Morgunblaðið - 19.05.1992, Blaðsíða 27
MORGUNBLAÐIÐ ÞRIÐJUDAGUR 19. MAI 1992
27
Reuter
Stuðningsmenn Þjóðfylkingarinnar, sem nú fer með völdin í Az-
erbajdzhan, hafa safnast saman daglega fyrir framan þinghúsið í
Bakú til að fagna falli Mútalíbovs, fyrrum forseta. Ekki er vitað
hvar hann heldur sig nú.
Azerbajdzhan:
Armenar ráðast
inn í Nakhítsjevan
Bakú. Reuier.
ARMENAR hafa ráðist inn í Nak-
hítsjevan, sem tilheyrir Az-
erbajdzhan en er umlukt Tyrk-
landi, Armeníu og íran. Ráða
þeir nokkrum hæðum við borg-
ina Sadarak en þeir segja, að
þaðan hafi verið skotið yfir til
Armeníu. Eru Armenar einnig
sakaðir um árásir á bæinn Lac-
hin, sem er á milli Armeníu og
Nagorno-Karabaks, en þeir
segja, að sé barist um bæinn séu
Kúrdar þar að verki en þeir búa
einnig á þessum slóðum og krefj-
ast sjálfstjórnar.
Talsmaður Þjóðfylkingarinnar,
sem nú fer með völd í Azerbajdz-
han, sagði, að Armenar hefðu hald-
ið uppi stórskotaliðsárás á Sadarak
og síðan ráðist inn í borgina á bryn-
* vörðum bílum og tyrknesk frétta-
stofa hafði það eftir Geidar Aliyev,
ráðamanni I Nakhítsjevan, að fram-
in hefðu verið ljöldamorð I borg-
inni. Varnarmálaráðuneytið í Arm-
eníu vísar því á bug og segir, að
árásirnar hafi eingöngu verið gerð-
ar til að þagga niður í byssum
Azera á hæðunum.
Azerar héldu því einnig fram í
gær, að Armenar sætu um bæinn
Lachin en með töku hans geta þeir
opnað sér leið milli Armeníu og
Nagorno-Karabaks en Armenar
segja, að standi bardagar um bæinn
sé líklegast, að Kúrdar eigi hlut að
máli. Þeir búa þarna einnig og vilja
aukna sjálfstjórn.
Þingið í Azerbajdzhan átti að
koma saman til neyðarfundar í gær
til að ræða ástandið í landinu og
átökin við Armena en stjórnarand-
staðan með Þjóðfylkinguna í broddi
fylkingar fer nú með völdin. Tók
hún þau í sínar hendur eftir að þing-
ið ákvað að endurkjósa Ayaz Mút-
alíbov sem forseta og hætta við
fyrirhugaðar forsetakosningar.
Ekki er vitað hvar Mútalíbov er nú
niðurkominn.
-------------
Þýskaland:
Verkföll-
umafstýrt
Bonn. Reuter.
VERKFALLI málmiðnaðar-
manna var afstýrt á síðustu
stundu í Þýskalandi í gær þegar
samkomulag náðist um nýjan
kjarasamning eftir mikið samn-
ingaþóf um helgina.
Málmiðnaðarmenn í suðvestur-
hluta Þýskalands féllust á 5,4%
launahækkanir á árinu. Ennfremur
var samið um hærri jólauppbót og
áætlað er að heildarhækkunin nemi
5,8%. Samið var til 21 mánaðar og
launahækkanirnar verða mun minni
á næsta ári, eða 3,4%. Búist er við
að stéttarfélag málmiðnaðarmanna,
IG Metall, fallist á að samningurinn
nái til félagsmanna sinna á öllu
landinu, sem eru um fjórar milljónir.
Franz Steinkúhler, formaður IG
Metall, sagði að samkomulagið
þýddi að umdeildar tilraunir vinnu-
veitenda og stjórnar Helmuts Kohls
kanslara til að knýja á um lágar
launahækkanir á árinu hefðu „mis-
tekist hrapallega".
Matthias Wissmann, talsmaður
flokks Kohls, Kristilegra demó-
krata, í efnahagsmálum, sagði að
umsamdar launahækkanir væru í
algjöru hámarki, því vinnuveitendur
hefðu ekki getað gefið meira eftir.
Helming’i skóglendis
verið eytt í Bretlandi
Lundúnum. Keuter.
NÆRRI helmingi stærstu skóga Bretlands hefur verið eytt á síðustu
50 árum, samkvæmt frétt í breska dagblaðinu Observer á sunnu-
dag. Þar sagði að skógareyðingin í Bretlandi væri hraðari en eyðing
regnskóganna í Brasilíu.
Fréttin er byggð á óbirtum niður-
stöðum stjórnskipaðrar nefndar um
náttúrverndarmál. Samkvæmt þeim
hefur 45% skóglendis í Bretlandi
verið eytt á síðustu 50 árum en til
samanburðar hefur 10% regnskóga
Amazons verið eytt.
Observer sagði að niðurstöður
nefndarinnar, sem yrðu birtar síðar
á þessu ári, yrðu mikill álitshnekkir
fyrir ráðherranefnd sem tekur þátt
í umhverfismálaráðstefnunni í Ríó
I Brasilíu í næsta mánuði. Vestræn-
ar þjóðir hafa lýst yfir áhyggjum
vegna eyðingar regnskóga og viljað
að fátækari þjóðir skrifí undir sátt-
mála um verndun þeirra. Fátækari
ríki hafa á móti haldið því fram að
skógum í hinum vestræna heimi
hafi að mestu verið eytt.
7% skóga í Bretlandi hefur verið
eytt til að auka landrými fyrir land-
búnað, námavinnslu, vegakerfi og
vatnsveitukerfi, samkvæmt skýrsl-
unni. Um 38% skóganna hafa verið
felld og baritijám verið plantað til
timburframleiðslu, en þau gegna
ekki sama hlutverki í vistkerfinu
og gömlu skógarnir gerðu.
mnar skáW
flokk á dönsku tii
ir nefndi kann
" Ziscu. Gunnar s<
Ltnslitamyndir
ef snikda
Voribl9l2oruOut
Gunnarsson ljooat!
unnustu sinnar og
Sonnettusveigum
Geirra gerÖi siöar vai
nóSin.So.melt*«eur
í lióM oalituna.
Laxuess t tvytTt
Atóinstööin.....
Brekkukotsaiuii
íslanósklukkan
Kristmkakl
utttlir Jökli.
Kvæöakver...
Saika \alka..
Sjáifstættíóll
VAKA-HELGAFELL
Síðuniúla 6, sími 688300
i n \i m
m t
i
HVÍTA HÚSIÐ / SÍA