Morgunblaðið - 03.03.1987, Qupperneq 30

30
MORGUNBLAÐIÐ, ÞRIÐJUDAGUR 3. MARZ 1987
Sjúkrahús Keflavíkur og
Heilsugæsla Suðurnesja:
Karl Guðmunds-
son ráðinn
sem fram-
kvæmdastjóri
Keflavík.
KARL Guðmundsson viðskipta-
fræðingur hefur verið ráðinn
framkvæmdastjóri við Sjúkrahús
Keflavíkur og Heilsugæslustöð
Suðurnesja. Gengið var frá ráðn-
ingu Karls laugardaginn 28.
febrúar og sagði hann í samtali
við Morgunblaðið eftir að gengið
var frá ráðningunni að hann
myndi hefja störf strax eftir
helgi.
Karl Guðmundsson er frá Skaga-
strönd og er hann kvæntur Svein-
björgu Hallgrímsdóttur frá
Reykjavík og eiga þau tvö böm.
Karl starfaði sem fjármálastjóri hjá
Hótel Ork í Hveragerði, en áður
hafði hann verið sveitarstjóri þar í
bæ. Auk þess hefur hann verið
bæjarritari á Dalvík.
Umsækjendur um stöðuna voru
12 og mælti hæfnisnefnd sem fékk
umsóknimar til umsagnar og heyr-
ir undir heilbrigðisráðuneytið með
Karli í stöðuna.
- BB
Guðmundur Jónsson
85 ára afmæli
í GÆR, 2. mars, varð 85 ára
Guðmundur Jónsson fyrruin
skólastjóri Búnaðarskólans á
Hvanneyri, Álfheimum 44 hér í
bæ.
Guðmundur er þjóðkunnur mað-
ur af störfum sínum á Hvanneyri
og á síðari árum sem afkastamikill
höfundur á sviði búnaðarfræða.
Hann er erlendis um þessar mund-
ir; í Danmörku og þar er heimilis-
fang hans Nordisk landboskole ved
Odense.
Hótel Selfoss:
Lækkað verð fyrir
ellilífeyrisþega
HÓTEL Selfoss býður ellilífeyr-
isþegum gistingu á stórlækkuðu
verði á tímabilinu 1. mars til 15.
maí eða kr. 1000 fyrir tveggja
manna herbergi og kr. 750 fyrir
eins manns herbergi.
Hótel Selfoss er nýtt hótel við
Ölfusárbrú á Selfossi. I hótelinu em
20 tveggja manna herbergi öll með
sturtu, svölum og fallegu útsýni.
Herbergin eru á 3. hæð í hótelinu
og að sjálfsögðu er lyfta. Á sömu
hæð er þægileg sjónvarpssetustofa
og á jarðhæð er veitingasalur, hár-
greiðslustofa, snyrtistofa og snyrti-
vöruverslun. Aðeins steinsnar frá
hótelinu er sundlaug með heitum
pottum, nuddpottum og aðstöðu til
líkamsræktar.
Það er von forráðamanna hótels-
ins að ellilífeyrisþegar noti þetta
tækifæri sér til hressingar og
heilsubótar.
Þess má geta að sérleyfísbílar
Seifoss hafa sínar bækistöðvar í
hótelinu.
(Fréttatilkynning)
TRYGGVAGATA TILLAGA
Tillögur að hverfisskipu-
lagi í Gamla vesturbænum
ÍBÚASAMTÖK Vesturbæjar
héldu fund í Hlaðvarpanum að
Vesturgötu 3 fimmtudaginn 19.
febrúar sl. Á fundinum voru
kynntar tillögur Guðrúnar
Jónsdóttur arkitekts og deili-
skipulagi fyrir Naust-reitinn.
Tillögugerð um hverfísskipulag
er ekki lokið en hún er langt á
veg kominn og gafst íbúum svæð-
isins kostur á því á fundinum að
koma fyrirspumum og ábending-
um á framfæri. Forstöðumaður
borgarskipulags og borgarminja-
vörður vörpuðu auk höfunda
tillagnanna ljósi á þau framtíðará-
form sem um er að ræða og
hvemig staðið er að heimildasöfn-
un og tillögugerð um menningar-
og söguleg verðmæti.
Margir tóku til máls á fundin-
um og létu m.a. í ljósi áhuga á
þeim hugmyndum höfunda að
fjölga litlum útivistarsvæðum og
íþróttasvæðum barna og ungl-
inga, efla möguleika á félags- og
tómstundastarfi innan hverfisins
og vernda hús og götumyndir sem
gæfu heillega mynd af fyrstu
árum byggðarinnar.
Á fundinum var eftirfarandi
ályktunartillaga stjómar íbúa-
samtaka Vesturbæjar samþykkt
samhljóða:
„Fundur Ibúasamtaka Vestur-
bæjar í Hlaðvarpanum hinn 19.
febrúar 1987 fagnar þeim vilja
borgaryfírvalda að láta vinna fyr-
ir gamla Vesturbæinn vandaða
tillögur að hverfísskipulagi og
deiliskipulagi.
Fundurinn lýsir ánægju sinni
með það starf sem þegar hefur
verið af hendi leyst og að höfð
eru samráð við íbúa hverfísins um
tillögugerð.
Þá leggur fundur Ibúasamtaka
Vesturbæjar áherslu á mikilvægi
þess að ljúka því sem óunnið er
af tillögugerð um gamla Vest-
urbæinn þannig að íbúar og
borgaryfírvöld geti tekið höndum
saman um að skapa hverfi sem
sameinar kosti nútíma lífshátta
og virðir menningar- og söguleg
verðmæti."
Snorri Örn Snorrasson, Camilla Söderberg og Ólöf Sesselja
Óskarsdóttir.
Sjöttu Háskóla-
tónleikarnir
SJÖTTU Háskólatónleikarnir á misserinu verða miðvikudaginn
4. mars í Norræna húsinu og hefjast kl. 12.30.
Á tónleikunum leika Camilla Söderberg á blokkflauta, Snorri Örn
Snorrason á lútu og theorba og Ólöf Sesselja Óskarsdóttir á viola da
gamba. Þau leika franska barrokktónlist og standa tónleikarnir í u.þ.
b. hálftíma.
10. listmunauppboð Gallerí Borgar:
Olíumálverk eftir
Kjarval slegið á
170 þúsund krónur
STÓRT olíumálverk eftir Jó-
hannes S. Kjarval, „Landslag",
var slegið á 170 þúsund krónur
á 10. listmunauppboði Gallerí
Borgar, sem haldið var á Hótel
Borg sl. sunnudag. Lítið olíumál-
verk eftir hann, andlitsmynd, úr
olíu á striga, var slegið á 66 þús-
und krónur. Þá var vatnslita-
mynd, máluð af Ásgrími Jónssyni
á fimmta áratugnum, slegin á
105 þúsund kr. Ofan á það verð
sem verkin eru slegin á leggst
söluskattur eða um 25%. Olíumál-
verk eftir Jóhann Briem, „Frá
Afríku", sem tilgreint var á upp-
boðsskrá, var dregið til baka
rétt áður en uppboðið hófst.
Samtals voru 70 verk á upp-
boðinu. Sú nýbreytni hefur verið
tekin upp á listmunauppboðum, að
við mörg verkanna eru tilgreind
lágmarksboð. Á uppboðinu á sunnu-
dag fór svo ellefu sinnum, að engin
tilboð komu í lágmarksupphæðim-
ar, þannig að uppboðshaldari dró
verkin til baka. Lægsta upphæð
sem verk var slegið á var kr. 1.000,
án söluskatts, það hæsta kr. 170
þúsund fyrir Kjarvalsmálverkið,
sem að framan er getið.
Af öðrum verkum má nefna, að
trérista eftir Gunnlaug Scheving
var slegin á lágmarksboði eða kr.
10 þúsund. Þá fór olíumálverk eftir
Jón Engilberts, „Kona“ á lágmarks-
boði kr. 60 þúsund. Vatnslitamynd
eftir Brynjólf Þórðarson frá árinu
1935 fór á 70 þúsund krónur, lág-
marksboð í hana var tilgreint kr.
20 þúsund.
Morgunblaðið/Ölafur K. Magnússon.
Uppboðshaldarinn Haraldur Blöndal tekur á móti tilboðum í and-
litsmynd Kjarvals, en hún var slegin hæstbjóðanda á kr. 66 þúsund,
en þá á eftir að bæta söluskatti við. Myndin er ómerkt, en hand-
bragð meistarans leynir sér ekki.