Morgunblaðið - 06.05.1993, Blaðsíða 53
MORGUNBLAÐIÐ IÞROTTIR FIMMTUDAGUR 6. MAÍ 1993
IÞROTTIR UNGLINGA / KORFUKNATTLEIKUR
i
i
í
:
Tækniæfingar:
10stóðust
prófíð
Aðeins tíu drengir úr þrjú hundruð
manna hópi bama og unglinga
stóðust tækniæfíngar í körfuknattleik
sem KKÍ gekkst fyrir á Suðurnesjum
um síðustu helgi. Drengirnir fengu að
launum tæknimerki KKÍ.
Alls reyndu þátttakendur við níu
æfíngar og tvær reyndust flestum erf-
iðar. Margir féllu út þegar í fyrstu
æfingunni sem var fólgin í að rekja
knöttinn á milli fóta í ákveðinn tíma.
í annarri æfingu átti að rekja knöttinn
í um fimmtán metra vegalengd á milli
tveggja keiina. Höfðu menn til þess
átta sekúndur en sá tími dugði fæstum
þátttakenda.
Arangurinn bendir til þess að Njarð-
víkingar hafi komi vel undirbúnir tii
ieiks en eitthvað hefur skort á kynn-
ingu hjá öðrum félögum.
Eftirtaldir náðu að leysa þrautirnar
af hendi. Freyr Margeirsson Tinda-
stóli, Agnar Gunnarsson, Ágúst Ge-
orgsson, Sigurður Þór Einarsson, Þor-
valdur Jónsson, Atli Geir Júlíusson,
Einar Siguijón Oddsson, Valgeir Ó.
Sigfússon og Gunnar Örn Einarsson
ailir úr Njarðvík auk Kára Allanssonar
úr Val.
Morgunblaðið/Björn Blöndal
Drengjalandsliðið í körfuknattleik við komuna til landsins. Talið frá vinstri í efri röð: Kolbeinn Pálsson form. KKí,
Ægir Gunnarsson, Ólafur Jón Ormsson, Baldvin Johnsen, Páll Kristinsson, Óskar Pétursson, Hafsteinn Lúðvíksson,
Friðrik Stefánsson, Guðfinnur Friðbjörnsson aðstoðarm., Ómar Öm Sigmarsson, Pétur Hrafn Sigurðsson framkvæmd-
astj. KKI, Helgi Bragason dómari. Fremri röð frá vinstri: Bjöm Björgvinsson fararstjóri, Helgi Jónas Guðfinnsson fyrir-
liði, Gunnar Einarsson, Axel Nikulásson þjálfari, Bergur Emilsson varafyrirliði.
Island komið í hóp
með milljónaþjóðum
„ÞAÐ var ekki búist við miklu
af okkur fyrir keppnina og ég
j er viss um að búlgarska liðið
vanmat okkur í fyrsta leiknum
og það kom okkurtil góða,“
, sagði Axel Nikulásson, þjálfari
drengjalandsliðsins sem
tryggði sér sæti í tólf liða úrslit-
um Evrópukeppninnar í körfu-
knattleik.
Islendingar komust í fyrsta skipti
upp úr milliríðli EM í fyrra og
sigur liðsins á Búlgörum tryggði lið-
inu sæti í úrslitunum þar sem millj-
ónaþjóðir stilla upp liðum sínum.
Frakkland, Þýskaland, Rússland,
. Tékkóslóvakía, ísrael, Litháen og
Pólland tryggðu sér sæti í úrslita-
keppninni í keppninni í Litháen en
Ítalía, Spánn Grikkland og Tyrkland
höfðu þegar tryggt sér sæti með
góðri frammistöðu á síðasta Evrópu-
| móti.
Helgi vakti athygii
| „Ég er varla farinn að gera mér
grein fyrir því hvert við erum komn-
ir. Það verður skemmtilegt að fá að
mæta þessum stórþjóðum í úrslitun-
um. Við stefnum að sigri í einhverj-
um leikjum en þurfum fyrst að laga
ýmislegt í leik okkar. Tii að mynda
er spilið undir körfunni ekki nógu
virkt,“ sagði Helgi Jónas Guðfinns-
son, bakvörður og fyrirliði liðsins en
hann vakti mikla athygli á mótinu.
Helgi varð stigahæsti leikmaður
mótsins með því að. skora 116 stig
í fjórum leikjum og þá var hann
valinn í fimm manna úrvalslið.
Lítil meðalhæð
Axel segir að helsti veikleiki liðs-
ins sé lítil meðalhæð. „í úrslita-
keppninni er það regla frekar en
undantekning að meðalhæð liða sé
um og yfir tveir metrar. Við erum
með nokkra hávaxna menn í liðinu
hjá okkur en þá skortir reynslu,
meira að segja á íslenskan mæli-
kvarða. Það er nauðsynlegt að taka
drengina á lyftingaæfíngar og hóp-
urinn verður í stífum æfíngum í allt
sumar.“
Óhagstæð dómgæsla
íslenska liðið tapaði naumlega
leikjum sínum fyrir Litháen og ísra-
el en hafði hins vegar lítið í lið Pól-
veija að gera sem nýtti sér hæðar-
muninn vel. Helgi sagði að dóm-
gæslan hefði verið liðinu í mót er
liðið lék gegn Litháen og Póllandi
en þá leiki dæmdi búlgarskur dóm-
ari. „Mér fannst dómararnir vera
okkur óhagstæðir. Andstæðingarnir
komust upp með flest en það var
dæmt stíft á okkur í þessum leikj-
um.“ sagði Helgi.
Úrslitakeppnin fer fram í Tyrk-
landi í september og það verður því
ekki nein hvíld hjá leikmönnum dren-
gjalandsliðsins í sumar. Flestir æfðu
einnig síðasta sumar og margir hafa
því æft körfuknattleik í tvö ár án
þess að fá frí. Helgi sagði að jafn-
vel þó að þfeyta væri í liðinu þá
væru menn spenntir í að takast á
við komandi verkefni og að sjálf-
sögðu væri markmiðið að standa sig
þó að andstæðingarnir teljist líklegri
sigurvegarar í öllum leikjunum. Ekki
hefur verið dregið í riðla og því ekki
ljóst hverjir verða andstæðingar ís-
lands í Tyrklandi.
TROMPFIMLEIKAR / ISLANDSMOTIÐ
Björk varð
meistari í
yngri flokki
Hópur frá Fimleikafélaginu
Björk í Hafnarfirði varð ís-
landsmeistari í trompfimleikum í
yngri flokki fyrir skömmu en mótið
var haldið í Iþróttahúsinu í Digra-
nesi. Á myndinni eru talið frá vinstri
í fremri röð: Erna Karen Magnús-
dóttir, Marín Þrastardóttir, Lilja
Yr Halldórsdóttir, Harpa Oskars-
dóttir og Svanhildur Þóra Jónsdótt-
ir. í aftari röð frá vinstri: Svava
Mathiesen þjálfari, Jóna Dögg
Þórðardóttir, Edda Karen Haralds-
dóttir, Hildur Ketilsdóttir, Sandra
Dögg Gylfadóttir og Ingibjörg Sig-
þórsdóttir. Ivan Jamrizka, þjálfari,
var fjarstaddur.
KNATTSPYRNA / FAXAFLOAMOTIÐ
Morgunblaðið/Frosti
Frá ieik UBK og FH í sjötta flokki a-liða. Breiðablik sigraði í leiknum 4:2
og hlaut efsta sæti riðilsins.
Ridlakeppni lokið hjá
sjötta flokki drengja
Riðlakeppni sjötta flokks drengja
í knattspyrnu í Faxaflóamótinu
lauk um síðustu helgi. Leikið var í
Hafnarfirði, Kópavogi og í Grindavík
og gáfu tvö efstu sætin á hverjum
stað sæti í úrslitakeppninni sem fram
fer á sandgrasvellinum í Kópavogi
15. maí.
Sömu félög tryggðu sér sæti í úr-
slitunum hjá a- og b-liðunum en það
voru lið ÍBK, Stjaman, Haukar, Áft-
urelding, Breiðablik og FH. Hjá C-lið-
unum komust áfram Stjarnan, ÍBK,
Haukar, Selfoss, Breiðablik og FH.
Keppni i öðrum flokkum er
skemmra á veg komin.
Knattspyrnumót
Eins og undanfarin ár mun Knattspyrnufélag IA
standa fyrir mótum í yngri flokkum drengja.
Dagsetning mótanna verður eftirfarandi:
Landsbankamót 5. flokks 18.-20. júní.
Lottó-Skagamót 7. flokks 16.-18. júli.
Fantamót 6. flokks 13.-15. ágúst.
Leikin verður bæði utan- og innanhússkeppni A, B og C liða
og til greina kemur að hafa keppni D liða. Veitt verða verð-
laun fyrir 1., 2. og 3. sæti bæði utan- og innanhúss.
Umsjónarmaður mótanna er Hafsteinn Gunnarsson,
(hs. 93-12605) vs. 93-13311 milli kl. 14 og 16 eða faxnr. 93-13012.