Morgunblaðið - 14.03.1987, Blaðsíða 16

16
MORGUNBLAÐIÐ, LAUGARDAGUR 14. MARZ 1987
Steingrímur Hermannsson á fundi í Stapa:
Verðum að tryggja þann árangur Hermannsson, forsætis-
/ ^ i | /t p i 0 *■ framsóknarmanna í
sem naðst hefur 1 efnahagsmalum sám“-
Morgunblaðið/Ragnar Axelsson
„EINN merkasti árangnr þessar-
ar ríkisstjórnar er að hafa notað
góðærið til hjöðnunar verðbólgu,
til þess að draga úr erlendum
skuldum og hækka lægstu laun-
in“, sagði Steingrímur Her-
mannsson, forsætisráðherra og
formaður Framsóknarflokksins
á fundi með framsóknarmönnum
í Stapa í Njarðvík sl. miðviku-
dagskvöld. Þetta var annar
fundurinn í fundarherferð um
allt landið, sem Steingrímur er
nú í ásamt Halldóri Ásgrímssyni,
varaformanni Framsóknar-
flokksins.
Þó að nú væri fullyrt af ýmsum
að sá árangur sem náðst hefði
væri einungis góðærinu að þakka
sagði Steingrímur að svo einfald-
lega væri ekki hægt að skýra málið.
Á árunum 1972-74 hefði t.d. verið
góðæri en þá hefði verðbólgan farið
af stað.
Sem dæmi um árangur núver-
andi stjómar nefndi hann m.a. að
nú væri innlendur spamaður í
bankakerfinu í fyrsta sinn í fimmt-
án ár — en það væri eina leiðin til
þess að lækka skuldabyrði þjóðar-
innar erlendis, viðskiptajöfnuður
væri nú í fyrsta sinn í mörg ár og
tekinn hefðu verið nokkur skref til
þess að hækka lægstu launin. ,
Stjómartímabilinu sagði
Steingrímur vera hægt að skipta í
þrennt. Ifyrst hefði komið „tímabil
hinna hörðu aðgerða". Þessar hörðu
aðgerðir hefðu framsóknarmenn
lagt mikla áherslu á og talið að
stundum þyrftu jafnvel sjálfsögð
mannréttindi að víkja til að bjarga
þeim grundvelli sem allt byggðist á.
Síðara tímabilið, árið 1984, hefði
verið „tímabil fijálsræðis". Þá hefðu
framsóknarmenn fallist á að losa
um ýmis bönd á efnahagsiífínu að
kröfii Sjálfstæðisflokksins. Um það
hefði verið skoðanaágreiningur milli
stjómarflokkanna, þó ekki vegna
þess að Framsóknarflokkurinn væri
ekki fylgjandi frjálsræði heldur
hefði hann talið að efnahagslegt
jafnvægi væri ekki nægilegt á þeim
tíma. Sagði Steinrgrímur það líka
hafa komið í ljós að þátttaka ríkis-
stjómarinnar í kjarasamningum
væri nauðsynleg.
Þriðja og síðasta tímabilið sagði
Steingrímur vera „tímabil skynsem-
innar“. í febrúarsamningunum
1986 hefði náðst breið samstaða
um kjarasamninga og efnahagsráð-
stafanir, sem hefði þó ekki komið
af sjálfu sér eða vegna þess að
aðilar vinnumarkaðarins vildu það.
Steingrímur sagði aðila vinnumark-
aðarins hafa tekið ræðu hans á
Alþingi, í upphafi ársins 1986, fá-
lega þar sem hann lýsti því yfir að
nú væri lag að ná skynsamlegum
samningum. Nokkram dögum
seinna hefðu þeir þó komið til hans
og sagt að þetta virtist vera rétt
sem hann hafði sagt.
Framsóknarflokkinn sagði
Steingrímur vera mjög ánægðan
með þann árangur sem náðst hefði
í efnahagsmálum og leggði áherslu
á að sá árangur yrði tryggður.
Sagði Steingrímur framsóknar-
menn ekki munu taka þátt í neinu
því samstarfí að loknum kosningum
sem myndi fóma þeim árangri sem
náðst hefði.
Forsætisráðherra reifaði einnig
starf þeirra ráðuneyta sem Fram-
sóknarflokkurinn hefur stjómað á
þessu kjörtímabili. Alexander Stef-
ánsson, félagsmálaráðherra, sagði
hann ekki hafa hlotið þá viðurkenn-
ingu sem hann ætti skilið fyrir sitt
mikla starf. Til að mynda hefði
verið unnið mikið starf í málefnum
fatlaðra. Hvað varðaði nýja hús-
næðislánakerfið sagðist Steingrím-
ur telja að það myndi þurfa 2-3 ár
til þess að ná jafnvægi en að þeim
tíma loknum yrði auðveldara en
nokkra sinni fyrr að eignast hús-
næði hér á landi. Kerfínu hefði hins
vegar aldrei verið ætlað að ráða við
þann mikla umsóknaQölda sem
raun bar vitni. Þennan mikla um-
sóknafjölda taldi hann sýna best
hina miklu bjartsýni íslendinga.
Menn vildu fara í röðina og tryggja
sér lánsréttindi.
Tekið hefði verið á málum sjávar-
útvegsins af mikilli festu á þessu
kjörtímabili sagði Steingrímur.
Sagðist hann ekki vera kvótamaður
en hinsvegar hafa talið að engin
önnur leið hefði verið fær í þeim
mikla samdrætti sem varð árið
1983. Það væri þó óhjákvæmilegt
að endurskoða kvótakerfið að ein-
hverju leyti í framtíðinni og yrði
það eitt af stærri verkefnum næstu
stjórnar.
Um landbúnaðarmálin sagði
Steingrímur að þegar hafði orðið
og þyrfti að verða mikil búhátta-
breyting. Öllum hlyti líka að vera
ljóst að sú búháttabreyting yrði
mjög sársaukafull og sagði hann
engum ráðherra vorkenna meira en
landbúnaðarráðherra, Jóni Helga-
syni, og taldi að hann fengi seint
nægar þakkir fyrir það erfiða verk
sem hann hefði unnið.
Stefnumál Framsóknarflokksins
í næstu kosningum sagði
Steingrímur fyrst og fremst vera
að tryggja núverandi árangur í
efnahagsmálum, halda áfram ný-
sköpun í atvinnulífinu, treysta
grandvöll atvinnuveganna og nota
auknar tekjur til þess að treysta
það velferðarkerfí sem við byggjum
við. Eignarskatta mætti hækka að
einhveiju leyti en umfram allt yrði
að bæta sjálfa skattheimtuna. Einn-
ig þyrfti að leggja áherslu á
samstarf launþega og atvinnurek-
enda.
Sagði Steinjrrímur að lokum að
það hefði ætíð verið stefna Fram-
sóknarflokksins að fara hinn gullna
meðalveg og vonaði hann að sú
stefna myndi áfram ráða hér á landi
að loknum kosningum.
Þröstur Þórhallsson varð
Reykjavíkurmeistari
Skák
Margeir Pétursson
ÞRÖSTUR Þórhallsson, 17
ára gamall nemi í Armúla-
skóla, sigraði Dan Hansson
í einvígi um Reykjavíkur-
meistaratitilinn í skák.
Fyrstu einvígisskákinni
lauk með jafntefli, en
Þröstur vann þrjár þær
næstu og hafði þar með
tryggt sér titilinn, því ein-
vígið átti að verða sex
skákir. Þeir tveir urðu
efstir og jafnir á Skákþingi
Reykjavíkur sem fram fór
í janúarmánuði. Einvígið
fór fram á Hótel Loftleið-
um, samhliða IBM-skák-
mótinu.
Þeim sem fylgst hafa grannt
með innlendum skákmótum upp
á síðkastið kemur þessi árangur
Þrastar ekki á óvart. Hann hefur
staðið sig vel á heims- og Evrópu-
mótum unglinga og á íslandsmót-
inu í haust varð hann_ í 4.-6. sæti
ásamt þeim Jóni L. Ámasyni og
Karli Þorsteins. Þess verður áreið-
anlega ekki langt að bíða að
Þröstur fari að ná áfanga að al-
þjóðlegum meistaratitli. Skákstíll
Þrastar er traustur en þó frumleg-
ur. í byijunum velur hann oft
fáséð afbrigði, sem hann þekkir
vel og tekst oft að slá andstæð-
inga sína út af laginu með því
móti.
Dan Hansson er afar mistækur
skákmaður og eftir ágæta tafl-
mennsku á Skákþinginu sjálfu
náði hann sér ekki á strik í ein-
víginu. Þessi mikli munur segir
þó ekki alla söguna, eftir tapið í
annarri skákinni tefldi Dan of
djarft í þeim næstu og því fór sem
fór. Þröstur telur þriðju einvígis-
skákina hafa verið þá athyglis-
verðustu. Þar kom upp mjög
tvísýnt afbrigði af franskri vöm,
en vinsældir þeirrar byijunar virð-
ast vera að aukast á nýjan leik.
Hvítt:Dan Hansson
' Svart: Þröstur Þórhallsson
Frönsk vörn
1. e4 - e6 2. d4 - d5 3. Rc3 -
Bb4 4. e5 — Re7 5. a3 — Bxc3+
6. bxc3 - c5 7. Dg4 — 0-0!?
Hér er 7. — Dc7 8. Dxg7 —
Hg8 9. Dxh7 langalgengast, en
það afbrigði leiðir til mjög
tvísýnnar stöðu. Það virðist bjóða
hættunni heim að hróka, en
Korchnoi hefur lengi haft dálæti
á þessum leik.
8. Rf3 - f5»?
Venjulega er hér fyrst leikið
8. — Rbc6. Framhaldið í skákinni
Ljubojevic-Korchnoi, Linares
1985, varð 9. Bd3 - f5 10. exf6
(framhjáhlaup) Hxf6 11. Bg5 —
Hf7 12. Dh5 - g6 13. Dh4 og
hvíta staðan virtist þægilegri.
9. exf6 (framhjáhlaup) — HxfG
10. Bg5 - Da5!?
Djarfur leikur sem leiðir til gífur-
legra sviptinga. Þröstur hafði
skoðað þessa stöðu fyrir skákina
og taldi að hvítur gæti ekki feng-
ið meira en jafntefli út úr flækjun-
um.
11. Bxf6 - Dxc3+ 12. Kdl -
Dxal+ 13. Kd2 - Rg6
Nú notaði Dan 68 mínútur á
næsta leik sinn og ákvað að fóma
hrók. 14. h4!? hefði svartur vænt-
anlega svarað með 14. — Rc6! 15.
h5 — cxd4 16. hxg6 — Dc3+ 17.
Kdl - Dal+ og ef 18. Ke2!? þá
18. - d3+ 19. cxd3 — Dxf6 20.
Hxh7 — Re7! og hvítur hefur
teygt sig of langt.
14. Bd3! - Dxhl 15. Bxg6 -
gxf6
Merkileg staða. Menn hvíts
standa gráir fyrir jámum fyrir
framan berskjaldaðan kóng
svarts. Vamarmáttur svörtu stöð-
unnar er hins vegar ótrúlega
mikill. Eftir t.d. 16. Bd3+ - Kf8
17. Dh4 - Rd7 18. Dxh7 - Kd8
bjargar svarti kóngurinn sér á
flótta. Dan velur að fóma manni
til viðbótar:
16. Dh4!? - hxg6 17. Dxf6 -
Dal! 18. Dd8+ - Kg7 19. De7+
- Kg8 20. Dd8+ - Kg7
Dan átti nú aðeins tíu mínútur
eftir fyrir næstu tuttugu leiki og
þar sem hann er hrók undir og
mát ekki í sjónmáli mælti allt með
því að taka þráskák. Hann vildi
hins vegar freista gæfunnar enn
um stund, líklega hefur hann talið
að hann hefði jafnteflið í hendi
sér eftir sem áður.
21. Dxc8?? - cxd4 22. Dc7+
Hvítu stöðunni varð ekki bjarg-
að, þó hvítur geti jafnað Iiðsmun-
inn: 22. Dxb7+ - Kf6! 23. Dxa8
- Dc3+ 24. Kdl - d3 25. cxd3
- Dxd3+ 26. Kel — Dbl+ 27.
Ke2 — Db6 og með drottninguna
lokaða inni bjargar hvítur ekki
taflinu. Eftir 22. Dxe6 sleppur
svartur út úr þráskákunum: 22.
- Dc3+ 23. Kdl - Dc7 24. Re5
- Rc6 25. Dxg6+ - Kf8 26.
Df6+ - Kg8 27. De6+ - Kh8
Þröstur Þórhallsson
og svartur nær að bera drottning-
una fyrir skákimar.
22. - Rd7! 23. Dxd7+ - Kf6
Svartur er sloppinn úr þráskákun-
um og hefur skiptamun yfir. Dan
var auk þess að falla á t(ma, svo
eftirleikurinn var Þresti auðveld-
ur. Lokin þarfnast ekki skýringa.
24. Dd6 - Dc3+ 25. Kdl - d3
26. Df4+ - Kg7 27. cxd3 -
Dxd3+ 28. Kel - De4+ 29.
Dxe4 - dxe4 30. Rd2 - Hc8
31. Rxe4 - Hcl+ 32. Kd2 -
Hal 33. Rc5 - b6 34. Rxe6+ -
Kf6 35. Rf4 - Hxa3 36. h4 -
Kf5 37. Rd5 - Ke4 38. Rc3+ -
Kf4 39. Rd5+ - Kg4 40. g3 -
Kf3 41. Rf4 — Kxf2 og hvítur
hafði nú loks tíma til að gefast
upp.