Morgunblaðið - 19.08.1992, Blaðsíða 17

MORGUNBLAÐIÐ MIÐVIKUDAGUR 19. ÁGÚST 1992
r<
Heimsklúbbur Ingólfs;
Ferð um furðu-
heim Austurlanda
Morgunblaðinu hefur borist eft-
irfarandi fréttatilkynning frá
Heimsklúbbi Ingólfs:
Heimsklúbbur Ingólfs og ís-
lensk-japanska félagið vekja at-
hygli á því tækifæri sem býðst í
heimsreisu til Austurlanda fjær í
september næstkomandi með sér-
stökum kjörum. Óvíða í heiminum
hafa framfarir orðið jafn stórstígar
og þar á síðustu áratugum. Ferðin
stendur í 3-4 vikur og er lengst
dvalist í Japan, en auk þess stans-
að á Filippseyjum, Tævan og Tæ-
landi. Ferðin spannar því í rauninni
fjóra ólíka menningarheima, sem
eru hver öðrum ólíkir með mismun-
andi tungumál, trú, sögu og siði.
Hinn austurlenski menningarheim-
ur er í senn litríkur og magnaður
dulúð. Þjóðum Vesturlanda hættir
til að líta á lönd sín sem nafla
heimsins og gá ekki að því að Jap-
an hefur skotist framúr þeim á
mörgum sviðum. í samanburði við
þær Austurlandaþjóðir, sem rækt-
að hafa lífskúnstina í þúsundir ára,
líta margir á okkur sem byijendur.
Kenningar Konfúsíusar um góð-
mennsku og trúnað sem æðsta lífs-
takmark eru enn í fullu gildi og í
heiðri hafðar á eynni Formósu, þar
sem rætur kínverskrar menningar
ná óslitnar gegnum 5.000 ára sögu.
Hvar sem borið er niður í sögu
mannkynsins, sést að frelsi og
menning eru undirrót allra fram-
fara. Það er ekki tilviljun sem ræð-
ur að framfarir og hagvöxtur er
mestur í þessum löndum í heimin-
um öllum í dag. Því er í senn
skemmtilegt og lærdómsríkt fyrir
okkur að kynnast lífinu í löndum
morgunroðans. Gott er að vera
ferðamaður í Austurlöndum. Flest-
um sem til þekkja ber saman um
að glæsileiki og þjónusta bestu
hótelanna í Austurlöndum beri af
því sem þekkist annars staðar í
heiminum, en búið er á fimm
stjömu hótelum í allri ferðinni.
Flogið verður með breiðþotu,
Boeing 747, til Manilla á Filippseyj-
um og dvalist þar í fjóra daga. Þar
gætir spænskra áhrifa eftir 300
ára nýlendustjóm Spánveija, og
rómversk-kaþólsk trú er ríkjandi.
Ferðamenn lenda vart í tungumála-
erfiðleikum, þar eð enska er út-
breidd. Eyjarnar eru yfir 7.000 að
tölu með hitabeltisgróðri og er feg-
urð þeirra rómuð.
-^Frá Manilla liggur leiðin til
Tókýó, sem er ein stærsta og ný-
tískulegasta borg heimsins, ólík
öllum öðrum. Japanskt þjóðfélag
er einstakt og á sér margar hefðir
og djúpar rætur. í Tókýó starfar
öflugt japanskt-íslenskt félag, sem
sérstaklega mun taka á móti gest-
um Heimsklúbbsins, en dvalist er
á einu þekktasta hóteli borgarinn-
ar. Frá Tókýó er farið í kynnisferð-
ir, t.d. til hinnar frægu borgar
Nikko, en einnig til Kamakuro og
í þjóðgarðinn fræga við rætur hins
helga fjalls, Fuji. Ferðast er með
hraðskreiðustu Iest heirasins
„shinkansen“, til Osaka, sem er
önnur stærsta borg Japans, og
dvalist þar í fimm daga á frægu
hóteli, en farið í kynnisferðir til
hinna fornu höfuðborga Nara og
Kyoto, en einnig býðst ferð til Hi-
roshima.
Á eynni Formósu eða Tævan
verður dvalist þijá daga í höfuð-
borginni Tæpei og gist á nýjasta
lúxushótelinu, Grand Hyatt. I söfn-
um borgarinnar em varðveittar
mestu gersemar kínverskrar listar,
t.d. úr „Forboðnu borginni" í Pek-
ing, sem fluttar voru þangað á
dögum útlagastjórnar Chiang Kai-
Sheks. Þrátt fyrir smæð sína er
Tævan stórveldi í viðskiptum og
vöruúrval ótrúlegt.
Heimsreisunni lýkur í Tælandi,
þar sem dvalist verður í ferðalok
til hvíldar og hressingar á Am-
bassador City-hótelinu í Jomtien
við Síamflóann, sem býður upp á
öll hugsanleg þægindi fyrir fólk í
fríi og íjölda veitingastaða ólíkra
þjóða. Þar er einnig hægt að lengja
ferðina í lokin.
Aðeins er um þessa einu ferð
að ræða, sem er sérskipulögð fyrir
Heimsklúbbinn og verður ekki end-
urtekin í náinni framtíð. Hún er
með svipuðu sniði og ferð á sömu
■slóðir í fyrra, en léttari þar eð dög-
um hefur verið bætt inn í til hvíld-
ar. Verð hennar er samt lægra en
í fyrra, en ferðin er nærri uppseld.
Vistheimilið á Sogni opnað 1. október:
Náin samvinna höfð við
Sjúkrahús Suðurlands
Sérfræðingar Sogns einnig ráðnir til
að sinna föngum á Litla-Hrauni
VISTHEIMILIÐ á Sogni mun taka til starfa 1. október. Alls verða 26
stöðugildi við stofnunina en heimilið verður sérstök deild sem starfar
í náinni samvinnu við Sjúkrahús Suðurlands á Selfossi samkvæmt sér-
stökum samningi sem undirritaður var 12. ágúst. Starfsmenn á Sogni
fá allir starfsþjálfun í Sviþjóð og hér heima áður en vistheimilið tekur
til starfa.
Yfirlæknir og yfirsálfræðingur,
sem jafnframt er starfsmannastjóri,
eru ráðnir að Sjúkrahúsi Suðurlands
en jafnframt til að sinna störfum við
vistheimilið á Sogni og við fangelsið
á Litla-Hrauni. Sérstök rekstrar-
nefnd Sogns hefur með höndum
umsjón og ábyrgð á því starfi sem
fram fer þar ásamt því að skipu-
leggja þjálfun starfsfólks innanlands
og utan.
Læknis- og hjúkrunarþjónustu
verður sinnt frá Sjúkrahúsi Suður-
lands sem einnig sér um allt bók-
hald, fjármálalega umsýslu og
greiðslu launa starfsfólks vegna
rekstrarins á Sogni. Ennfremur um
öll innkaup á lyfjum, hjúkrunarvör-
um og öðrum rekstrarvörum. Sjúkra-
húsið sér einnig um gerð rekstrar-
samninga við starfsfólk Sogns, í
samráði við rekstrarnefnd.
„Þetta er vaxtarbroddurinn í heil-
brigðisþjónustunni hérna. Ég vona
að þetta samstarf gangi vel og geti
orðið upphaf að deildaskiptu sjúkra-
húsi á Selfossi með ráðningu geð-
læknis og sálfræðings," sagði Haf-
steinn Þorvaldsson framkvæmda-
stjóri Sjúkrahúss Suðurlands. Hann
sagði að það væru strax famar að
berast fýrirspurnir um þjónustu geð-
læknisins og sálfræðingsins. „Það er
gert ráð fyrir því að þeir þjónusti
fangelsið á Litla-Hrauni og mér
finnst eðlilegt að þessi þjónusta
styrki stöðu þess í héraðinu,“ sagði
Hafsteinn. - Sig. Jóns.
Aðalfundur Landssambands kúabænda:
Kröfu um hagræðingu hjá afurða-
stöðvum verði fylgt fast eftir
í ÁLYKTUN aðalfundar Landssambands kúabænda, sem Iauk á
Havnneyri í gær, segir að fundurinn telji samning Stéttarsambands
bænda og ríkisins um mjólkurframleiðsluna fela í sér verulega kjara-
skerðingu fyrir bændur og hann sé þeim að mörgu leyti óhagstæð-
ur. Með hliðsjón af gjörbreyttu markaðsumhverfi mjólkurframleiðsl-
unnar telji fundurinn þó rétt að samningurinn verði samþykktur á
aðalfundi Stéttarsambandsins sem haldinn verður í lok þessa mánað-
ar. Leggur aðalfundur LK' jafnframt áherslu á að kröfunni um
hagræðingu hjá afurðastöðvunum verði fylgt fast eftir.
Aðalfundur Landssambands
kúabænda leggur áherslu á að
haldið verði uppi öflugu starfí við
rriarkaðsfærslu mjólkurafurða þeg-
ar ábyrgð framleiðenda á fram-
leiðslu og birgðum færist að fullu
á hendur framleiðenda og afurða-
stöðva samkvæmt búvörusamningi
sem gildi tekur 1. september næst-
komandi. I þessu sambandi fellst
fundurinn á að tekið verði verðjöfn-
unargjald allt að 1% af verði til
framleiðenda til að mæta óhjá-
kvæmilegum útgjöldum af þessum
sökum.
I ályktun aðalfundarins er skor-
að á mjólkuriðnaðinn að sinna
auknum kröfum neytenda eftir
minna meðhöndlaðri mjólk, þ.e. líf-
rænt framleiddri, ógerilsneyddri og
ófítusprengdri, og jafnframt að
leita leiða til að draga úr umfangi
umbúða og umbúðakostnaði. Fund-
urinn bendir á að heildarneysla
mjólkur og mjólkurvara hafí í reynd
verið að dragast saman undanfarin
ár, og fram að þessu hafi mjólkur-
iðnaðurinn leitast við að mæta
þessum samdrætti með fleiri vöru-
flokkum og dýrari umbúðum líkt
og gert hafí verið í nálægum lönd-
um. Þar hafí hins vegar einnig
verið reynt að koma til móts við
efnaminni neytendur, neytendur
sem vilja minna meðhöndlaða vöru
og umhverfissinna sem vilja draga
úr umbúðamagni og kostnaði.
Aðalfundurinn lýsir áhyggjum
sínum af þróun mála á nautgripa-
kjötsmarkaðnum vegna mikils
framboðs af sláturgripum og harðri
samkeppni við aðrar kjöttegundir.
Felur fundurinn stjórn LK að fylgja
því fast eftir að sláturleyfíshafar
greiði framleiðendum fullt verð eins
og það er skráð hveijum tíma, en
velti ekki kostnaði sínum af undir-
boðum yfir á þá. Þá er mótmælt
harðlega hugmyndum um að mark-
aðsstöðu nautgripakjöts verði rask-
að með því að fella niður eða draga
úr sérstökum endurgreiðslum
vegna virðisaukaskatts af því, og
beinir fundurinn því til stjórnar LK
og allra félagsmanna að beijast af
alefli gegn þessum hugmyndum.
Fundurinn felur stjóm og kjötnefnd
LK að vinna ötullega að markaðs-
málum nautgripakjötsins og heimil-
ar að tekið verði verðjöfnunargjald
allt að 5% af verði nautgripakjöts
til framleiðenda til að mæta kostn-
aði sem þessu fylgir ef þörf krefur.
Fundurinn ítrekar fyrri kröfu LK
um endurskoðun á reglum um mat
á nautgripakjöti, og bendir í því
sambandi á fyrirliggjandi hug-
myndir Guðjóns Þorkelssonar hjá
Rannsóknastofnun landbúnaðarins
að breytingum á matinu. í þeim
hugmyndum er m.a. gert ráð fyrir
að flokkun eftir skrokkþunga verði
lögð niður og sett verði 4 mm fítu-
lágmark á kjöt í UN-I og UN-*
flokkum.
„Hittumst
í grillinu! “
Libby’s tómatsósur,
tvenns konar flöshur- tvenns konar bragð!