Morgunblaðið - 01.12.1988, Blaðsíða 65
MORGUNBLAÐIÐ, FIMMTUDAGUR 1. DESEMBER 1988
65
Var alltaf til staðar þegar á
þurfti að halda og boðin og búin
að breyta vakt eða koma auka þeg-
ar á lá. Hún var skjólstæðingum
sínum og stofnuninni trú en hún
var líka sjálfri sér samkvæm. Það
sem sagt var, það stóð. Þannig var
Þórdís og þannig brást hún við sjúk-
dómnum erfiða og illkynja sem herj-
aði á hana óvænt á jólum 1983.
Hún barðist eins og hetja og með
hjálp tækninnar ásamt hæfu lækna-
og hjúkrunarfólki tókst henni að
komast yfir þann erfiða hjalla svo
ótrúlegt sem þar virtist. Síðan tók
við löng og erfið ganga sem reyndi
á allt sem í henni bjó og hvað eftir
annað þurfti hún að leggjast á
sjúkrahús í erfiða meðferð. Það
sannaðist á Þórdísi að „því meir sem
flísað er af marmaranum kemur
myndin skýrar í ljós“.
Þórdís rétti betur úr sér, lyfti
höfðinu, brosti af hugrekki og hélt
ótrauð og ákveðin áfram. En hún
stóð ekki ein í þessari baráttu, held-
ur hafði annan klett sér við hlið þar
sem Pétur eiginmaður hennar var
og börnin voru hennar styrka stoð
og ánægja. Alltaf þegar hún talaði
um þau kom sérstakur glampi í
augun, hún ljómaði.
Undanfamar vikur undirbjó hún
sig fyrir að koma aftur í vinnuna
sína, var búin að koma í tvígang,
svona til að venja sig við, og ráð-
gerði að koma eftir næstu meðferð
sem hún vonaði að yrði sú síðasta.
En hún fór í aðra vinnu.
Ég sem þetta rita hef sérstaka
ástæðu til að þakka Þórdísi góða
samvinnu og kynni. Leiðir okkar
lágu fyrst saman er eg var kennari
við Hjúkrunarskóla Íslands og hún
þá að feta fyrstu sporin í hjúkrun
ásamt öðrum glöðum og áhugasöm-
um nemendum. Það var oft kátt á
hjalla í þessum hópi. Síðastliðin
átta ár vorum við í samstarfi á
Barnaspítala Hringsins og bar þar
engan skugga á.
Hún var með okkur í því að
stofna deild barnahjúkrunarfræð-
inga innan Hjúkrunarfélags ís-
lands, en það gerðum við á „ári
bamsins" 1979.
Þar sátum við saman í stjórn til
margra ára og var það sérstaklega
þægileg samvera. Þórdís hafði rit-
arastarfið á sinni hendi og var eftir
því tekið hversu nákvæmar og
markvissar fundargerðir hennar
voru. Enn fremur vakti það aðdáun
hversu vel og snyrtilega þær voru
handritaðar í fundargerðarbók.
Slíkt er veisla fyrir augað á tölvu-
öld. Fyrir allt þetta vil ég nú þakka.
Ég leyfi mér ennfremur í nafni
alls samstarfsfólks Þórdísar á
Barnaspítala Hringsins að færa
fram einlægar þakkir fyrir sam-
fylgdina sl. 17 ár.
Góður Guð styrki og styðji eigin-
mann hennar, börnin þeirra, Rann-
veigu og Magnús, í þeirra miklu
sorg, svo og föður hennar og systur
og gefi þeim ljós í myrkrinu.
Þórdís hefur opnað aðrar dyr og
henni fylgja blessunarorð. Hennar
er sárt saknað.
Hertha W. Jónsdóttir
Það er umhugsunarvert hversu
viðmót og framkoma hefur mikil
áhrif í daglegum samskiptum
manna til góðs eða ills. Það er eins
og birta og ylur, sem stafar frá
sumu fólki, smiti út frá sér, vermi
umhverfið og lýsi. Þórdís Guð-
mundsdóttir - hjúkrunarfræðingur
var þessum eiginleikum gædd. Hún
hefur starfað hér á Barnaspítala
Hringsins í mörg ár og lét ekki
deigan síga þó illvígur sjúkdómur
hamlaði för annað slagið. Það var
auðséð á Þórdísi að hún hafði yndi
og ánægju af starfi sínu, þó á stund-
um hljóti hún að hafa verið þjökuð
af sínum sjúkdómi. Hún var iðju-
söm, sinnti sjúklingum sínum af
kostgæfni og með þeirri þolinmæði
sem nauðsynleg er. Hún gekk um
hljóðlát og hógvær og mér fannst
ætíð sem af ásjónu hennar lýsti
kærieiksþel til náungans.
Þakkir skulu færðar hverri slíkri
manneskju sem maður mætir á
lífsleiðinni.
Ástvinum Þórdísar vottast inni-
leg samúð.
Víkingur H. Arnórsson
t
Faðir okkar,
ERLENDURÁRNASON,
Skíðbakka,
veröur jarðsettur frá Krosskirkju í Austur-Landeyjum laugardaginn
3. desember kl. 11.00.
Rútuferð frá Umferðarmiðstöðinni kl. 9.00 árdegis með viðkomu
í Fossnesti, Selfossi.
Árni Erlendsson,
Ragna Erlendsdóttir,
Sigríður Oddný Erlendsdóttir.
t
Jarðarför eiginmanns míns, föður okkar, fósturföður, tengdafööur
og afa,
HAFSTEINS BALDVINSSONAR
hœstaréttarlögmanns,
Fjölnisvegi 16,
fer fram frá Hallgrímskirkju föstudaginn 2. desember kl. 10.30.
Þeim sem vildu minnast hans er vinsamlegast bent á Krabba-
meinsfélag íslands.
Sigrfður Ásgeirsdóttir,
Ásgeir Hannes Eiríksson, Valgerður Hjartardóttir,
Baldvin Hafsteinsson, Björg Viggósdóttir,
Elfn J. G. Hafsteinsdóttir, Haukur G. Gunnarsson
og barnabörn.
t
Faðir okkar, tengdafaðir og afi,
SÖRLI ÁGÚSTSSON
fráKjós, ■<
verður jarðsunginn frá Fossvogskirkju föstudaginn 2. desember
kl. 15.00.
Jóna Sörladóttir,
Ásdfs Sörladóttir,
Guðrfður Sörladóttir,
Erna Sörladóttir,
Ágúst Sörlason,
Guðmundur Sörlason,
Ragnheiður Sörladóttir,
Kristín Sörladóttir,
og
Páll Guðfinnsson,
Ásgeir Sölvason,
Viðar Breiðfjörð,
Hörður Guðmundsson,
Jóna Maja Jónsdóttir,
Ingibjörg Friðbertsdóttir,
Einar Ólafsson,
Helmut Finze
barnabörn.
t
Útför bróður okkar,
HJALTA JÓNSSONAR
járnsmiðs,
Hátúni lOa,
sem andaðist þann 27. nóvember sl., verður gerð frá Fossvogs-
kirkju föstudaginn 2. desember kl. 10.30.
Vilborg Hjaltested,
Þurfður Billich,
Ögmundur Jónsson,
GunnarJónsson.
PU5UND KRU
AFSIATTUR A ORFAUM
FORD BRONCO OG
MERCURY TOPAZ,
ÁRGERÐ 1988
Opið laugardag til lcl. 17.
Framtíð við Skeifuna ■ Sveinn Egilsson hf.
símar 685100, 689633