Morgunblaðið - 20.10.1990, Blaðsíða 26

26
MORGUNBLAÐIÐ LAUGARDAGUR 20. OKTÓBER 1990
Vaxandi brottflutningur
afleiðing atvinnuleysis
Ríkisvaldið leggi fram stefnumótun um atvinnuuppbyggingu
Trunaðarmannarað Einmgar:
>■ Trúnaðarmannaráð Verkalýðsfélagsins Einingar gerir þá kröfu
til rikisvaldsins að það komi með ákveðna stefnumótun í atvinnuupp-
byggingu við Eyjafjörð, þar sem það hafi óbeint haft forgöngu
um mikla atvinnuuppbyggingu í öðrum landshlutum, sem sogi til
sín vinnuafl af svæðinu. Meiri nauðsyn en áður sé á því að leita
nýrra leiða til atvinnuuppbyggingar en áður.
Fundur trúnaðarmannaráðs Ein-
ingar var haldinn í fyrrakvöld og
lýsti fundurinn yfir áhyggjum
vegna atvinnuástandsins á félags-
svæðinu, ekki síst Akureyri, þar
sem verulegt atvinnuleysi hefur að
undaförnu verið alla mánuði ársins
og mun það fara vaxandi nú í vetr-
arbyijun, eins og segir í ályktun frá
fundinum. Hún var lesin upp á fjöl-
mennum fundi um atvinnumál sem
JC-Akureyri efndi til í Alþýðuhús-
inu í fyrrakvöld.
Afleiðingar þessa atvinnuleysis
eru þegar farnar að endurspeglast
í ört vaxandi brottflutningi bæj-
arbúa og verði ekki snögg breyting
til hins betra hvað atvinnustarfsemi
snertir er ljóst að fólk flytur af
svæðinu þegar framkvæmdir hefj-
ast við Fljótsdalsvirkjun og bygg-
ingu álvers á Keilisnesi, segir einn-
ig í ályktun trúnaðarmannaráðs-
-ins.„Ljóst er að brottflutningur
fólks leysir aldrei þann vanda sem
atvinnuleysi er. Atvinnuleysið vex
vegna samdráttar í viðskiptum,
hvers konar þjónustu, bygginga-
starfsemi og á fleiri sviðum. Þannig
skapar brottflutningur vítahring
sem sífellt verður erfiðara að kom-
ast út úr eftir því sem lengra líður.
Því ber að ijúfa þennan vítahring
áður en hann verður illa eða ekki
viðráðanlegur."
Knýjandi nauðsyn sé á að aðilar
sem áhrif hafi í atvinnulífinu sam-
eini krafta sína til aukinnar at-
vinnustarfsemi, ríkisvaldið leggi
fram stefnumörkun varðandi upp-
byggingu atvinnulífs á svæðinu og
sveitarfélög komi myndarlega inn í
nýsköpun atvinnulífs. Þá er skorað
á útgerðar- og fiskvinnslufyrirtæki
að vinna betur saman að meiri og
fjölbreyttari vinnslu þess afla sem
á lands berst. „Höfuðatriðið er að
allir reyni að gera enn betur en
áður, en láti ekki undan síga, þótt
við nokkra erfiðleika sé að etja. Þau
vandamál sem við blasa eru þess
eðlis að á þeim ber að sigrast en
ekki flýja þau. Sameiginlegt mark-
mið hlýtur að vera: Blómlegar og
vaxandi byggðir við Eyjafjörð,“
segir í lok ályktunarinnar.
Norðanpiltar
á Uppanum
Norðanpiltar munu skemmta
gestum Uppans á Akureyri í næstu
viku, þ.e. á mánudags-, þriðjudags-
og miðvikudagskvöld. Þeim hefur
nú bæst liðsauki, trommuleikarinn
Guðmundur Stefánsson, sem l'eikur
á bassagítar. Þetta mun verða í
fyrsta skipti sem Norðanpiltar leika
opinberlega á heimavelli. Hefja þeir
leikinn kl. 22.30 og eru allir vel-
komnir svo lengi sem húsrúm leyfir.
Ræstingastjórar Akureyri og nágrenni
Félag ræstingastjóra í samvinnu við Iðntæknistofnun
íslands, býður grunnnámskeið fyrir ræstingastjóra
og aðra verkstjórnendur, sem hafa yfirumsjón með
þrifum og ræstingum.
Á námskeiðinu er fjallað um verkstjórn og mannleg samskipti, leiðsögn
nýliða og rétta líkamsbeitingu við ræstingu.
Námskeiðið er 30 kennslustundir og er í Litla-Hvammi, Alþýðuhúsinu, 4. hæð,
29., 30., 31. okt. og 1. nóv.
Iðntæknistof nun I
Upplýsingar og skráning
í síma 96-26200.
IÐNTÆKNISTOFNUN ÍSLANDS
Keldnaholt, 112 Reykjavík
Sími (91) 68 7000
- *
Qz
ALLT STAKAR SOGUR ásútglfan FAANLEGAR 41PAKKA A KR. 1.750,-
Morgunblaðið/Rúnar Þór
Fjör í frímínútum
Þeir voru kátir krakkarnir í Barnaskóla Akureyrar í frímínútum
gærdagsins, en skólinn fagnaði 60 ára vígsluafmæli sínum á föstudag.
Bókaforlag Odds Björnssonar;
Spennusögiir, ljóð,
bama- og hestabækur
á j ólabókamarkaðínn
BÓKAFORLAG Odds Björnssonar á Akureyri gefur út átta bækur
fyrir jólin, tvær spennusögur, tvær hestabækur, tvær ljóðabækur
og tvær barnabækur.
Ljóðabækurnar eru í Forsæludal
eftir Ólaf Sigfússon, en í bókinni
eru ljóð og lausavísur eftir Ólaf í
Forsæludal. Af erlendum tungum
eru ljóðaþýðingar Braga Siguijóns-
sonar, 67 ljóð þýdd úr ensku,
dönsku, sænsku og norsku. Bragi
hefur sent frá sér níu Ijóðabækur,
þar af þijár með þýðingum.
Gunnar Bjarnason skrifar 6.
bindi Ættbókar og sögu íslenska
hestsins, en í þessu bindi er lýsing
stóðhesta frá nr. 1141-1174 og lýs-
ing á hryssum frá nr. 4417-8072,
en þar með er komin ritröð allra
hryssa sem fengið hafa dóma og
ættbókarnúmer fyrir maílok árið
1990. Þá kemur út bókin Jódynur
II, hestar og mannlífi í Austur-
Skaftafellssýslu, en fyrsta bindið
kom út árið 1988. í þessu bindi er
fjöldi greina sem allar eru tengdar
hornfirska hestinum, m.a. greina
um baráttu manna og hesta við
náttúruöflin.
Depill gistir eina nótt eftir Eric
Hill er ný bók um Depil fyrir börn
sem nýbyijuð eru að lesa, en hin
barnabókin er eftir Guðjón Sveins-
son og heitir Snjóhjónin syngjandi.
Bókin skiptist í sjö kafla, sem eru
ævintýri sem pabbinn segir dætrum
sínum síðustu daga fyrir jól.
Spennusögurnar eru eftir Sid-
ney Sheldon og Arthur Hailey.
Síðustu fréttir nefnist bók Haileys,
en þar segir frá magnaðri spennu
á fréttastofu CBA sjónvarpsstöðv-
arinnar. Bók Sheldons heitir Mar-
tröð á miðnætti og er þráðurinn
tekinn upp þar sem fyrstu bók höf-
undar, Fram yfir miðnætti, sleppti.
Þar segir frá Catherine Douglas og
örlögum hennar.
Tónleikar
Louis Thiry
AÐRIR tónleikar Tónlistar-
félags Akureyrar á þessu
starfsári verða haldnir í Ak-
ureyrarkirkju í dag, laugar-
dag, og hefjast þeir kl. 17.
A tónleikunum leikur fanski
orgelleikarinn Louis Thiry, en
hann lenti í þeirri erfiðu
lífsreynslu sem barn að
sprengja sprakk í höndum
hans. Við það missti hann sjón-
ina og framan af þremur fingr-
um vinstri handar, en það kom
ekki í veg fyrir áhuga hans á
tónlistarnámi.
Námskeið haldið
fyrir flughrædda
FLUGLEIÐIR ætla að efna til námskeiðs fyrir farþega sem yfir-
vinna vilja Hughræðslu, en námskeiðið verður haldið á Akureyri og
hefst 6. nóvember næstkomandi.
Eiríkur Örn Arnarsson sálfræð-
ingur hefur annast undirbúning
námskeiðsins, en auk hans verður
Gunnar H. Guðjónsson flugstjóri
hjá Flugleiðum leiðbeinandi á nám-
skeiðinu. Eiríkur er sérfræðingur í
meðferð á hverskonar fælni, þar á
meðal flughræðslu, en Gunnar er
einn af reyndustu flugstjórum flug-
leiða.
Námskeiðið hefst 6. nóvember,
en alls stendur það í 20 klukku-
stundir. Þátttökugjald er 20 þúsund
krónur og er innifalið í því flugferð
til einhvers áætlunarstaða félagsins
erlendis.