Morgunblaðið - 19.05.1992, Blaðsíða 26
26
MORGUNBLAÐIÐ ÞRIÐJUDAGUR 19. MAÍ 1992
Filippseyjar:
Fidel Ram-
os sigurviss
Manila. Reuter.
FIDEL Ramos, fyrrverandi yfir-
maður hers Filippseyja, kvaðst í
gær trúaður á að hann myndi
bera sigur úr býtum í forseta-
kosningunum í landinu eftir að
hafa náð 300.000 atkvæða for-
skoti á helsta keppinaut sinn,
Miriam Santiago, er þriðjungur
atkvæðanna hafði verið talinn.
Ramos fékk 1,74 milljónir at-
kvæða og Miriam Santiago, oft
nefnd „Járnfrú norðursins", fékk
1,44 milljónir.
Imelda Marcos, ekkja Ferdinands
Marcos einræðisherra, var í fimmta
sæti af sjö og varaði við óeirðum í
landinu ef Ramos kæmist til valda
með kosingasvindli.
Santiago hvatti námsmenn til að
taka þátt í fjöldagöngum, sem hún
hefur skipulagt víða um landið til
að mótmæla meintu kosninga-
svindli. „Ég bið 10 milljónir náms-
manna til ganga til liðs við mig í
þessari krossferð," sagði hún. „Há-
skólanámsmenn fallast aldrei á for-
seta sem kemst til valda með
svindli.“
141 ferð
umjörðu
Geimskutlan Endeavour lenti á
Edwards-herflugvellinum í Kali-
forníu sl. laugardag eftir níu
daga velheppnaðan leiðangur.
Tilgangur leiðangursins var að
gera við bilaðan fjarskiptahnött og
skjóta honum á rétta braut um-
hverfis jörðu. Áhöfnin, sex karl-
menn og ein kona, fór þrisvar út
úr geimskutlunni til gera við hnött-
inn, sem vegur 4 tonn og kostar
um 7.8 milljarða ÍSK. Geimskutlan
fór 141 hring í kringum jörðina í
leiðangrinum, alls 4,16 milljónir
km. Endeavour og áhöfnin settu
mörg met í leiðangrinum, þ. á m.
tvær lengstu geimgöngurnar frá
upphafi.
Króatar segjast ekki ráða við flóttamannastrauminn frá Bosníu:
Reuter
Flóttamannastraumurinn frá Bosníu liggur í allar áttir og stundum á fólk ekki annars úrkosta en
leita á náðir andstæðingsins. Hér eru múslimar að fara yfir brú á Drinu, sem skilur Bosníu og Sebíu.
„Flóttafólkið verður oft
að hafast við á götumim“
- segir talsmaður króatíska utanríkisráðuneytisins
Zagjeb, Róm, París. Reuter.
KROATISK stjórnvöld skýrðu í gær frá því að þau réðu ekki
lengur við þann gífurlega fjölda flóttamanna sem streymdi yfir
landamærin frá Bosníu og báðu um aðstoð frá öðrum Evrópuríkj-
um. Króatar hafa þegar tekið við 350 þúsund hosnískum flótta-
mönnum og sagði Ante Babic, talsmaður utanríkisráðuneytisins,
sagði tafarlausar aðgerðir verða að koma til og snerist málið
ekki um daga heldur klukkustundir. „Brýnasta vandamálið sem
finna verður lausn á er varðandi húsnæði. Ástandið er það slæmt
að fólk bókstaflega sefur á götunum," sagði Babie.
Þúsundir flóttamanna héldu
áfram að streyma til Króatíu í
gær en flest nági’annaríki hafa
lokað landamærum sínum að
mestu fyrir flóttamönnum. Dag-
blöð í Króatíu skýrðu um helgina
frá raunum hóps flóttamanna sem
höfðu rekist um frá einum stað
til annars í fimm daga eftir að
þeim hafði verið bannað að fara
yfir landamærin til Slóveníu.
Töluverður fjöldi flóttamanna fór
yfir landamæri Ítalíu um helgina
og hafa ítalir óskað eftir því að
Evrópubandalagsríkin haldi fund
um flóttamannavandann.
Giulio Andreotti, l'orsætisráð-
herra í starfsstjórn Italíu, bað í
gær George Bush Bandaríkjafor-
seta um að hafa frumkvæði að
alþjóðlegri neyðaraðstoð við
flóttamenn frá Bosníu og fólk á
átakasvæðunum. „Bandaríkin
hafa ávallt verið í forystu fyrir
mannúðaraðgerðum til að stuðla
að því að draga úr þjáningum
óbreyttra borgara sem að ósekju
dragast inní átök,“ sagði ítalski
forsætisráðherrann. „Eg þrábið
yður um að íhuga þann möguleika
að ráðast í svipaða mannúðarað-
gerð ásamt okkur og öllum þeim
þjóðum sem hefðu áhuga á að
taka þátt.“
Talsmaður franska utanríkis-
ráðherrans sagði Frakka í gær
vera þeirrar skoðunar að nokkur
hundruð friðargæsluliðar frá
Sameinuðu þjóðunum ættu að
vera staðsettir í Bosníu þó ekki
væri nema til annars að tryggja
öryggi bílalesta með neyðarað-
stoð.
Ekkert lát er á bardögunum í
Bosníu og skiptust sveitir múslíma
og Serba á skotum í höfuðborg-
inni Sarajevo í gær. Króatíska
útvarpið skýrði einnig frá því að
tvær konur og einn lögregluþjónn
hefðu fallið fyrir kúlum serbnesk-
um leyniskyttna í Sarajevo. Einn-
ig bárust fréttir af átökum í borg-
inni Buca Potok, skammt frá
Sarajevo, og serbneskum stór-
skotaliðsárásum á borgina Tuzla,
sem aðallega er byggð múslímum.
Þá hófu sveitir Serba skothríð á
rútu fulla af flóttamönnum í norð-
urhluta Bosníu. Einn farþeganna
féll og margir særðust.
í það minnsta þrettán hundruð
manns hafa fallið í átökunum í
Bosníu á síðustu vikum og allt
að sjö hundruð þúsund misst
heimili sín.
Reuter
Sara og Andrés sjást saman
Hertoginn og hertogaynjan af Jórvík, öðru nafni Andrés prins og Sara
Ferguson, komu í fyrsta sinn saman opinberlega á hestasýningu í Winds-
or sl. laugardag, eftir skilnað þeirra frá borði og sæng. Þau virtust afs-
löppuð og Andrés var sagður hafa tekið utan um herðar hennar í stutta
stund. Flutningabílar fluttu hins vegar eigur Söru á brott frá sveitasetri
þeirra í Sunninghill Park á laugardaginri.
Burma:
Suu Kyi hittir loks-
ins eiginmamiinn
Semur ávarp sem sonur hennar flytur
viö komu Ólympíueldsins til Spánar
Bang’kok. The Dáily Telegraph.
EIGINMAÐUR Aung San Suu
Kyi, friðarverðlaunahafa Nó-
bels, sagði eftir að hafa heim-
sótt eiginkonu sína til Burma í
fyrsta sinn í hartnær tvö og
hálft ár að hún væri með „óbug-
anlegt baráttuþrek“.
Eiginmaðurinn, Michael Aris,
prófessor við Oxford-háskóla,
sagði að Aung San Suu Kyi fylgd-
ist grannt með tilslökunum stjórn-
ar Burma að undanförnu. „Suu
fylgist með þróuninni með opnum
huga. Hún er ekki enn sannfærð
um að þetta sé upphafið að raun-
verulegum umbótum, en hún vill
láta þá njóta sannmælis ef svo
reynist," sagði Aris.
Herforingjastjórnin í Burma,
sem setti Suu Kyi í stofufangelsi
í júlí 1989, hefur að undanförnu
slakað nokkuð á klónni, meðal
annars látið pólitíska fanga lausa.
Aris sagði að Suu Kyi temdi sér
sjálfsaga í stofufangelsinu, læsi,
stundaði sjálfsnám, færi með bæn-
ir eins og venjulega og hlustaði á
útvarp. Þau
einu sem hún
fengi að ræða
við væru ung
þjónustustúlka
og foringi í
leyniþjónustu
hersins. Hún
kvartaði þó ekki
þar sem hún
vissi að aðrir
þjáðust meira
en hún.
Suu Kyi hefur ákveðið að láta
verðlaunafé sitt, meðal annars
vegna Nóbelsverðlaunanna, renna
til heilbrigðis- og menntamála í
Burma. Hún hefur einnig þegið
boð um að semja ávarp í tilefni
af komu ólympíukyndilsins til
Spánar og það verður elsti sonur
hennar, Alexander, sem flytur það.
Suu Kyi
Kúrdar að
kjörborðinu
KÚRDAR í Norður-írak ganga
að kjörborðinu í dag til að kjósa
sér leiðtoga en hlutverk hans
verður fyrst og fremst að hafa
forystu fyrir þeim gagnvart
Saddam Hussein íraksforseta.
Átti að kjósa á sunnudag en
kosningunum var frestað um
tvo daga vegna þess hve auð-
velt var að þvo burtu blekið, sem
nota átti til að merkja þá, sem
kysu. Stendur baráttan milli
tveggja manna, Massouds Barz-
anis og Jalais Talabanis, og vill
sá fyrrnefndi ganga til samn-
inga við Saddam um sjálfstjórn
en ekki sá síðarnefndi. Tveir
aðrir menn, sem njóta þó lítils
fylgis, bjóða sig fram og því
getur hugsast, að kosið verði
aftur milli tveggja efstu.
Síðustu nas-
istaréttar-
höldin?
JOSEF
Schwamm-
berger, fyrr-
um yfirmaður
í tvennum út-
rýmingar-
búðum nasista
í Póllandi, var
dæmdur í gær
í lífstíðarfangelsi fyrir morð á
gyðingum. Lýstu vitni honum
sem einstaklega grimmum
manni, sem ýmist hefði drepið
fólk með eigin hendi eða sigað
blóðhundi á það. Eftir stríð
komst Schwammberger til Arg-
entínu en þar hafðist uppi á
honum fyrir tveimur árum og
var hann þá framseldur til
Þýskalands. Margt bendir til,
að með dómnum yfir honum
hafi síðustu nasistaréttarhöldin
farið fram í Þýskalandi.
Mandela í Ósló
NELSON Mandela, forseti Af-
ríska þjóðarráðsins, sem kom
til Noregs sl. sunnudag í tveggja
daga heimsókn, sagði að innan
tíðar hæfust viðræður um
myndun nýrrar ríkisstjórnar
allra kynþátta sem tæki við af
ríkisstjórn F.W. de Klerk, for-
seta landsins. „Við hittum ríkis-
stjórnina innan mjög skamms
tíma til að ljalla um þetta mál
og undirbúa það. Við horfum
því til framtíðarinnar með bjart-
sýni í huga,“ sagði Mandela við
komu sína til Óslóar á þjóðhátíð-
ardegi Norðmanna. Mandela
heldur til Svíþjóðar í dag og
síðan til Finnlands.
Jöfn skipti
1 EB-málinu
NÚ ERU andstæðingar
Maastricht-samkomulagsins um
aukinn samruna ríkja Evrópu-
bandalagsins (EB) orðnir jafn
margir og stuðningsmennirnir,
samkvæmt nýjustu skoðana-
könnun. Samkvæmt henni
hyggjast 43% Dana greiða at-
kvæði gegn samkomulaginu í
þjóðaratkvæðagreiðslu 2. júní
og 43% á móti. Almennt er álit-
ið að andstæðingar samkomu-
lagsins séu að sækja í sig veðr-
ið. Nokkur taugatitringur er
vegna þessa á meðal stjórnmál-
amannanna, sem eru flestir
fylgjandi samkomulaginu. Þrír
flokkar eru þó andvígir frekari
samruna EB; Sósíalíski þjóðar-
flokkurinn, Framaraflokkurinn
og Kristilegi þjóðarflokkurinn.
Á flokksþingi síðastnefnda
flokksins um helgina var sam-
þykkt ályktun gegn samkomu-
laginu og urðu þingmenn hans
undir í atkvæðagreiðslunni.