Morgunblaðið - 19.05.1992, Blaðsíða 35
MORGUNBLAÐIÐ VIÐSKIPTI/ATVINNULÍF ÞRIÐJUDAGUR 19. MAÍ 1992
35
j
S
1
I
I
I
I
I
3
I
I
V
i
Atvinna
Kynningarherferð
fyrir íslenskum iðnaði
íslenskur iðnaður stendur á tímamótum, segir fram-
kvæmdastjóri Landssambands iðnaðarmanna
LANDSSAMBAND iðnaðar-
manna hefur hafið kynningar-
herferð fyriiv íslenskuni iðnaði
þar sem vakin er athygli á undir-
stöðuþýðingu hans fyrir íslenskt
þjóðfélag. Minnt er á að í iðnaði
sé að finna fjölbreytta möguleika
á aukinni verðmætasköpun og
bættum lífskjörum þjóðarinnar
Trésmiðja
Fjalar hf.
skiptir um
eigendur
Húsavík.
EIGENDASKIPTI urðu ný-
lega á trésmiðjunni Fjalari
hf. á Húsavík þegar aðaleig-
endur Trésmiðjunnar Borg-
ar hf. og fleiri keyptu fyrir-
tækið. Þetta eru tvær elstu
trésmiðjurnar á Húsavík,
þær eru áratuga gamlar og
hafa reist margar af stærstu
byggingum bæjarins.
Aformað er að reka fyrirtæk-
in sem sjálfstæða aðila að
minnsta kosti fyrst í stað þó
að eðlilega verði þar samstarf
á milli og hefur nýr forstjóri,
Sævar Salomonsson, tekið við
rekstri Fjalars.
Samdráttur hefur hér orðið
í byggingariðnaðinum þó að
útlit sé um töluverðar fram-
kvæmdir á komandi sumri.
- Fréttaritari
ásamt mikilli þekkingu og at-
orku til að takast á við ný verk-
efni. Til að ná árangri sé mikil-
vægt að íslendingar geri það sem
öðrum iðnaðarþjóðum þyki flest-
um sjálfsagt, þ.e. að sýna þann
metnað að velja vandaða inn-
lenda framleiðslu. Ráðamenn
þurfi einnig að sýna viljann í
verki með því að skapa iðnaðin-
um eðlilegt starfsskilyrði.
Að sögn Þórleifs Jónssonar,
framkvæmdastjóra Landssam-
bands iðnaðarmanna, stendur ís-
lenskur iðnaður nú á tímamótum.
I ljósi takmarkana sem fiskveið-
iauðlindir eru háðar hafi iðnaður
og ýmis þjónusta að gegna vax-
andi hlutverki í verðmætasköpun
og hagvexti á komandi árum. Jafn-
framt verði gerðar auknar kröfur
til iðnaðarins vegna róttækra
breytinga í viðskiptamálum og
harðnandi erlendrar samkeppni. I
ljósi þessa hafi þótt eðlilegt að
Landssamband iðnaðarmanna
minntist 60 ára afmælis sín með
því að vekja bæði almenning og
ráðamenn til umhugsunar um
framtíð íslensks iðnaðar.
Þórleifur sagði einnig að vax-
andi atvinnuleysi, óvissa og allt að
því ráðleysi í atvinnumálum sýndi
síðan enn frekar fram á nauðsyn
þess að vekja metnað og vilja hjá
þjóðinni til að treysta og byggja
upp íslenska framleiðslu og leggja
þannig grunn að aukinni atvinnu
og bættum lífskjörum í framtíð-
inni. íslenskur iðnaður sé vett-
vangur fyrir hæfileikafólk á mörg-
um sviðum, bæði við almenn iðnað-
arstörf og við hönnun, tæknistörf,
stjórnun o.fl.
Bakkavör og Miðlun
með bestu markaðs-
áætlanirnar
Fulltrúar 8 fyrirtækja tóku þátt í þróunarverk-
efninu Útflutningsaukning og hagvöxtur
VERKEFNINU „Útflutningsaukning og hagvöxtur" lauk fimmtu-
daginn 77. maí, en það var Útflutningsráð sem stóð að því ásamt
Iðnlánasjóð og Markaðsskóla Islands. Þá styrkti íslandsbanki einn-
ig verkefni. Olafur G. Einarsson, menntamálaráðlierra, aflienti
fulltrúum þeirra átta fyrirtækja sem þátt tóku í verkefninu viður-
kenningarskjal en fulltrúi Bankkavarar hf., Agúst Guðmundsson,
og fulltrúi Miðlunar, Árni Zophaníasson, fengu sérstaka viður-
kenningu fyrir best unnu markaðsáætlunina.
Þróunarverkefnið „Utflutningur
og hagvöxtur“ er írskt að uppruna
og ætlað litlum og meðalstórum
fyrirtækjum sem áhuga hafa á því
að hefja útflutning eða festa í sessi
útflutning sem þegar er hafinn.
Unnið er í áföngum að gerð mark-
aðsáætlunar og m.a. farið yfir
markaðshlutun, markaðsval, vöru-
kynningar, söluáætlanir, dreifi-
leiðir, val umboðsmanna, verð-
lagningu, gengismál og greiðslu-
aðferðir. Byggt er á námskeiðum
eða vinnufundum og hvert fyrir-
tæki hefur aðgang að sérlegum
ráðgafa og aðstoðarmanni auk
sérsniðinna fyrirlestra um allt sem
viðkemur markaðssetningu er-
lendis. Auk Bakkavarar og Miðl-
unar tóku þátt í verkefninu nú
fulltrúar fyrirtækjanna Borgar-
plasts, Loðskinns, Max, NÖa-Sír-
íus, Tölvumiðlun og Þörungaverk-
smiðjunni. Þess má geta að fyrir-
tækið Össur sem híaut. útflutn-
ingsverðlaun forseta Islands nú
nýverið, var í hópi þeirra fyrir-
tækja sem þátt tóku í fyrsta nám-
skeiðinu af þessu tagi og hlaut
þá m.a. sérstök verðlaun fyrir
bestu markaðsáætlunina.
Wterkurog
kJ hagkvæmur
auglýsingamiöill!
Flug
Bandaríkjamenn
vilja breiðþotur
Bandarísk flugfélög hafa að undanförnu verið að fjölga venjulegum
þotum með einum gangi í innanlandsfluginu og hefur það vakið mikla
óánægju meðal farþega á lengri flugleiðunum. Þeir vilja breiðþoturn-
ar, þar sem hægt er að komast óhindrað um flugvélina, til dæmis á
salernið, en eins og allir vita komast menn hvorki aftur á bak né
áfram þegar flugfreyja eða -þjónn er með veitingavagninn í ganginum
á „mjóhundinum".
Forsvarsmenn bandarískra ferða-
tímarita segja, að mikið sé um kvart-
anir frá viðskiptavinum flugfélag-
anna, einkum þeim, sem oft eru á
ferðinni innanlands, en bandarísku
flugfélögin hafa verið að flytja breið-
þotumar úr innanlandsfluginu og
yfir á alþjóðlegu flugleiðirnar. I stað-
inn koma venjulegu þoturnar, yfir-
leitt Boeing 757, en þær geta notað
styttri flugbrautir en breiðþoturnar
og hafa mikla flugdrægni.
Ekki þarf að tíunda ókosti „mjó-
hundanna" á löngum flugleiðum inn-
annlands í Bandaríkjunum, til dæmis
stranda í millum, en bandarískir ferð-
alangar eiga þess þó enn kost að
velja á milli breiðþotunnar og hinnar
venjulegu. Er sú fyrrnefnda aðallega
Boeing 767 en einnig Lockheed L
1011, McDonnell Douglas DC 10 og
ýmsar gerðir af Airbus.
Rússland
Sabre-bók-
unarkerfi
til Aeroflot
IBM, stærsta tölvufyrirtæki í
Bandaríkjunum, og American
Airlines, stærsta flugfélagið þar
í landi, hafa tekið að sér að sér
að setja upp tölvuvætt bókunar-
kerfi fyrir rússneska flugfélagið
Aeroflot en það er aftur stærsta
flugfélag í heimi. Verður samn-
ingurinn vafalaust til að styrkja
mjög stöðu Sabre-bókunarkerfis-
ins gagnvart öðrum kerfum.
IBM og American Airlines hafa
góða reynslu af samstarfi sín í milli
en nú eru liðin 25 ár síðan þau settu
upp Sabre-bókunarkerfið, sem notað
er hjá 40% bandarískra ferðaskrif-
stofa. Verði því einnig komið upp
hjá Aeroflot verður það mikið áfall
fyrir mörg evrópsku flugfélaganna,
sem hafa fjárfest mikið í uppsetningu
annarra kerfa. Kerfið tekur annars
til farmiðapöntunar, útgáfu farmiða
og brottfararspjalda og gætir þess
einnig, að sama sætið sé ekki selt
oftar en einu sinni.
Þetta síðastnefnda er einmitt stóra
vandamálið í Sovétríkjunum fyn-ver-
andi þar sem tölvuvæðing er nánast
engin og farmiðar yfirleitt seldir á
skrifstofum í borgunum en ekki í
flughöfninni. Virðist enginn vita
hvaða sæti hafa verið seld og það
kemur ekki ljós fyrr en á flugvellin-
um. Á árinu 1990 urðu 30% farþega
með Aeroflot að bíða eftir næstu vél
eða þarnæstu vegna þess, að sætin
höfðu jafnvel verið margseld.
Arsávö'xtun umfrain vmöhólgu s.I. 6 mán.
SJÓÐSBRÉF7
Eignir sjóðsins eru ávaxtaðar í
þýskum hlutabréfum.
Góð áhættudreifmg íyrir þá
sem eiga nokkurt sparifé.
VlB
VERÐBRÉFAMARKAÐUR ÍSLANDSBANKA HF.
Ármúla 13a, 155 Reykjavík. Sími 68 15 30.
Tilkynning um útgáfu markaðsverðbréfa
Húsbréf
2. flokkur 1992
Kr. 4.000.000.000,-
Krónur fjórir milljaröar 00/100.
Útgefandi:
Útgáfudagur:
Vextir:
Lokagjalddagi:
Einingar bréfa:
Byggingarsjóöur ríkisins, húsbréfadeild.
15. apríl 1992.
6%.
15. apríl 2017.
10.000, 100.000, 1.000.000, 5.000.000.
Umsjón meö útgáfu: Landsbréf hf.
* LANDSBRÉF H.F.
Landsbankinn stendurmeð okkur
Sudurlandsbraut 24, 108 Reykjavík, sími 91-679200, fax 91-678598.
Löggilt verdbréfafyrirtæki. Aðili að Verdbrófaþingi íslands.