Morgunblaðið - 28.09.1991, Blaðsíða 44

A4
MORGUNBLAÐIÐ LAUGARDAGUR 28. SEPTEMBER 1991
Ást er. . .
Hvað kom fyrir þig?
Þegar hún vann hæsta vinn-
inginn eignaðist ég niág, það
var ait og sumt ...
HOGNI HREKKVISI
TAKTO WÚ EFTiR!.. .
• i'? i~1 i---------------
uuy luuíi , lí iu«

nm
Göngugata
er nauðsyn
FYRIR skömmu heyrði ég í út-
varpi smáfrétt um hörð mót-
mæli, sem hafa komið fram hjá
ýmsum aðilum við hugsanlegri
opnun Austurstrætis fyrir bíla-
umferð.
Ég vil nota þetta tækifæri til
að lýsa yfir mikilli samúð með
þessum aðilum. Mér finnst mjög
nauðsynlegt að eiga a.m.k. eina
götu — þótt ekki löng sé — alveg
lausa við hávaða, ólykt og aðrar
truflanir, sem bílaumferð getur
valdið friðsömum borgarbúum, svo
ekki sé talað um unglinga á sínum
hrollvekjándi mótorhjólum.
Sem svar við hugsanlegum and-
mælum verslunareiganda vil ég
virðingarfyllst benda þeim á, að
fótgangandi fólk hefur betri
möguleika á að skoða í búðar-
gluggana í friði, svo að varla er
hætta á, að þeir missi viðskipta-
vini af þessum sökum.
í mörgum erlendum borgum og
bæjum er algengt að sjá verslunar-
götur lausar við bílaumferð. Sem
dæmi má nefna Strikið í Kaup-
mannahöfn og heilt hverfi við
Carnaby Street í London.
Veðurfar í Reykjavík getur að
vísu stundum verið erfitt að
vetrarlagi, en borgarbúar eru að
sjálfsögðu vel undir það búnir.
Pétur Kidson Karlsson

Helgi skoð-
ar heiminn
Ég brá mér í bókabúð fyrir
nokkrum dögum þeirra erinda að
verða mér úti um barnabók fyrir
sonarsoninn. Þá var mér tjáð að
þessi bók hefði verið ófáanleg í
mörg ár, en þetta er ein fallegasta
barnabók síðari ára og heitir
„Helgi skoðar heiminn", teiknuð
af Halldóri Pétursyni þeim mikla
listamanni. Þá datt mér nú í hug
hvort ekki mætti gefa þessa bók
út aftur því það er áræðanlega
margir sem mundu taka henni
fegins hendi fyrir börn sín og
barnabörn. e.G.
Þessir hringdu
Úlpa og jakki
7 ára drengur tapaði úlpu í
ágústmánuði. A baki úlpunar eru
prentaðir stórir stafir sem mynda
nafnið BOGI (eigandi ber annað
nafn). Á sama heimili týndist um
svipað leyti Adidas-jakki, blár,
rauður og grár. Þeir sem hafa
fundið þessar yfirhafnir eru beðn-
ir um að hafa samband í síma
611885.
Leðurhanskar
fundnir/týndir
_Sá sem fann brúna leðurhanska
í Ármúlanum í fyrra merkta nöfn-
unum Herdís og Dagur, er beðinn
um að hringja aftur. Símanúmerið
týndist líka. Móðir barnanna.
Fundinn giftingarhringur
Fyrri hluta septembermánaðar
fannst giftingarhringur í miðbæ
Reykjavíkur. Nánari upplýsingar
í síma 611063.
Fermingarveisla á
myndbandi
Ég hef undir höndum mynd-
band með myndum frá fermingar-
veislu. Bandið er merkt Ragnhildi
Björnsdóttur Kleppsvegi 66. Spól-
an var í myndbandstæki sem tek-
ið var á leigu í myndbandaleigu
Snævars. Ég er í síma 17045.
Austurstræti
Húsmóðir í miðbænum hringdi:
Ég er fylgjandi því að bílar fá
aftur að keyra eftir Austurstræti.
Eftir að búðum er lokað þorir
maður ekki að fara þarna um
vegna allslags róna og slagsmála-
hunda. Ef það væri bílaumferð
um götuna væri von um aukið
öryggi. Það erAalað um líf í mið-
bænum. Ef þetta líf er óþjóðalýð-
ur á „pöbburn" og göngugötum,
þá mega aðrir fá það. Það væri
ráð að flytja göngugötuna og
„pöbbanna" í Laugarásinn.
Mamiya-linsa
Hringt var frá Akureyri. Fyrir
tveimur árum fannst við Rauða-
vatn ljósmyndalinsa Mamiya-
Sekor-E. Ekki hefur tekist að
hafa uppá eiganda. En ef einhver
saknar þessarar linsu getur hann
hringt eftir nánari upplýsingum í
síma 96-27365.
Týnd Pússy
Laugardagskvöldið 21. septem-
ber týndist læðan Pússy frá Fell-
unum í Breiðholti. Pússy er grá
en með brúna blesu í andliti, hún
mjög loðin og var með rauða hál-
sól þegar hún hvarf. Þeir sem
hafa orðið varir við köttinn eða
vita hvar hann er niðurkominn eru
beðnir um að hafa samband við
Sigrúnu í símum 680550 eða
79986 eftir kl. 16.
Græn jakkapeysa
Maður varð fyrir því óláni að
jakkapeysan hans hvarf þegar
hann var á Fjörukránni í Hafnar-
firði föstudaginn 20. september.
Þetta er forláta peysa, dökkgræn
að lit, pijónuð en þar að auki úr
leðri og rúskinni. Ekki er kunnugt
um mema tvær svona peysur á
landinu. Sá sem hefurtekið flíkina
í misgripum eða fundið hana er
vinsamlegast beðinn um að skila
henni í Fjörukránna. Starfsfólk
þar kannast við málið.
Hafnfirskir hundar:
Hvað er að?
Eg vil svara Velvakandagreinum
þar sem glefsað er í hafnfirska
hunda.
Er ekki hugsanlegt að uppalend-
ur hafi brugðist skyldu sinni veru-
lega ef börn í dag eru hrædd við
hunda??
Þora þessi börn inn í fjós eða
vita þau hvað fjós er?
Þessir fordómar eru sem betur
fer ekki frá börnunum. Það eitt er
víst. Karri
Víkverji skrifar
Kunningi Víkveija, sem á 2 hunda,
kom að máli við hann fyrir
nokkru og lýsti undrun sinni á því,
hvers vegna gæludýraeigendur í borg-
inni sætu ekki allir við sama borð.
Hann kvaðst ekki geta unað því að
þurfa að greiða árlega hundaskatt,
14.000 krónur, en skatturinn er 7.00
krónur á hvern hund, á meðan ná-
granni hans, sem ætti fjölda katta,
þyrfti ekki að greiða eina einustu
krónu. Þó kvað hann meira ónæði af
köttum í borginni, en af hundum.
Víkveiji tekur undir þetta og sér
enga sanngirni í því að mönnum sé
mismunað eftir því hvers konar gælu-
dýr þeir eiga. Yfirleitt er mikið ónæði
af köttum í borginni, þeir merkja sér
staði með óþef miklum og breimakett-
ir geta haldið vöku fyrir heilu hverfun-
um nótt eftir nótt. Auk þess valda
kettir miklum usla í fuglalífi borgar-
innar.
Ef nágranni nianns á fresskött get-
ur ónæðið orðið nánaðst óþolandi.
Fýlqna leggur langar leiðir og er í
raun nauðsynlegt að kattaeigendur
vani slík dýr til þess að þau valdi ekki
ónæði. En það sem verra er, sá sem
verður fyrir áreiti katta er réttinda-
laus. Hann getur t.d. ekki kallað á
lögreglu valdi köttur honum óþægind-
inum, því að engar reglur eru í gildi
um kattahald í borginni og útigangs-
kettir skipta sjálfsagt einnig þúsund-
um í borginni. Það sýnist því nauðsyn-
legt að setja reglur um kattahald, rétt
eins og menn hafa reglur um hunda-
hald. Það er nauðsynlegt vegna óþo-
landi kattafjölda í Reykjavík og eins
vegna þess að óþolandi er að mönnum
sé mismunað sem raun ber vitni.
Fyrsti sigur Islendinga á Spánveij-
um í knattspyrnu var mjög sæt-
ur. Víkvetji horfði á seinni hálfleikinn
í sjónvarpinu og verður að viðurkenna
að hann undraðist getuleysi þessara
háiaunuðu spönsku knattspyrnu-
manna gegn áhugamönnunum
íslenzku. Að vísu eru nokkrir íslenzku
landsliðsmannanna atvinnumenn, en
alltjent ekki þeir, sem hér spila með
íslenskum félögum. Kannski var mun-
urinn á þessum liðum að um var að
ræða áhugalausa atvinnumenn, sem
voru bara í vinnunni og áhugamenn,
sem _ stunda knattspyrnu af því að
þeir hafa gaman af. Það er ánægju-
legt að geta einu sinni horft á knatt-
spyrnu með nokkru stolti, þegar um
landsleik er að ræða.
Athyglisverð mynd finnskra sjón-
varpsmanna um mengun í norð-
urhéruðum Sovétríkjanna var sýnd í
sjónvarpinu í fyrrakvöld. Þar var sýnt
frá héruðum við Kólaskaga og frá
borg nokkru austar, þar sem mikil
framleiðsla er á nikkel og kopar. Þul-
ur í myndinni fullyrti að nikkelverk-
smiðja, sem sýnd var, ylli meiri meng-
un ein sér í andrúmlofti en öll iðnaðar-
framleiðsla Vestur-Evrópuríkja. Fólk
á götum þessarar borgar gekk með
klúta fyrir vitum og 80% bama, sem
fæðast í þessari borg eru veik.
Hvítblæði er mjög algengt meðal
ungra barna. Við að horfa á þessa
mynd fýlltist Víkveiji viðbjóði og ljóst
er að nauðynlegt er að stöðva þesa
framleiðslu unz komið hefur verið upp
fullkomnum hreinsibúnaði. Skóglendi
dautt svo langt sem augað eygði í
nærliggjandi héruðum við þessa
ógæfusömu borg.
En fínnsku sjónvarpmennirnir fóru
líka til Arizona í Bandaríkjunum, þar
sem stunduð er mjög umfangsmikil
nikkel- og koparframleiðsla. Þar var
fyrir þremur árum gert stórátak í
mengunarmálum og stöðugt er úr-
gangur verksmiðjanna mældur. I
myndinni kom fram slík heiðríkja, að
lá við að 'skyggni væri eins gott á
myndinni og gerist á björtustu dögum
á íslenzkum öræfum. Þessi saman-
burður finnsku sjónvarpsmannanna
var til þess sýna fram á hvað unnt
væri að gera í mengunarmálum, að-
eins ef réttar aðferðir eru notaðar við
framleiðsluna, en ekki úrelt tæki og
aðferðir.