Morgunblaðið - 19.05.1992, Blaðsíða 2

2
MORGUNBLAÐIÐ ÞRIÐJUDAGUR 19. MAI 1992
Oku und-
ir áhrifum
lyfja og
áfengis
TÍU MENN voru handteknir um
helgina vegna gruns um ölvun við
akstur, auk eins sem talinn var
undir áhrifum iyfja við aksturinn.
Sá kom á bensínstöð og framvís-
aði tékka sem þótti grunsamlegur.
Lögregla var kvödd til og reyndist
í lagi með ávísunina en hins vegar
reyndist ökumaðurinn athugunar-
verður og talinn undir miklum áhrif-
um lyfja.
Þá voru 39 ökumenn kærðir vegna
hraðaksturs um helgina og voru
nokkrir þeirra sviptir ökuréttindum
vegna glæfralegs aksturs. Þar á
meðal var maður sem ók á 124 km
hraða á Kringlumýrarbraut og annar
sem tekinn var á Reykjanesbraut á
120 km hraða.
----. ♦ ♦■■■♦-
Kjálkabrotn-
aði og skarst
a hofði í
vinnuslysi
MAÐUR kjálkabrotnaði og skarst
illa á höfði í vinnuslysi í Vélskóla
íslands í Reykjavík í gær.
Talið er að maðurinn, sem er kenn-
ari við skólann, hafi verið að gang-
setja gamla bátavél þegar einhver
sveif eða annar hlutur slóst í höfuðið
á honum með fyrrgreindum afleið-
ingum. Engin vitni voru að slysinu
og maðurinn gat ekki tjáð sig um
tildrög þess í gær, svo atburðarásin
var lögreglu ekki að fullu ljós síðdeg-
is í gær.
Maðurinn var fluttur á sjúkrahús
til aðgerðar.
----» ♦ ♦----
Aburðarflug
að hefjast
ÁBURÐARFLUG á vegum Land-
1V i *
f* 1
■ i / *:■: t
'*'7. i.
í b i ■ II
' Morgunblaðið/Úlfar Ágústsson.
Erfiðlega gekk að finna eldsupptökin því mikinn reyk lagði frá bílnum og á tímabili logaði öll gatan undir honum vegna bensins sem
rann þar niður.
Stórbruna afstýrt þegar kviknaði í bíl
UNGUR maður sýndi mikið
snarræði þegar honum tókst
að afstýra að eldur úr bíl bær-
ist í bílaverkstæði við þriggja
íbúða hús sem tilheyrir gömlu
skipasmíðastöðinni í Suður-
tanga síðdegis í gær. Öll húsin
þarna eru timburhús og í
næsta nágrenni eru gömlu
húsin í neðsta.
Þegar maðurinn lauk viðgerð
á fólksbíl setti hann bílinn í gang,
en þá gaus upp mikill eldur í
vélarrýminu. Hann ýtti bílnum
út úr skúrnum og frá húsunum.
Ibúi í húsinu kallaði á slökkvilið-
ið sem kom skömmu seinna.
Erfiðlega gekk að komast að
eldsupptökunum og urðu
slökkviliðsmenn að rífa vélarhlíf-
ina frá með öxum og öðrum verk-
færum. Bíllinn er mikið skemmd-
ur.
Úlfar
Alþingi:
Samstaða um afgreiðslu frum-
varps um Verðjöfnunarsjóð
Stefnt ad því að fresta þingi í dag
FRUMVARPI til laga um Verðjöfnunarsjóð sjávarútvegsins var
vísað til 3. umræðu með 53 samhljóða atkvæðum í gærkvöldi.
Sljórnarandstæðingar lýstu yfir vilja sínum til að greiða fyrir því
að þetta mál fengi framgang en tóku fram að í því fælist ekki
stuðningsyfirlýsing við stefnu ríkisstjórnarinnar í efnahagsmálum.
græðslu ríkisins hefst í næstu
viku, en þá verður dreift áburði á
Reykjanesi. Að sögn Stefáns Sigf-
ússonar fulltrúa landgræðslu-
stjóra verður væntanlega dreift
svipuðu magni af áburði og í
fyrra, eða um 1.100 tonnum.
Áburðarvél Landgræðslunnar,
Páll Sveinsson, verður í þijá daga í
áburðarflugi á Reykjanesi, en að því
loknu fer hún í Gunnarsholt þar sem
hún verður staðsett fram yfir miðjan
júní. Síðan fer vélin á Sauðárkrók
og dreifir áburði þaðan á Blöndu-
svæðið, en að því loknu fer vélin til
Húsavíkur.
Við 2. umræðu í gærkvöldi gerði
Matthías Bjarnason formaður
sjávarútvegsnefndar grein fyrir
áliti nefndarinnar. Nefndin mælti
með samþykkt fioimvarpsins en
beindi jafnframt þeim tilmælum
til sjávarútvegsráðherra að við þá
endurskoðun á frambúðarfyrir-
komulagi sveiflujöfnunar í sjávar-
útvegi sem nú stæði yfir, yrði það
tryggt að greiðslur í og úr sveiflu-
jöfnunarsjóðum hefðu ekki bein
áhrif á hlutaskipti sjómanna.
Við umræðuna í gær kom það
fram í ræðum talsmanna stjórnar-
andstöðuflokka að þeir stæðu að
afgreiðslu þessa máls þótt þeir
teldu gagmýni sem fram hefur
komið frá sjómönnum og forystu-
mönnum launþega að ýmsu leyti
réttmæta. En útgreiðslurnar úr
Verðjöfnunarsjóðnum væru neyð-
arúrræði, það væri nauðsynlegt
að hjálpa sjávarútveginum í núver-
andi þrengingum sem væru reynd-
ar að hluta afleiðing af stefnu rík-
isstjórnarinnar. Þótt þeir styddu
þetta stjórnarfrumvarp mætti á
engan hátt túlka það sem stuðn-
ingsyfirlýsingu við stefnu ríkis-
stjórnarinnar í efnahagsmálum.
Talsmenn stjórnarandstæðinga
lýstu yfir eindregnum stuðningi
við það að sveiflujöfnunarsjóðir
yrðu áfram fyrir hendi og í þá
safnað þegar færi gæfist.
Bæði Sjómannasamband ís-
lands og Farmanna- og fiski-
mannasamband íslands lögðust
gegn frumvarpinu. í umsögn um
frumvarpið benti Farmanna- og
fiskimannasambandið m.a. á þijú
vandamál við uppskiptingu og til-
færslur á eigum Verðjöfnunar-
sjóðsins samkvæmt frumvarpinu
sem snerti sjómenn. í fyrsta lagi
sé skipting milli sjómanna og fyrir-
tækja sjávarútvegsins ósanngjörn.
í öðru lagi komi þær 278 milljónir
kr., sem renna eiga til lífeyrissjóða
sjómanna, öllum fiskimönnum til
góða, einnig þeim sem ekki hafa
tekið þátt í inngreiðslum í Verð-
jöfnunarsjóðinn. í þriðja lagi sé
fjöldi einstaklinga í lífeyrissjóðn-
um, sem ekki tilheyri hópi fiski-
manna.
í gærkvöldi var enn gert ráð
fyrir því að þingstörfum á Alþingi
verði frestað síðdegis í dag. Ríkis-
stjórnin hefur lagt höfuðáherslu á
að fá samþykkt frumvarp til laga
um skattskyldu innlánsstofnana,
en það mál var aðalátakamál gær-
dagsins og ekkert samkomulag
var um afgreiðslu þess. Þá stóð
til að ríkisstjórnin legði í gær-
kvöldi fram frumvarp um ríkis-
ábyrgð á laun, en loforð þess efn-
is var í yfirlýsingu ríkisstjórnar-
innar vegna kjarasamninganna.
Sjá einnig miðopnu og bing-
síðu bls. 33.
Yfirvöld í Potsdam vilja
gersi hús Jóns Leifs upp
Einnig er áhugi á að nefna götu eftir tónskáldinu
YFIRVÖLD í Potsdam, skammt frá Berlín í Þýskalandi, hafa
sýnt því mikinn áhuga að varðveita hús, sem Jón Leifs tónskáld
bjó í um tólf ára skeið. Þá hafa yfirvöld einnig sýnt áhuga á að
nefna götuna, sem húsið stendur við, eftir Jóni. Erfingjar fólks,
sem átti húsið, hafa hins vegar farið fram á að fá það afhent,
enda stendur það á verðmætri lóð.
Hjálmar H. Ragnarsson, tón-
skáld, samdi handrit að kvikmynd
um ævi Jóns Leifs, ásamt Hilm-
ari Oddssyni, kvikmyndagerðar-
manni. „Eftir að ég vann handrit-
ið fór ég til þorpsins Rehbriicke
í Potsdam og sá þá að húsið stóð
enn,“ sagði Hjálmar. „Jón leigði
húsið um tólf ára skeið, en þá
var hverfið vinsæll sumardvalar-
staður fyrir ríka Berlínarbúa.
Tengdamóðir Jóns, sem var gyð-
ingur, útvegaði honum húsið og
þarna bjó hann í tólf ár. Þetta
var fyrsta fasta aðsetur hans og
fjölskyldu hans og þarna samdi
hann mörg helstu verk sín. Jóni
tókst svo að flýja með fjölskyld-
una til Svíþjóðar í ársbyijun 1944.
Það var á elleftu stundu og
tengdamóðir Jóns hafði þá lent í
útrýmingarbúðum."
Hjálmar sagði að austur-þýska
ríkið hefði aldrei tekið húsið eign-
arnámi og þegar múrinn féll
hefðu erfingjarnir gefið sig fram.
„Þetta er ævintýralegt timbur-
hús, all stórt og stendur á stórri
lóð. Það þarfnast taisverðs við-
halds, en yfirvöld í Potsdam hafa
sýnt því mikinn áhuga að gera
húsið upp. Þá þarf að greiða
erfingjunum sinn hlut og það er
ekki ljóst hvort íslenska ríkið
tæki einhvern þátt í því. Það eru
til fordæmi þess að íslenska ríkið
geri upp hús í öðrum löndum, til
dæmis sendiráðshús og Jónshús
í Kaupmannahöfn. Ef húsið verð-
Jón Leifs, tónskáld.
ur gert upp þá gæti það til dæm-
is verið aðsetur sendiráðsfólks,
eða íslenskra listamanna. Þá hafa
bæjaryfirvöld einnig sýnt áhuga
á að nefna götuna, sem húsið
stendur við, eftir Jóni Leifs. Ég
vona bara að húsið verði ekki
horfið þegar við Hilmar höfum
tök á að hefja kvikmyndatökur."