Morgunblaðið - 10.06.1992, Síða 27

MORGUNBLAÐIÐ MIÐVIKUDAGUR 10. JUNI 1992
27
Listahátíð:
Biermösl Blosn.
Gerhard Polt.
Gerhard Polt o g Biermösl
Blosn í Islensku óperunni
ÞÝSKI kabarettsöngvarinn Gerhard Polt og hljómsveitin Bi-
ermösl Blosn koma fram á Listahátíð í íslensku óperunni í kvöld.
í frétt frá Listahátíð segir að Polt sé einn þekktasti kabarettisti
á þýska vísu um þessar mundir og beiti hann kabarettforminu
til þess að koma á framfæri skoðunum sínum á ýmsu er miður fer
í þýsku þjóðfélagi og margt af því eigi erindi út fyrir landsteinana.
Polt er fæddur í Munchen 1942
og stundaði nám í stjórnmálafræði
við háskólann þar í borg og síðar
nám í skandinavískum fræðum við
Stokkhólmsháskóla. Hann hóf fer-
il sinn sem vísna- og kabarett-
söngvari um miðjan áttunda ára-
tuginn og hefur síðan starfað í
leikhúsum, útvarpi og sjónvarpi í
Þýskalandi þar sem þáttaröð hans,
Fast sie im richtigen Leben, sló í
gegn og Polt hlaut Crimme-verð-
iaunin fyrir.
Biermösl Blosn hljómsveitina
skipa þrír bræður frá Munchen,
Hans Michel og Christoph Well
og leika þeir á alls kyns þjóðleg
og gömul hljóðfæri. Samstarf
þeirra og Polts hófst 1980 en þá
höfðu þeir þegar vakið mikla at-
hygli fyrir nýstárlega meðferð á
þjóðlegri tónlist. Þeir hafa hlotið
margvísleg verðlaun fyrir list sína,
þar á meðal Ludwig Thoma-verð-
launin, Ernst Hofrichter-verðlaun-
in og menningarverðlaun þýsku
blaðamannasamtakanna.
Verð á félagsleg-
um íbúðumlækkar
HÚSNÆÐISMÁLASTJÓRN hefur nú samþykkt að lækka þá kostnaðar-
viðmiðun sem notuð hefur verið við lánveitingar til bygginga og/eða
kaupa á félagslegum íbúðum um 5% frá því sem verið hefur. Að sögn
Sigurðar E. Guðmundssonar framkvæmdasljóra Húsnæðisstofnunar
hefur stofnunin stýrt upphæð útlánanna með því að notast við fyrir-
fram ákveðnar kostnaðarviðmiðanir sem framkvæmdaraðilar verða að
laga sig að. „Byggingarkostnaðurinn hefur nú í mörgum tilfellum lækk-
að um 2,5% niður fyrir þá kostnaðarviðmiðun sem hefur gilt sl. 2-3 ár.
Til að fylgja þeirri þróun eftir ákvað stjórnin að lækka viðmiðunina
enn frekar. Þetta felur í sér að fólk fær íbúðirnar á Iægra verði en
verið hefur og lánveitingar stofnunarinnar lækka út af hverri íbúð,“
segir Sigurður.
í frétt frá stjórninni kemur fram
að þess er vænst að það verði til
þess að byggingarkostnaður íbúð-
anna lækki, lánveiting stofnunarinn-
ar til hverrar og einnar verði lægri
en ella og þar með lánskostnaður
hlutaðeigandi fjölskyldna meðan lán-
in standa. Jafnframt segir að lækkun
þessi knýi á um það að félagslegir
framkvæmdaraðilar, hönnuðir og
verktakar leggi sig enn meira fram
en áður til að tryggja það að verð
íbúðanna fari ekki yfir hina nýju
kostnaðarviðmiðun.
Húsnæðismálastjórn hefur sam-
þykkt að veita framkvæmdalán á
þessu ári til byggingar og/eða kaupa
á samtals 533 félagslegum íbúðum
í landinu. Það eru 12% færri íbúðir
en í fyrra þegar þær voru alls 597.
Gildar umsóknir um lán fyrir þetta
ár voru alls 2.044 en í fyrra voru
þær alls 1.716 og er því um 19%
aukningu gildra umsókna að ræða á
milli ára.
Fyrirheit um framkvæmdalán
voru að þessu sinni veitt 60 félags-
legum framkvæmdaraðilum og skipt-
ast þau í fjóra íbúðaflokka. Fyrirheit
til félagslegra eignaríbúða voru 175,
til félagslegra leiguíbúða 145, til fé-
lagslegra kaupleiguíbúða 114 og til
almennra kaupleiguíbúða voru þau
99 talsins, samtals 533 íbúðir.
Utlendingaeftirlitið um dvalarleyfi:
Fleiri íbúar fyrrum
Júgóslavíu sækja um
-segir Jóhann Jóhannsson
NOKKUR aukning hefur orðið á straumi útlendinga frá fyrrum
sambandsríkinu Júgóslavíu hingað til lands á undanförnum
mánuðum að sögn Jóhanns Jóhannssonar hjá útlendingaeftirlit-
inu. Hann segir að vinnumarkaðssjónarmið ráði hvað mestu um
hvort fólk fái atvinnu- og dvalarleyfi hér á landi.
Jóhann sagði að um síðustu
áramót hefðu 133 útlendingar
með borgararétt í fyrrum sam-
bandsrikinu Júgóslavíu búið hér
á landi og væru þá ótaldir þeir
sem þegar hefðu fengið íslenskan
ríkisborgarárétt og horfnir væru
af skrám yfir útlendinga. Hann
sagði að 34 hefðu fengið dvalar-
leyfi á íslandi á síðasta ári og
nokkrir tugir það sem af væri
þessu ári.
Aðspurður sagðist Jóhann lítið
hafa orðið var við að íbúar í fyrr-
um Júgóslavíu flýðu undan
ástandinu þar hingað til lands.
Meira hefði orðið vart við slíkt í
Mið-Evrópu.
Frumsýning á Turandot í Feneyjum:
Sýningin stöðvaðist
vegna fagnaðarláta
- segir Kristján
Jóhannsson
KRISTJÁN Jóhannsson óperu-
söngvari söng sl. föstudag við
frumsýningri Turandot í Fen-
eyjum. Að sögn Kristjáns gekk
frumsýningin n\jög vel. „Eftir
að ég flutti hina frægu aríu
Nessun dorma stöðvaðist frum-
sýningin vegna mikilla fagnað-
arláta sem ætlaði aldrei að linna.
Þetta var stórsigur i Feneyjum,"
sagði Kristján í viðtali við Morg-
unblaðið.
Að sögn Kristjáns fjölluðu út-
varps- og sjónvarpsstöðvar á Italíu
mjög vel um frumsýninguna á Tur-
andot. Önnur af frægustu Turand-
ot-söngkonum heims, Ghena Dim-
itrova, tók þátt í sýningunni og
stjórnandinn var Ungveijinn Pesko
Zoltan. „Þetta er ný sýning frá
leikhúsinu í Munchen og er hún
eftir einn af þekktustu óperuleik-
stjórum heims, Jean Pierre Ponn-
elle.“
Kristján er heiðursfélagi í
Krabbameinsfélaginu og einnig er
hann heiðursfélagi í krabbameins-
félagi á Ítalíu. „Árlega hef ég ver-
ið með styrktartónleika vegna
krabbameins og nú síðast á mánu-
daginn í sl. viku. Miðamir seldust
upp á örskömmum tíma og alls
söfnuðust um þijár og hálf milljón
króna eftir að kostnaður var
greiddur upp. Eg vildi einnig gjarn-
Kristján Jóhannsson
an gera þetta á íslandi en það er
mun einfaldara hér á Ítalíu þar sem
ekki er eins langt að fara og jafn
tímafrekt."
Þann 17. júní nk. fer Kristján
til Madrid þar sem hann mun
syngja í II Trovatore, en eftir það
fer hann aftur til Ítalíu þar sem
hann tekur þátt í sýningum á Aidu.
„Nú er ég einnig með mikinn undir-
búning fyrir Vínaróperuna og
Metrópólitan á næsta leikári en ég
er bókaður til ársins 1996,“ segir
Kristján.
Sendum í póstkröfu,
símar 813555 og 813655.
Opið laugardag frá kl. 10-14
»hummél^
SPORTBÚÐIN
ÁRMÚLA 40 • símar 813555 og 813655.
Teg. 1654. Mjúkur leðurskór
m/dempara i hæl. Stærðir: 36-41.
Verð kr. 5.950,-
Teg. 1391. King fótboltaskór
- þeir bestu i dag. Stærðir: 37-45
Verð kr. 8.490,-
Teg. 4349. Leðurskór
Stærðir: 40-47. Verð kr. 6.950,'
Teg. 6310. Sterkir leðurskór
Stærðir: 36-45. Verð kr. 4.980,
Teg. 6330. Sterkir leðurskór
Stærðir: 36-47. Verð kr. 5.290,-
Teg. 1659. IV|júkur leðurskór
m/dempara i hæl. Stærðir: 41 -46.
Verð kr. 8.2»0,-
Teg. 4333. Leðurskór
Stærðir: 37-42. Verð kr. 5.780,'
- GÆÐASKÓR Á
GÆÐAVERÐI
PlimÍuSKÓR
Teg. 5519. Gerfigrasskór
Stærðir: 28-39. Verð kr. 3.165,-
Teg. 5309. Fótboltaskór
Stærðir: 28-39. Verð kr. 2.980,'