Morgunblaðið - 01.12.1988, Síða 33
33
MORGUNBLAÐIÐ, FIMMTUDAGUR 1. DESEMBER 1988
Sýning Kristínar Jónsdóttur í Listasafhi íslands verður framlengd
til 15. desember.
Listasafn íslands:
Sýning Kristínar framlengd
VEGNA mikillar aðsóknar hefur
verið ákveðið að framlengja sýn-
ingu Kristínar Jónsdóttur í Lista-
safhi Islands til 15. desember.
A sýningunni eru 25 olíumálverk
■■ ................ '
og er þema hennar blóm og uppstill-
ingar.
Listasafn Islands er opið alla
daga, nema mánudaga, kl. 11—17.
Ljósagangurinn á þriðjudag:
Gervitungl lík-
legasta skýringin
- segir Þorsteinn Sæmundsson
GERVIHNÖTTUR hefur
líklega valdið ljósaganginum,
sem sást á kvöldhimninum vest-
ur og norður um land á þriðju-
dagskvöld.
Þorsteinn Sæmundsson stjarn-
fræðingur sagði við Morgunblaðið
að lýsing sjónarvotta á ljósagang-
inum bendi til þess að þar hafi
annað hvort loftsteinn eða gervi-
tungl verið að falla til jarðar.
Þorsteinn sagðist frekar hallast
að gervitungli vegna þess að ljós-
in virðast hafa farið lárétt sam-
kvæmt lýsingum.
Þorsteinn hefur safnað upplýs-
ingum um fyrirbæri af þessu tagi
og bað hann Morgunblaðið að
koma þeirri ósk á framfæri við
sjónarvotta að þeir hefðu sam-
band við hann til að lýsa ljósunum
nánar.
Efnablanda gegn hárlosi
STOFNAÐ hefur venð fynrtækið
Plex h.f., sem sér um dreifíngu á
bandarískri efnablöndu, sem
stöðvar hárlos, að því er segir í
frétt frá fyrirtækinu.
Samkvæmt fréttinni varð efna-
blanda þessi, Foliplexx, til við rann-
sóknir á blóðþrýstingslyfinu Minoxi-
dil. Læknar komust að því að ein
áberandi hliðarverkun blóðþrýstings-
lyfsins var aukinn hárvöxtur. Upp
frá því var þróað hárstyrkingarefnið
Foliplexx, sem er ætlað að stöðva
hárlos og örva endurvöxt hárs úr
hársekkjum sem enn hafa lifandi
frumur. Efnið er notað útvortis.
í frétt frá Plex h.f. er lögð mikil
áhersla á að ekki sé um lyf að ræða
og bent á að sala efnisins hafi verið
leyfð án lyfseðla af bandaríska lyfja-
eftirlitinu. Hér á landi fáist Foliplexx
einungis á helstu hársnyrtistofum,
enda sé eðlilegt að fagfólk fjalli um
þessi mál, segir í fréttinni.
Mokveiði á loðnu
MOKVEIÐI var á loðnu í fyrra-
dag og frameftir nóttu í gær, að
sögn Astráðs Ingvarssonar
starfsmanns Ioðnunefndar. A
miðnætti aðfaranótt miðviku-
dags hafði verið tilkynnt um
veiðar á samtals 183.020 tonnum
frá upphafí vertíðar en um
170.000 tonnum á sama tíma í
fyrra.
Tilkynnt hafði verið um veiðar á
8.610 tonnum síðdegis í gær. Á
þriðjudag var tilkynnt um veiðar á
12.990 tonnum, mánudag 10.410
Skagaströnd:
tonnum, sunnudag 7.420 tonnum
og laugardag 13.990 tonnum.
Loðnumiðin ei-u núna 30 til 40 mílur
norðaustur af Langanesi.
Síðdegis í gær höfðu þessi skip
tilkynnt um afla frá miðnætti:
Skarðsvík 640 tonn, Guðmundur
Ólafur 600 tonn, ísleifur 750 tonn,
Sigurður 1.350 tonn, Hólmaborg
1.440 tonn, Fífill 650 tonn, Jón
Kjartansson 1.100 tonn, Sunnuberg
650 tonn, Svanur 680 tonn og Örn
750 tonn.
\ '
Jólafri í rækjuvinnslunm
Skagaströnd v
STARFSFOLKI rækjuvinnslunn-
ar á Skagaströnd hefur verið
sagt upp störfum frá 19. desem-
ber næstkomandi. Hefur það ver-
ið venja hér í mörg ár að rækju-
bátarnir hætta veiðum um miðj-
an desember og byija síðan aftur
5. - 10 janúar.
Ástæðan fyrir þessu stoppi er
fyrst og fremst sú að rækjan er
einungis veiðanleg í dagsbirtu og
frá miðjum desember og fram í
miðjan janúar er dagurinn of stutt-
ur til að stunda veiðarnar.
í framhaldi af stoppi bátanna er
starfsfólki rækjuvinnslunnar sagt
upp störfum þessar tvær til fjórar
vikur sem stoppið varir.
Góð rækjuveiði hefur verið und-
anfarið á innfjarðarrækjunni og því
nóg að gera í vinnslunni. Er starfs-
fólkið yfiríteitt fegið að fá jólafríið
sitt eins og\vant er, enda farið að
reikna með að eiga frí um jólin.
Ó.B.
Engin samtök um
lokun frystihúsa
- segir Friðrik Pálsson, forsljóri SH
„ÞAÐ eru engin samtök um lokun frystihúsa. Stjórnendur frysti-
húsa innan SH eru fullfærir um að ákveða hvort þeir telja betra
að halda áfram eða hætta. Hitt er svo aftur víst að þeir hafa vafá-
laust gengið mjög langt, því það er mjög erfið ákvörðun að hætta
rekstri og senda fólkið atvinnulaust heim,“ sagði Friðrik Pálsson,
forsíjóri SH, í samtali við Morgunblaðið.
Friðrik var spurður um þetta
vegna ummæla Guðmundar J. Guð-
mundssonar, formanns Dagsbrúnar
og Verkamannasambands Islands á
fundi með Borgarflokknum í fyrra-
kvöld. Þar fullyrti hann að um sam-
tök frystihúsamanna um lokun
væri að ræða.
Friðrik sagði að það væri mikill
ábyrgðarhlutur gagnvart lánar-
drottnum, eigendum og starfsfólki
frystihúsanna að halda áfram bull-
andi taprekstri þeirra. Hann leiddi
aðeins til stöðvunar. Staðan væri
nú erfiðari en oftast áður og vegna
þess meðal annars hefðu fulltrúar
SH gengið á fund forsætisráðherra
í gær til að fylgja eftir sérstökum
félagsfundi fýrir skömmu. Þar hefði
komið fram hjá forsætisráðherra,
að hann skynjaði að staðan væri
erfíð og hann ætlaði að láta vinna
frekari gögn um stöðuna fyrir sig.
„Við teljum hins vegar að staðan
sé svo erfíð, að frekari gagna-
vinnsla sé óþörf. Stefna ríkisstjórn-
arinnar virðist vera sú að bjóða
fyrst upp á sértækar aðgerðir, það
er fyrir einstök hús, en fara síðan
út í almennar aðgerðir. Að mínu
mati er það þveröfugt við það, sem
ætti að vera.
Öll ummæli um einhvert samsæri
fiskvinnslumanna eru út í hött. Við
erum hins vegar komnir í þrot og
óttumst framhaldið. Þeir ríkis-
stjómarmenn, sem enn efast um
ástandið, ættu að eyða einhvetjum
tíma í að kynna sér það og minn-
ast þess á hverju þeir lifa. Þolin-
mæði okkar er algjörlega á þrotum
og skilningsleysið virðist algjört.
Það finnst öllum sjalfsagt að tekjur
þeirra fylgi verðbólgunni, en ’finnst
jafnframt allt í lagi að tekjur út-
flutningsgreinanna geri það ekki.
Nú hafa verið lagðar á þær byrðar,
sem fyrirfram var augljóst að þær
þyldu ekki,“ sagði Friðrik Pálsson.
Sem dæmi um þessa þróun tók
Friðrik dæmi um ákveðin laun, sem
í febrúar 1985 hefðu verið 50.000
krónur. Miðað við vísitölu launa
ættu þau að vera 125.000 krónur
núna. Hefðu þessu laun verið reikn-
uð í dollurum hefðu þau verið ná-
lægt 1.200 dölum 1985. Miðað við
verðbólgu í Bandaríkjunum mætti
áætla að þau hefðu hækkað um 15%
á þessu tímabili og væm því 1.380
dollarar nú eða um 62.800. Ein-
hverjum þætti það líklega lítið, en
við þessa þróun hefði frystingin
mátt búa. Verðhækkanir hluta
þessa tímabils hefðu reyndar bjarg-
að miklu, en þær væru nú úr sög-
unni.
Góð færð á nær
öllum vegum
FÆRÐ á þjóðvegum er eins góð
miðað við árstima og hægt er að
búast við, að sögn vegaeftirlits-
ins, og má nú segja að fært sé
um allt land.
Mikil aurbleyta hefur verið á
vegum á Vestfjörðum, sem er
óvenjulegt að vetrarlagi, en þar
hefur fryst og færð batnað. Tveggja
tonna öxulþungi er þó á veginum
frá Þorskafirði til Þingeyrar en
öxulþunga hefur verið aflétt í Isa-
fjarðardjúpi. Fært er um Vopna-
Qarðarheiði og iMöðmdalsöræfi, en
vegurinn um Öxarfjarðarheiði og
Hólssand er lokaður.
TEC - SJOÐSVEIAR UPPFYLLA
ÖU LAGALEG SKILYRDI UM I
SJÓDSVÍLAR - OG MEIRA TIL. í
ÞÆGILEGAR í UPPSETNINGU i
9G EINFALDAR í NOTKUN
Tec - sjóðsvélar eru til fyrir allar stærðir fyrirtækja.
Möguleikar þeirra eru ótal margir en þó einkar einfalt að nýta sér þó.
Sölufólk Sameindar tekur vel ó móti ykkur í versluninni
eða kemur og metur þörf ef óskað er.
OSAMEIND
BRAUTARHOLTI 8, SÍMI 25833.