Morgunblaðið - 03.10.1992, Síða 21

MORGUNBLAÐIÐ LAUGARDAGUR 3. OKTOBER 1992
21
Fjármál Reykjavíkurborgar
Til greina kemur
að taka erlend lán
- segir Markús Örn Antonsson, borgarstjóri
Á FIJNDI borgarstjórnar Reykjavíkur síðastliðinn fimmtudag urðu
nokkrar umræður um yfirlit fjárhagsáætlunarfulltrúa borgarinn-
ar, þar sem fram kóm að á þessu ári hefðu um 940 milljónir króna
bæst við yfirdrátt borgarinnar hjá Landsbanka Islands. Borgarfull-
trúar minnihlutaflokkanna sögðu þetta dæmi um ónákvæma áætla-
nagerð og fjármálaóstjórn en Markús Örn Antonsson, borgar-
stjóri, sagði að ástandið í efnahags- og atvinnumálum hefði reynst
mun alvarlegra heldur en ráð var fyrir gert. Útlit væri fyrir áfram-
haldandi erfiðleika á næsta ári og kæmi að sínu áliti til greina að
auka lántöku borgarinnar til að þurfa ekki að draga úr framkvæmd-
um. Jafnvel kæmi til skoðunar að taka erlend lán í þeim tilgangi.
Ólína Þorvarðardóttir, borgar-
fulltrúi Nýs vettvangs, gagnrýndi
vinnubrögð við gerð fjárhagsáætl-
unar og minnti á, að fulltrúar
minnihlutaflokkanna hefðu við af-
greiðslu hennar varað við að slæmt
ástand í atvinnumálum gæti komið
niður á tekjum borgarsjóðs. Þannig
hefðu til dæmis verið fyrirsjáanleg-
ir erfiðleikar vegna atvinnumála
skólafólks. Þá kæmi nú í ljós, að
framkvæmdir við ráðhúsið hefðu
farið um 300 milljónir króna fram
úr áætlun og væri það dæmi um
skakka áætlanagerð og fjármála-
óstjórn borgarstjómarmeirihlut-
ans.
Markús Örn Antonsson, borgar-
stjóri, sagði að við afgreiðslu fjár-
hagsáætlunar síðastjjðinn vetur
hefði komið fram, að borgin væri
að spenna bogann til hins ítrasta.
í ljós hefði komið, að mesta frávik-
ið frá áætluninni kæmi fram í
lækkun aðstöðugjalda, en þar hefði
verið byggt á áætlunum sérfræð-
inga, bæði innan borgarkerfisins
og einnig annarra aðila, svo sem
Þjóðhagsstofnunar. Hann sagði að
vönast hefði verið til að ekki yrði
um að ræða eins mikið atvinnu-
leysi og raun hefði orðið á, en á
því máli hefði verið tekið. Fram-
kvæmdir hefðu þannig ekki dregist
saman hjá borginni á árinu, þrátt
fyrir um 12% samdrátt hjá öðrum
aðilum.
Borgarstjóri sagði, að búast
mætti við áframhaldandi erfiðleik-
um í efnahags- og atvinnumálum
og ættu borgaryfirvöld um tvær
leiðir að velja til að mæta þeim.
Annars vegar að skera niður í
framkvæmdum og hins vegar að
taka lán. Að sinni hyggju væri
iántaka réttlætanleg til að halda
uppi atvinnu í borginni og yrði
efnt til viðræðna við Landsbanka
íslands um það, með hveijum hætti
ætti að standa að því. Einnig kæmi
til skoðunar hvort borgin tæki sér-
stök erlend lán vegna ástandsins.
Júlíus Hafstein, borgarfulltrúi
Sjálfstæðisflokksins, sagði að aðal-
atriðið í sambandi við efnahags-
ástandið væri að borgin hefði ekki
dregið úr framkvæmdum sínum
og einnig yrði að hafa í huga, að
hún stæði í raun mjög sterkt fjár-
hagslega miðað við aðra aðila í
þjóðfélaginu. Júlíus lýsti loks
áhyggjum sínum af því, að aðgerð-
ir ríkisstjórnarinnar í fjármálum
kæmi niður á sveitarfélögunum og
sagði, að borgaryfirvöld gætu ekki
sætt sig við að greiða aukin gjöld
til ríkisins heldur m'yndu beijast á
móti slíkum hugmyndum af fullri
hörku.
Siguijón Pétursson, Alþýðu-
bandalagi, tók undir þessi síðustu
orð Júlíusar en sagði, að þótt borg-
in stæði vissulega sterkt, gæti
hvorki hún né aðrir framkvæmt
endaiaust fyrir lánsfé. Hann teidi
það hins vegar réttlætanlegt nú
vegna atvinnuástandsins. Vil-
hjálmur Þ. Vilhjálmsson, Sjálf-
stæðisflokki, sagði að ekki væri
ástæða til að fjalla nú ítarlega um
áform ríkisstjórnarinnar í fjármál-
um. Hins vegar væru vinnubrögð
ríkisins í þessum efnum óásættan-
leg og svona uppákomur mættu
ekki endurtaka sig.
Borgarstjórn
Hef efasemdir um
stofnun Aflvaka
- segir Katrín Fjeldsted
KATRÍN Fjeldsted, borgarfulltrúi Sjálfstæðisflokksins, sagðist í
umræðum í borgarsljórn Reykjavíkur á fimmtudaginn hafa efasemd-
ir um tillögu embættismanna borgarinnar um að borgin stofni hluta-
félagið Aflvaka, sem ætlunin er að taki þátt í uppbyggingu og efl-
ingu atvinnufyrirtækja í borginni. Katrín sagðist sammála markmið-
um með stofnun fyrirtækisins en hafa efasemdir um leiðirnar.
Siguijón Pétursson, borgarfull-
trúi Alþýðubandalags, sagðist á
borgarstjórnarfundinum sakna þess
að heyra ekki meira um afdrif til-
lagna embættismanna um stofnun
Aflvaka. Markús Öm Antonsson,
borgarstjóri, sagði að alls ekki væri
búið að leggja hugmyndina til hlið-
ar og væri hún nú til umræðu í
atvinnumálanefnd borgarinnar og
yrði einnig kynnt í öðrum nefndum.
Ólína Þorvarðardóttir, Nýjum
vettvangi, sagði að tillögur um Afl-
vaka minntu á ýmsar eldri tillögur
minnihlutans um eflingu atvinnu-
lífsins. Á tillögu embættismann-
anna nú væru hins vegar gallar og
væri mikilvægt að auka hlut kjör-
inna fulltrúa í umræðum um hana.
Jóna Gróa Sigurðardóttir, Sjálf-
stæðisflokki, sagði að ekki hefði átt
sér áður stað jafn markviss tillögu-
smíð og í sambandi við fyrirtækið
og þyrfti að skoða málið náið.
Katrín Fjeldsted, Sjálfstæðis-
flokki, sagðist hafa efasemdir um
stofnun Aflvaka. Hún væri á marg-
an hátt sátt við þau markmið, sem
stefnt væri að með fyrirtækinu, en
hins vegar hefði hún miklar efa-
semdir um leiðimar, sem lagt væri
til að farnar yrðu.
Borgarstjórn vill endurskoða skiptingu vegafjár
Hlutur Reykjavíkur óeðlilega lít-
ill og ekki í samræmi við arðsemi
BORGARSTJÓRN Reykjavíkur samþykkti samhljóða á fundi sínum
á fimmtudag tillögu Nýs vettvangs, þar sem hvatt er til endurskoð-
unar á skiptingu vegafjár, sem ríkisvaldið hyggst verja til að auka
atvinnustig. Þar er sagt að hlutur Reykjavíkur þar sé óeðlilega
lítill og í engu samræmi við arðsemi vegaframkvæmda.
Tillaga Nýs vettvangs var lögð
fram í kjölfar þess að vísað var til
borgarráðs tillögu frá Sigrúnu
Magnúsdóttur, Framsóknarflokki,
um að þegar yrði hafist handa við
gerð könnunar í samvinnu við
Vegagerð ríkisins á vegartengingu
um Kleppsvík, hábrúar eða jarð-
ganga.
Gert er ráð fyrir þessari veg-
tengingu í Aðalskipulagi Reykja-
víkur 1990 til 2010 og sagði Sig-
rún að margvísleg rök væru fyrir
flýtingu framkvæmdarinnar, svo
sem að hún væri nauðsynleg ef
reist yrði sæstrengsverksmiðja við
Eiðsvík, samgöngur við ný hverfi
á Borgarholti og Geldinganesi
myndu batna, umferð yrði létt af
Gullinbrú og Grafarvogi o. sv. frv.
Þá benti Sigrún á að þessi fram-
kvæmd teldist til þjóðvega í þétt-
býli, sem kostaðir eru af ríkinu og
ríkisvaldið vildi nú auka vegafram-
kvæmdir til að bæta atvinnuástand
í landinu.
Markús Örn Antonsson, borgar-
stjóri, lagði til að þessari tillögu
Sigrúnar yrði vísað til borgarráðs.
Lagði hann einnig fram tillögu þar
sem fram kom að mikil óvissa ríkti
um áform ríkisvaldsins varðandi
fjármögnun og framkvæmdir við
ýmis brýn umferðarmannvirki í
Reykjavík. Óviðunandi væri að
Reykjavíkurborg legði út fyrir
kostnaðarsömum framkvæmdum,
sem ríkið ætti að standa straum
af, án þess að fyrir lægi skjalfest
samkomulag um áætlanir og fjár-
mögnun. Hefja skyldi viðræður við
fulltrúa ríkisstjórnar og Alþingis
með það fyrir augum að ganga frá
áætlunum um framkvæmdir og
fjárveitingar ríkisins á næstu árum
vegna umferðarmannvirkja í borg-
inni.
Borgarstjórn samþykkti sam-
hljóða tillögu borgarstjóra og jafn-
framt að vísa tillögu Sigrúnar
Magnúsdóttur til borgarráðs.
SPANTO KULDASKOR
Verð kr. 3.980,-
Litir: Svartur og brúnn.
Stærðir: 36-46.
Litir: Rauðbrúnn,
rauður og grænn.
Stærðir: 36-41.
Staðgreiðsluafsláttur - Póstsendum samdægurs.
M l ANÓ
KRINQLAN 8-12 SlMI 8893*3
BOKAMARKAÐUR
HUNDRUÐ
BÓKATITLA
• Barnabækur
■ Unglingabækur
■ íslenskur fróðleikur
• Æviminningar
■ Viðtalsbækur
• Ljóðabækur
■ Þýddar skáldsögur
• Ástarsögur
> Sakamálasögur
ijaldborg hf,
hefur nýlega keypt
BÓKAFORLAG ODBS BJÖRNSSONAR
á Akureyri og býður fjölda bóka sem ekki
hafa sést á bókamörkuðum áður
Það er gaman
að lesa - og nú
gefst tækifærið
að eignast
bækur á
einstöku verði.
LAGERINN
Skjaldborgarhúsinu
Ármúla 23