Morgunblaðið - 14.03.1987, Blaðsíða 50
50
MORGUNBLAÐIÐ, LAUGARDAGUR 14. MARZ 1987
HaUdórN. Valdi-
marsson — Minning
Fæddur 1. júll 1954
Dáinn 3. mars 1987
Nú á þeim tímamótum, þegar til
moldar er borinn frændi okkar og
vinur, Halldór Níels Valdimarsson,
Flötusíðu 6, Akureyri, vakna hjá
okkur ýmsar spumingar um lífið
og dauðann.
Dóri, eins og við kölluðum hann
alltaf, var aðeins á þrítugasta og
þriðja aldursári þegar hann lést frá
konu sinni og þremur ungum böm-
um. Hvers vegna kveður dauðinn
svo miskunnarlaust dyra hjá hinni
ungu fjölskyldu, og hvers vegna
kallar hinn hæsti höfuðsmiður ung-
an mann í blóma lífsins svo
skyndilega til sín? Eflaust hefur
þetta allt sinn tilgang, og við sem
svo djúpt söknum frænda okkar,
huggum okkur við það, að þeir
deyja ungir sem guðimir elska.
Dóri bar nafn afa síns og frænda,
en trygglyndi og virðing hans við
frændur sína og fjölskyldu var á
þann veg að seint gleymist.
Við biðjum guð almáttugan að
blessa Bryndísi og bömin, Helgu,
Valda og systkini, og vottum ykkur
öllum samúð okkar.
F.h. frændsystkinanna á Ak-
ureyri, Ó. Á.
„Dáinn, horfínn!" - Harmafregn!
Hvflíkt orð mig dynur yfiri
En ég veit, að látinn lifir.
Það er huggun harmi gegn.
(Jónas Hallgrímsson)
Það er okkur eftirlifendum óskilj-
anlegt að hinn ljúfí drengur, Halldór
Níels Valdimarsson sé ekki lengur
hér á meðal vor, að við fáum ekki
að heyra lengur létt fótatak hans
þegar hann kemur hlaupandi, heils-
ar glaðlega og uppörvandi, hann
sem var ávallt allra hraustastur og
kenndi sér einskis meins þar til
fyrir rúmum þremur vikum.
Það er sárt þegar vinir kveðja.
Við skiljum ekki alltaf gerðir hans
sem öllu stjómar.
Halldór Níels Valdimarsson var
fæddur á Akureyri þann 1. júlí
1954. Ólst hann upp á glaðværu
heimili í systkinahópi þar sem
sæmdarhjónin Helga Baldvinsdóttir
og Valdimar Halldórsson vöktu yfir
bömum sínum.
Eftir skólagöngu hóf hann starf
í eitt ár hjá Kaupfélagi Eyfirðinga
á Akureyri við afgreiðslu í kjörbúð.
Síðan kom hann til starfa hjá Bíla-
leigu Akureyrar og hefur starfað
þar síðastliðin 15 ár og var með
fyrstu starfsmönnum. Hann var sá
er hvað mestan þátt hefir átt í upp-
byggingu þess fyrirtækis.
Oft var vinnudagurinn langur í
þá daga og á síðkvöldum þegar all-
ir vora orðnir þreyttir, var Halldór
sá sem hvatti alla áfram. Vanda-
málin leysti hann á farsælan hátt,
hann fann ávallt bestu leiðina. Hann
var ákaflega vinsæll í starfí og þeir
vora margir ferðalangamir og aðrir
er leið áttu um Akureyri, sem
þekktu Halldór og elskuðu hann.
Hann var sérstaklega vel liðinn af
samstarfsmönnum sínum og naut
trausts og virðingar þeirra. Alltaf
var hann í sama góða skapinu,
drífandi hlutina áfram og einkenn-
andi fyrir Halldór var, að hvert
verkefni er honum var falið leysti
hann á skjótan og auðveldan hátt.
Aðdáunarvert var hvað hann var
minnugur og glöggur á tölur, síma-
númer mundi hann ávallt eftir að
hafa einungis þurft að hringja einu
sinni.
Já, Halldór var einstakur ungur
maður og margs er að minnast úr
leik og starfi. Ógleymanlegar era
allar þær skemmtilegu ferðir sem
við félagamir fóram saman á vél-
sleðum um hálendi íslands. Halldór
var okkur miklu meira en starfs-
maður og vinnufélagi, hann var
okkar besti vinur og hans er nú
sárt saknað.
Hve skjótlega ber að skýjakast
Og skyggjandi élið svarta!
Þú nýskeð glaður með glöðum sazt,
Ei greindist þá nema’ hið bjarta.
En fá liðu dægur í dauða brast
Þitt drenglynda og prúða hjarta.
(St. Th.)
Þann 30. desember 1976 gekk
Halldór að eiga eftirlifandi eigin-
konu sína, Bryndísi Magnúsdóttur
frá Reykjavík, og eignuðust þau
þijú böm, soninn Magnús fæddan
9. september 1976 og dætumar
Guðrúnu Valdísi fædda 3. febrúar
1979 og Helgu Kristínu sem er
fædd 14. ágúst 1980. Saman reistu
þau Halldór og Bryndís sér fagurt
heimili að Flötusíðu 6, á Akureyri.
Veröldin virtist brosa við þessum
glæsilegu ungu hjónum. En skjótt
skipast veður í lofti.
Bryndís mín, við sendum þér og
bömum þínum okkar innilegustu
samúðarkveðjur og þökkum þér
fyrir aila þá þolinmæði sem þú
sýndir Halldóri þegar starfið kallaði
á öllum tímum sólarhringsins. Einn-
ig sendum við foreldram, systkin-
um, tengdaforeldrum og öðram
aðstandendum okkar dýpstu sam-
úðarkveðjur.
Og góðvinum, meðan þeim endast ár,
Þín ástúð fymast mun eigi,
En fremst þinum kæru’ er sorgin sár
Og saknaðar bitur tregi;
Hve þung eru sporin þeim í dag
A þínum síðasta vegi!
Svo farðu nú vel — og foldar skaut
Þig faðmi með vori þýðu,
Þar leggur minning sitt laufaskraut
Hjá liljunum sorgar blíðu;
Þér heig veitist ró, en huggun þeim,
sem hrifinn þú varst frá síðu.
(St. Th.)
Guð blessi ykkur öll.
Vilhelm, Skúli, Birgir og
Eyjólfur.
Hann Halldór Níels Valdemars-
son, frændi okkar, er látinn. Allir
sem hann þekktu vita að hann hafði
að geyma einstakan dreng í alla
staði. Ifyrir tæpum mánuði var
Halldór lagður inn á Landspítalann
til rannsóknar, sem leiddi í ljós
mein sem læknavísindin réðu ekki
við. Halldór var aðeins 32 ára er
hann lést og átti svo margt ógert,
og er erfitt að trúa því að annar
staðar hafi beðið hlutverk sem var
mikilvægara. Halldór var 4. í röð-
inni af 6 bömum Helgu Baldvins-
dóttur og Valdemars Halldórssonar,
Vallholti, Glerárhverfi. Systkini
Halldórs era Ásgeir, Baldvin, Páll
og Bjöm, allir búsettir á Akureyri,
og Soffía, sem býr á Hvolsvelli.
Halldór giftist árið 1976 Bryndísi
Magnúsdóttur og eignuðust þau 3
böm. Elstur er Magnús sem er 10
ára, hann veiktist ungur sem leiddi
til þess að hann er á eftir í þroska.
Síðan fæðast Guðrún sem er 8 ára
og Helga 6 ára. Bryndís og Halldór
vora alltaf mjög samrýnd og sam-
hent sem sást best í veikindum
Magnúsar.
Halldór var alltaf einstaklega
starfsamur og fór ungur að vinna,
hann vann nánast allan sinn starfs-
aldur hjá Bílaleigu Akureyrar og
virtist það starf henta honum vel.
Elsku Bryndís, Magnús, Guðrún,
Helga, foreldrar og systkini, við
óskum þess að minningin um góðan
dreng verði styrkur í sorginni.
Þóra og Heiðrún frá Skógum
Birting af-
mælis og
minningar-
greina
Morgunblaðið tekur af-
mælis- og minningargreinar
til birtingar endurgjaldslaust.
Tekið er við greinum á rit-
stjórn blaðsins á 2. hæð í
Aðalstræti 6, Reykjavík og á
skrifstofu blaðsins í Hafnar-
stræti 85, Akureyri.
lirnar
JARÐVEGSDUKUR
Y/////////J
GROFMOL
BRIMVORN
TYPAR®
skrásett vörumerki Du Pont
UNDIR GANGSTÉTTARHELLUR
• TYPAR kemur í veg fyrir aö sandurinn blandist undirlaginu eöa fljóti burt.
• TYPAR sparar jarðvegsvinnuna.
í VEGAGERÐ
• TYPAR dregur verulega úr kostnaöi viö vegi, „sem ekkert mega kosta“ t.d. aö sumarbústööum, sveitabýlum o.s.frv.
• TYPAR kemur í veg fyrir aö yfirborðið sökkvi ofan í undirlagið.
• TYPAR = minni jarðvegsvinna.
í RÆSAGERÐ
• TYPAR kemur í veg fyrir aö jarövegurinn renni inn í ræsiö og stífli þaö.
• TYPAR hleypir vatni í gegnum sig.
• TYPAR er varanleg lausn.
í BRIMVÖRN
• TYPAR kemur í veg fyrir aö sjórinn grafi undan stórgrýti í varnargörðum.
• TYPAR kemur í veg fyrir aö stórgrýtiö sökkvi ofan í undirlagið.
• TYPAR = trygging.
örugg - ódýr (£>[?[fiŒ]
- varanleg lausn
Síöumúla 32 Sími: 38000