Morgunblaðið - 10.04.1992, Blaðsíða 37

MORGUNBLAÐIÐ FÖSTUDAGUR 10. APRÍL 1992
37
Minning:
Sigurður Sigurðsson
kennari, Núpum
Þeim fækkar nú óðum, alda-
mótamönnunum, sem héldu uppi
uppfræðslu og menningarstörfum
barna og unglinga í okkar sveitum
frá aldamótum og fram um 1960.
Einn þeirra var Sigurður Sig-
urðsson kennari á Núpum, sem
lést 3. mars síðastliðinn, 94 ára
að aldri.
Sigurður kennari, en þannig var
hann ætíð nefndur í minni sveit,
var fæddur í Ystahvammi í Aðal-
dal 14. nóvember 1897. Hann var
sonur Guðfinnu Sigurveigar Jóns-
dóttur frá Kraunastöðum og
Sigurðar Guðmundssonar frá
Litluströnd í Mývatnssveit. Þau
höfðu búsetu í Ystahvammi
skamma hríð en fluttu síðar í Mið-
hvamm. Guðfinna og Sigurður
Guðmundsson voru miklir dugnað-
arforkar og atorkufólk.
Snemma hneigðist hugur
Sigurðar að því að mennta sig og
þvi fór hann í Ljósavatnsskóla einn
vetur og síðar til Reykjavíkur. Þar
settist hann í Kennaraskóla íslands
undir handleiðslu Magnúsar
Helgasonar er þá stjórnaði þeim
skóla. Minntist Sigurður oft þeirrar
góðu kennslu er Magnús hafði
veitt. Sigurður útskrifaðist og lauk
kennaraprófi árið 1920. Hafði
hann þá fengist við kennslu á
ýmsum stöðum, bæði fyrir og eftir
kennarapróf, m.a. kenndi hann
sund í sex vor.
Árið 1923-1925 gerðist hann
barnakennari í Höfðahverfi. Árið
1926 fluttist hann í Ljósavatns-
hrepp og hóf þar barnakennslu sem
hann gegndi samfleytt til ársins
1958, eða í 32 ár. Það var far-
kennslusnið sem þá var í gildi,
kennt hálfan mánuð eða mánuð í
stað við þröngan húsakost og veru-
lega erfiðar aðstæður, ónóga upp-
hitun og allt eftir því.
Það lýsir best hvaða manngerð
Sigurður var að þrátt fyrir þessa
erfiðleika náði hann ótrúlega góð-
um árangri í kennslunni og var
ætíð léttur í lund og gerði yfirleitt
góðlátlegt grín að þeim erfiðleikum
sem hann átti við að búa.
Kennsla Sigurðar var á þessum
tima mjög fjölþætt því hann kenndi
leikfimi og söng utan annarra bók-
legra greina. Sérstaklega vil ég
geta þess að Sigurður var mikill
íslenskumaður og unnandi ís-
lenskrar tungu, lagði alltaf mikla
áherslu á íslenskukennsluna. Ég
man það að ég heyrði haft eftir
skólastjóra á Laugum, Leifi Ás-
geirssyni, að hann taldi nemendur
sem komu í Laugaskóla úr Ljósa-
vatnshreppi vel undirbúna og
þakkaði það uppbyggingu kennsl-
unnar hjá Sigurði kennara. Svo var
einnig haft eftir öðrum skólaleið-
togum í öðrum skólum. Það gladdi
Sigurð mjög þegar ég sagði honum
þessar fréttir og ég minnist hve
fallegt bros leið yfir andlitið á hon-
um. Það sýndi að honum stóð ekki
á sama um hvernig börnunum
gengi, hvort heldur var að þau
færu í langskólanám eða tóku sér
annað viðfangsefni fyrir í lífinu.
Fyrir allt þetta starf við upp-
fræðslu barna hér í sveitinni í 32
ár eru íbúar Ljósavatnshrepps í
mikilli þakkarskuld við gamla
kennarann sinn, Sigurð á Núpum.
Einn þáttur í lífi Sigurðar kenn-
ara sem ég vil þakka honum af
alhug er sú trausta_ vinátta við
mitt gamla heimili á Ófeigsstöðum
og mitt eigið heimili. Oft var barna-
skóli á þessum heimilum og einatt
þröng á þingi. Glaðværð og traust
Sigurðar kennara sat þar ætíð í
fyrirrúmi.
Ég man það, drengurinn, er
kennarinn kom í Ófeigsstaði í
heimsókn, en það var oft, hvað
faðir minn hafði mikla ánægju af
þeim heimsóknum. Gjarnan var þá
kastað fram vísum og fannst mér
þá að áhöld væru um hver hefði
betur, gesturinn eða heimamaður-
inn. Sigurður kennari kunni fá-
dæma mikið af lausavísum og
kvæðum og var unun að heyra
hann flytja það, því með þeim
fylgdu sögur um tildrög vísnanna
sem krydduðu þær og gerðu þær
skemmtilegar. Ég þakka allar
gleðistundirnar sem Sigurður
kennari veitti heimilum okkar á
Ófeigsstöðum og Rangá og traustu
elskulegu vináttuböndin. Þau
munu seint gleymast.
Það má með sanni segja að Sig-
urði kennara var margt til lista
lagt. Hann var félagsmálamaður
mikill enda hlóðust á hann hér í
sveit mörg störf sem hann gegndi
af trúmennsku og kostgæfni. Hann
var endurskoðandi reikninga
Ljósavatnshrepps í 35 ár, endur-
skoðandi reikninga Sparisjóðs
Kinnunga og Búnaðarfélags Ljósa-
vatnshrepps um skeið, starfaði í
ungmennafélaginu Gamni og al-
vöru í mörg ár og formaður um
skeið. Hann var gerður heiðurs-
félagi þess félags árið 1948. Einn-
ig kom það oft fyrir að hann hljóp
undir bagga ef veikindi bar að
höndum og gekk hann þá gjarnan
oft í búverk þar sem mest var
þörf á. Staðfestir það að honurn
var margt til lista íagt.
Ég hef hér tínt til það sem ein-
kenndi Sigurð kennara og gerði
hann vinsælan í störfum sínum í
þessari sveit auk barnakennslunn-
ar. Ég held ég megi segja að aldr-
ei hafi hann eignast óvildarmann
og sýnir það hversu maðurinn var
á mörgum sviðum fjölhæfur og
traustur.
Veturinn 1956 var Sigurður
kennari á heimili rnínu við barna-
kennslu og bar hann þá í orð að
gaman væri að taka leikritið „Apa-
köttinn" til æfinga og sýna það
með vorinu. Er ekki að orðlengja
það að þetta var fastmælum bund-
ið. Leikendur voru fimm talsins og
reyndum við að taka þá á sem
minnstu svæði til að léttara væri
að sækja æfingar. Að sjálfsögðu
var kennarinn leikandi og leik-
stjóri. Þarna upplifði ég nýjan þátt
í fari Sigurðar kennara. Hann lék
af mikilli list og var hrókur alls
fagnaðar þó kominn væri fast að
sextugu. Hann gerði svo ekki enda-
sleppt við þennan leik því hann
skrifaði leikritið upp í bók og sendi
okkur hjónunum. Þar á ég gullfal-
lega minningu um þennan félags-
skap og framúrskarandi fallega
rithönd Sigurðar á Núpum.
Vorið 1935, þann 11. júní, hlotn-
aðist Sigurði sú hamingja að festa
sér konu. Þann dag giftu þau sig
Kristín Ásmundsdóttir frá Landa-
móti og Sigurður kennari. Kristín
var mikil ágætiskona og fyrir-
myndarhúsmóðir. Þau tóku sér
bólfestu á Ljósavatni og voru þar
í tvö ár en fluttu síðan í þinghús
sveitarinnar, Maríugerði, og
bjuggu þar í sex ár. Tístran bróðir
Kristínar flutti þangað með þeim
og sá um hirðingu á nokkrum kind-
um sem þeir áttu hann og Sigurð-
ur.
Þau Sigurður og Kristín eignuð-
ust tvær dætur, Sigríði, fædda á
Ljósavatni 11. mars 1936. Hún
giftist Sigurði Karlssyni frá Knúts-
stöðum, þau búa á Núpum. Guð-
finna fæddist í Maríugerði, 12.
ágúst 1939. Hún er gift Magnúsi
Stefánssyni, þau búa á Akureyri.
Vorið 1943 fluttu Sigurður og
Kristín að Núpum í Aðaldal, Þá
jörð keypti Sigurður ásamt Karli
bróður sínum á Knútsstöjðum árið
1927.
Það leikur ekki vafi á því að
með þessum síðustu búferlaflutn-
ingum taldi Sigurður sig vera kom-
inn á ættar- og æskuslóðir. Hann
var mikill náttúruunnandi og með
því að vera kominn í nálægð við
þá fallegu og gjöfulu Laxá og vera
umvafinn stengjaslætti hennar,
var óskum hans og fjölskyldunnar
fullnægt.
Á Núpum hefur ijölskyldunni
liðið vel og sýna framkvæmdir á
jörðinni það að þar er vel hugsað
um hlutina í hvívetna.
En nú er komið að leiðarlokum.
Löngu dagsverki er lokið, dags-
verki sem lengi enn mun skila
árangri. Árangri sem gamli kenn-
arinn okkar í Ljósavatnshreppi
lagði fyrstu drög að. Blessun fylgi
hans störfum sem hann vann fyrir
sveitina okkar. Ég votta Kristínu
vinkonu minni og fjölskyldu hennar
allri innilega samúð mína. Ég veit
að minningin um góðan dreng og
traustan félaga mun græða sárin.
Sigurður Sigurðsson var jarð-
settur að Ljósavatni þriðjudaginn
10. mars, að viðstöddu fjölmenni.
Ég lýk þessum kveðjuorðum
með erindi V.Briem og segi:
Far þú í friði,
friður Guðs þig blessi,
hafðu þökk fyrir allt og allt.
Gekkst þú með Guði,
Guð þér nú fylgi,
hans dýrðarhnoss þú hljóta skalt.
Baldvin Baldursson.
Olafur Sverrir Þor-
valdsson — Kveðja
Fæddur 3.marz 1923
Dáinn 13. marz 1992
Fyrstu kynni mín af Óla blaða-
sala voru á mínum yngri árum,
þegar ég eitt sinn var' stödd hjá
föður mínum, Stefáni Stefánssyni,
fyrrum bóksala, sem þá vann hjá
Bókaverzlun Sigfúsar Eymunds-
sonar sem var í Austurstræti 18.
Óli kom askvaðandi inn í verslunina
og var heitt í hamsi, óskaði hann
eftir að fá að hringja á afgreiðslu
dagblaðsins Vísis og kvarta undan
ágangi blaðsöludrengs, sem var að
selja blöð á „horninu hans“, sem
var hornið á Austurstræti og Póst-
hússtræti við Apótek Reykjavíkur.
Þetta hefur sennilega verið nýr
blaðasöludrengur, sem vissi ekki
að Óli var harður í horn að taka,
ef einhver ætlaði að fara að selja
blöð á þessu tiltekna horni. Óli var
Iítill og grannur, en hann hlýtur að
hafa verið hraustUr, því alltaf stóð
hann og seldi blöðin, sama hvernig
viðraði og ég man ekki eftir Óla í
kuldaskóm eða með vettlinga, enda
sjálfsagt erfitt að selja blöð klædd-
ur vettlingum. Óli var svo samofinn
lífínu í Austurstræti með sínum
hrópum og köllum, sem blönduðust
umferðarniðnum, að tekið var eftir
því ef hann var ekki á staðnum.
Margir í okkar þjóðfélagi ganga
ekki heilir til skógar, en sem betur
fer eru margir sem veita þeim lið.
Óli giftist ekki og átti ekki börn,
en hann var ekki einn því systir
hans Guðrún annaðist hann vel.
Líka man ég eftir að Óli mat mik-
ils stuðnings Alberts Guðmundsson-
ar, sendiherra. Þegar foreldrar mín-
ir opnuðu bókaverzlun á Laugavegi
8, kom Óli til þeirra á hveijum degi
með blöðin og fór í sendiferðir. Enn
líða árin og alltaf var Óli samur við
sig, því eftir að foreldrar mínir
hættu með bókaverzlunina, kom
Óli á hveijum degi heim tit þeirra
með blöðin, það skipti ekki máli
þótt veðrið væri vont, alltaf kom
hann. Fyrir trygglyndi Óla vil ég
þakka og vona að hann sé kominn
heilu og höldnu í höfn. Ef einhver
tekur á móti manni handan við
móðuna miklu, er ég viss um að
faðir minn hefur tekið vel á móti
Óla.
Aðstandendum hans votta ég
samúð mína.
Elsa.
t
Eiginmaður minn, faðir, tengdafaðir og afi,
FRÍMANN SIGURÐSSON
fyrrum yfirfangavörður,
íragerði 12,
Stokkseyri,
sem lést 5. apríl, verður jarðsunginn frá Stokkseyrarkirkju laugar-
daginn 11. apríl kl. 14.00.
Ferð verður frá BSI kl. 12.30.
Anna Hjartardóttir,
Margrét Frímannsdóttir, Jón Gunnar Ottósson,
Anna P. Hjartardóttir, Svavar Björnsson,
Áslaug Baldursdóttir, Frimann Baldursson.
t
Ástkær faðir okkar, tengdafaðir, afi og langafi,
GUÐMUNDUR ÁRNASON
frá Arnarnesi,
andaðist á Dvalarheimilinu Hlíð 5. apríl. Jarðsett verður frá Akur-
eyrarkirkju 10. apríl kl. 13.30.
Gunnhildur S. Guðmundsdóttir, Stefán Þórisson,
Sesselía B. Guðmundsdóttir, Jón H. Pálsson,
Unnur Guðmundsdóttir, Birgir H. Þórhallsson,
Guðmundur S. Guðmundsson,
Svava F. Guðmundsdóttir, Júlíus H. Kristjánsson,
Heiðbrá Guðmundsdóttir, Sigurður M. Björnsson,
barnabörn og barnabarnabörn.
t
Þökkum innilega samúð og vinarhug við andlát og útför systur
okkar og mágkonu,
GUÐRÚNAR HALLDÓRSDÓTTUR.
Sérstakar þakkir færum við starfsfólki í Seli, hjúkrunardeild FSA.
Ingibjörg Halldórsdóttir, Magnús Bjarnason,
Lára Halldórsdóttir, Kristin Eggertsdóttir.
t
Innilegar þakkir fyrir auðsýnda samúð og hlýhug við andlát og
útför móður okkar, tengdamóður, ömmu og langömmu,
ÓLAFÍU (LÓU) GUÐMUNDSDÓTTUR,
Háteigsvegi 17.
Pétur Magnús Sigurðsson, Halldóra Ingimarsdóttfr,
Guðmundur Helgi Sigurðsson,
Sigurður Heimir Sigurðsson, Þuríður Jónsdóttir,
barnabörn og barnabarnabarn.
ÍSETNING Á STAÐNUM
N I
ODD
Allt í pústkerfið
HljóSkútar og púströr eru okkar sérgrein. Fjö&rin hf. er
brautry&jancli í sérþjónustu viö íslenska bifreiöaeigendur.
Eigin framlei&sla og eigi& verkstæ&i tryggir
gó&a vöru og gæ&aframlei&slu.