Morgunblaðið - 28.09.1991, Blaðsíða 37
MORGUNBLAÐIÐ LAUGARDAGUR 28. SEPTEMBER 1991
37
Minning:
Kjartan G. Guðmunds-
son málarameistari
Fæddur 28. september 1921
Dáinn 6. maí 1991
Okkur langar að minnast afa okk-
ar með nokkrum orðum, vegna þess
að hann hefði orðið sjötugur í dag.
Hann lést í sjúkrahúsi ísafjarðar 6.
maí sl.
Afi var mjög vingjarnlegur og
barngóður maður. Alltaf var viðmót-
ið hlýtt, hvort sem um okkur barna-
börnin varð að ræða eða önnur
skyldmenni af yngri kynslóðinni.
Aldrei hitti hann okkur barnabörnin
öðru vísi en að taka þéttingsfast
utan um okkur og lét þá fylgja nokk-
ur vingjarnleg orð í eyra. Afi var
greiðvikinn og taldi t.d. aldrei eftir
sér að keyra okkur heim þegar svo
stóð á.
Síðasta ósk hans til okkar verður
geymd en ekki gleymd. Góðar minn-
ingar um afa munu búa með okkur.
Guð styrki ömmu í sorg hennar.
Harpa og systkinin
11. maí sl. var gerð frá ísafjarð-
arkapellu útför Kjartans Gunnars
Guðmundssonar, málarameistara,
en hann lést á Sjúkrahúsi ísafjarðar
þann 6. maí sl. eftir stutta legu. Vil
ég minnast hans með nokkrum orð-
um í tilefni þess að sjötíu ár eru lið-
in frá fæðingu hans. Kjartan var
fæddur á ísafirði þann 28. septem-
ber 1921. Voru foreldrar hans hjón-
in Margrét Pétursdóttir, Níelssonar,
formanns í Hnífsdal og Guðmundur
Elías Sæmundsson, smiður og mál-
arameistari, sonur Sæmundar Kat-
arínussonar í Fremra-Arnardal og
Maríu Þórunnar Pálmadóttur frá
Bæjum.
Foreldrar Kjartans, Guðmundur
og Margrét, stofnuðu bú að Tanga-
götu 17 árið 1920 ogjafnframt hófu
þau verslunarrekstur með málning-
arvörur og fieira og er sú atvinnu-
starfsemi í gangi enn í dag í höndum
fjölskyldna þeira. Þau eignuðust átta
börn, misstu þrjú þeiira ung að
árum, en upp komust Kjartan, sem
var elstur, Níels, f. 5. október 1922,
d. 5. nóvember 1979, Sigurður Ás-
geir, f. 3. febrúar 1925, d. 14. des-
ember 1984, Elísabet Jóhanna, f.
17. ágúst 1928, búsett í Reykjavík,
yngstur er Sæmundur, f. 24. desem-
ber 1941, býr á ísafirði. Allir lærðu
þeir bræður málaraiðn hjá föður sín-
um og störfuðu síðan við iðn sína
og verslunarrekstur.
Kjartan var elskulegur maður,
afar traustur og viðræðugóður og
vildi hvers manns vanda leysa. Barn-
góður var hann með afbrigðum og
nutu bræðrabörn og barnabörn hans
þess í ríkum mæli. Hann hafði
ánægju af tónlist og söng um tíma
með Sunnukórnum, var í stjórn Iðn-
aðarmannafélags Isafjarðar og fé-
lagi í Frímúrarastúkunni Njálu.
Hann kvæntist Guðrúnu R. Ásgeirs-
dóttur, f. 17. mars 1920, frá Hnífsd-
al og þau settu saman bú árið 1943.
Börn þeirra eru Margrét, f. 16. nóv-
ember 1943, búsett í Reykjavík, hún
á eina dóttur, Rannveig, f. 21. maí
1945, gift Per Ragnar Grönás, þau
eru búsett í Voss í Noregi og eiga
tvo syni og tvö sonarbörn, Guðmund-
ur Elías, f. 7. september 1949,
kvæntur Bryndísi Jónasdóttur, þau
eiga þijú börn og búa á ísafirði,
Ásgerður, f. 20. desember 1959,
búsett í Reykjavík. Kjartan og Guð-
rún stofnuðu heimili sitt á Tanga-
götu 17, en árið 1948 hófu Kjartan
og bræður hans ásamt föður þeirra
byggingu hússins Aðalstræti 17-19,
ísafirði, og fluttu í það vorið 1954
og var það ánægjuefni, því í mikið
hafði verið ráðist á erfiðum tíma og
þyngst mun hafa vegið að þeir voru
skyldaðir til að hafa húsið þriðjungi
stærra en til stóð, en allir erfiðleikar
voru yfirstignir með samheldni og
vinnusemi. Síðan hafa fjölskyidur
þeirra bræðra Kjartans, Níelsar, Sig-
urðar og Sæmundar búið í þessu
húsi. Sambúðin var ávallt góð í
j,málarahúsinu“, í Aðalstræti á
Isafirði og segja má að fólkið í hús-
inu væri sem ein stór íjölskylda.
Ekki spillti fyrir. að fjölskyldurnar
áttu saman ættaróðalið Fremri-Arn-
ardal I. Þangað var farið á sumrin
og dvalið við leik og störf og var
Kjartan ötull við viðhald húss og
umhverfis þess, en hann hafði sér-
staka ánægju af smíðum og er hans
nú sárt saknað þegar farið er í „Dal-
inn“._
Mer er ljúft að líta 25 ár aftur í
tímann er ég fyrst kom hér í hús
og allir tóku mér opnum örmum,
ekki síst þessir þrír elskulegu bræð-
ur, mágar mínir, sem nú hafa allir
kvatt þennan heim, að okkur finnst
sem eftir stöndum, allt of fljótt, en
þeir höfðu skilað sínu lífsstarfí með
sóma áfram til komandi kynslóða.
Blessuð sé minning þeirra allra.
Kjartan mágur mun lifa í minn-
ingu minni sem drengur góður og
afar þægilegur samstarfsmaður í 16
ár og bar þar aldrei skugga á þó
kynslóðabil skildi okkur að.
Með virðingu þakka ég Kjartani
allt það sem hann hefur verið mér
og fjölskyldu minni í gegnum árin
og bið Guðrúnu og fjölskyldum henn-
ar Guðs blessunar. _
JV^jöll Ásgeirsdóttir
Kveðja:
Aldís Einarsdóttir
Nýlátin er í hárri elli, Aldls Ein-
arsdóttir frá Stokkahlöðum í Eyja-
firði. Aldís ól allan sinn aldur á
Stokkahlöðum þar til hún, fyrir
fáum árum, fluttist að Kristnesi í
sömu sveit. Þar naut hún góðrar
umönnunar til hins síðasta.
Eftir lát foreldranna, Guðríðar
Brynjólfsdóttur og Einars Sigfús-
sonar, bjó Aldís ásamt tveim systk-
inum sínum á föðurleifð þeirra. Síð-
■ NÁTTÚRUVERNDARFÉ-
LAG Suðvesturlands fer vett-
vangsferð frá Garðakirkju á Álft-
anesi á laugardag kl. 13.30. Geng-
ið verður niður að „Garðatjörn" í
fylgd Jóns Jónssonar jarðfræðings
og hugað að landbroti sem þar hef-
ur orðið af völdum sjávar. Tilgang-
ur ferðarinnar er að vekja umræðu
um hvernig skuli bregðast við land-
broti sem fyrirsjáanlega verður á
Suðvesturlandi af völdum sjávar
næstu árin,
Birting afmælis-
og minningargreina
Morgunblaðið tekur afmæl-
is- og minningargreinar til
birtingar endurgjaldslaust.
Tekið er við greiiium á rit-
stjórn blaðsins á 2. hæð í Aðal-
stræti 6, Reykjavík og á skrif-
stofu blaðsins í Hafnarstræti
85, Akureyri.
Athygli skal á því vakin, að
greinar verða að berast með
góðum fyrirvara. Þannig verður
grein, sem birtast .á í miðviku-
dagsblaði að berast síðdegis á
mánudegi og hliðstætt er með
greinar aðra daga.
ustu árin á Stokkahlöðum dvaldi
hún ein á bænum, en var þá hætt
búskap.
Ég átti því láni að fagna, að al-
ast upp á næsta bæ. Aldís er því
tengd fyrstu bernskuminningum
mínum, þar eð mikill samgangur
var á milli bæjanna og gagnkvæm
vinátta. Man ég vel hve ég dáðist
að Aldísi, þegar hún sýndi mér
hvernig hún hlúði að inniblómunum
eða blómum og tijám í garðinum.
Hún var líka fyrsti handavinnu-
kennarinn minn, því þó að hún
ætti ekki börn sjálf, naut hún þess
að tala við og leiðbeina ungum sem
öldnum.
Áhugi Aldísar á umhirðu húsdýr-
anna var aúgljós. Hvort sem um
var að ræða kindurnar, kýrnar,
hestana eða hænsnin — allt voru
þetta vinir hennar.
Bærinn Stokkahlaðir stendur við
þjóðbraut, svo aldrei hefur einangr-
un hijáð heimilisfólkið. Gestkvæmt
var ætíð á bænum og jafnvel fyrir
daga útvarpsins var fylgst vel með
gangi mála innan lands og utan.
Var því aldrei komið að tómum
kofunum í viðtölum við systkinin.
Síðast þegar ég heimsótti Aldísi,
skömmu áður en hún fluttist að
Kristnesi, var hún enn mjög ern.
Hún fræddi mig um menn og mál-
efni sveitarinnar, eins og ávailt, er
fundum okkar bar saman. Ræddi
einnig um þjóðfélagsþróunina 'al-
mennt af miklum skilningi, en engri
svartsýni.
Efst í huga mér nú er þakklæti
til hinnar látnu fyrir alla vináttu
og tryggð við mig, foreldra mín,
systkini og afkomendur okkar.
Aldís frá Stokkahlöðum gleymist
aldrei þeim, er kynntust henni.
Kristbjörg Pétursdóttir
t
Systir okkar og móðursystir,
KATRÍN J. GUÐMUNDSDÓTTIR
frá Rifi,
andaðist 25. september á sjúkradeild Landspítalans, Hátúni 10B.
MaríaGuðmundsdóttir,
Ásta Lára Guðmundsdóttir,
SigriAur Stefánsdóttir.
Helga Þórðardóttir,
Þríhymingi — Minning
Hún Helga í Þríhyrningi er látin.
Þegar ég fékk þessa frétt birtust
myndir liðinna ára fyrir augum mér.
Helga var ein af þeirn sem ætíð
hafði heimili sitt opið öllum þeim sem
leið áttu um liennar garð, og ég
varð þeirra gæfu aðnjótandi að eiga
leið um hlaðið á Þríhyrningi.
Ég var þá nýlega byijaður að
kenna við Þelamerkurskóla og hafði
kynnst þeim bræðrum Hauki, Guð-
mundi og Þórði sem síðar urðu með-
al minna bestu vina, en í gegnum
kynni mín af þeim hóf ég að spila
knattspyrnu í sveitinni. Eftir mína
fyrstu æfingu kom Þórður að máli
við mig og bauð mér að koma heim
með honum í kaffi. Við fórum saman
nokkuð margir í bíl og er við komum
heim í hlað í Þríhyrningi man ég
ekki betur en Helga hafi komið út
á tröppur og boðið öllum liópnum
inn. Ég átti ekki orð yfir þessari
gestrisni og ekki vantaði meðlætið
með „kaffisopanum".
Síðan hefur mikið vatn runnið til
sjávar og var ég löngu hættur að
undrast þó Helga biði lieilu knatt-
spyrnuliði í kaffi, það var bara svo
sjálfsagt þegar Helga átti í hlut.
Helga Þórðardóttir var fædd 2.
mars 1911. Hún giftist Steindóri
Guðmundssyni frá Þríhyrningi árið
1938 og hófu þau þá þegar búskap.
Steindór lést 14. júní 1966 langt um
aldur fram.
Ég og fjölskylda mín bundumst
einstökum vináttuböndum við Helgu
og alla hennar fjölskyldu. Það voru
ófáar stundirnar sem við áttum í
Þríhyrningi þegar ég bjó fyrir norðan
og voru synir mínir Haraldur og
Davíð þar heimagangar og minnast
með þakklæti alls þess sem Helga
var þeim.
Ef við vorum boðin í síðdegiskaffi
þá fórum við ekki heim fyrr en
drukkið hafði verið kvöldkaffi, svo
notalegt var að heimsækja Helgu.
Og nú eftir að ég settist að fyrir
sunnan höfum við hjónin ekki farið
norður öðruvísi en að heimsækja
Helgu í Þríhyrningi.
Ja, myndir af Helgu eru sem ljós-
lifandi fyrir augum mínum. Það
væri liægt að minnast á svo margt,
svo ótal margar minningar eru
tengdar Helgu. En kannski er sterk-
asta myndin sem fyrir augu mín
ber, af smávaxinni konu með augu
sem horfðu á mann með hlýju og
heiðarleika, konu sem ætíð var á
fullri ferð og féll aldrei starf úr
hendi, konu sem hefur gefið svo
' mikið af sér til okkar sem eftir erum
í þessu lífi.
Þeim bræðrum Hauki, Guðmundi
og Þórði ásamt fjölskyldum þeirra
og Friðfinni sendum við Ester okkar
samúðarkveðjur.
Halldór Sigurðsson
Haustþing Kennarafélags Reykjavíkur:
Rætt um sérstöðu
skólanna í Reykjavík
HAUSTÞING Kennarafélags
Reykjavíkur verður lialdið í Há-
skólabíói föstudaginn 4. og laug-
ardaginn 5. október. Mörg aðild-
arfélög Kennarasambands íslands
lialda haustþing árlega en þetta
er í fyrsta sinn sem kennarar og
skólastjórnendur í Kennarafélagi
Reykjavíkur halda slíkt þing.
Á þinginu verður fjallað um sér-
stöðu skólanna í Reykjavík og að-
stöðu barna og ungiinga í borginni.
Þangað er ætlunin að sækja fróðleik
og upplýsingar og fá svör við ýmsum
spurningum sem brenna á kennurum
og skólastjórnendum í Reykjavík
m.a.:
Hver er stefna Reykjavíkur í skól-
amálum? Hver er vandi stórra, fjöl-
mennra skóla? Við hvaða aðstöðu búa
börn og unglingar í borginni? Hvers
vegna þurfa sífellt fleiri nemendur á
sérkennslu að halda? Hafa erfiðleikar
nemenda í Reykjavík breyst á ein-
hvern hátt á undanförnum árum?
Hvernig tekur grunnskólinn á móti
börnum sem eru að hefja skóla-
göngu? Hvernig er mataraðstöðu í
grunnskólum borgarinnar háttað -
hvað og hvar borða nemendurnir?
Hefur vímuneysla unglinga aukist?
Menntamálaráðherra, Ólafur G.
Einarsson, mun ávarpa þingið, ásamt
Áslaugu Brynjólfsdóttur fræðslu-
stjóra og Svanhildi Kaaber formanni
Kennarasambands íslands. Mörg er-
indi verða flutt og vísast hér í dag-
skrá þingsins. Þátttakendum á þing-
inu gefst tækifæri til að spyija og
taka þátt í umræðunni því á laugar-
daginn verða pallborðsumræður, þar
sem m.a. fulltrúar Reykjavíkurborg-
ar og menntamálaráðuneytisins
svara fyrirspurnum.
Haustþingið er fyrir félagsmenn
Kennarafélags Reykjavíkur en aðrir
sem vilja sitja þingið eru beðnir um
að hafa samband við skrifstofu
Kennarafélags Reykjavíkur á Grett-
ÍSgÖtU 89. (Frcttatilkynning)
t
Innilegar þakkir fyrir auðsýnda samúð
og vinarhug við andlát og útför föður
okkar, fósturföður, tengdaföður, afa og
langafa,
GUÐMUNDAR GUÐMUNDSSONAR,
Holtsgötu 19,
Hafnarfirði.
Sérstakar þakkir til Einars Þorgilssonar
og co. og starfsfólks lyflækningadeild-
ar St. Jósefsspítala í Hafnarfirði.
Elín Ása Guðmundsdóttir,
Hörður Guðmundsson, Jóhanna Gunnlaugsdóttir,
Ólafur K. Guðmundsson, Sigurlaug J. Jónsdóttir,
Bragi Þorbergsson, Edda Þráinsdóttir,
barnabörn og barnabarnabörn.
i
l