Morgunblaðið - 28.09.1991, Blaðsíða 46

* 46
MORGUNBLAÐIÐ IÞROTTIR LAUGARDAGUR 28. SEPTEMBER 1991
HANDKNATTLEIKUR / EVROPUKEPPNI FELAGSLIÐA
Gunnar Gunnarsson er byijaður að leika með Víkingum á ný.
Víkingur- Stavangerfyrsti stórleikurinn á tímabilinu:
Stavanger með eitt
besta lið í Evrópu
- sagði Gunnar Gunnarsson, einn landsliðsmanna Víkings
DEILDARMEISTARAR Víkings taka á móti norska liðinu Stavan-
ger á morgun, sunnudag, en fyrri leikur liðanna í 1. umferð Evr-
ópukeppni félagsliða í handknattleik hefst í Laugardalshöllinni
kl. 20.30. „Stavanger er eitt af betri liðunum í keppninni og reynd-
ar eitt af bestu liðum Evrópu um þessar mundir," sagði Gunnar
Gunnarsson, leikstjórnandi Víkings, við Morgunblaðið. Hann
þekkir lykilmenn liðsins vel eftir veru sína í Svíþjóð undanfarin
ár, lék með sænska landsliðsmanninum Robert Hedin hjá Ystad
og oft gegn Magnus Andersson, fyrrum leikmanni Drott og
markakóngi sænsku úrvalsdeildarinnar á síðasta keppnistímabili.
Stavanger missti óvænt af
norska meistaratitlinum á
síðasta tímabili, en Gunnar sagði
að nú væri gengið út frá því sem
vísu að liðið sigraði bæði í bikar
og deild. „Liðið var mjög sterkt í
fyrra, en enn sterkara í ár. Norsku
titlarnir þykja sjálfsagt mál og allt
er lagt í sölumar til að sigra í Evr-
ópukeppninni. Því var Andersson
keyptur fyrir metfé, en hann er einn
besti handknatleiksmaður heims.
Andersson er leikstjómandi liðsins
og á að vera allt í öllu, en okkar
styrkur er að ekki er víst að hann
aðlagist liðinu svona einn, tveir og
þrír.“
Stavanger hefur undirbúið sig
vel fyrir tímabilið og leikið fjöl-
marga æfíngaleiki auk þátttöku í
mótum. Liðið sigraði m.a. Atletico
Madrid á móti í Noregi í lok ágúst
og stóð uppi sem sigurvegari á
sterku alþjóðlegu móti í Svíþjóð í
byrjun mánaðarins — vann sovésku
meistarana Neva Leningrad 27:26
í úrslitaleik. Liðið byijaði samt illa
í norsku deildinni á dögunum, gerði
jafntefli við meistarana frá Sande-
fjord.
í liði Stavanger em m.a. tveir
fyrrnefndir landsliðsmenn frá
Svíþjóð og fjórir norskir landsliðs-
menn. Claes Hellgren, fyrmm
landsliðsmarkvörður Svía, þjálfaði
Irsta í Svíþjóð í fyrra, sem lék til
úrslita í sænsku deildinni, en sagði
upp samningi sínum og tók að sér
lið Stavanger s.l. vor.
Gunnar sagði að þrátt fyrir
sterka mótheija ætti Víkingur
möguleika. „Með góðum varnarleik
og vel útfærðum hraðaupphlaup-
umgetum við velgt þeim undir ugg-
um. Til að komast áfram þurfum
við helst að sigra með fímm marka
mun og það getur tekist með dygg-
um stuðningi áhorfenda."
ir
KNATTSPYRNA
Gott er hjá góðum að eiga
ÞAÐ er óneitanlega ánægju-
legt að leikmenn 1. deildar í
knattspyrnu hafi vaknað upp
og farið að ræða um kjör
þeirra. Stór hluti leikmanna
hefur þagað þunnu hljóði um
kjörið, þó svo að þeir hafi vit-
að að það væri maðkur í
mysunni í sambandi við kjör
þeirra. Margir hafa látið
kjörið í léttu rúmi liggja, en
þeim sem hafa talið atkvæði
f rá félögum hefur sviðið sárt
að þurfa að horfa upp á
skrípaleik þann, sem hefur
fylgt kjöri knattspyrnumanns
ársins undanfarin ár. Það
hefur gengið svo langt að
stjórnarmenn félaga hafa
fengið atkvæði.
ÆT
Eg gerði kjör íþróttamanna að
umræðuefni hér á dögunum,
enda löngu orðið tímabært. Kjör
knattspyrnumanna var komið á
villigötur um leið
SigmundurÚ. og leikmenn fóru í
Steinarsson stórum hópum að
skrifar rugla með atkvæð-
isrétt sinn í skjóli
þess að aðeins eitt nafn var nefnt
þegar upp var staðið. Ég vissi um
leið og égtók á málinu, að ákveðn-
ir menn færu á stúfana og reyndu
að fegra gjörðir sinna manna. Til
þess stakk ég niður penna um
málið — ég vildi opna það. Við-
brögð komu frá fjórum mönnum,
sem skrifuðu opið bréf hér á
síðunni í gær í nafni Samtaka
leikmanna í 1. deild. Það er ekki
annað hægt en að taka ofan fyrir
mönnunum og ég get ekki annað
en samglaðst þeim, ef þeir eru
ánægðir með hvernig leikmenn
hafa misnotað atkvæðisrétt sinn
— vitandi um ódrengilegan leik.
Ég ætla ekki að elta ólar við þá,
þó að þeir hrópi úlfur, úlfur! Ég
veit að þeir tala ekki fyrir munn
allra leikmanna 1. deildarfélag-
anna — heldur fámenns hóps
manna, sem er ekki með hreina
samvisku í þessu máli.
Aö koma á óvart
Það kom mér vægast sagt á
óvart þegar ég sá nafn Þorgríms
Þráinssonar á meðal þeirra fjög-
urra manna sem rituðu nafn sitt
undir bréf til íþróttadeildar Morg-
unblaðsins, en það var einmitt
hann sem opnaði augu mín fyrir
vanköntum kjörsins og ódrengi-
legum vinnubrögðum í sambandi
við kjörið 1989, þegar Þoi-valdur
Örlygsson úr KA var réttilega
kjörinn besti leikmaðurinn. Hann
sagði mér frá vinnubrögðum leik-
manna félags, þar sem leikmenn
kusu upp til hópa leikmann, sem
var ekki inni í myndinni. Þetta
gerðu þeir til að freista þess að
sinn maður næði kjöri. Þá átti
Þorgrímur varla orð til að lýsa
vanþóknun sinni á vinnubrögðun-
um og sagðist ætla að skrifa hug-
vekju um kjörið í íþróttablaðið.
Hann gerði það aldrei, en nú skrif-
ar hann nafn sitt við hliðina á
fyrirliða flokks manna, sem fór
fijálslega með kjörgögn sín, Pétri
Péturssyni. Árið 1989 fékk Þor-
valdur ekkert atkvæði frá leik-
mönnum KR. Árið 1988, 1990 og
1991 fékk Pétur Ormslev eða
annar Framari ekki atkvæði frá
KR, en Framarar urðu meistarar
1988 og 1990. Tilviljun?
Ósannindi
Fjórmenningarnir sendu mér
og samstarfsmönnum mínum tón-
inn í gær í bréfi sem var fullt af
ósannindum, eins og þegar þeir
segja að leikmenn hafí haft það
til hliðsjónar þegar þeir völdu
Guðmund Steinsson en ekki Pétur
Ormslev, en sjö atkvæða munur
var á þeim í kjörinu í ár, að Guð-
mundur varð markakóngur og
íslandsmeistari. Þeir skrifuðu:
„Það er staðreynd að án Guð-
mundar hefði Víkingur ekki orðið
meistari. Þetta hljóta leikmenn
að hafa haft til hliðsjónar. Hvað
er mikilvægara í íslenskri knatt-
spyrnu _en að leiða lið sitt til sig-
urs á íslandsmóti með frábærri
frammistöðu?" spyrja fjórmenn-
ingamir — þar á meðal Pétur
Pétursson. Hvers vegna greiddi
hann íslandsmeistara ekki at-
kvæði sitt 1988, 1989 og 1990,
ef það er svo mikilvægt að vera
meistari til að ná kjöri? Þetta er
furðuleg staðhæfíng fjórmenning-
anna, sem töluðu um staðreyndir
máli sínu til stuðnings. Hvað
höfðu leikmenn til hliðsjónar þeg-
ar kjörið fór fram? Ekkert! Þeir
skiluðu atkvæðum sínum inn áður
en íslandsmótinu lauk. Þá var
ekki ijóst hvaða lið yrði íslands-
meistari og heldur ekki hvaða
leikmaður yrði markakóngur.
Leikmenn sem greiddu atkvæði
gátu því ekki haft meistaratitil
eða markakóngstitil til hliðsjónar.
Ekki satt? Hvetja er verið að
blekkja þegar svona ósannindi eru
borin á borð?
Þessi ósannindi sýna enn einu
sinni að margir leikmenn — ég
endurtek, margir leikmcnn —
hafa hvorki þroska né dómgreind
til að taka þátt í kjörinu. Þeir
skemma aðeins fyrir þeim fjölda
leikmanna, sem kjósa eftir bestu
sannfæringu hveiju sinni. Það er
fámennur hópur sem er að
skemma fyrir nær öllum leik-
mönnum 1. deildarfélaga.
Ég viðurkenni að hafa skotið
aðeins yfir markið er ég nefndi í
fyrri grein minni að allir leikmenn
1. deildar hefðu ekki þroska og
dómgreind til að taka þátt í slíku
kjöri.
Samtök leikmanna í 1. deild
geta bundið enda á umræðuna
með því að gera kjör sitt opinbert
og leggja nafnalista og tölu at-
kvæða á borðið.
Breyta þarf umgjörð kjörsins
Ef leikmenn ætla að hefja kjör-
ið aftur til vegs og virðingar þarf
að verða stórbreyting á umgjörð
þess til að koma í veg fyrir að
þröngur hópur öfundsjúkra leik-
manna fari fijálslega með kjör-
gögn sín. Rétt væri að láta hlut-
lausa menn vera viðstadda þegar
kjörgögn eru opnuð og atkvæði
frá félögum flokkuð.
Þá er sjálfsagt að birta tölur
um hvað margir leikmenn tóku
þátt í kjörinu, hvaða Ieikmenn
hafa fengið flest atkvæði og hvað
þeir fengu hátt hlutfall atkvæða.
Þannig vinnubrögð eru viðhöfð
um allan heim þar sem slíkt kjör
fer fram.
Þegar Ásgeir Sigurvinsson var
kjörinn knattspyrnumaður ársins
í V-Þýskalandi 1984 fékk hann
78 atkvæði af þeim 198 sem í
boði voru, en ellefu leikjahæstu
leikmenn hvers félags í Bundeslig-
unni fengu að kjósa. Ásgeir fékk
39,39% atkvæða, en næstir á blaði
voru Karl-Heinz Rúmmenigge hjá
Bayern með 32 atkvæði (16,16%),
Guido Buchwáld, Stuttgart, 24
atkvæði (12,12%), Töny Schu-
macher, Köln, 16 atkvæði, og
Rudi Völler, Bremen, með 11 at-
kvæði, en aðrir leikmenn fengu
minna.
Sama fyrirkomulag er í Eng-
landi og víða — atkvæðafjöldi er
ávallt gefínn upp. Það eru ekki
alltaf leikmenn úr meistaraliðum
eða markakóngar sem eru út-
nefndir, heldur er farið eftir kunn-
áttu og getu leikmanna á knatt-
spyrnuvellinum. í Englandi hafa
aðeins í fimm af síðustu tólf skipt-
um, sem leikmenn hafa kosið sinn
besta leikmann, leikmenn frá
meistaraliði verið útnefndir.
Þetta fyrirkomulag þarf að
taka upp hér á landi. Þá getur
þröngur hópur óþroskaðra leik-
manna ekki leyft sér að fela sig
á bak við það að aðeins nafn efsta
mannsins sé birt, með því að út-
nefna stjórnarmenn félaga sem
besta eða efnilegasta knatt-
spyrnumanninn, eins og dæmi eru
um.
Virðing?
Fjórmenningarnir tala um tak-
markaða virðingu í hinni dæma-
lausu grein sinni. Ég spyr þess
vegna: Hvers vegna hefur ritstjóri
Iþróttablaðsins, Þorgrímur Þrá-
insson, sem skrifar undir bréfíð,
leitað til manns sem nýtur „tak-
markaðrar virðingar hjá íþrótta-
mönnum“ til að fá hann til að
rita greinar undir nafni í blað það
sem hann ritstýrir? Já, og hvers
vegna hringdi Lárus Guðmunds-
son, sem skrifaði einnig undir
bréfíð, heim til undirritaðs kl.
12.15 föstudaginn 20. september
til að leita álits hans og fá hann
til að skrifa um framkomu KSÍ
gagnvart Atla Eðvaldssyni, fyrr-
um landsliðsfyrirliða?
Mér fínnst það virðingarvert
hjá mönnum sem telja að þeir séu
virtir, að leita eftir aðstoð og ráð-
um hjá manni sem nýtur takmark-
aðrar virðingar að þeirra mati.
„Gott er hjá góðum að eiga.“ Er
hægt að bera virðingu fyrir þann-
ig hugsandi mönnum? Við fjór-
menningana vil ég að lokum segja:
„Sá sem getur brosað þegar eitt-
hvað misheppnast, veit hveijum
hann getur um kennt.“
ÍÞRÚntR
FOLK
■ VÍKINGUR hefur leikið 36 leiki
í Evrópukeppni til þessa.
H CHARLES Petersen og Stiig
Horst frá Danmörku dæma viður-
eignina.
I LEIKURINN á morgun verður
sennilega síðasti Evrópuleikur
Víkings í Laugardalshöllinni, því
2. nóvember n.k. er ráðgert að vígja
nýtt íþróttahús félagsins, þar sem
Víkingur mun leika í framtíðinni.
■ VIKINGUR, sem varð
Reykjavíkurmeistari í vikunni,
hefur fengið þijá nýja leikmenn;
Gunnar Gunnarsson frá Ystad,
Helga Bragason frá IBV og Sig-
urð Jensson, sem er byijaður að
leika á ný eftir nokkurt hlé.
■ BJARKI Sigurðsson er enn
meiddur og leikur ekki með á morg-
un.
■ GUÐJÓN Guðmundsson, að-
stoðarmaður Bogdans hjá islenska
landsliðinu, er aftur kominn á bekk-
inn hjá Víkingi og er aðstoðarþjálf-
ari liðsins.
■ ALEXEJ Trúfan er elsti leik-
maður Víkings, 32 ára, en Reynir
Þór Reynisson og Róbert Sig-
hvatsson eru 18 ára og yngstir í
hópnum.
■ GUÐMUNDUR Guðmunds-
son, þjálfari og leikmaður Víkings,
sagði að fímm marka sigur ætti að
nægja til að komast áfram, en það
væri auðveldara að tala um sigur
en sigra lið eins og Stavanger.
Allt væri samt hægt.
■ SEINNI Ieikur liðanna fer
fram í Stavanger sunnudaginn 6.
október.
■ ÍBV tekur þátt í Evrópukeppni
bikarhafa og mætir norska liðinu
Runar í fyrri leiknum ytra á morg-
un.
■ HAKON Siguijónsson og
Guðjón L. Sigurðsson dæmdu tvo
landsleiki í Noregi í vikunni. Þetta
voru leikir Noregs og Lettlands í
handknattleik kvenna og sigruðu
norsku stúlkumar í báðum leikjun-
um.
■ FYRRI leikurinn fór fram i'
Bergen á þriðjudag og var það
fyrsti handknattleiksleikurinn á
vegum Handknattleikssambands
Lettlands.
■ ÍSLENSKU dómararnir fengu
góða dóma fyrir störf sín.
■ HELMUT Kohl, milliríkjadóm-
arinn kunni í knattspyrnu frá Aust-
urríki, dó í gær úr krabbameini.
Kohl var 48 ára.