Morgunblaðið - 29.11.1987, Blaðsíða 7

MORGUNBLAÐIÐ, SUNNUDAGUR 29. NÓVEMBER 1987
C 7
um þroska býr við velsæld og
tilheyrir kirkjunni, er í mótsögn við
sjálfan sig.“
Shirley MacLaine skrifaði tvær
metsölubækur byggðar á ævisögu
sinni áður en hún fann guðskraft-
inn. En þegar hún kom með handrit
þriðju bókarinnar komst útgefand-
inn að þeirri niðurstöður að hún
væri komin á villigötur og hafnaði
verkinu. Hún endurskrifaði verkið
og fjallaði þar um andlega leit sína
og seldi handritið forlaginu Bantam
Books. Bantam hafði árum saman
haldið uppi merki nýju aldarinnar
og þar var mönnum vel kunnugt
um margt af því sem Shirley
MacLaine 'kom fram með í bók
sinni. Eigi að síður voru þeir dálítið
tvístígandi. Ýmsir vinir hennar
reyndu líka að fá hana ofan af því
að gefa bókina út, eri allt kom fyr-
ir ekki.
Bókin „Á yztu nöf“ kom út árið
1983 og hlaut gríðarlega góðar við-
tökur. Af henni seldust 176.000
innbundin eintök og 2,4 milljónir
af pappírskiljum. Tveimur árum
síðar kom út bókin „Dansað í ljós-
inu“ og seldist hún í 500.000
innbundnum eintökum og 1,6 millj-
ónum af pappírskiljum. Bantam
ætlar að gefa út 475.000 innbundin
eintök af nýjustu bókinni.
Enginn vafí leikur á því að vel-
gengni bókarinnar Á yztu nöf
stafaði að miklu leyti af því hver
höfundurinn var. Og ekki spillti það
fyrir að í bókinni greinir hún frá
nánu ástarsambandi við rækilega
dulbúinn brezkan þingmann, sem
hún kallar Gerry. Brezkir blaða-
menn voru miður sín af vonbrigðum
yfir því að hafa ekki orðið varir við
þetta ævintýri, sem átt hafði sér
stað rétt fyrir framan nefið á þeim
og reyndu allt sem þeir gátu til að
komazt að nafninu á elskhuganum,
en það hefur aldrei orðið uppvíst.
En það sem hleypti mestri sölu
í bækur Shirley og önnur verk um
sama efni voru sjónvarpsþættir
hennar, sem fluttir voru fyrr á þessu
ári. Bókaverzlanir höfðu ekki undan
að útvega sér nóg af þessu lestrar-
efni fyrir forvitna lesendur, sem
keyptu afganginn af upplagi allra
bóka Shirley MacLaine, þannig að
þær urðu metsölubækur að nýju.
Aðrar bækur um andleg efni seld-
ust líka gríðarlega. „Eg hef aldrei
séð neitt þessu líkt,“ segir Dan
Bergeson, sem annast innkaup á
bókum um andleg efni fyrir Dalton
bóksölusamtökin í Bandaríkjunum.
Fylgismenn nýju aldarinnar hafa
komið á fót sérstökum útgáfu- og
sölusamtökum og samkvæmt upp-
lýsingum frá þeim eru um 2.500
bókaverzlanir í Bandaríkjunum sem
hafa sérhæft sig í sölu bóka um
andleg efni, og útgefendur bóka,
tímarita og blaða um þessi við-
fangsefni eru um 2.300 talsins. Á
þessu ári er talið að lestrarefni af
þessum toga hafi selzt fyrir einn
milljarð dollara á þessu 'ari.
Skoðanakannanir sýna að hefð-
bundin trúarbrögð eiga stöðugu
fylgi að fagna í Bandaríkjunum en
áhugi á hreyfingu nýju aldarinnar
hefur breiðzt út meðal fylgjenda
ólíkra trúarbragða. Nýleg skoðana-
könnun, sem Andrew Greeley
þjóðfélagsfræðingur og samstarfs-
menn hans framkvæmdu fyrir
skömmu, leiddi i ljós að 42% Banda-
ríkjamanna telja sig hafa komizt í
samband við látið fólk. Svipuð skoð-
anakönnun sem framkvæmd var
áður sýndi að einungis 27% Banda-
ríkjamanna töldu sig hafa slíka
reynslu.
Það er því ekki að undra þótt
úgefendur ætli að hamra jámið
meðan það er heitt og senda enn
fleiri bækur um andleg viðfangsefni
á markaðinn. Mjög margar bækur
fjalla um kristalla sem hafa lækn-
ingamátt og sumum þeirra fylgja
pakkar með kristöllum. Sumir út-
gefendur segja að þetta verði
vinsælasta jólagjöfin í ár.
Þá hafa miðlar í nógu að snúast
þessa stundina. Kevin Ryeson, sem
Shirley MacLaine segir frá í bókum
sínum, tekur 250 dollara fyrir mið-
ilsfund, en getur samt ekki annað
H-
öllum sem til hans leita þannig að
hann er farinn að vísa á aðra. Betty
Bindcer, sem heldur sérstakar
kennslustundir um endurfæðingar
í Los Angeles, þarf heldur ekki að
kvarta um verkefnaskort. Hún seg-
ir að bækur Shirley hafí orðið til
þess að nú líti menn öðrum augum
á endurfæðingar og þær hafi hlotið
almennari viðurkenningu en áður.
Neville Rowe, sem stundar miðils-
störf í Los Angeles, er ánægður
með þann fjörkipp sem hlaupið hef-
ur í starfsemina en sú ánægja er
þó dálitlu galli blandin. Svo virðist
sem Shirley MacLaine hafi ekki
bara vakið áhuga fólks á að fara á
miðilsfundi, heldur virðist hún hafa
fengið marga til að álíta að þeir séu
sjálfir miðlar, þannig að samkeppn-
in hefur stóraukizt.
Eitt þurfum við að gera okkur
ljóst. Shirley MacLaine er ekki trú-
boði. Hún þarf ekki að telja einum
eða neinum hughvarf. Hún segir
að bækur sínar og sjónvarpsþættir
séu tæki til sjálfstjáningar en ekki
ætluð til þess að fá aðra til að
breyta um lífsviðhorf. Hún segist
geta hent svolítið gaman af hreyf-
ingu hinnar nýju aldar. „Það er
hugljúft grín en ekki særandi á
nokkurn hátt.“ Margir nánir vinir
hennar og ættingjar eru trúlausir.
Hún segir að allir fari eftir sinni
eigin braut og tímaáætlun og það
virði hún. „Enginn er sammála öllu.
Þetta er eins og Demókrataflokkur-
inn. Hver og einn einstaklingur
hefur frjálsan aðgang að viðfangs-
efnunum.“
Þannig talar Shirley MacLaine í
eigin persónu. En á námskeiðum
sínum talar hún öðruvísi. Á síðasta
námskeiði hennar rétti kona
ögrandi upp hönd og sagði: „Með
fullri virðingu fyrir þér er ég ekki
þeirrar skoðunar að þú sért guð.“
„Mér þykir leitt að heyra það,“
svaraði Shirley, „það er vegna þess
að þú lítur ekki á sjálfa þig sem
guð.“ Önnur kona á námskeiðinu
kvaðst hafa miklar áhyggjur af
ómannúð í heiminum og hafði um
hana mörg orð. Shirley benti henni
á að viðhorf hennar væru fjandsam-
leg, og bað hana að hugleiða hvort
þau stöfuðu ekki af því að hún
væri haldin ofsóknarkennd.
Eftir námskeiðin var Shirley
spurð um þessi hvassyrtu svör sem
áheyrendur hennar fengu. Hún
svaraði: „Þetta er bara sálarfræði.
Þetta er spurningin um hvernig
maður bregzt við óréttlæti. Maður
getur litlu breytt í þeim efnum, en
maður getur reynt að skynja órétt-
lætið á annan hátt.“ Kvað viðvék
konunni sem andmælti hugmyndum
Shirley um guð sagði hún: „Slíkum
spurningum svara ég á þá leið að
við sjáum aðra á sama hátt og okk-
ur sjálf.“
Hún getur mörgu svarað, en þó
er mörgum spumingum ósvarað í
lífsbók hennar. Hún getur ekki gert
grein fyrir uppruna guðskraftsins.
Hún veit ekki hvað gerðist í upp-
hafi eða hvað muni gerast að lokum.
Hún leitar enn að beztu leiðinni til
að beita andlegum viðfangsefnum
í sínu daglegu lífi.
Næsta ár er tímamótaár í hreyf-
ingu hinnar nýju aldar fyrir ýmissa
hluta sakir. Og á þessu ári ætlar
Shirley að reisa andlega miðstöð
sína, gefa út fjórðu bókina um and-
leg efni og leika í nýrri kvikmynd
„Madame Soutzka". Hún veit að
hún ætti að vita hvort myndin
heppnast vel eða illa, því að sam-
kvæmt skilningi hennar á tímahug-
takinu gerast allir hlutir í einu.
Samt veit hún það ekki. Það eina
sem hún veit er að hún getur tekið
velgengni, mikilli velgengni.
„Ég hef viljað hóflega velgengni
en ekki gríðarlega velgengni. Nú
er ég að breytast. Ég vil gríðarlega
velgengni. Eg fínn að ég er undir
hana búin núna en ég vil _að sú
velgengni verði í jafnvægi. Ég hef
skipulagt líf mitt eins og langhlaup-
ari og veit að það sem ég hef gert
hefur einhveija þýðingu."
(G.E. Þýddi og stytti úr Los Angeles Time
Magazine).
gluggar
Við sérsmíðum glugga eftir
þínum óskum. Hér eru
aðeins smásýnisliorn af
gluggunum okkar. Við
gerum föst verðtilboð í alla
sérsmíði.
Vönduð íslensk framleiðsla.
AUKhf. 10.64/SÍA
Góðir greiðsluskilmálar
Sendum í póstkröfa.
TRÉSMIDJA
BJÖRNS ÓLAFSSONAR hf.
V/REYKJANHSBRAUT, HAFNARFIRÐI,
SlMAR: 54444, 54495
ÁRATUGA REYNSLAIGLUGGASMÍÐI
Leikrit Shakespeares
V. bmdi
Nú eru komin út fimm bindi af þýðingum Helga Hálfdanarsonar á
verkum Williams Shakespeares. í þessu fimmta bindi eru meðal annars:
Allt í misgripum, Snegla tamin og Draumur á Jónsmessunótt.
Sérstakt tilboðsverð:
Fimm bindi
fyrir verð þriggja.
<á
bók
góð bók