Morgunblaðið - 14.03.1987, Blaðsíða 20

20
MORGUNBLAÐIÐ, LAUGARDAGUR 14. MARZ 1987
Verður Bylgjunni lokað?
eftirHrafn
Gunnlaugsson
Sá maður sem barðist hvað harð-
ast gegn því á Alþingi, að útvarp
og sjónvarp yrði gefíð ftjálst, er nú,
menntamálaráðherraefni Alþýðu-
flokksins. Menntamálaráðherraefn-
ið heitir Eiður Guðnason — en hann
sagði meðal annars í þingræðu um
frumvarpið, sem varð til þess að
fjölmiðlun á íslandi varð fijáls:
„Samviska manns segir að ef
Alþingi lætur lög þessi fara frá sér
með þessum hætti sem nú gerist,
sé það til ævarandi háðungar."
Það er nauðsjmlegt fyrir ungt
fólk og listamenn, að hafa það í
huga, að sérhvert atkvæði sem
Hrafn Gunnlaugsson
greitt er Alþýðuflokknum í næstu
kosningum, eykur líkumar á þvf
að Eiður Guðnason verði mennta-
málaráðherra. Við megum ekki láta
blekkjast af persónuvinsældum
Jóns Baldvins Hannibalssonar, og
halda að með því að kjósa Alþýðu-
flokkinn, séum við eingöngu að
kjósa hann. Staðreyndin er einfald-
lega sú, að Jón kemur til með að
taka inn á þing með sér einhvem
forstokkaðasta hóp kerfiskarla sem
nokkum tímann hefur setið á Al-
þingi íslendinga.
Einar Sigurðsson
Þetta segi ég í ljósi reynslunnar,
vegna þess að þegar Vilmundur
heitinn Gylfason jók svo mjög vin-
sældir Alþýðuflokksins á sínum
tíma, að jafti kona { Norðurlands-
kjördæmi eystra, sagði við sjón-
varpsspyril, að hún ætlaði að kjósa
Vilmund, þótt Vilmundur væri í
framboði í Reykjavík, þá var niður-
staðan sú, að það voru ekki
merkisberar hugmynda Vilmundar
Gylfasonar, sem mættu á þing-
bekkina í nafni Alþýðuflokksins
eftir kosningar, heldur kerfiskarlar
af verstu sort.
Kerfiskarlamir sem Vilmundur
hafði dregið inn á þing með sér,
vom fyrstir til að svæfa hugmyndir
hans. Ein af meginhugmyndum
Vilmundar Gylfasonar var sú, að
þingmenn misnotuðu ekki aðstöðu
sína og sætu í opinberum nefndum
eða ráðum. En Eiður Guðnason
lagði ekki mikið upp úr hugmjmdum
Vilmundar Gylfasonar og taldi trú-
lega að hann hefði komist inn á
þing vegna eigin ágætis, enda tróð
hann sér í útvarpsráð, þvert gegn
hugsjónum og baráttumálum Vil-
mundar og situr enn í útvarpsráði
einn þingmanna.
Þótt Jón Baldvin hafi sagt margt
skemmtilegt, og ýmsar af hug-
myndum hans séu heillandi, þá
gleymum því ekki að þær hugmynd-
ir munu aldrei ná fram að ganga,
á meðan Jón hefur til fylgis við sig
Jón Óttar Ragnarsson
„Og að lokum þetta
Guðmundur Einarsson:
Hvernig ætlar þú að
snúa hinni hörðu and-
stöðu Alþýðuflokksins
við fijálsa fjölmiðla og
þá hugsjón sem Vil-
mundur Gylfason átti.
Ætlar þú að taka þátt
í því að Bylgjunni og
Stöð 2 verði lokað?“
þá forstokkuðu kerfiskarla sem Vil-
mundur dró á sínum tíma inn á
þing. Sá hópur hefur ekkert breyst.
Sá hópur sem lifir nú í ljómanum
af vinsældum Jóns Baldvins, er
sami hópurinn og svæfði hugsjón-
imar sem Vilmundur Gylfason hélt
á loft. Þessi hópur neyddi Vilmund
til þess að stofna Bandalag jafnað-
armanna, ætlaði hann að standa
við stefnumál sín.
Það var Bandalag jafnaðar-
manna, sem studdi Sjálfstæðis-
flokkinn í því að gera íjölmiðlun
ftjálsa á íslandi. An Sjálfstæðis-
flokksins og stuðnings frá Banda-
lagi jafnaðarmanna, væm fjölmiðl-
Eiður Guðnason
ar ennþá háðir ríkiseinokun. En nú
ætla hugsjónamennimir sem studdu
Vilmund, að fylkja sér undir merki
krata. Ég spyr þig Guðmundur Ein-
arsson: „Ætlar þú að sætta þig við
það, að eitt af þessum megin stefnu-
málum sé hunsað, og kerfískarlam-
ir haldi áfram að sitja í ráðum og
nefndum, þegar þú ert kannski orð-
inn illu heilli þingmaður fyrir
kerfisflokk kratanna. Eða ætlar þú
Guðmundur Einarsson, að flytja
eitthvað af hugmyndum Vilmundar
Gylfasonar inn í Alþýðuflokkinn,
og trúir þú því virkilega að það sé
hægt?“ Eg er hræddur um að þú
munir komast að því eins og Vil-
mundur sjálfur, sem stofnaði eina
nýróttæka aflið, sem ennþá hefur
verið til f íslenskum stjómmálum,
að þegar þingflokkurinn kemur
saman, sértu lentur í hópi uppstopp-
aðra kerfiskarla, sem ættu að heyra
fortíðinni til. Og að allar þínar fyrri
róttæku hugmyndir séu í eyði.
Og að lokum þetta Guðmundur
Einarsson: Hvemig ætlar þú að
snúa hinni hörðu andstöðu AJþýðu-
flokksins við ftjálsa Qölmiðla og þá
hugsjón sem Vilmundur Gylfason
átti. Ætlar þú að taka þátt í því
að Bylgjunni og Stöð 2 veiöi lokað?
Höfundur er kvikmyndaleikstjóri
og varaforaeti Bandalags ísl. iista-
manna, jafaframt því að vera
dagskrárstjóri sjónvarpsins.
Sólstofur
Sýnum laugardag
og sunnudag kl. 13—17
sólstofur, renniglugga og
rennihurðir úr plastprófílum
að Smiðsbúð 8, Garðabæ.
Smiðsbúð 8, 210 Garðabæ, sími 44300.
Gluggar og Gardhús hf.
Komið og sannfærist um gæðin
- Svalahvsi
Bókauppboð
í Templara-
höllinni á
sunnudag
FYRSTA bókauppboð Klaustur-
hólaá þessu ári fer fram í
TemplarahöUinni, Eiríksgötu 5,
sunnudaginn 15. mars kl. 14.00.
Þar fer fram sala á bókum í flest-
um greinum islenskra fræða og
vísinda.
í uppboðsskrá sem blaðinu hefur
borist er bókunum skipt eftir efni.
Rit íslenskra höfunda, lögfræðirit,
afmælis- og minningarrit, ljóð og
rímur, þjóðsögur og sagnaþættir,
æviskrár, leikrit, bókfræði, þjóðleg-
ar minningar, ferðabækur, fomrit
og tímarit. Af einstökum sérstæð-
um og fágætum bókum sem seldar
verða má t.d. neftiæ Úr dular-
heimum, sem Guðmundur Kamban
ritaði ósjálfrátt 1906, Sjötíuogníu
af stöðinni, frumútgáfa Indriða G.
Þorsteinssonar, Bam náttúmnnar,
fyrsta bók Halldórs Laxness, sem
þá nefndist Halldór frá Laxnesi,
Legorðsmálaritgerð Magnúsar
dómstjóra Stephensen, Viðey 1821,
íslensk gullsmíði, fágætt rit eftir
Bjöm Th. Bjömsson, Ljósmyndir
1-2, ævisaga Halldórs Jónssonar,
hin fágæta hestabók Horftiir góð-
hestar I-n bindið, eftir Ásgeir
Jónsson frá Gottorp, Saga Hafnar-
Qarðar eftir Sigurð Skúlason,
nokkur af ritum þeim sem tengdust
leiðangri Gaimards til íslands á öld-
inni sem leið. Af tímaritum sem
seld verða má t.d. nefna Fijáls
verslun 1.-35. árg., Heilbrigðistí-
ðindi Jóns Hjaltalíns, Tímarit Jóns
Péturssonar dómara 1.-4. árg.,
helsta ættfræðirit þess tíma, og að
lokum hin fágætu rit: Reykjavíkur-
pósturinn 1.-3. árg. 1846-1849 og
Sunnanpósturinn 1.-3. árg. Viðey
1835-1838.
Bækumar em til sýnis í sýning-
arsal Klausturhóla að Laugavegi 8
í dag, 14. mars, kl. 14.00-18.00.
Borgarráð:
Afgreiðsla
Flugleiða
stækkuð
BORGARRÁÐ hefur samþykkt
að leyfa stækkun farþegaf-
greiðslu Flugleiða á Reykjavík-
urflugvelli vegna Grænlands- og
Færeyjaflugs.
Að sögn Þorvaldar S. Þorvalds-
sonar forstöðumanns borgarskipu-
lagsins er hér um bráðabirgða
úrlausn að ræða vegna tollaf-
greiðslu. Hingað til hefur þurft að
reka alla farþega úr afgreiðslisaln-
um þegar farþegar frá Grænlandi
og Færeyjum fara í gegn um toll-
inn. „Framtíðar flugstöð á að rísa
suður af Loftleiðahótelinu," sagði
Þorvaldur. „En núverandi ráðherra
lét skfna í það í haust að ekki verði
hafist handa við hana fyrr en eftir
fimm til sex ár. í neyð er gripið til
þessara bráðabirgða lausnar og
byggt úr timbri og plötum."
Fróöleikur og
skemmtun
fyrirháa semlága!