Morgunblaðið - 19.05.1992, Blaðsíða 14

14
MORGUNBLAÐIÐ ÞRIÐJUDAGUR 19. MAÍ 1992
Kirkjubyggingamál í Kópavogi:
Digraneskirkja
Staða undirbúnings og hönnunar
Greinargerð sóknarnefndar
Morgunblaðinu hefur borist
eftirfarandi greinargerð:
Undirbúningur
Undirbúningur að byggingu
Digraneskirkju _er nú kominn á
góðan rekspöl. í september sl. var
staðfest úthlutun lóðar fyrir
bygginguna. Þá þegar var hafin
vinna við hönnun og annan undir-
búning. Til verksins voru ráðnir
þeir Benjamín Magnússon arkitekt
og Magnús Bjarnason byggingar-
stjóri. Allir tæknihönnuðir hafa
verið ráðnir til verksins svo og
húsasmíða- og múrarameistari.
Hafa skriflegir samningar verið
gerðir við alla ofangreinda ráðgjafa
og verktaka. Til annarra verkþátta
verða ráðnir verktakar síðar og þá
að jafnaði að undangengnum út-
boðum.
Umsókn um byggingarleyfi ligg-
ur nú fyrir og verða framkvæmdir
hafnar jafnskjótt og leyfið er veitt.
Samningaumleitanir hafa farið
fram um kaup á orgeli. Hafa verið
fengin tilboð frá viðurkenndum
orgelsmiðum í Austurríki, Dan-
mörku og Frakklandi. Er unnið að
því að samræma hönnun orgelsins
og kirkjuhússins. Jafnframt er við
það miðað að orgelið verði fullgert
og stiilingu þess lokið áður en
kirkja verður vígð á síðari hluta
næsta árs.
Hönnun
Við hönnun Digraneskirkju var
einkum haft í huga, að byggingin
félli sem best að umhverfi og nær-
liggjandi byggð. Forðast var að
nota stóra heila fleti í útveggjum
kirkjunnar, en form í þess stað
brotið upp og haft marghyrnt og
breytilegt.
Með þessu móti verða beinar lín-
ur að jafnaði ekki lengri en sam-
bærilegar línur í nærliggjandi hús-
um. Kirkjuskipið rís upp úr miðri
byggingunni og rúmar um 300
manns í sæti. Umhverfis það er
annað húsnæði sem ekki þarf eins
mikla lofthæð. Umgjörð í svipaðri
hæð og nærliggjandi byggð mynd-
ast þannig umhverfis sjálft kirkju-
skipið. Enn frekar er dregið úr
áhrifum útveggja með því að halla
þeim örlítið inn á við en það minnk-
ar um leið skuggavirkni þeirra á
næsta umhverfi. Kirkjuskipinu var
gefin lögun með hliðsjón af góðum
hljómburði jafnt fyrir almennar
kirkjuathafnir og tónlistarflutning.
Við hlið kirkjuskips er safnaðar-
heimili sem rúmar um 110-120
manns í sæti. Þennan sal rná opna
og fjölga þannig sætum í kirkjunni
ef nauðsyn krefur við sérstakar
athafnir. Á sömu hæð eru einnig
skrifstofa prests, skrúðhús og bún-
ingsherbergi fyrir fermingarbörn
og brúðhjón.
í kjallara er kennslustofa fyrir
fermingarbörn, skrifstofa fyrir
meðhjálpara auk geymslna, tækni-
rýmis og hreinlætisaðstöðu. Við
suðausturhorn kirkjunnar verður
jarðvegur lækkaður. Við það mynd-
ast hallandi flöt í útigarði sem nota
mætti fyrir athafnir undir beru lofti
svo sem hljómlistarflutning.
Safnaðarstarf
Eins og fram kemur hér að ofan
verður rúmgóður safnaðarsalur í
tengslum við kirkjuskipið auk
kennslustofu í kjallara. Þessi að-
staða mun koma að góðum notum
fyirr margvíslegt safnaðrstarf.
Slíka aðstöðu hefur hingað til vant-
að í sókninni. í öðrum sóknum sem
eignast hafa húsaskjól svipað því
er Digranessöfnuður hyggst nú
koma sér upp, hefur það nýst vel
í þágu félagslegrar starfsemi svo
sem fyrir börn og aldraða, jafn-
framt hefðbundnum kirkjulegum
athöfnum. Er þess að vænta að sú
verði einnig raunin í Digranessókn.
Einnig má benda á það að salir vel
fallnir til tónleikahalds eru ekki á
hverju strái í Kópavogi. Digranes-
kirkja mun bæta þar úr brýnni þörf.
Andmæli nágranna
Hópur íbúa í húsum næst kirkj-
unni hefur mótmælt byggingu
hennar. Eru aðalrök þeirra þau að
kirkjan mundi valda náttúruspjöll-
um, auk þess sem þeir telja að
margvísleg önnur óþægindi yrðu
af henni. Sóknarnefnd er að sjálf-
sögðu fulltrúi þessara íbúa ekki
síður en annarra sóknarmanna og
hefur hún kynnt sér sjónarmið
þeirra m.a. með heimsóknum og
persónulegum viðtölum. Ekki hefur
nefndin fallist á þau rök er að fram-
an greinir. Um athugasemdir þess-
ara íbúa hefur verið fjallað áður á
ítarlegan hátt af hálfu sóknar-
nefndar t.d. í grein í Morgunblaðinu
„Forvígismenn and-
mælenda eru duglegir
málafylgjumenn og
leitast með tiltækum
ráðum við að hindra
framgang kirkjubygg-
ingarinnar. Það er álit
sóknarnefndar að
meirihluti safnaðarins
sé fylgjandi því að
kirkjubygging rísi með
þeim hætti sem lýst er
hér og heldur hún verk-
inu áfram.“
18. maí 1991 og verður það ekki
enduitekið.
Forvígismenn andmælenda eru
duglegir málafylgjumenn og leitast
með tiltækum ráðum við að hindra
framgang kirkjubyggingarinnar.
Það er álit sóknarnefndar að meiri-
hluti safnaðarins sé fylgjandi því
að kirkjubygging rísi með þeim
hætti sem lýst er hér og heldur hún
verkinu áfram.
Lokaorð
Með þessari greinargerð vill
sóknarnefnd Digranessóknar koma
á framfæri upplýsingum er varða
fyrirætlanir um byggingarfram-
kvæmdir til íbúa í sókninni og ann-
arra, sem láta sig málið varða. Ef
sæmilegur friður fæst til þess að
hrinda þessum áætlunum í fram-
kvæmd, ætti ekkert að vera því til
fyrirstöðu. að fyrir lok næsta árs
standi fullgerð kirkjubygging á
Digraneshæð sem mun bæta úr
brýnni þörf og jafnframt verða
sókninni og báejarfélaginu öllu,
bæði þeim er búa nær og fjær, til
sóma um ókomin ár.
SAA:
Þórarinn
Tyrfingsson
endurkjörinn
formaður
Á AÐALFUNDI SÁÁ, sem hald-
inn var laugardaginn 16. maí,
var Þórarinn Tyrfingsson, yfir-
læknir SÁÁ, endurkjörinn for-
maður samtakanna.
Á aðalfundinum kom fram að
100% nýting er á meðferðarpláss-
um á sjúkrastofnunum SÁÁ á
Vogi, Staðarfelli og í Vík. Rúm-
lega 1.800 manns koma í meðferð
á sjúkrahúsinu Vogi á hveiju ári
og um 800 þeirra fara í framhalds-
meðferð á Staðarfelli og í Vík.
Fjárhagur SÁÁ hefur tekið
stakkaskiptum til hins betra síð-
ustu tvö ár. Þó hafa framlög _úr
ríkissjóði til sjúkrastofnana SÁÁ
minnkað að raungildi, en á móti
hefur tekist að lækka kostnað við
rekstur þeirra.
Á aðalfundi SÁÁ var í fyrsta
skipti gefin út ársskýrsla samtak-
anna. I henni er meðal annars að
finna ágrip af sögu SÁÁ, en á
þessu ári eru 15 ár liðin frá því
samtökin voru stofnuð.
í ársskýrslunni er jafnframt
yfirlit eftir Þórarinn _ Tyrfingsson
um meðferðarstarf SÁÁ frá stofn-
un samtakanna en þó einkum eft-
ir að sjúkrahúsið Vogur tók til
starfa árið 1984. I yfirlitinu leiðir
Þórarinn líkur að því að meðferð-
arstarf SÁÁ hafi þegar sýnt um-
talsverðan árangur, sem sjáist
m.a. á því að varanlegar batalíkur
þeirra sem koma í meðferð í fyrsta
skipti eru 60% og að stórneytend-
um ólöglegra vímuefna eldri en
25 ára hefur fækkað stórlega.
Þá kemur fram í yfirliti Þórarins
Tyrfingssonar að miðað við
óbreytta meðferðarþörf muni 19%
íslendingar leita sér meðferðar
vegna alkóhólisma einhvern tíma
á ævinni. Þetta er meðaltal kynj-
anna, en hlutfallið fyrir konur er
11,5% og fyrir karla^ 27,5%.
Fram kemur að SÁÁ er stærsti
meðferðaraðili hér á landi og mik-
ill meirihluti þeirra sem leita sér
meðferðar koma til SÁÁ. Vegna
góðrar nýtingar sjúkrarúma og
umfangs starfseminnar hefur tek-
ist að halda kostnaði við hveija
meðferð lágum og hefur þessi
kostnaður farið minnkandi með
hveiju árinu.
(Fréttatilkynning)
Sígaunakonung-
arnir koma
LISTAHÁTÍÐ í Reykjavík er
framundan og forsmekkur af
þeirri hátíð fyrir augu og eyru
verða tónleikar sígaunasveit-
arinnar Gipsy Kings í Laugar-
dalshöll eftir rúma viku. Þá
munu sígaunarnir sjö með
fjögurra manna aðstoðarliði
stíga á fjalir Laugardalshallar
og Hytja flamencoblendinginn
sem gert hefur þá heimsfræga.
Tónlist hefur alla tíð verið veig-
amikill hluti af sígaunamenningu
og því má halda fram að það sé
tónlistinni að þakka að helsta mál
sígauna, rómanska, hafi lifað í
árhundruð án þess að vera til sem
ritmál. Þrátt fyrir þennan sameig-
inlega arf dregur tónlist sígauna
dám af þeirra heimaslóðum og
þannig er tónlist spænskra sí-
gauna mjög flamencoskotin og
margir af fremstu flamencotón-
listarmönnum Spánar hafa verið
sígaunar. Þannig er það með fé-
lagana sjö sem skipa Gipsy
Kings, því þeir koma flestir frá
Katalóníu, bera spænsk nöfn og
tala sem móðurmál gitan, sem
er blanda af katalónsku, spænsku
og próvönsku. Tónlist þeirra svip-
ar til nueva Andalucia-flamencos,
en þeir sem lagt hafa stund á
það hafa reynt að draga fram
sígaunarætur tónlistarinnar. Því
til viðbótar hafa Gipsy Kings
bætt í tónlistina rokkþáttum, eins
og rafbassa og trommum, til að
breikka ggunn hennar og ná til
fleiri áheyrenda.
Uppúr 1970 stofnaði flam-
encosöngvarinn kunni Jose Rey-
es, sem meðal annars er þekktur
fyrir að hafa sungið mikið með
gítarleikaranum snjalla og
frænda sínum Manitas De Plata,
sveitina Los Reyes með sonum
sínum. Jose féll frá á besta aldri
en synirnir héldu áfram að spiia
fyrir klink á frönsku Rivierunni.
Þar heyrði Birgitte Bardot í sveit-
inni og fékk hana til að spila í af-
mæli sínu 1977. Með henni og pilt-
unum tókst vinátta sem auðnaði
piltunum að komast inn í innstu
tískuklíkur, en þeir Iaunuðu fyrir
sig með því að semja lag um hana.
Næstu ár voru Los Reyes eftirlæti
þotuliðsins í Frakklandi og víðar
og sagan hermir að Charlie Chaplin
hafi heyrt til sveitarinnar á kaffí-
húsi í Lauzanne og hrifíst svo af
að hann brast í grát.
Reyes-bræður hittu frændur
sína og bróðursyni Manitas De
Platas, Baliardo-bræður, í brúð-
kaupi 1982 og stokkuðu saman
við sveitina, svo úr varð sú sem
þekkt er um heim allan undir nafn-
inu Gipsy Kings. Framan af héldu
þeir Los Reyes-nafninu, en Chico,
leiðtogi sveitarinnar sem er giftur
inn í Reyes-fjölskylduna, ætlaði
henni heimsfrægð og fékk félaga
sína til að taka upp enskt heiti til
að undirbúa heimsyfirráð. Hann
þrýsti einnig á þá að veita rokk-
þáttum inn í tónlistina og þegar
þeir komust í kynni við ötulan
umboðsmann var allt til reiðu.
Ekki gekk þó eins og til stóð
til að byija með, því útgáfufyrir-
tæki og útvarpsstöðvar áttu í erf-
iðleikum með að átta sig á hveijir
það væru sem hefðu gaman af
tónlist sveitarinnar og framan af
voru plötur Gipsy Kings taldar
með þjóðlegri tónlist, í stað þess
að flokka þær með popptónlist,
sem þær vissulega eru. Það var
svo þegar breskir tónlistarunnend-
ur gengu af göflunum þegar sveit-
in lék í Lundúnum haustið 1988
að menn áttuðu sig á að það var
stór hópur fólks sem ekki hafði
áhug'a á listapoppi eða þungarokki
og vildi gjarnan fá að heyra líflega
skemmtitónlist að hætti Gipsy
Kings. Síðan þá má segja að sveit-
in hafi ekki stigið feilskref, því
vinsældir hennar hafa aukist jafnt
og þétt og hafa líklega aldrei ver-
ið meiri en um þessar mundir. Það
má því ljóst vera að koma Gipsy
Kings hingað til lands er kærkom-
in heimsókn framúrskarandi og
frumlegra tónlistarmanna, sem
náð geta til alls þorra fólks.
Samantekt: Árni Matthíasson