Morgunblaðið - 06.05.1993, Blaðsíða 24
24
MORGUNBLAÐIÐ FIMMTUDAGUR 6. MAÍ 1993
Míkíl óvissa er
um framhald
kjaraviðræðna
Þrýstingur á verkfallsaðgerðir fer vaxandi
á Suðumesjum að sögn formanns VSFK
MIÐSTJÓRN Alþýðusambands íslands kom saman í gær til að fara
yfir stöðuna í kjaramálunum án þess þó að taka neinar nýjar ákvarð-
anir um framhaldið. Mikil óvissa ríkir enn um hvaða stefnu viðræð-
ur um gerð kjarasamninga muni taka en ríkissáttasenyari hefur en
ekki talið ástæðu til að boða til samningafunda. Benedikt Davíðs-
son, forseti ASÍ, segir að skilyrði Vinnuveitendasambandsins um að
allir komi að málinu standi í vegi fyrir því að þessi leið verði farin.
Vinnuveitendur á Suðurnesjum
hafa hafnað beiðni verkalýðsfélaga
á svæðinu um að heíja samninga-
viðræður heima í héraði þar sem
samningsumboðið sé hjá Vinnuveit-
endasambandi íslands. VSI hefur
óskað eftir milligöngu sáttasemjara
í kjaradeilunni en enn hefur þó
ekki verið boðað til viðræðufundar
hjá ríkissáttasemjara þótt óform-
legar viðræður hafi farið fram.
Benedikt sagði að ekki væru liðn-
ir nema fí'mm dagar frá því að deil-
unni var vísað til sáttasemjara og
ASÍ vilji sjá fyrstu útspil hans áður
en gripið yrði til annarra aðgerða.
Sagðist hann telja líklegt að boðað
verði til viðræðufunda á næstu dög-
um.
Kristján Gunnarsson, formaður
Verkalýðs- og sjómannafélags
Keflavíkur, segist enn hafa trú á
að það takist að gera heildarsamn-
ing þótt einhver stéttarfélög stæðu
fyrir utan.
Stjóm og trúnaðarráð Verkalýðs-
og sjómannafélags Keflavíkur hafa
fengið heimild til boðunar verkfalls
en Kristján sagði áð það yrði neyð-
arúrræði og engar aðgerðir hefðu
enn verið ákveðnar. Kristján sagði
að mikill hiti væri þó í ákveðnum
starfshópum, sem hefðu sótt mjög
fast að félagið gripi þegar í stað
til aðgerða til að knýja fram samn-
inga. Sagði hann að verkalýðsfélög
á Suðurnesjum hefðu átt viðræður
við forystumenn Verslunarmanna-
félags Suðurnesja um samstöðu í
þessum málum.
Vilja langtímasamning
„Við viljum frekar langtíma-
samning og teljum það ekki góðan
kost að gera samning til haustsins.
Við viljum fá stöðugleika í lengri
tíma svo hægt sé að mynda svigrúm
til að ná fram mannsæmandi lífkjör-
um,“ sagði Kristján.
„Undir miðja næstu viku verður
þolinmæði okkar orðin takmörkuð
og þá munum við endurskoða stöð-
una,“ sagði hann.
Ingibjörg Stefánsdóttir syngur í Evrópusöngvakeppninni
Stundin nálgast Morgunb.aðia/Þorkell
HLUTI fulltrúa íslands í Söngvakeppni evrópskra sjónvarpsstöðva, sem haldin verður á írlandi
15 maí.
Ég hlakka mikið til
UNDIRBÚNINGUR fyrir Söngvakeppni sjón-
varpsstöðva stendur nú sem hæst. Lokaæfingar
hafa verið á Hótel íslandi og að sögn þátttak-
enda leggst ferðin vel í þá.
Hópurinn heldur utan 9. maí og hinn 10. verður
haldin 40 mínútna æfíng fyrir flytjendur á sviðinu
þar sem keppnin fer fram. Flutningur lagsins mun
taka u.þ.b. hálftíma. Að því búnu munu gefast 10-15
mínútur og þá verður hægt að koma á framfæri
athugasemdum sem snerta flutning lagsins sjálft
keppniskvöldið. Jón Egill Bergþórsson, sem stjórn-
aði forkeppninni hér heima á vegum Sjónvarpsins,
mun koma fram sem fulltrúi flytjenda við það tæki-
færi. Það veltur því á honum og Gunnari Smára
Helgasyni, hljóðmanni, að sjá til þess að engin snurða
hlaupi á þráðinn þegar stóra stundin rennur upp.
„Þetta hefur verið alveg ofboðslega gaman,“ sagði
Ingibjörg Stefánsdóttir, söngkona, i samtali við
Morgunblaðið í gær. „Ég er ekkert stressuð. Ég
hlakka bara til.“
Aðspurð vildi hún ekkert tjá sig um úrslitin, sagði
að þau kæmu bara í ljós. En í samanburði við lög
hinna flytjendanna fannst henni lagið okkar, Þá
veistu svaríð, bara koma vel út.
Skógræktarfé-
lag Reykjavíkur
190 millj.
kr. velta
AÐALFUNDUR Skógrækt-
arfélags Reykjavíkur var
haldinn 26. apríl sl. í Félags-
heimili Rafveitunnar við Ell-
iðaár. Fluttar voru skýrslur
um starf félagsins og reikn-
ingar þess samþykktir.
Rekstur félagsins gekk vel
sl. ár, velta þess var 191 millj-
ón og það á 85 milljóna króna
eign.
Reynir Vilhjálmsson lands-
lagsarkitekt sagði frá sérkenni-
legum trjám og sýndi myndir
af þeim og var síðan sest að
kaffídrykkju í boði félagsins. í
aðalstjórn félagsins sitja nú:
Þorvaldur S. Þorvaldsson, for-
maður, Jón Birgir Jónsson,
varaformaður, Sturla Snorra-
son, gjaldkeri, Ólafur Sigurðs-
son, ritari og Birgir ísl. Gunn-
arsson, meðstjórnandi. Vara-
stjórn er skipuð Kristínu Axels-
dóttur, Reyni Vilhjálmssyni og
Þorsteini Tómassyni.
(Fréttatilkynning)
Hafnarfjarðarbær viil liðsinna verktakafyrirtækinu Hagvirki-Kletti
Fyrirframgreiðsla upp í
samninga kemur til greina
GUÐMUNDUR Árni Stefánsson bæjarsljóri
Hafnarfjarðar hefur sent frá sér bréf þar
sem fram kemur að vilji er hjá bæjaryfirvöld-
um að liðsinna Hagvirki-Kletti ef slíkt gæti
liðkað fyrir nauðasamningum. I bréfinu er
rætt um að fyrirframgreiðsla upp í verk-
samninga komi til greina að uppfylltum
ákveðnum skilyrðum. Sú greiðsla gæti hvort
sem er tengst nýstofnuðu félagi starfsmanna
Hagvirkis-Kletts eða móðurfyrirtækinu.
Hagvirki-Klettur hefur átt í samningaviðræðum
við Hafnarfjarðarbæ sem verktaki í skólpdælu-
stöðvar og útrásir fyrir bæinn. Stefnt er að því
að ljúka þeim viðræðum ef nauðasamningar verða
staðfestir en heildarkostnaður er á bilinu 250-300
milljónir króna. Jafnframt hafa átt sér stað viðræð-
ur milli Guðmundar Árna og Jóhanns G. Bergþórs-
sonar forstjóra Hagvirkis-Kletts um möguleika á
viðbótarsamningi um gatnagerð í Mosahlíð en þar
er fyrirtækið að skila af sér verki.
Guðmundur Árni Stefánsson segir að bréfið sé
viljayfirlýsing af hálfu bæjaryfírvalda um að þau
vilji koma til móts við fyrirtækið með fyrir-
greiðslu eða aðstoð ef það geti liðkað fyrir í þeim
erfíðleikum sem Hagvirki-Klettur á nú í. „Hag-
virki-Klettur hefur unnið mörg góð verk fyrir
Hafnarfjarðarbæ og þar vinna nú um hundrað
manns, flestir Hafnfírðingar," segir Guðmundur
Ámi. „Í þeirri atvinnukreppu sem nú ríkir er okk-
ur umhugað að leggja okkar af mörkum til að
atvinna þessara manna haldist."
íslenski Grænlandsleiðangurinn
Mesti brattimi að baki
ÍSLENSKI Grænlandsleiðangurinn hefur lagt að baki 50 km leið upp
á Grænlandsjökul. Þeir lögðu á jökulinn á gönguskíðurn fyrir rúmri
viku, 27. apríl sl. Leiðangursmenn, Ólafur Órn Haraldsson, Haraldur
Örn Ólafsson og Ingþór Bjarnason, hafa náttað í tjöldum, en þeir liafa
hreppt óhagstæð veður síðustu daga.
Fréttir bárust frá leiðangursmönn-
um í gær með flugvél sem þeir höfðu
haft talstöðvarsamband við. Þrátt
fyrir snjókomu og óhagstætt veður
síðustu daga hefur leiðangrinum mið-
að vel áfram.
Gott hljóð var í félögunum og báðu
þeir fyrir kveðjur heim. Nú hafa þeir
lagt að baki mesta brattann upp skrið-
jöklana á austurströnd Grænlands.
Við tekur aflíðandi halli upp í tæplega
3.000.m hæð yfír sjávarmáli.
Guðjón Guðmundsson þingmaður
Hér verði miðstöð
viðskipta í útvegi
ÞAÐ getur skipt sköpum fyrir skipaiðnaðinn, fiskvinnsl-
una og margháttaða þjónustustarfsemi að Island verði
miðstöð sjávarútvegsviðskipta á Norður-Atlantshafi, sagði
Guðjón Guðmundsson í eldhúsdagsumræðum á Alþingi.
„Samþykkt Alþingis á síðasta
ári um að rýmka heimildir skipa
til að sækja þjónustu og landa
físki í íslenzkum höfnum hefur
skapað verulega vinnu hjá
málmiðnaðarmönnum, fisk-
vinnslufólki og ýmsum þjónustu-
aðilum“, sagði Guðjón Guð-
mundsson (S-Vl) í eldhúsdags-
umræðum á Alþingi á mánu-
dagskvöldið. „Þama eigum við
mikla möguleika“, sagði þing-
maðurinn, „og við eigum að
stefna markvisst að því að ísland
verði miðstöð sjávarútvegsvið-
skipta á Norður-Atlantshafí."
Ný sóknartækifæri
Guðjón sagði jafnframt að
samningurinn um Evrópska
efnahagssvæðið skapaði at-
vinnulífinu ný sóknartækifæri.
íslendingar væru í sókn í fram-
leiðslu og útflutningi á tækni
og vinnslubúnaði fyrir sjávarút-
veg. Hann hvatti og til þess að
hefja hvalveiðar að nýju. „Þar
eigum við ónýtta auðlind sem
getur skapað mörg hundruð
störf og mikil verðmæti“.