-
haldið hefur allt tekist framar
vonum og það brýst svona út. Það
er ekkert við því að segja, það er
viss hópur manna sem aldrei getur
sætt sig við að hlutir gangi þokka-
lega,“ sagði Davíð.
í fyrirspum minnihlutaflokkanna
um kvikmyndina Reykjavík —
Reykjavík, segir: „Reykjavíkurborg
hefur á undanförnum ámm lagt
fram 10 milljónir króna til gerðar
heimildarmyndar um líf fólks í
borginni. Nú nýverið var fmmsýnd
mynd undir nafninu Reykjavík —
Reykjavík og látið að því liggja að
hér væri á ferðinni fyrrnefnd heim-
ildarmynd. Sá herfilegi gmnur
hefur hinsvegar læðst að okkur, að
einhver mistök hafí átt sér stað og
að ekki hafí verið fmmsýnd rétt
mynd. Því er spurt, er meirihluta
„Veríð þið sýnilegir“
— segir Helgi Pétursson, blaðafulltrúi
SÍS, í áminningartón við alþingismenn
Framsóknarflokksins í grein í Sýn
„VERIÐ þið sýnilegir,” skorar
Helgi Pétursson, blaðafulltrúi
Sambands íslenskra samvinnu-
félaga og fyrrum ritsljóri NT
og Tímans, á alþingismenn
Framsóknarflokksins í grein í
ágústhefti Sýnar, þjóðmálarits
Sambands ungra framsóknar-
manna. I greininni leitar Helgi
skýringa á því hvers vegna
Framsóknarflokkurinn á undir
högg að sækja — hvers vegna
„andstæðingum flokksins hefur
tekist að snúa einu mesta fram-
faratímabili í sögu þjóðarinnar
upp í andhverfu sína og kalla
það Framsóknaráratuginn,
með neikvæðum formerkjum”.
Skýring Helga er: Forystu-
menn flokksins, með Steingrím
Hermannsson forsætisráð-
herra í broddi fylkingar, eru
latir við að skýra mál sín og
skoðanir á opinberum vett-
vangi.
Helgi spyr: „Hvaða ávinning
hefur framsóknar- og samvinnu-
stefna haft af setu helstu ráða-
manna flokksins í embættum
ráðherra?“ Og svarar síðar: „Mér
er til efs, að Steingrímur Her-
mannsson hafi nýtt sér stöðu
forsætisráðherra nægilega vel,
stefnu flokksins til framdráttar."
Og nokkru síðar: “Ég er svo sem
viss um að Steingrímur vinnur
heill að þessu, en því miður hafa
andstæðingar okkar notfært sér
þá einlægni sem ríkir í fari hans.“
Og síðar: „Nokkrir blaðamanna-
fundir hafa verið haldnir, en þá
alltaf af einhveiju sérstöku tilefni
og alltaf er einhver ráðherra sjálf-
stæðismanna viðstaddur. Oftast
Þorsteinn.”
Helgi segist sakna þess að sjá
forystumenn flokksins svara
brennandi þjóðmálaspumingum
og „auglýsir" eftir skoðun þeirra
á nokkrum þeirra. Meðal annars:
Hvaða skoðun hefur formaður
framsóknarflokksins á hugmynd-
um um samruna flokka á vinstri
kantinum? Hver er afstaða for-
mannsins til Bandaríkjanna í ljósi
Rainbow- og hvalamálsins? Og
hvaða skýringu hefur Steingrímur
á minnkandi fylgi flokksins á höf-
uðborgarsvæðinu?
í niðurlagi greinar sinnar segir
Helgi:
„Nú má Steingrímur ekki halda
að hann sé að verða eftirbátur
einhverra stórkostlegra ritsnill-
inga úr röðum þingmanna og
ráðherra framsóknarflokksins.
Öllu, sem hér hefur verið beint
til Steingríms, mætti eins beina
til flestra þingmanna og ráðherra
flokksins. Hér er tekið ofan fyrir
mönnum eins og Jóni Kristjáns-
syni, Haraldi Olafssyni og Páli
Péturssyni, sem þó reyna að klóra
í bakkann og skrifa greinar af og
til. Hinir geta allir tekið efni grein-
arinnar til sín.
Hvenær hafa menn séð grein
eða heyrt erindi eftir Davíð Aðal-
steinsson? Hafa menn lesið ítar-
legar útskýringar um landbúnað-
armál eftir Jón Helgason? Þar er
hart sótt að mönnum, en fátt til
andsvara. Stefán Guðmundsson
hefur án efa frá miklu að segja
og er ekki skoðanalaus — langt í
frá. Vinsælasti stjómmálamaður-
inn í dag á íslandi og þótt víðar
væri leitað,.Halldór Ásgrímsson —
það sakaði nú ekki greinarstúfur
um hvalamál — um framtíðarskip-
an sjávarútvegs, skipan fiskeldis-
mála o.s.frv."
„Verið þið sýnilegir," ákallar
Helgi framsóknarmenn í lokin.
Skeiðarár-
hlaupið fer
hægt af stað
LÍTIL breyting hafði orðið á
vatnsmagni í Skeiðará í gær-
kvöld frá deginum áður að
undanskildu því, að vatnið
var orðið dökkt, eins og þeg-
ar hlaup er í ánni. Undan-
farna tíu daga eða svo hefur
jökulfýla borist frá Skeiðará
og er nú talið víst, að hlaup
sé I aðsigi.
„Þetta fer hægt af stað og því
þykir mér líklegt að hlaupið verði
rólegt," sagði Ragnar Stefánsson,
bóndi í Hæðum í Skaftafelli í Ör-
æfasveit, þegar blm. Morgunblaðs-
ins ræddi við hann í gærkvöld.
„Mér sýnist að vatnið í ánni sé nú
eins og á sumardegi og vöxtur í
henni hefur verið hægur undan-
farinn sólarhring. Það hefur verið
að dökkna í henni undanfarna daga
og í dag var það sýnu dekkst."
Skeiðará hljóp síðast úr
Grímsvötnum um jólaleytið 1983.
Það þótti lítið hlaup og var lengi
að síga af stað. Stærsta hlaup
síðustu áratuga varð 1954 en
stærstu hlaup, sem Ragnar Stef-
ánsson minnist, urðu 1934 og
1938. „í síðara hlaupinu var sam-
fellt vatn héðan úr brekkunni í
Skaftafelli og fimm kílómetra vest-
ur á sandinn," sagði hann í
gærkvöld. „Síðan þá hafa hlaupin
verið minni og tíðari og vatnið að
mestu verið í farvegi Skeiðarár.“