Morgunblaðið - 20.10.1990, Blaðsíða 11

MORGUNBLAÐIÐ LAUGARDAGUR 20. OKTÓBER 1990
11
Hamborgar. Að mati loftferðaeftir-
litsins, og með hliðsjón af framlögð-
um gögnum ísflugs hf., var fjár-
þörfin 238,7 m.kr., sem skiptist í
50,2 m.kr. vegna stofnkostnaðar,
og 188,5 m.kr. vegna þriggja mán-
aða rekstrar.
Fyrir lágu upplýsingar ísflugs
hf. um innborgað lausafé að upp-
hæð 11 m.kr. og ennfremur yfirlýs-
ing um staðfest hlutafjárloforð 106
m.kr. Loftferðaeftirlitið óskaði eftir
nánari upplýsingum frá ísflugi um
fjárhagsstöðu en fékk ekki. I um-
sögn þess er staðfest að félagið
uppfylli ekki sett ákvæði um ijár-
magn. Flugráð féllst einnig á þetta
sjónarmið, og kom því ekki til
neinnar atkvæðagreiðslu í flugráði
um val milli tveggja hæfra umsækj-
enda um áætlunarleyfin.
Meginatriði og aukaatriði
í framhaldi af ákvörðun sam-
gönguráðherra 18. þ.m. hefur
Víglundur Þorsteinsson kosið að
þyrla upp moldviðri vegna af-
greiðslu málsins og verður tíðrætt
um meint vanhæfi mitt til að sitja
og stjórna fundum flugráðs. Hann
hefur hins vegar lítið rætt um hvaða
þjónustu hann hugðist bjóða í áætl-
unarflugi til Amsterdam og Ham-
borgar og með hvaða tækjum. Það
er „skólabókardæmi“, þegar reynt
er að sveigja athygli fjölmiðla og
almennings frá meginatriðum og
þess í stað einblínt á meint minni
háttar formsatriði.
í fjölmiðlayfirlýsingum Víglund-
ar er t.d. ekkert minnst á þann
farkost, sem ísflug tilgreindi til
áætlunarflugsins, — og það eru
e.t.v. skiljanlegar ástæður fyrir því.
Upplýsingar um flugvélakost eru
meðal grunnatriða, sem umsækj-
andi þarf að leggja fram, og þar
sem þær upplýsingar ísflugs eru
nú meðal opinberra gagna málsins,
er ekkert því til fyrirstöðu að minna
á þær.
Undirstrikað skal, að ekki kom
til sérstakra umræðna í flugráði um
fyrirhugaðan flugvélakost ísflugs,
þar sem umsókn félagsins full-
nægði ekki settum fjárhagsskilyrð-
um.
Um er að ræða 22 ára gamla
B737-200 leiguflugvél, skráð í
Honduras, en nú staðsett í Costa
Rica. Hún hefur að baki yfir 70.000
flug, og þarf því með hliðsjón af
því og háum aldri að gangast undir
meiri háttar „öldrunaraðgerð“ svo
alþjóðlegum lofthæfiákvæðum
verði fullnægt.
Leyfilegur hámarksþungi þessar-
ar þotu í flugtaki er svo lítill, að
hún getur með engu móti flutt eðli-
iega arðhleðslu í flugi frá Amster-
dam til íslands. Þá er hún ekki
búin þeim öryggistækjum, sem nú
er krafist í flugi yfir N-Atlantshaf-
ið (,,MNPS“-kröfur). Umrædd flug-
vél er jafnframt í þeim „hávaða-
flokki“ að hún fengist ekki skrásett
í neinu aðildarríkja EB og EFTA
frá og með 1. nóv. nk., nema á
íslandi, sem enn hefur ekki mótað
opinbera stefnu á þessu sviði.
Er þetta sá „öryggis- og gæða-
staðall" sem stefna ber að í íslensku
áætlunarflugi til og frá íslandi árið
1990? Vefst nú tunga um tönn!
Höfundur er formaður flugráðs.
INNSIGLUM FULL-
ARSÆTTIR
eftir Magnús
Helgason
Sumarið 1988 skrifaði ég stutta
grein í Morgunblaðið og hvatti sjálf-
stæðismenn til að ná sáttum, en
þá voru ennþá mikil leiðindi í
flokknum eftir þau átök sem urðu
vegna Alberts Guðmundssonar vor-
ið 1987.
Ég rifjaði upp ágreining sem
varð meðal sjálfstæðismanna-eftir
að Ólafur Thors myndaði Nýsköp-
unarstjórnina árið 1944 með Al-
þýðuflokki og sósíalistum. Þá neit-
uðu fimm þingmenn okkar að styðja
stjórnina og olli þessi sundrung að
sjálfsögðu miklum skjálfta í röðum
sjálfstæðismanna. í grein minni
lýsti ég því þegar Ólafur Thors og
Kristján Guðlaugsson ■ sættust á
landsfundi flokksins á Akureyri árið
1948.
í framhaldi af því hvatti ég
reynda og vitra menn í röðum okk-
ai- til að miðla málum og freista
þess að ná sáttum milli flokksfor-
ystunnar og Alberts. Bæði Þor-
steinn Pálsson og Albert lýstu yfir
ánægju með þessa tillögu.
Frá því sumarið 1988 hefur mik-
ið vatn runnið til sjávar og sem
betur fer hafa sættir tekist með
Albert og Sjálfstæðisflokknum, öll-
um góðum sjálfstæðismönnum til
ánægju.
Ingi Björn Albertsson, sonur Al-
berts, hefur einnig gengið til liðs
við þingflokk okkar, eins og kunn-
ugt er. Að margra mati var inn-
ganga hans hinn táknræni atburður
samheldni og sátta á nýjan leik.
Það er skoðun mín að miklu varði
að Ingi Björn hljóti góða kosningu
í prófkjöri sjálfstæðismanna í
Reykjavík, að honum verði tryggt
öruggt þingsæti á öflugum lista
okkar. Með þeim hætti sýna sjálf-
stæðismenn í Reykjavík það í verki
að fullar sættir hafí verið innsiglað-
ar og að flokkurinn standi heill og
einhuga aftur.
Ingi Björn hefur reyndar sýnt
það í verki að hann er dugmikill
og hæfur þingmaður sem kemur
hlutunum í verk og nær árangri.
Hann mun því ótvírætt verða fram-
boði flokksins styrkur í áhrifasæti
á listanum næsta vor.
Magnús Helgason
Nú er lag. Sjálfstæðisflokkurinn
á möguleika á að vinna sinn mesta
sigur frá upphafi í næstu alþingis-
kosningum. En til þess þurfa allir
að stánda saman sem einn maður
gegn sundruðum öflum á vinstri
kantinum.
Gleymum ekki að innsigla fullar
sættir. Tryggjum Inga Bimi öruggt
sæti.
Höfundur er frnmkvæmdastjóri
Hörpu hf.
FYRIRLIGGJANDI
Þ. Þ0RGRIMSS0N & C0
Ármúla 29
Kjósum Þuríði Pálsdótt
ur í örug’gt sæti
eftir Jóhönnu
Hrafnfjörð
Nú líður senn að því að prófkjör
hefjist. Það er því mikils vert að
kjósa þá sem eru traustsins verðir.
Ein af þeim er Þuríður Pálsdóttir.
Ekki þarf að kynna hana sem
óperusöngkonu, á því sviði er hún
löngu landskunn. En hitt held ég
að færri viti, hve vel hún hefur
sett sig inn í stjórnmálin. Þó sann-
aði hún það með eftirminnilegum
fundi á Hótel Borg að henni voru
skattamálin ekki ókunn. En á þeim
fundi var aðal umræðuefnið hinn
illræmdi ekknaskattur. Menningar-
mál hefur hún einnig látið til sín
taka. Heilbrigðis- og tryggingar-
málum er hún líka mjög vel kunn-
ug. Hún hefur öðlast þann þroska
sem byggist á lífsreynslu, þreki og
dugnaði, sem íslenska þjóðin má
ekki fara á mis við til að geta tek-
ist á við þau erfiðu verkefni sem
bíða næsta Alþingis. Þess vegna
skulum við veita henni veglegt
brautargengi.
Höfundur er Ijósmóðir og í
fulltrúaráði Sjálfstæðisflokksins.
Jóhanna Hrafnfjörð
Til sölu eöa leigu er þetta iðnaðar- eða verksmiðjuhús á besta stað við Hafnarfjarð-
arhöfn. Einnig hentugt fyrir verktakastarfsemi eða skipaafgreiðslu. Rúmgóð lóð.
Vélsmiója Hafnarfjaróar hf.,
simi50145.
/
Tryggjum
farsæla
forystu
í Reykjavík
Þegar taka þarf til hendi
kemur reynslan að góðu gagni.
Farsæl forysta tryggir árangur.
Stuðningsmenn