Morgunblaðið - 19.05.1992, Blaðsíða 25
MORGUNBLAÐIÐ ÞRIÐJUDAGUR 19. MAÍ 1992
25
Viljum ræða samein-
ingu við Landsbjörg
- segir forseti Slysavarnafélagsins
EINAR Sigurjónsson, nýkjörinn forseti Slysavarnafélags íslands, segir
að á þingi félagsins um helgina hafi komið fram áframhaldandi vilji
til samvinnu fyrir önnur samtök á sviði slysavarna og björgunar og að
til að halda áfram viðræðum við Landsbjörg um sameiningu félaganna.
Einar Siguijónsson segir, að á
landsþingi Slysavarnafélagsins hafi
komið fram vilji til þess að björgun-
arsamtök í landinu hafi aukna sam-
vinnu. Til dæmis gætu samtökin
sameinast um stjórnstöð en Slysa-
varnafélagið hefði yfir að ráða full-
kominni slíkri stöð. Landsbjörg starf-
rækti hins vegar góðan þjálfunar-
skóla fyrir björgunarmenn. Þarna
væri um að ræða tvo þýðingarmikla
þætti, þar sem samvinna mætti vera
meiri. Hann segir að enn fremur
hafi komið fram vilji til að ræða sam-
einingu samtakanna ef á því fyndist
einhver flötur.
Að sögn Einars var áhersla á það
lögð á þinginu, að efla slysavarnir
til dæmis í þágu barna. Einnig yrði
lögð áhersla á átak sem hafið væri
til að efla öryggi í landbúnaði. í því
sambandi mætti nefna, að bifreið
væri lögð af stað á vegum félagsins,
sem ætti að fara um landið og að-
stoða bændur, meðal annars við að
setja hlífar á drifsköft, en alltof
mörg slys hefðu orðið að undanförnu '
vegna óvarinna drifskafta.
Hann segir að á þinginu hafi einn-
ig komið fram áhyggjur vegna slysa
á smábátum og ljóst væri að menn
yrðu að sameinast um aðgerðir til
að fækka þeim. Þá hefðu menn
áhyggjur af ógnvænlegri tíðni slysa
á ungum sjómönnum og lögð yrði
áhersla á nýliðafræðslu í tengslum
við hringferð Sæbjargar og Slysa-
varnaskóla sjómanna.
Sviss ætlar að sækja um aðild að EB:
Staðfestir þá stefnu
sem áður var boðuð
- segir Jón Baldvin Hannibalsson
Utanríkisráðherra segir að ákvörðun svissnesku ríkisstjórnarinnar
um að sækja um aðild að Evrópubandalaginu skilgreini og staðfesti
nánar stefnu hennar, sem áður hafi verið boðuð. Þessi ákvörðun stað-
festi enn frekar að flest EFTA-ríkin hafi sett sér það mark að sækja
um aðild en líklegt sé að þær umsóknir verði ekki afgreiddar fyrr en
á síðari hluta þessa áratugs.
„Hins vegar meta menn mjög mis-
jafnlega líkurnar á að ákvörðun um
umsókn um aðild að EES, sem fer
fyrir þjóðaratkvæðagreiðslu hjá þeim
í desember, verði samþykkt þannig
að ég mun engu slá föstu um þá
niðurstöðu fyrr en hún liggur fyrir,“
segir Jón Baldvin Hannibalsson.
Hann segir að áhrif ákvörðunar
svissnesku ríkisstjórnarinnar á
EFTA til skamms tíma verði engin
umfram það sem fyrir liggi. „Þessi
ákvörðun staðfestir enn frekar að
flest EFTA-aðildarríkin hafa sett sér
þetta mark, það er að segja Austur-
ríki, Finnland, Svíþjóð og nú Sviss
auk þess sem vitað er um vilja for-
ystu norska Verkamannaflokksins
þó niðurstaða þeirrar ákvörðunar
muni ekki liggja fyrir fyrr en í nóv-
ember að öllu óbreyttu,“ segir Jón
Baldvin.
Hann segir hins vegar rétt að taka
fram að bjartsýnustu vonir, til dæm-
is forystumanna Svía, um að þeim
muni auðnast að ljúka samningum
um aðild í ársbyijun 1995 séu dregn-
ar mjög í efa af öðrum.
Jón Baldvin segir skiptar skoðanir
um hvort Lichtenstein fari sömu leið
og Sviss og sæki um aðild. „Þeir sem
skoða málið utan frá telja sumir að
ef Sviss fari þessa leið þá muni Lic-
htenstein muni gera slíkt hið sama.
Hins vegar hafa heyrst raddir óopin-
berlega frá forsvarsmönnum í Lic-
htenstein um að svo verði ekki.“
230 fulltrúar sóttu 24. þing Slysavarnafélags íslands, sem haldið var í Víðistaðaskóla í Hafnarfirði um
helgina.
Einar Siguijónsson kjörinn
forseti Slysavamafélagsins
Hannes Þ. Hafstein heiðraður fyrir starf að slysavörnum
EINAR Sigurjónsson skipstjóri var kjörinn forseti Slysavarnafé-
lags Islands á 24. landsþingi þess, sem haldið var nú um helgina.
Örlygur Hálfdánarson, sem verið hefur forseti frá 1989 gaf ekki
kost á sér til endurkjörs. Á þinginu var Hannes Þ. Hafstein, fyrr-
verandi forstjóri SVFÍ heiðraður fyrir 30 störf að slysavörnum.
Um 230 manns sátu Landsþing
Slysavarnafélagsins, sem haldið
var í Víðistaðaskóla í Hafnarfirði.
Þingið hófst á föstudag með messu
í Víðistaðakirkju og lauk síðdegis
á sunnudag.
Á þinginu var þess sérstaklega
minnst að hundrað ár eru nú liðin
frá því að skipulegt slysavarna-
starf hófst hér á landi, en þá hóf
séra Oddur V. Gíslason útgáfu
slysavarnablaðsins Sæbjargar.
Fjölmargir einstaklingar voru
heiðraðir á þinginu fyrir störf að
slysavörnum. Þeirra á meðal var
Hannes Þ. Hafstein, fyrrverandi
forstjóri SVFÍ, en hann var sæmd-
ur æðsta heiðursmerki félagsins
fyrir 30 ára störf að slysavörnum,
en það höfðu aðeins tveir menn
hlotið áður.
Meginumræðuefni landsþings-
ins var stefnumörkun félagsins til
aldamóta. Örlygur Hálfdánarson,
fráfarandi forseti, sagði í samtali
við Morgunblaðið að niðurstaðan
væri sú, að félagið þyrfti að stór-
efla forvarnarstarf sitt, án þess
þó að draga á nokkurn hátt úr
björgunarþættinum. Meðal þeirra
sviða, sem áformað væri að leggja
aukna áherslu á, væru slys á börn-
um og vinnuslys í landbúnaði. Þá
væri einnig fyrirhugað að virkja
félagsmenn betur í baráttunni við
umferðarslys.
Örlygur sem verið hefur forseti
SVFÍ frá 1989, gaf ekki kost á
sér til endurkjörs og var Einar
Sigurjónsson skipstjóri kjörinn í
hans stað. Aðrir í stjórn voru kosn-
ir Garðar Eiríksson, Selfossi,
Gunnar Tómasson, Grindavík, Jó-
hannes Briem, Reykjavík, Lára
Helgadóttir, ísafirði, Sigurður H.
Guðjónsson, Sandgerði og Svala
Halldórsdóttir, Akureyri. Lands-
hlutafulltrúar í stjórn voru kjörnir
Ágúst Ólafsson, Patreksfirði fyrir
Vestfirði og fyrir Austurland Bald-
ur Pálsson, Fellabæ. Fyrir voru í
stjórninni Þóranna Hansen frá
Dalvík fyrir Norðurland, Ingi Hans
Sverrir.
Örlygur Hálfdánarson lét af
störfum forseta Slysavarnafé-
Iags íslands á landsþingi félags-
ins um helgina.
Jónsson frá Grundarfirði fyrir
Vesturland og Ólafur Íshólm frá
Selfossi fyrir Suðurland.
RÝMUM FYRIR NÝJUM LÍNUM OQ BJÓÐUM FRÁBÆRT VERÐ Á EINSTÖKUM VÖRUTEGUNDUM FRÁ MIELE
BOSCH
OG BOSCH
»o
o
rg
O)
5
\ZORTtlÆO&
Staðgrv. Staðgrv. Þú
Dæmi: áður nú sparar
Miele frystiskápur 184 I. 65.039,- 50.000,- 15.039,-
Miele gaseining m/rafmagnsgrilli og djúpsteikingarpotti 129.426,- 95.000,- 34.426,-
Bosch stálveggofn/keramikhelluborð/stjórnborð 142.929,- 103.388,- 39.541,-
Bosch stálundirborðsofn/keramikhelluborð 127.855,- 92.292,- 35.563,-
Bosch uppþvottavél til innb. úr stáli 77.017,- 64.262,- 12.755,-
Bosch þvottavél, 1100 sn. vinda 90.695,- 73.235,- 17.460,-
TILBOÐIÐ GILDIR Á MEÐAN B IRGÐI! R E N D A S T
Á MEÐAN Á TILBOÐSDÖGUM STENDUR BJÓÐUM VIÐ 5% AUKAAFSLÁTT AF ÖLLUM ÖÐRUM TÆKJUM í VERSLUNINNI
j,\ A, £ Lfrru VtÐ WA OKICUR íSUNDmo^Ci
J ohann Olatsson óc Oo _ vœ> mcd tæww fvrir piqi CS3 (M)
SUNDABORG 13 • 104 REYKJAVÍK • SÍMI 688588