Morgunblaðið - 28.08.1986, Blaðsíða 17
MORGUNBLAÐIÐ, FIMMTUDAGUR 28. ÁGÚST 1986
Meistaramót Þýskalands í Falkenhorst:
V erðlaunagripirn-
ir koma af himn-
um ofan í mótslok
Á MORGUN, föstudag, hefst meistaramót Þýskalands í hestaíþróttum
en það er sem kunnugt er haldið á Falkenhorst hjá Herbert Ólasyni
sem rekur þar alhliða hestamiðstöð. Þegar rætt var við Herbert var
alit í fullum gangi við undirbúning mótsins og sagði hann að um
fjörutíu manns væru þarna að störfum síðustu dagana fyrir mótið.
Alls munu níu Islendingar taka
þátt í keppni og sýningum mótsins
og má þar nefna, auk Herberts, þá
Aðalstein Aðalsteinsson, Jón Stein-
björnsson, Þórð Jónsson, Sigvalda
Ægisson og Sigurbjöm Bárðarson
sem nú fyrir skömmu fór út með
nokkra kunna keppnishesta. Má þar
nefna þá Gorm frá Hjálmsstöðum
sem var meðal tíu efstu A-flokks-
gæðinga á landsmótinu, Litla-Jarp,
sem sigraði í skeiði á sama móti,
og Gára frá Bæ en Sigurbjöm hef-
ur þrisvar orðið íslandsmeistari í
fjórgangi á honum. Auk keppni í
hinum hefðbundnu íþróttagreinum
verður kynbótasýning í tengslum
við mótið og mun Þorkeil Bjamason
verða yfirdómari.
Sagði Herbert að þeir Islending-
ar, sem þama yrðu í eldlínunni,
legðu mikla áherslu á að ná góðum
árangri með íslensk fædd kynbóta-
hross á sýningunni því slíkt hefði
mikið auglýsingagildi fyrir ræktun-
ina á íslandi. Sagði hann að þeir á
Falkenhost-væru með nokkrar af-
burðagóðar hryssur sem þeir teldu
að geti náð langt. Einnig eru þeir
með stóðhestinn Cirkus frá Húsavík
sem hann sagði í feikna góðu formi.
Herbert fullyrti að þetta mót
væri það sterkasta, sem haldið hafi
verið í þýskalandi fram til þessa,
og nefndi hann sérstaklega skeiðið
í því sambandi. Sagði hann að aldr-
ei hefðu jafnmargir góðir vekringar
verið samankomnir á einum stað á
meginlandinu. Skeiðbrautin í Falk-
enhorst hefur verið talin sú besta
í Þýskalandi og taldi Herbert að
búast mætti við góðum árangri en
keppt verður í 150 og 250 metra
skeiði. Þá má geta þess að í skeið-
keppninni verða notaðir rásbásar
sem Walter Schmitz, kunnur keppn-
ismaður í Þýskalandi, lét smíða fyrir
sig hjá Blikk og stál þegar hann
var hér á landi fyrr í sumar.
Meðal keppenda verða allir sterk-
ustu keppnismenn Þýskalands eins
og geta má nærri og verða þeir
ýmist með reynda og þekkta hesta
eða lítt þekkt Ieynivopn. Til staðar
eru tveir 200 metra vellir sem má
breyta í einn 400 metra völl og
verður hann notaður sem slíkur
þegar kynbótahrossin verða sýnd.
Nú mun búið að leggja parket á
reiðhöllina, sem er 800 fermetrar,
og verður þar veitingasala auk þess
sem menn geta fylgst með því sem
gerist á mótinu á stórum sjónvarps-
skjá sem er 3 metrar í þvermál.
Þá hefur þýska sjónvarpið boðað
komu sína en Herbert sagði það
ekki ljóst hvort unnt yrði að sjón-
varpa beint eins og til stóð. í
Morgunblaðið/Valdimar Kristinsson
Sigurbjöm Bárðarson fór með nokkra kunna keppnishesta til Þýska-
lands fyrir skömmu og meðal þeirra er Gári frá Bæ sem hann kemur
til með að keppa á.
tengslum við mótið verður íslands-
kynning en hún hófst í gær. Sjálft
mótið hefst svo á föstudagsmorgun
með dómum kynbótahrossa og
verður ekki annað á dagskrá þann
daginn. Á laugardag klukkan 8
hefst svo forkeppni í tölti, fjórgangi
og fimmgangi auk þess sem keppt
verður í gæðingaskeiði. Á sunnudag
fyrir hádegi verður keppt í kapp-
reeiðaskeiðinu og frjálsri hlýðni-
keppni og eftir hádegið fara fram
úrslit í öllum greinum fullorðinna
og unglinga. Mótinu lýkur seinni-
partinn á sunnudag og sagði
Herbert að ekki hefði tekist að fá
Hófí til að afhenda verðlaunin en
þess í stað munu fallhlífarstökkvar-
ar svífa af himnum ofan með helstu
verðlaunagripina.
Þá sagðist Herbert búast við
miklum fjölda íslendinga sem ýmist
byggju þar ytra eða væru á ferð
þarna á þessum tíma. Einnig gat
hann þess að íslenskir kokkar
myndu sjá um matreiðsluna og
væru þeir kunnir meðal hestamanna
á Islandi en þeir eru Gunnar í Foss-
nesti á Selfossi og Sigvaldi Ægisson
sem einnig mun sýna hross á kyn-
bótasýningunni. Jón Ingi Baldurs-
son mun taka að sér starf yfírþjóns.
Vandað blað hefur verið gefið út
í stærðinni A4 og er það jafnframt
mótsskrá.
Athugasemd
vegna umfjöll-
unar um Is-
landsmótið í
hestaíþróttum
Ragnar Tómasson hafði sam-
band við umsjónarmann
„Hesta“ vegna umfjöllunar
undirritaðs um Islandsmót í
hestaíþróttum en þar var þess
getið að dómarar hefðu mætt
illa á laugardeginum og hefði
það bitnað á unglingunum þar
sem þeir voru látnir bíða þar
til dómararnir mættu.
Ragnar sem var yfirdómari
mótsins sagði ástæðuna fyrir
þessum forföllum dómara vera þá
að á síðustu stundu hafi móts-
stjómin ákveðið að hefja dagskrá
laugardagsins klukkustund fyrr
en upphaflega hafði verið gert ráð
fyrir og hafi hann frétt þetta nán-
ast fyrir tilviljun. Þá hafi ekki
náðst í alla dómara mótsins og
þeir því ekki mætt fyrr en klukk-
an tíu í góðri trú að þá myndi
mótið hefjast eins og þeim hafði
verið tilkynnt.
Um þetta var ekki getið á sjálfu
mótinu en foreldrar nokkurra
bama sem vom þátttakendur
tjáðu undirrituðum þetta þegar
verðlaun vom afhent í mótslok
og var þá einn af forráðamönnum
mótsins viðstaddur en gerði hins-
vegar enga athugasemd við þetta.
Þá má geta þess að merking
áðurnefndrar greinar féll niður en
hún átti að vera merkt undirrituð-
um.
Valdimar Kristinsson
VIÐ KYNNUM
NÝJA BLÁA BORÐANN
Annað eins smjörlíki hefur þú
aldrei bragðað. Stórkostlegt til
steikingar - bragðgott á brauðið.
Við hlökkum til ao heyra þitt álit.
Esmjörlíki hf.