Morgunblaðið - 12.05.1991, Blaðsíða 29
MORGUNBLAÐIÐ' SUNNUDAGUR 12. MAÍ 1991
Æ9
Tréhausar Guð-
jóns Ketilssonar
Myndlist______________
Eiríkur Þorláksson
Á efri hæðum Nýlistasafnsins
stendur nú yfír sýning á hausum,
sem Guðjón Ketilsson hefur unnið
úr tré. Ef til vill væri réttara að
segja að hausarnir séu leystir úr
læðingi, því að efnið markar hér
formin, eins og listamaðurinn seg-
ir í stuttu ávarpi til gesta: „Sum
tré eru samvinnuþýð en önnur
þijósk og andsnúin. Á einu augna-
bliki verður trékubbur að veru
sem þröngvar sér út úr efninu.
Leiðin að markinu er krókótt og
löng en ferðin er líka markmið í
sjálfri sér.
Verk Guðjóns eru óskilgreindar
verur fremur en hausar. Þessi
höfuðform hafa til að bera nokkur
einkenni hausa (hár, eyru, varir),
en vantar það sem gefur hverjum
haus sinn persónusvip (nef og
augu); áhorfendum er gefínn
kostur á að ljúka persónugerðinni
í huganum, og skapa þannig heila
manneskju.
Eitt sem fljótlega vekur at-
hygli gesta við verur Guðjóns er
hversu gífurlega vel þær eru unn-
ar; áferðin er afar mjúk, og greini-
lega lagt mikið upp úr snertigild-
inu. Tréð er látið ráða miklu um
formin, þannig að sjálfstæð ein-
kenni hvers verks fyrir sig verða
sterk, þó svo að handbragðið komi
svo vel fram. Síðan er höggvið,
pússað, málað, pússað, málað,
slípað, málað og slípað, aftur og
aftur, þar. til listamaðurinn er
ánægður með árangurinn. Jafnvel
stallarnir, sem eru úr járni, eru
fínpússaðir á sama hátt, þannig
að áferð þeirra sker sig ekki frá
verkunum sjálfum.
Þessi vinnuaðferð fer vel saman
við það sem listamaðurinn segir
í fyrrnefndu ávarpi um mikilvægi
ferðarinnar: „Skúlptúrinn er
ferðalýsing, sjáanleg afleiðing af
ferli, afleiðing togstreitu milli
mannsins og trésins, hann er
málamiðlun. En hér verður auðvit-
að að bæta við að ferð án fyrir-
heits er tilgangslítil, og afurðin,
Iistaverkið sem er afleiðing þessa
ferlis, verður að vera fyrirhafnar-
innar virði. Og hér hefur Guðjóni
tekist vel til.
Þessar verur eru afar sjálfstæð-
ar og sjálfum sér nógar; þær
tengjast lítt umhverfi sínu, heldur
hverfa þær inn í sjálfa sig, sinn
eigin heim. Þær virðast hýsa per-
sónubundna leyndardóma, sem
gestir geta aðeins leitað að. Til
dæmis má spyija hvað hvílir á bak
við hlíf járnsmiðsins („Smiður, nr.
5), og hvers vegna ljóshærða kon-
an með bláu hálsfestiha fær þetta
nafn („Blóm, nr. 8). Er „Vörður
(nr. 17) einn þeirra sem gæta
farþega í neðanjarðarlestum New
York-borgar? Þannig væri hægt
að halda áfram, en sjálfsagt að
láta hveijum og einum það eftir.
Nokkrar verur eru meira en
einstök persónusköpun, því þær
vísa lengra. Verkið „Tími (nr. 12)
sker sig úr, þar sem múrhúð
myndar gróft skegg og hár, og
bundið er fyrir augun; samsetn-
ingin minnir óneitanlega á guðs-
soninn eða aðra píslarvotta í
gegnum tíðina. „Samband (nr. 15)
er síðan skemmtileg ábending um
uppbyggingu samfélagsins, þar
sem einn rís upp af öðrum, allt
upp á toppinn — og hinir neðstu
bera allan þungann.
Þetta er skemmtileg sýning á
vel unnum höggmyndum, og rétt
að benda fólki á að líta inn þessa
síðustu sýningarhelgi.
Sýningu Guðjóns Ketilssonar í
Nýlistasafninu lýkur sunnudaginn
12. maí.
Ungicmplarar:
Barátta gegn fíkniefnum
TÖFRAR, útgáfufélag ungtemplara, hefur hafið kynningarstarf
meðal framhaldsskólanemanda um fíkniefnamál. Ungtemplarar ráð-
gera að gefa út tvö tölublöð tímarita árlega um þessi málefni.
Auk tímaritaútgáfunnar er einn-
ig ráðgerð annars konar fjölmiðla-
kynning um sama málefni einu sinni
á ári. Markmið þessarar kynningar
er að efla þekkingu og forvarnir
meðal 16 ára til 20 ára íslendinga
og að hvetja þennan aldurshóp til
frumkvæðis í forvarnar- og áróð-
ursstarfi um fíkniefni.
/s
/@
/g
® spOKIS'NEáR
— : VOR OG
SUMAR TÍSKAN FRÁ
CIAO KOMIN
//
IIJJ
SNORRABRAUT 56 C 13505 + C 14303
KAUPSTAÐUR
ÍMJODD
Otrúlejgur afsláttur á sjórívarpstækjum, myndbandstækjum,
hljomtækjum, örbyígjuofnum, bíltækjum, hátölurum,
heyrnartólum, útvarpsvekjurum og mörgu, mörgu, fleira !
SKIPHOLT119
SÍMI 29800