Morgunblaðið - 14.03.1987, Blaðsíða 60

IÞROTTIR UNGLINGA
Landsflokkaglíman:
Fjölmennur
sveinaflokkur
LANDSFLOKKAGLÍMA íslands
fer fram á Akureyri núna um helg-
ina. Allnokkur uppgangur er f
unglingastarfi hjá ýmsum glfmu-
félögum og má búast viö að u.þ.b.
50 drengir keppi á mótinu á Akur-
eyri. Einkum er sveinaflokkurinn
fjölmennur og má þar búast vlö
haröri keppni.
Stærstu unglingahópamir koma
frá KR og HSÞ. Einnig kemur all-
nokkur fjöldi frá Austurlandi en
uppgangur í glímunni er verulegur
þar. Glíman hefur verulega átt
undir högg að undanförnum árum
með að fá börn og unglinga til að
æfa iþróttina. Fyrir tveimur árum
var brugðið á það ráð að lækka
aldur á helstu glímumótunum til
að freista þess að auka áhugann.
Fyrir þann tíma urðu strákar að
vera orðnir 15 ára til að fá að taka
þátt í mótum. Þegar þeim aldri var
náð höfðu flestir sem á annað
borð höfðu áhuga á íþróttum beint
kröftum sínum að öðrum íþrótta-
greinum. Þessi ráðstöfun hefur
gefið mjög góða raun en betur
má ef duga skal. Á hverju ári eru
eingöngu 3 opinber mót. Það eru
auk Landsflokkaglímunnar
Flokkaglíma Reykjavíkur og Bik-
arglíman. Verulega þarf að auka
slík mót til að drengirnir hafi að
einhverju að stefna jafnt og þétt
allan veturinn.
Glímudeild KR sendi í haust öll-
um 11 og 12 ára drengjum í
Melaskóla bréf þar sem þeir voru
hvattir til að koma og æfa glímu.
Þetta gafst mjög vel og nú er fjöl-
mennur flokkur KR sveina að þreita
sínar fyrstu Landsflokkaglímur
norður á Akureyri. Umsjónarmað-
úr unglingaíþrótttasíðunnar leit
inná síðustu æfinguna fyrir norð-
urförnina hjá þessum hraustu
vesturbæingum og rabbaði við þá.
Árangurinn á því birtist hér á
síðunni í dag.
Ingvar Snæbjörnsson og Sigurður Gunnar Sigfússon
MorgunblaðiÖA/IP
Stefnum á
fyrsta sætið
ÞEIR Ingvar Snæbjörnsson og
Siguröur Gunnar Sigfússon ætla
sér stóra hluti á Landsflokkaglím-
unni. Báðir eru þeir búnir aö æfa
glfmu alllengi, Ingvar í 4 ár og
\ *' Sigurður í 3 ár.
„Bróðir minn var í glímu og ég
hafði ekkert að gera á kvöldin
þannig að ég fór bara með honum.
Mér hefur alltaf síðan fundist þetta
skemmtilegt og ætla ekkert að
hætta," sagði Ingvar um tildrög
þess að hann fór að æfa þessa
þjóðlegu íþrótt. „Ég fór bara með
Ingvari á æfingu," var innlegg Sig-
urðar í þessa umræðu.
Eðlilega var mikill hugur í strák-
unum vegna væntanlegrar keppn-
isferðar til Akureyrar. „Við ætlum
að gera okkar besta þar. Báðir
“ stefnum við á fyrsta sætið í sveina-
flokki," sögðu þeir. „Ég hef unnið
þann flokk tvö undanfarin ár þann-
ig að ég hef íslandsmeistaratitil
að verja. Ef ég vinn núna vinn ég
bikarinn til eignar," bætti Ingvar
við. „Ég hef nú aldrei unnið opin-
ber mót. Ég hef alltaf tapað fyrir
Ingvari. Ég hef hinsvegar lagt hann
á æfingum þannig að ég á alveg
að geta unnið hann," sagði Sigurð-
ur en Ingvar var nú ekki á því að
hann færi að tapa fyrir félaga
sínum einmitt þegar mest lægi við.
Norðurferðin er fyrsta eiginlega
keppnisferð bæði Ingvars og Sig-
urðar. Ingvar hefur að vísu farið
með Glímudeild KR að Laugum en
var of ungur til að glíma. „Ég var
bara að fylgja mínu félagi," sagði
hann og var ekki laust við að KR
hjartað hans tæki eitt aukaslag
svona til að meira bæri á barm-
merkinu á keppnisbol Ingvars.
Þrátt fyrir góðan grunn geta
strákarnir engan veginn verið viss-
ir um að lenda í verölaunasæti á
Landsflokkaglímunni. „Það verða
margir strákar að norðan og aust-
an á mótinum sem við höfum
aldrei séð. Það er alitaf erfiðara
að glíma við ókunnuga og þarf lítið
til að eitthvað fari úrskeiðis. Sér-
staklega er erfitt að glíma við þá
sem eru litlir og þungir," sögðu
kapparnir og voru greinilega
ákveðnir að vanmeta ekki and-
stæðinga sína.
Allir glímumenn eiga sór sín
uppáhaldsbrögð og eru þeir Sig-
urður og Ingvar þar engin undan-
tekning. „Mitt uppáhaldbragð er
hælkrókur hægri á hægri," sagði
Ingvar. „Ég held nú mest uppá
sniðglímu," sagði Sigurður.
Auk glímunnar leggur Sigurður
stund á körfubolta en Ingvar á
handbolta, körfubolta og fótbolta.
En skyldi hann notað hælkrókin í
vörninni í handbolta að júgóslavn-
eskum sið.
„Nei ertu vitlaus maður þá yrði ég
nú strax rekinn útaf og í bað.
Að þessum orðum sögðum
þakkaði blaðamaður þessum arf-
tökum Grettis, Skallagríms og fleiri
frækinna glímukappa íslandssög-
unnar fyrir spjallið og kvaddi þá.
Umsjón/Vilmar Pétursson
Morgunblaflið/Bjami Eirlksson
Þessi hrausti hópurer nú á Akureyri aö keppa á Landsflokkaglfmu
ásamt fjölda annarra sprækra stráka.
Morgunblaðið/Bjami Eirfksson
Nei, náöi hann nú á mig eitruðum hælkrók. Eins gott að vara sig á
þessu á Landsflokkaglfmunni.