Morgunblaðið - 12.03.1988, Blaðsíða 60

60
MORGUNBLAÐIÐ, LAUGARDAGUR 12. MARZ 1988
ÍÞRÓTTIR UNGLINGA / SKÍÐI
A-hópur skíðakennslunnar í Hlíðarfjalli.
Andrés Pétursson
200 krakkar
stunda skíða-
æfingar hjá SRA
að var svalt í veðri er blaða-
maður unglingasíðunnar
ákvað að heilsa upp á hressa krakka
sem stunda skíðaæfingar í Hlíðar-
fjalli við Akureyri í
Andrés síðasta mánuði.
Pétursson Mikill áhugi er að
skrifar vanda hjá krökkum
og unglingum á Ak-
ureyri á skíðaíþróttinni og eru það
vel yfir 200 krakkar sem mæta á
skíðaæfíngar hjá Skíðaráði Akur-
eyrar. Að sögn Guðrúnar Frímanns-
dóttiir kennara þá er mjög mikill
áhugi hjá krökkunum og láta þau
ekki kuldabola stöðva sig í því að
mæta á skíðaæfingu.
Skíðaráðið stendur fyrir æfíng-
um og er krökkunum skipt í hópa
eftir aldri. Þegar blaðamaðurinn var
á staðnum var yngsti hópurinn á
æfíngu. Þetta eru krakkar 10 ára
og yngri. Hópurinn samanstendur
af um 60—70 krökkum og er honum
skipt í tvo hópa eftir getu, A og B.
Blaðamaðurinn fylgdist fyrst
með hópi B og var þar mikið fjör.
Þau voru í neðstu lyftunni og þar
var verið að æfa plóginn. Þau gáfu
sér þó samt tíma fyrir eina mynda-
töku.
Síðan fór blaðamaðurinn og
fylgdist með A-hópnum. Þar sko
ekkert gefíð eftir, farið efst í fjallið
og alls konar æfingar framkvæmd-
ar. Hefðu margir eldri og reyndari
skíðamenn hugsað sig tvisvar um
áður en þeir legðu út í svoleiðis
þrautir.
Skemmtilegast að gera þrautir
Nú fór að líða að hádeginu og
blaðamaðurinn leitaði skjóls í hótel-
inu við Hlíðarfjall. Þar inn komu
líka flestir krakkamir og við sett-
umst hjá fjórum hressum stúlkum
úr Síðu og Lundaskóla. Þær heita
Helga Kristín Halldórsdóttir,
Dagný Linda Kristjánsdóttir, María
Benediktsdóttir og Guðrún Valdís
Halldórsdóttir. Þær þtjár fyrr-
nefndu eru 7 ára en Guðrún er 9
ára. Þær hafa flestir æft með
Skíðaráðinu í 1—2 ár og allar voru
sammála því að skíði væru
skemmtilegasta íþrótt sem þær
stunduðu. Stelpurnar mauluðu
brauð og drukku heimatilbúið kakó
meðan þær ræddu við blaðamann-
inn og sögðust þær alltaf koma
með sitt eigið nesti upp í fjallið.
Eftir að hafa rætt um heima og
geima við stúlkumar góða stund
var komið að því að æfingarnar
hæfust að nýju og kvaddi því blaða-
maðurinn þær stöllur og óskaði
þeim góðs gengis í brekkunum.
„Gaman að keppa
á Andrésar
Andar-leikum“
- segja þeirfélagarHlynur
Jónsson og HjörturJónsson
Hlynur og Hjörtur em tveir
hressir strákar sem æfa með
SRA. Hlynur er gallharður Þórsari
en Hjörtur er KA-maður en þessi
tvö félög standa saman í skíðaí-
þróttinni og mynda Skíðaráð Akur-
eyrar.
Þeir félagar eru báðir átta ára
gamlir og hafa mætt á skíðaæfing-
ar í tæpt ár. Báðir æfa líka knatt-
spymu og þá hvor með sínu félag-
inu eins og áður sagði. A þessum
árstíma tekur skíðaíþróttin mun
meiri tíma og mæta þeir þrisvar í
viku á æfíngar upp í Hlíðarfjall. A
sunnudögum mæta þeir síðan á inn-
anhússæfíngar í fótbolta. Þeir vom
báðir mjög ánægðir með skíðaæf-
ingamar og sögðu við blaðamann-
inn að stundum væm æfíngamar
dálítið erfíðar. En það gerði ekkert
til því þannig lærðu þeir lang mest.
Hjörtur sagði að Andrésar Andar
leikamir á skíðum væm mjög
skemmtilegir og tók Hlynur undir
það með félaga sínum. Ekki vildum
við tmfla þá félagana frá matnum
og heitu kakóglasi þannig að við
þökkuðum þeim fyrir spjallið og
óskuðum þeim góðs gengis á And-
résar Andar leikunum í ár.
Hlynur Jónsson og HJörtur Jónsson.
Morgunblafiið/Andrés Pétursson
GuArún Halldórsdóttir, Daníel Páll Víkingsson, Brynja Kristjánsdóttir og
Jóhann Þórhallsson.
Það getur stundum verið gott að hafa kennarann B-hópur skíðaæfínganna í Hlíðarfjalli.
nálægt ef eitthvað skyldi út af bregða.