Morgunblaðið - 28.09.1991, Blaðsíða 23

MORGyNBLAÐIÐ LAUGARDAGUR 28. SEPTEMffER 1991
András Hajdú nýr sendiherra Ungverjalands á íslandi:
NATO nauðsynlegt til að
tryggja stöðugleika í Evrópu
ANDRÁS Hajdú, nýskipaður sendiherra Ungverjalands á íslandi,
afhenti Vigdísi Finnbogadóttur, forseta Islands, trúnaðarbréf sitt
á fimmtudag. Hajdú hefur aðsetur í Stokkhólmi þar sem hann tók
við sendiherraembætti í mars sl. Hann er fæddur árið 1949, lögfræð-
ingur að mennt, og hefur starfað
síðan 1974.
Hajdú sagði Ungvdrja telja sam-
skiptin við Island vera mjög mikil-
væg. Bæði ísland og Ungveijaland
væru lítil lönd en ísland hefði mik-
ið forskot á einu sviði. Það væri
þegar hluti af Vesturlöndum.
„Helsta markmið okkar er að verða
fullgildur aðili að samfélagi vest-
rænna ríkja. Þessu markmiði mun-
um við reyna að ná með því að
gerast aðilar að stofnunum Vestur-
landa. Fyrst og fremst Evrópu-
bandalaginu," sagði Hajdú. Hann
sagði að innan skamms væri stefnt
að því að undirrita samning við
EB um aukaaðild Ungveija sem
taka myndi gildi árið 1992.1 samn-
ingnum væri einnig að finna
ákvæði þar sem segði að Ungveij-
ar stefndu að því að verða fullgild-
ir aðilar að bandalaginu.
ísland væri ekki síst mikilvægt
fyrir Ungveija sem aðili að Atl-
antshafsbandalaginu. Hajdú tók
skýrt fram að Ungveijar stefndu
ekki að því að gerast aðilar að
NATO. Þeir teldu hins vegar nauð-
synlegt að NATO starfaði áfram
til að tryggja stöðugleika í Evrópu
sem og til að veija Evrópu gegn
í ungverska utanríkisráðuneytinu
hættum utanað, eins og Persafló-
astríðið væri dæmi um. Legðu
Ungveijar traust sitt á Atlants-
hafsbandalagið sem tryggingu fyr-
ir öryggi landsins. Aðspurður um
hvernig hann teldi NATO geta
tiyggt öryggi Ungveijalands sagði
Hajdú: „Eg vil leggja áherslu á
þijú atriði sem við teljum mikil-
væg. í fyrsta lagi verður NATO
að vera til áfram. I öðru lagi teljum
við nauðsynlegt að Bandaríkja-
menn verði áfram með herlið í
Evrópu innan ramma NATO. Og
í þriðja lagi fögnum við þeirri yfir-
lýsingu utanríkisráðherra NATO,
á fundi þeirra í Kaupmannahöfn
fyrr á árinu, að bandalagið láti sig
örlög nýju lýðræðisríkjanna í Mið-
og Austur-Evrópu varða. Við von-
um að þessi stefna verði ítrekuð,
með stuðningi íslands, á utanríkis-
ráðherrafundinum í Róm í nóvem-
ber.“
Sendiherra Ungveijalands sagði
einnig vera mikla möguleika á að
auka viðskiptatengsl ríkjanna.
• Mjög hefði dregið úr hefðbundnum ~
viðskiptum Ungveija við ríki í
Austur-Evrópu en viðskipti við
András Hajdú Morgunblaðið/Þorkell
Vesturlönd aukist að sama skapi.
Nam aukning þeirra viðskipta 50%
á síðasta ári. „Það er mikil geijun
í ungversku viðskiptalífi þessa
stundina og í fyrra voru stofnuð
15 þúsund ný fyrirtæki," sagði
Hajdú. Hann sagði að vekja þyrfti
athygli ungverskra viðskipta-
manna á íslandi enda miklir mögu-
leikar til staðar. Viðskipti ríkjanna
nema nú þegar um þremur milljón-
um dollara árlega. Það er ekki síst
á sviði jarðhita sem löndin hafa
átt með sér samstarf.
„Það eru líka möguleikar til
aukinna samskipta á fleiri sviðum.
Forseti Ungveijalands er rithöf-
undur og tekur mjög virkan þátt
í menningarlífinu. Það sama á við
um forseta íslands. Þetta bendir
til þess að menning gæti átt ríkan
þátt í samskiptum ríkjanna," sagði
Hajdú.
Hann sagði einnig að Ungveijar
fylgdust grannt með þætti Islands
í viðræðunum um myndun Evr-
ópsks efnahagssvæðis (EES). „Við
vonum að niðurstaða náist í þess-
um viðræðum. Það hefði mjög
mikla þýðingu fyrir ungverskt
efnahagslíf."
St.S.
23
Kim Il-sung
Norður-Kórea:
Mótmæli gegn
Kim Il-sung
Tókýó. Reuter.
UM 4.000 íbúar borgarinnar Sinu-
ijiu í Norður-Kóreu efndu til mót-
mæla gegn leiðtoga kommúnista-
stjórnar landsins, Kim Il-sung for-
seta, eftir valdaránstilraun sové-
skra harðlínukommúnista í ágúst,
að sögn japanska dagblaðsins San-
kei Shimbun í gær.
Blaðið sagði að mótmælin hefðu
átt sér stað 27. ágúst og fregnin
hefði borist frá fólki af kóreskum
ættum við landamæri Norður-Kóreu
og Kína. Mótmælendurnir hefðu
hrópað vígorð gegn einræðisherran-
um en her- og lögreglumenn fengið
þá til að hætta mótmælunum án
' þess að beita valdi.
Kim Il-sung, sem lofsunginn er í
Norður-Kóreu sem „leiðtoginn
mikli“, hefur stjórnað landinu með
harðri hendi frá því alþýðulýðveldið
var stofnað 1948. Fregnir herma að
efnahagsástandið í landinu fari
versnandi, verksmiðjur framleiði að-
eins um 40% af því sem þau gætu
afkastað vegna skorts á varahlutum
og hráefni.
Bjartsýni á að vopna-
hlé haldist í Júgóslavíu
Zagreb. Reuter.
SÉRSTAKUR sendimaður Evrópubandalagsins (EB) í Júgóslavíu,
Hollendingurinn Henri Wijnaendts, sagði í gær að hann væri bjart-
sýnn á að takast muni að koma á varanlegum friði í landinu eftir
að hann hafði rætt við leiðtoga helstu deiluaðila. Sambandsher Júgó-
slavíu hóf í gær brottflutning frá herbúðum sínum í króatísku borg-
inni Sinj.
Að sögn Simons Smits, formanns
eftirlitssveitar með vopnahléinu,
hitti Wijnaendts Franjo Tudjman,
forseta Króatíu, aðfaranótt föstu-
Frökkum í nöp
við gyðinga
París. Reuter.
EINN af hverjum fimm Frökkum
vill ekki fá gyðing sem tengdason
eða -dóttur, kom fram í skoðana-
könnun sem vikuritið i’Evenement
du Jeudi lét gera.
Niðurstöður könnunarinnar
sýndu að 70% aðspurðra var alveg
sama þótt börn þeirra giftust gyð-
ingum, en 20% voru á móti því.
Þriðjungur aðspurðra sagði að sér
myndi finnast óþægilegt ef vinnufé-
lagi væri með kollhúfu á vinnustað,
en einungis einn af hveijum sex
sagði að það myndi angra hann úti
á götu.
dags eftir að hafa rætt við Slobod-
an Milosevic, forseta Serbíu, og
Veljko Kadijevic, varnarmálaráð-
herra Júgóslavíu og æðsta yfirmann
sambandshersins. „Herinn er
áhyggjufullur vegna umsáturs við
herstöðvar og yfirvöld í Króatíu
vilja að herinn hverfi á brott svo
fljótt sem auðið er og skilji búnað
sinn eftir,“ sagði Smits. „Engu að
síður er Wijnaendts þeirrar skoðun-
ar að hægt sé að komast að sam-
komulagi."
Skotið var að einkaflugvél Wijna-
endts þegar hann kom til Zagreb í
gærkvöldi, en engan sakaði. Þetta
var í þriðja sinn á síðustu vikum
sem skotið hefur verið að farartæki
sem Wijnaendts var farþegi í.
Króatíska útvarpið sakaði sam-
bandsherinn um að halda uppi skot-
hríð á bæinn Vukovar í gær, en
króatískir embættismenn voru þó
bjartsýnir á að vopnahléið myndi
halda.
Hvetur til fjárfestinga
í stað matvælaaðstoðar
Frankfurt. Reuter.
ANATOLIJ Sobtsjak, borgarstjóri Sankti Pétursborgar, hvatti til
þess á bankaráðstefnu í Frankfurt í gær að erlendir aðilar fjárfestu
í sovéskum landbúnaði því niðurlægjandi væri fyrir Sovétmenn að
þurfa að þiggja matvælaaðstoð frá Vesturlöndum.
„Rússland er ekki Eþíópía" sagði
Sobtsjak og bætti við að það særði
stolt rússnesku þjóðarinnar að
þurfa að þiggja matargjafir. Hann
lagði til að Sovétmenn fengju að
kaupa umfram matvælabirgðir af
Evrópubandalaginu (EB) fyrir jafn-
virði 10 milljarða dollara og borga
fyrir það 150 milljarða í rúblum.
Rúblurnar mætti síðan nota með
milligöngu Evrópska endurreisnar-
bankans (EBRD) til að fjárfesta í
sovéskum landbúnaði. „Fyrir 150
milljarða rúblna væri hægt að reisa
100.000 bændabýli. Sovétríklin og
ríki Austur-Evrópu hefðu gífurleg-
an ávinning af fjárfestingu af þessu
tagi,“ sagði Sobtsjak.
K0MK) - SJAID
GÆÐAINNRÉTTIIMGAR Á ÓTRÚLEGU
VERÐI. NÚ ERTÆKIFÆRIÐ, SEM SVO
MARGIR HAFA BEÐIÐ EFTIR, TIL AÐ
EIGNAST VANDAÐA ELDHÚSINN-
RÉTTINGU FYRIR LÁGT VERÐ.
- SANNFÆRIST
S
GERIÐ VERÐSAMANBURÐ -
LEITIÐ TILBOÐA.
PROFIL EININGAELDHÚS
KOMA ÖLLUM Á ÓVART, EKKI
AÐEINS HVAÐ VERÐIÐ SNERTIR.
KYNNISTLÁSA
NÝJU BARNAÖRYGGIS-
LÆSINGUNNI,
SEMSLÆRALLTÚT.
OPIÐ LAUGARDAG KL. 11-16 OG SUNNUDAG KL. 13-16.
NÝBÝLAVEGI 12, 200 KÓPAVOGI
SÍMI 44011
SERVERSLUN MEÐ INNRETTINGAR OG STIGA