Morgunblaðið - 10.04.1992, Blaðsíða 5

5
MORGUNBLAÐIÐ FÖSTUDAGUR 10. APRÍL 1992
Formleg opnun Ráðhússms:
1.500 manns boð-
ið til gestamóttöku
5 milljónir í aukakostnað fyrir opnun
TVÆR móttökur verða haldnar á vegum Reykjavíkurborgar þegar
Ráðhúsið verður formlega tekið í notkun og hefur uni fimmtánhundr-
uð manns verið boðið að taka þátt í hátíðarhöldunum. Áætlaður kostnað-
ur vegna veislufanga er 1,2 milljónir króna. Að sögn Stefáns Her-
mannssonar aðstoðarborgarverkfræðings, er aukakostnaður við að
halda áætlun, svo húsið verði tilbúið
5 milljónir króna.
Hljómskálakvintettinn mun leika
við móttöku gesta þriðjudaginn 14.
apríl kl. 15 og Karlakór Reykjavík-
ur, syngur nokkur lög. Að því loknu
verður fyrsti fundur borgarstjórnar
haldinn í nýjum borgarstjórnarsal að
viðstöddum gestum, en um 750
manns hefur verið boðið að vera við-
staddir.
Það eru borgarstjóri og borgar-
Opið almenn-
ingi um páska
UM HELGINA verður lokið við
að flylja gögn og búnað af borg-
arskrifstofunum í Austurstræti
og í Pósthússtræti yfir í Ráðhús-
ið. Að sögn Ólafs Jónssonar upp-
lýsingafulltrúa borgarinnar,
verða skrifstofurnar lokaðar
mánudaginn 13. apríl og þriðju-
daginn 14. apríl en fyrirspurnum
verður svarað í síma.
Fimmtudaginn 16. apríl, skírdag,
verður Ráðhúsið opið til sýnis fyrir
almenning frá klukkan 12 til 18,
einnig laugardaginn 18. apríl á
sama tíma og 20._ apríl, sem er
annar í páskum. í Tjarnarsal á
neðstu hæð hússins verður íslands-
líkanið sýnt auk þess, sem komið
verður upp sýningu, þar sem rakin
er byggingarsaga hússins.
hmn 14. apríl, óverulegur eða um
stjórn sem standa fyrir móttökunum.
Meðal gesta í móttökunni á þriðjudag
eru aðal- og varafulltrúar í borgar-
stjórn, forstöðumenn borgarstofn-
ana, ríkisstjórn íslands, þingmenn
Reykvíkinga, forseti íslands og hand-
hafar forsetavalds, rektor Háskóia
íslands, biskupinn yfir íslandi, full-
trúar höfuðborga á Norðurlöndum,
sendiherrar erlendra ríkja, 30 fulltrú-
ar kaupstaða af landsbyggðinni,.
fyrrverandi borgarráðsfulltrúar, allt
starfsfólk borgarskrifstofu og Ráð-
hússins, fulltrúar fjölmiðla, forsvars-
menn ýmissa samtaka í Reykjavík;
svo sem íbúasamtaka, hverfafélaga,
Samfoks, íþróttabandalags Reykja:
víkur, Bandalags ísl. listamanna, ASÍ
og BSRB. Gestir eru boðnir með
mökum og er reiknað með um 360
til 370 manns. Vegna fulltrúanna sex
frá höfuðborgum Norðurlanda, sem
koma hingað ásamt mökum, greiðir
Reykjavíkurborg gistingu og uppi-
hald í tvo daga.
Daginn eftir er móttaka fyrir verk-
taka hússins, hönnuði, tækni- og iðn-
aðarmenn ásamt mökum. i móttök-
unum báða dagana verður boðið upp
á snittur og drykki og er kostnaður
við veisluföng hvorn dag um 600
þúsund krónur. Inni í þeirri upphæð
et' ekki kostnaður vegna blóma-
skre^rtinga eða vinna starfsfólks, að
sögn Ólafs Jórissonar upplýsingafull-
trúa.
Morgunblaðið/Emilía
Kesara A. Jónsson og Þorsteinn Tómasson undirbúa bragðpróf-
anir á brauði úr melkorni. Á diskunum er melfræ, með hýði,
afhýðað og malað, ásamt hveiti. Á borðinu eru brauð bökuð úr
mismunandi blöndum af melkorni, eitt þeirra er svo til ein-
göngu úr melkorni.
Melgresi notað við
hveitikynbætur
KESARA Anamthawat-Jónsson, doktor í plöntuerfðafræði, er að
rannsaka melgresi með það í huga hvort hægt sé að nota eigin-
leika þess við kynbætur á hveiti. Hún hefur hlotið styrk Vísinda-
sjóðs til að vinna að þessu verkefni og hefur aðstöðu hjá Rannsókn-
astofnun landbúnaðarins á Keldnaholti.
Þorsteinn Tómasson plöntuerfð-
afræðingur, forstjóri RALA, segir
að melgresi sé mikilvæg upp-
græðsluplanta sem áður fyrr hafi
verið notuð til korntekju. Hann
segir verkefnið mjög áhugavert
og ef vel tækist til gæti það orðið
samstarfsverkefni með erlendum
aðilum, til dæmis Evrópubanda-
laginu. Hann segir að með erfða-
tækninni hafi aukist mjög flutn-
ingur á erfðaeiginleikum milli
tegunda og að kynbætur á korni
hafi seinni árin mikið byggst á
flutningi á erfðaefnum úr öðrum
plöntum.
Þorsteinn segir að rannsóknirn-
ar beinast meðal annars að því
athuga hvort vetrarþol melgresis-
ins geti komið að gagni við kyn-
bætur á hveiti. Hægt væri að sá
vetrarafbrigðum í akrana á haust-
in, að lokinni sumaruppskeru. Þá
væri skoðaður hæfileiki melgresis-
ins til að mynda hliðarskot og ná
næringu úr ófijóum jarðvegi. Jafn-
framt þyrfti að kanna bökunargildi
og bragðgæði melkornsins. Þor-
steinn segir það einnig í myndinni
að athuga hvort bæta megi melgr-
esið með flutningi eiginleika úr
hveiti.
Umhverfisráðu-
neytið flytur;
Vorum orðn-
ir aðþrengd-
ir með pláss
- segir aðstoðarmað-
ur umhverfisráðherra
Umhverfisráðuneytið flytur í
nýtt húsnæði í Vonarstræti 4
um helgina. Mun það fá aðstöðu
þar sem áður voru skrifstofur
Félagsmálastofnunar Reykja-
víkur, en ráðuneytið tekur hús-
næði þetta á Ieigu hjá Reykja-
víkurborg. Við flutningana
eykst skrifstofurými ráðuneyt-
isins um 100 fm. Magnús Jó-
hannesson aðstoðarmaður um-
hverfisráðherra segir að flutn-
ingarnir séu tilkomnir sökum
þess að ráðuneytið var orðið
mjög aðþrengt með pláss á nú-
verandi stað sínum við Sölv-
hólsgötu.
„Það hefur verið töluvert sótt í
húsnæðið hér við Sölvhólsgötuna
af menntamálaráðuneytinu og við
sáum enga möguleika á því að
hýsa áfram þá starfsemi okkar
sem hér er að óbreyttu," segir
Magnús. „Með flutningunum í
Vonarstræti sjáum við fram á
framtíðarlausn á þessum hús-
næðisvandræðum okkar."
Umhverfismálaráðuneytið hef-
ur leigt af menntamálaráðuneyt-
inu um 300 fm skrifstofurými á
Sölvhólsgötu og vildi fá viðbót við
það en fékk ekki. í húsnæðinu að
Vonarstræti verður skrifstofurým-
ið um 400 fm undir 16 fastráðna
starfsmenn ráðuneytisins.
ÍSLENDINGAR
sýnum samstöðu
setjum ÍSLENSKT í
öndvegi!
Þegarþú kaupir ís/enska vöru skaparþú atvinnu í iandinu