Morgunblaðið - 16.04.1992, Blaðsíða 57

MORGUNBLAÐIÐ FIMMTUDAGUR 16. APRIL 1992
57
Vestlenskir hestadagar í Reiðhöllini:
Góð fyrirheit fyrir
fj órðungsmótið
_________Hestar____________
Valdimar Kristinsson
Um helgina var röðin koinin
að vestlendingum að sýna gæð-
inga sína í Reiðhöllinni á eftir
norðlendingum. Mættu þeir
með um hundrað hross og voru
þetta að stærstum hluta kyn-
bótahross. Ekki voru allir jafn
vissir um ágæti sýningarinnar
fyrirfram og lieyrðust raddir
um að hestakosturinn yrði í
lakari kantinum. Þá töldu
margir að það sein þarna bæri
fyrir augu manna væri fors-
mekkurinn að því sem koma
skyldi á fjórðungsmótinu á
Kaldármelum í sumar.
Hestakostur sýningarinnar var
alveg prýðilegut' og-síður en svo
lákari en sá sem sást hjá norðlend-
ingum fyrr í vetur. Mörg góð topp-
hross sáust þarna og skal þar
fyrstan nefna stóðhestinn Seim
frá Sveinatungu undan Hervari
963 og Madonnu frá Sveinatungu
sem telja verður líklegan til stórra
afreka í sumar, ef allt gengur að
óskum. Þá var Orion frá Litla-
Bergi býsna sprækur. Af hryssun-
um mætti nefna Gleði frá Hvítár-
bakka undan Ögra frá Skarði og
Svipu frá Indriðastöðum. Nokkrir
ræktunarhópar voru sýndir og
eins afkvæmi nokkurra stóðhesta.
Morgunblaðið/Valdimar Kristinsson
Afkvæmi Borgfjörðs 909 frá Hvanneyri komu fram á sýningunni
en eigandi hans, Reynir Aðalsteinsson lengst til hægri, situr Skúm
frá Geirshlíð.
Haukur frá Hrafnagili, eins og draumagæðingurinn í ævintýrunum,
knapi Gísli Höskuldsson.
Ekki voru afkvæmi Ófeigs sýnd
eins og til stóð og má teljast
merkilegt að ekki hafi tekist að
öngla saman vel sýningarhæfum
hrossum undan þeim ágæta hesti
sem getið hefur af sér margan
afrekshestinn.
Einnig voru tvö atriði svona af
léttara tagi. Gunnar Örn dýra-
læknir á Hvanneyri og Snorri
bóndi á Mið-Fossum fóru á kost-
um að mati margra ásamt Ár-
manni frá Kjalvararstöðum.
Bjarni í Skáneý og Jón frá Hofi
mættu með þá Hermes frá Skjól-
brekku, sem er stór og grófur
töltari, og Tuma Þumal, sem tal-
inn er vera minnsti fullvaxni liest-
ur landsins, í ágætu atriði. Ingi-
mar á Hvanneyri sýndi efnilegan
hest, Pílatus frá Eyjólfsstöðum,
sem hann gekk í móður stað fyrir
um sex árum, þegar móðirin féll
frá degi eftir köstun og virðist sú
umönnun hafa verið fyrirhafnai'-
innar virði. Síðast en ekki sístan
skal nefna stólpagæðinginn Hauk
frá Hrafnagili, sem Gísli á Hofs-
stöðum sat af mikilli prýði eins
og honum einum er lagið. Virðist
Haukur gefa frænda sínum
Hrímni frá Hrafnagili lítið eftir
að fegurð og ganghæfni en þessir
tveir höfðingjar eru sannkallaðir
Þeir Gunnar Örn dýralæknir og Snorri bóndi á Mið-Fossum kynntu
þarna nýjar og þægilegar aðferðir við kynbótadóma með aðstoð
Ármann frá Kjalvararstöðum, allir í dulargervum að sjálfsögðu.
ævintýrahestar.
Sýning vestlendinga gekk
prýðilega fyrir sig þótt dálítið
væri hún einhæf eins og gjarnan
vill verða þegar lítill tími er til
undirbúnings. Vel var mætt á
sýningarnar þijár en húsfyllir var
á laugardagskvöldið. Segja má
að hrossin gefi góð fyrirheit um
það sem kemur fram á fjórðungs-
mótinu í sumar og geta menn
farið að láta sig hlakka til.
Næsta sýning í Reiðhöllinni
verður fyrstu helgina í maí en
Reiðskólinn h/f stendur fyrir
þeirri sýningu.