Morgunblaðið - 29.05.1993, Side 5

MORGUNBLAÐIÐ LAUGARDAGUR 29. MAI 1993
5
Áföll hjá Kínaleiðangrinum
Tveir hestanna
dauðir í Póllandi
Voru fóðraðir í óþökk leiðangursmanna
TVEIR AF sex íslensku hestunum í Kínaleiðangri Dananna Pauls
Rask og Jörgens Vestergaard drápust nýlega í Póllandi eftir að
þeir höfðu verið fóðraðir að morgni dags í óþökk leiðangursmanna.
Málsatvik voru þau að að kvöldi
dags í einum næturstaðnum gáfu
þeir Paul og Jörgen skipun til starfs-
manna eins pólska ríkisbúsins þar
sem þeir náttuðu að hestarnir skyldu
ekki fóðraðir fyrr en þeir hefðu hvílst
og væru til staðar. Daginn eftir voru
aðrir starfsmenn á vakt og hafði
gleymst að flytja þeim boðin og var
hestunum öllum gefið kraftfóður en
tveir frekustu átu megnið af fóðrinu
og drápust síðar um daginn. Tveir
hestar fengu eitthvað af fóðrinu og
urðu veikir en jöfnuðu sig en tveir
þeir síðustu virðast ekki hafa fengið
neitt og sluppu því við aukaverkanir.
Leiðangursmenn hafa meðferðis
sérstaka fóðurpoka sem hengdir eru
á höfuð hvers hests þannig að tryggt
er að hver fái sitt og enginn éti of
mikið, en þeir voru því miður ekki
notaðir í þessu tilviki og fór því sem
'fór.
Pólskir trússhestar
Tveir nýir hestar af Husuler-kyni
hafa verið keyptir í Póllandi í leið-
angurinn. Þeir eru litlir og þreknir
og hafa verið notaðir sem trússhest-
ar í pólska hernum og verða þeir
eingöngu notaðir sem slíkir í ferð-
inni til Kína, en þeir íslensku notað-
ir til reiðar. Nýju hestarnir kostuðu
Morgunblaðið/Valdimar Kristinsson
Hestunum er gefið kjarnfóður
úr sérstökum fóðurpokum.
um 2.000 bandaríska dollara og
verða greiddir af danska trygginga-
fyrirtækinu Tryg. í frétt í danska
blaðinu Landsbrug-Nyt segir að
þessir erfiðleikar og óheppni muni
þjappa þeim leiðangursmönnum enn
betur saman og framvegis munu
þeir hafa meðferðis skilti sem á
stendur á viðeigandi tungumáli eftir
því hvar er farið er um: „Fóðrið
ekki hestana".
Utflutningur á
hrossum hefur
aldrei verið meiri
ÁRLEGUR útflutningur hrossa er nú um 1.900 hross, og hefur hann
aldrei verið meiri síðan útflutningur íslenskra hrossa hófst árið 1946,
en síðan þá hafa verið flutt út rúmlega 16.000 hross. Sterkustu mark-
aðslöndin eru Þýskaland og Svíþjóð, en í Þýskalandi er verð hross-
anna um 30% hærra en í Svíþjóð og um 100% hærra en á íslandi.
Ódýrustu hrossin seljast á um 250 þúsund krónur í Þýskalandi, betri
hestar á um 350 þúsund krónur, keppnishestar á um 500 til 800 þús-
und krónur og verð góðra kynbótahrossa liggur þar fyrir ofan. Þetta
kemur fram í nýju fréttabréfi Félags hrossabænda.
Hvað útflutning á hrossakjöti
verðar kemur fram að hann jókst
töluvert milli áranna 1991 og 1992,
eða úr 119 tonnum í 124 tonn.
Áætlað er að heildarverðmæti út-
flutningsins hafi aukist úr 46 millj-
ónum króna í 58 milljónir. Útflutn-
ingsverðmæti hrossakjöts í fyrra
skiptist þannig að um 30 milljónir
runnu til bænda, um 15 milljónir til
flugfélaga og um 13 milljónir til slát-
urleyfishafa, kjötvinnslu og umboðs-
aðila. útflutningur hrossakjöts nýtur
engra opinberra styrkja, en hrossa-
bændur greiða verðjöfnunargjald
sem er tvær krónur á hvert kíló, og
er því ætlað að jafna verð til bænda
á milli markaða og standa undir
ýmsum markaðskostnaði.
í fréttabréfi Félags hrossabænda
kemur fram að afréttarbeit hrossa
hafi að mestu lagst af á 7. og 8.
áratugnum, m.a. vegna þess að upp-
rekstur hrossa í afrétti hafi verið
bannaður. Með fjölgun hrossa hafi
beitarálag því aukist í heimalöndum
á láglendi. Af þessum sökum sé því
hæpið að tengja aukna hrossabeit
gróðureyðingu á hálendinu.
SOLIGNUM
olíuvidarvörn
að þínu sumarskapi!
Af áralangri reynslu vita Íslendingar að
Solignum olíuviðarvörnin er tvímælalaust
ein sú endingarbesta á markaðnum. Og
litaúrvalið er meira en nokkru sinni -
Solignum Architectural fæst nú í 14 litum
- einn þeirra er örugglega að þínu
sumarskapi. Einnig bjóðum við Solignum
grunnefni og gróðurhúsaefni.
Solignum fæst í flestum málningarvörubúðum.
SKAGFJORÐ
n 's ö a J i'J ö j\ j ‘ú Ji y jj í j i 'j
Kristján Ó. Skagfjörð hf. Umboðs- og heildverslun
Nú ber vel í veiði!
Það er ekki á hve’rjum degi sem þér gefst kostur á að
eignast traustan og vandaðan farsíma á góðu verði og
hagstæðum greiðslukjörum .
Njóttu veiðinnar og vertu í sambandi allan tímann.
Söludeildir I Ármúla 27, Kirkjustræti, Kringlunni og á póst- og símstöðvunn um land allt