Morgunblaðið - 19.08.1992, Blaðsíða 14

14
MORGUNBLAÐIÐ MIÐVIKUDAGUR 19. ÁGÚST 1992
Ályktun Framsóknarfiokksins;
„Samdráttar- og gjald-
þrotastefnu“ mótmælt
SAMEIGINLEGUR fundur þingflokks og landssijórnar Fram-
sóknarflokksins var haldinn á Egilsstöðum á föstudag. Áréttuð
voru skilyrði miðstjórnar flokksins varðandi stuðning við samning-
inn um Evrópskt efnahagssvæði, og „samdráttar- og gjaldþrota-
stefnu" stjórnarflokkana var mótmælt. Þá segir í ályktun fundar-
ins að þjóðarsáttin milli aðila vinnumarkaðarins, sem fram hafi
komið í ríkisstjórnartíð Framsóknarflokksins 1990, hafi verið rof-
in með stefnu núverandi stjórnar í efnahags- og kjaramálum.
Flokkurinn telur nauðsynlegt
að lagfæra starfsskilyrði atvinnu-
veganna með fjárhagslegri endur-
skipulagningu og skráningu á
raungengi krónunnar. Raunvexti
verði að lækka, draga verði úr
kostnaði atvinnulífsins, skattaá-
lögum sem ríkisstjómin hafi lagt
á atvinnulífið verði aflétt, afla-
heimildum Hagræðingarsjóðs
verði útdeilt án endurgjalds, gjör-
breyttri fískveiðistjómun er hafn-
að, dregið verði úr atvinnuleysi
með hagkvæmum framkvæmdum,
ekki verði gengið lengra í niður-
skurði í landbúnaði, og opinbert
fjármagn verði lagt fram til að
örva framkvæmdir og rannsókna-
störf í nýjum atvinnugreinum.
Þessar aðgerðir telur flokkurinn
vera fyrsta skrefíð til að losa þjóð-
ina út út þeim „vítahring stöðnun-
ar og afturhalds" sem ríkisstjórnin
hafí leitt þjóðina í.
Skatteftirlitið 1991:
Skattar hækkuðu
um 107 milljón-
ir hjá 10 aðilum
HÆKKANIR 1991 vegna skatteftirlits á vegum rannsóknardeildar
Ríkisskattstjóra námu alls tæplega 107 milljónum kr. á síðasta ári
hjá 10 aðilum. Þar af nam hækkunin 68 milljónum kr. vegna tekju-
skatts og útsvars, 33 milljónum vegna sölugjalds hjá tveimur aðil-
um, og 35 milljónum kr. vegna 73 virðisaukaskattsmála. Hækkan-
ir á árinu 1990 vegna skatteftirlits voru 388 miHjónir kr.
Á árinu 1991 nam meðalhækk-
un opinberra gjalda á hvern úr-
skurð sem kveðinn var upp hjá
RSK um 8,2 milljónum kr. Lækk-
unin milli ára nemur um 790 þús-
und kr. Þetta kemur fram í árs-
skýrslu ríkisskattstjóra fyrir 1991.
Þar kemur einnig fram að skoð-
uð voru tæplega 5.600 fyrirtæki
í sameiginlegu átaki fjármálaráðu-
nejrtisins og skattrannsóknar-
stjóra, þar sem kannað var hjá
skattskyldum aðilum hvort sölu-
skráningarkerfí uppfylltu skilyrði
laga og reglugerða. Áf þeim voru
31% með tekjuskráningu í lagi,
hjá tæpum 30% var gerð athuga-
semd um ýmis formsatriði tekju-
skráningar, en hjá 39% voru gerð-
ar athugasemdir og þeim fylgt
eftir með endurheimsóknum og
tilkynningu um stöðvun atvinnu-
rekstrar ef ekki yrði bætt úr ann-
mörkum.
Átakið stóð yfír frá febrúarbyij-
un til ágústloka 1991. Við endur-
heimsókn kom í ljós að 1.926 aðil-
ar, eða 89%, höfðu lagfært tekju-
skráningu sína, en hjá 149 aðilum,
eða um 7%, var hún enn í ólagi.
Ekki náðist í um 100 fyrirtæki sem
höfðu flutt eða hætt starfsemi.
í ársskýrslunni kemur fram að
328 aðilar sættu á árinu eftirliti
af hálfu rannsóknardeildar RSK.
Þetta er nokkur fækkun miðað við
árin á undan sem m.a. má rekja
til þess að skráningu mála hjá
embættinu hefur verið breytt frá
því sem áður var. Þá segir í skýrsl-
unni að í ljós hafí komið að eftir-
lit með virðisaukaskatti sé erfiðara
og tímafrekara en með söluskatti.
Tekjuskráningarátakið hafí einnig
valdið nokkurri röskun á starfsemi
rannsóknardeildar þar sem veru-
legur tími hafí farið í að sinna
þessu verkefni.
BS

Morgunblaðið/Hallgrímur Magnússon
Sighvatur Björgvinsson, heilbrigðis- og tryggingamálaráðherra, tók fyrstu skóflustungu að nýrri
heilsugæslustöð í Grundarfirði.
Fyrsta skóflustunga að nýrri
heilsugæslustöð í Grundarfirði
Grundarflrði.
SIGHVATUR Björgvinsson, heilbrigðis- og tryggingamálaráð-
herra, tók fyrstu skóflustunguna að nýrri heilsugæslustöð í Grund-
arfirði fyrir nokkru. Er þetta Grundfirðingum mikið ánægjuefni
því til þessa hefur stöðin verið í svo til ónothæfu húsnæði.
Það var í suðaustan slagveðurs-
rigningu sem ráðherra tók fyrstu
skóflustunguna. Varla var stætt
vegna hvassviðris en eftir að verk-
inu var lokið snöruðust menn und-
an veðrinu inn í skrifstofubygg-
ingu Eyrarsveitar til að fagna
þessum merka áfanga.
Húsinu hefur verið valinn stað-
ur í miðju þorpinu og ef marka
má teikningar verður þetta reisu-
leg bygging. Húsið var boðið út
í einu lagi og skal reist á þremur
árum. Pálmar Einarsson húsa-
smiður í Grundarfirði mun annast
verkið en Geirharður Þorsteinsson
arkitekt teiknaði húsið.
- Hallgrímur
Forstjóri ÁTVR:
Becks vinsæll vegna
sterkrar markaðsaðstöðu
HÖSKULDUR Jónsson, forstjóri ÁTVR, segir að þrátt fyrir miklar
vinsældir Becks-bjórsins hafi ÁTVR gengið að tilboði framleiðanda
Holsten-bjórsins og verði sá bjór til sölu í öllum verslunum ÁTVR.
Ekki hefur verið ákveðið í hvaða vínbúðum Becks-bjór verður til
sölu, en þær verða mun færri en verið hafi. Höskuldur sagði að
vinsældir Becks-bjórsins væru tilkomnar vegna sterkrar markaðsað-
stöðu hans síðastliðið ár.
Becks verður fáanlegur alls stað-
ar á landinu handa veitingahúsum
og í einhveijum verslunum ÁTVR.
„Við buðum út bjórinn til átta
stærstu bjórframleiðenda Þýska-
lands. í útboðinu var þess getið að
við myndum ekki tryggja sölu á
ákveðnu magni, hins vegar yrði sá
bjór sem fyrir valinu yrði eini þýski
bjórinn sem yrði fáanlegur í öllum
verslunum ÁTVR. Við teljum okkur
bundna af þessu því þetta er í raun
það eina sem dregur athygli fram-
leiðenda að þessu útboði. Þetta eru
svipaðar reglur og þegar Becks
vann útboðið á sínum tíma nema
hvað þá bundum við okkur til að
kaupa minnst eina milljón lítra á
ári,“ sagði Höskuldur.
Aðspurður um hvort þetta kerfi
væri eðlilegt í ljósi þess að nú yrði
erfiðara fyrir neytendur að nálgast
þann bjór sem mestra vinsælda
hefur notið sagði Höskuldur. „Þetta
er nátengt því hvort menn reka hér
einkasölu eða ekki. Einkasala verð-
ur að velja inn vörur og getur ekki
hleypt öllum vörum inn í verslanir
sínar. Becks-bjórinn og sumar aðrar
tegundir eru náttúrulega orðnar
vinsælar vegna þeirrar aðstöðu sem
þeim hefur verið sköpuð í gegnum
einkasöluna. Ef maður setur sig í
spor annarra framleiðenda, inn-
lendra eða erlendra, getur maður
spurt sig hvort einhver erfðafesta
sé á í viðskiptum með áfengi. Hvort
ekki eigi að hleypa að neinum öðr-
um vörum en þeim sem notið hafa
vinsælda," sagði Höskuldur.
„Vitaskuld skipta óskir neytenda
máli. Ef þær skiptu engu máli tækj-
um við bara bjórinn út af markaðn-
um. Við erum að tryggja að allir
sem raunverulega óska eftir því að
keypa Becks-bjór geti fengið hann
með auðveldum hætti,“ sagði Hös-
kuldur.
KJÖLUR hf.
ÁRMÚLA30 S: 678890 - 678891
FYRIR SUMARBÚSTAÐINN