Morgunblaðið - 15.09.1992, Síða 21

MORGUNBLAÐIÐ ÞRIÐJUDAGUR 15. SEPTEMBER 1992
21
Skólamálaráð Reykjavíkur
Gæðamat hefjist í
grunnskólum 1993
Skólamálaráð Reykjavíkur hefur sett á stofn nefnd um gæða-
mat í grunnskólum Reykjavíkur. Gert er ráð fyrir að nefndin
skili niðurstöðum sínum fyrir 15. apríl 1993 þannig að hefja megi
markvissa uppbyggingu gæðamats í grunnskólum Reykjavíkur
skólaárið 1993-1994. Árni Sigfússon, formaður Skólamálaráðs,
segist vona að verkefnið geti nýst nefnd um mótun menntastefnu
á vegum menntamálaráðuneytisins til þess að koma einnig af stað
gæðamati í grunnskólum annars staðar á landinu.
Árni sagði að nefnd um gæða-
mat þyrfti að átta sig á því hvaða
þætti ætti að meta og hvernig
matið gæti farið fram. Hefði verið
rætt um að láta reyna á hugmynd-
ir í því sambandi með því að tengja
verkefnið 2 grunnskólum á höfuð-
borgarsvæðinu í vetur. Síðan væri
gert ráð fyrir að sú reynsla yrði
undirstaða tillögugerðar um
gæðamat fyrir grunnskóla Reykja-
víkur.
Aðspurður sagðist Árni vona
að hefja mætti markvissa upp-
byggingu gæðamats í grunnskól-
um borgarinnar skólaárið 1993-
1994. Hann kvaðst í því sambandi
ekki óttast að uppbygging sam-
fara gæðamati gerði skóla einsleit-
ari en áður. „Gæðaumræðan í dag
er mjög einstaklingsbundin og
ætti einmitt að skapa skólum skýr-
ari sérstöðu ef þeir óská eftir því.
Ég vonast til að það þýði að skól-
ar geti orðið þekktir fyrir sterka
stöðu á ákveðnum sviðum,“ sagði
Árni í þessu sambandi.
Árni sagði að gæðamat af þessu
tagi hefði ekki áður farið fram hér
á landi og lögð væri áhersla á að
nefndin hefði mikið fijálsræði við
mótun þess. Engu að síður benti
hann á að viðlíka gæðamat hefði
farið fram víða erlendis og ekki
væri óeðlilegt að sækja þangað
hugmyndir. Hann sagði að gæða-
mat í grunnskólum væri að sínum
dómi eitt af þremur meginverkefn-
unum á þessu og næsta ári, hin
væru bættur búnaður í skólum og
heilsdags skóladagur. Þetta
þrennt sagði hann að færi vel sam-
an.
í nefndinni eiga sæti eftirtaldir
aðilar: dr. Stefán Baldursson upp-
eldisfræðingur sem er formaður,
Ragnar Júlíusson forstöðumaður
kennslumáladeildar Skólaskrif-
stofu Reykjavíkur, Áslaug Brynj-
ólfdóttir, fræðslustjóri í Reykjavík,
og Guðríður Sigurðardóttir, skól-
aráðgjafi rannsóknarstofnunar
uppeldismála. Að auki er óskað
eftir að einn fulltrúi verði tilnefnd-
ur af hveijum eftirtaldra aðila:
Skólastjórafélagi Reykjavíkur,
Kennaraháskóla íslands, Kenn-
arafélagi Reykjavíkur, Sambandi
foreldrafélaga í grunnskólum
Reykjavíkur „Samfok“, og Gæða-
stjórnunarfélagi Islands.
Vilborg Dagbjartsdóttir tekur við verðlaunum Guðrúnar Helga-
dóttur á Bókastefnunni í Gautaborg. Flemming S. Sörensen for-
maðiir samtaka norrænna skólabókavarða afhenti verðlaunin.
Guðrún Helgadóttir
Hreykin o g þakklát
Norrænu barnabokaverðlaunin 1992
- segir Guðrún Helgadóttir
NORRÆNU barnabókaverðlaunin 1992 voru afhent á Bóka- og
bókasafnastefnunni í Gautaborg á sunnudaginn. Höfundur verð-
launabókarinnar Undan illgresinu, Guðrún Helgadóttir, hafði
ýmsu að sinna og tók því Vilborg Dagbjartsdóttir rithöfundur
við verðlaununum fyrir hennar hönd, en Vilborg var meðal ís-
lenskra fulltrúa á bókastefnunni.
Norrænu barnabókaverðlaunin
eru veitt af norrænum skólabóka-
vörðum og eru að sögn Guðrúnar
Helgadóttur eins konar mótvægi
við bókmenntaverðlaun Norður-
landaráðs. Þótti mörgum nefndin
ganga fram hjá barnabókahöf-
undum.
Barnabókaverðlaunin eru fyrst
og fremst viðurkenning, þau eru
heiðursskjal og verðlaunagripur.
Guðrún Helgadóttir sagði í sam-
tali við Morgunblaðið að það væri
hvatning að fá verðlaunin og
kvaðst vera hreykin af þeim og
þakklát.
Guðrún minnti á að það væri
hættulegt að líta á barnabækur
sem annars flokks bókmenntir,
en bæði höfundum og útgefendum
hefði farið fram á síðustu árum.
Kennarar og bókaverðir hefðu líka
sýnt barnabókum meiri áhuga en
áður.
„Barnabækur eiga að vera
bækur sem öll fjölskyldan vill lesa.
Bækur fyrir börn sem fullorðnir
nenna ekki að lesa eru ekki góðar
bókmenntir," sagði Guðrún.
Hún var spurð um þá gagnrýni
sem fram hefur komið frá barna-
bókahöfundum að barna- og ungl-
ingabækur fái ekki nægilega
umfjöllun í fjölmiðlum. Hún svar-
aði að íslensk blöð þyrftu ekki að
skammast sín og ekki kvartaði
hún, allra síst yfir Morgunblaðinu.
Hér á landi væri mun betri um-
fjöllun um barnabækur en hjá
nágrannaþjóðum okkar. Gagnrýni
um barnabækur erlendis væri oft
ótrúlega h'tilfjörleg.
Guðrún Helgadóttir kvaðst vera
að ganga frá til útgáfu „smá-
skruddu handa yngstu kynslóð-
inni“, en hún væri einnig að vinna
að bók sem hefði verið lengi í
smíðum og gæti kannski komið
út fyrir jólin. „Það fer eftir því
hvort ríkisstjórnin verður erfíð eða
ekki,“ sagði Guðrún að lokum.
SPARISJOÐUR VELSTJORA SAMEINAR KOSTINA
TAKTU SKYN SAMLEGA ÁKVÖRÐUN í FJÁRMÁLUM.
Við bjóðum einstaklingum og fyrirtækjum alhliða fjármálaþjónustu eins og hún gerist best og hraðvirkust
á okkar dögum. Jafnframt kostum við kapps um að halda hinu persónulega og hlýlega andrúmslofti sem
hefur auðkennt sparisjóðina alla tíð.
• innlánsreikningar • sparisjóðsbréf • viðskiptaþjónusta innan- og utanlands • greiðslukortaþjónusta
• almenn gjaldeyrisþjónusta • fjármálaráðgjöf • lán til lengri eða skemmri tíma

SPARISJOÐURINN
SPARISJÓÐUR VÉLSTJÓRA
Borgartúni 18, Síðumúla 1, Rofabæ 39