Morgunblaðið - 24.07.1993, Qupperneq 19
MORGUNBLAÐIÐ LAUGARDAGUR 24. JÚLÍ 1993
19
Sjálfsvíg kunnasta iðnjöfurs Ítalíu
Reuter
Iðnjöfur látmn
ÍTALSKI iðnjöfurinn Raul Gardini (t.v.), stytti sér aldur í kjölfar
ásakana um spillingu. Hér sést hann með Gabriele Cagliari, öðr-
um fjármálamanni sem fyrirfór sér í fangelsi fyrir skömmu.
Þingmenn krefj-
ast umræðna um
dauða Gardinis
Sakaður um spillingu og sjóðasukk
Mílanó. Reuter.
KUNNASTI iðnjöfur Ítalíu í seinni tíð, Raul Gardini, framdi sjálfs-
morð í íbúð sinni í Mílanó í gærmorgun. Hann lést af vöidum skots
í höfuðið og fannst byssa við hlið hans. Þingmenn allra flokka á
ítalska þinginu hafa krafist umræðna um dauða hans.
Gardini, sem var fyrrum for-
stjóri Ferruzzi-fyrirtækjasam-
steypunnar, er annar ítalski iðnjöf-
urinn sem fremur sjálfsmorð á
undanförnum dögum. Á þriðjudag
stytti Gabriele Cagliari, fyrrum
forstjóri orkufyrirtækisins ENI, sér
aldur í fangelsisklefa sínum.
Gardini stóð á sextugu en hann
giftist inn í Ferruzzi-fjölskylduna
árið 1957 og breytti litlu komsölu-
fyrirtæki í stærstu fyrirtækjasam-
steypu Ítalíu og eins stærsta fyrir-
tækis Evrópu. Velta þess árið 1987
nam jafnvirði 712 milljarða króna.
Hann var settur af sem stjórnarfor-
maður Feruzzi 1991 en fékk 400
milljónir dollara, höll og flota af
lystisnekkjum að skilnaði. Bræður
og systur Idu konu hans keyptu
23% hlut þeirra hjóna í fyrirtæk-
inu. Þau hjónin eignuðust tvær
dætur og son.
Gardini var mikill skútusiglari
og keppti m.a. í Fastnet-siglinga-
keppninni á írlandshafi 1979 er
15 menn drukknuðu í óveðri. Hann
stjórnaði einnig tilraun ítala til að
vinna Ameríkubikarinn í siglingum
þar sem engu var til sparað. Lét
hann í því skyni smíða sérstaka
skútu, Feneyjamárann.
Sjálfsmorðið kemur í kjölfar út-
gáfu skýrslu þar sem Gardini er
kennt um mikla fjárhagserfiðleika
Ferruzzi-samsteypunnar. Undan-
farnar vikur hefur nafn hans kom-
ið æ oftar við sögu í rannsókn
stjórnvalda á spillingu hjá Enim-
ont, sem var samstarfsverkefni
milli ENI og Ferruzzi. Yfírvöld
tjáðu honum í febrúar að verið
væri að rannsaka hvaða hlut hann
ætti þar að máli.
I síðustu viku var Giuseppe Gar-
ofano, einn stjómandi Ferruzzi,
handtekinn og á næstu dögum á
að birtast í ítölsku tímariti útdrátt-
ur úr yfirheyrslum yfir honum þar
sem hann sakar Gardini um spill-
ingu og sjóðasukk.
Margir hafa sagt sjálfsmorðin
táknræn fyrir hrun hins spillta
stjórnarfar á Ítalíu, og þau muni
jafnvel leiða til þess að samþykkt
breyttrar kosningalöggjafar verði
flýtt.
Deila Attalis og
Wiesels magnast
París. Reuter.
ELIE Wiesel, nóbelsverðlaunahafi í bókmenntum, heldur því fram að
Francois Mitterrand Frakklandsforseti hafi sagt við sig að Jacques
Attali, fyrrverandi bankastjóri Endurreisnar- og þróunarbanka Evr-
ópu, ætti að taka bók sína, Verbatim, af markaði og biðjast afsökunar
á ritstuldi. Fyrir nokkru kom fram að bókin, sem fjallar um störf
Attalis sem ráðgjafa Mitterrands, byggir að nokkru leyti á samtölum
sem Wiesel átti við Mitterrand.
Attali bar á það brigður í gær að
Mitterrand hefði snúist á sveif með
Wiesel. Blaðafulltrúar forsetans neit-
uðu að tjá sig um málið í gær.
Það kom fram í frétt dagblaðsins
International Herald Tríbune í gær
að Wiesel krefðist þess að sölu á
Verbatim yrði hætt og Attali bæðist
afsökunar, einnig að Mitterrand
styddi skáldið heils hugar. Bókin er
tæplega þúsund blaðsíður og hefur
náð metsölu í Frakklandi. Lögmaður
Attalis sagði í gær að aldrei hefði
borist beiðni frá Mitterrand um að
bókinni yrði breytt hvað þá að sölu
hennar yrði hætt.
Wiesel sakar Attali um að nota
43 tilvitnanir í samtöi sín við Mitterr-
and sem til eru í óbirtu handriti án
þess að geta heimildar nema þrisvar.
I bókinni er fjallað um starf Attalis
fyrir Mitterrand á árunum 1981-
1986. Attali segist sjálfur hafa skipu-
lagt samtöl Wiesels og forsetans og
að hann hafi verið viðstaddur og
hripað hjá sér minnispunkta. Þau
samtöl lúti engan veginn reglum um
höfundarrétt. Hann viðurkennir að
hafa hliðrað tilvitnunum að einhveiju
leyti í tíma til þess að þær féllu bet-
ur inn í meginmálið en samtölin fóru
fram árið 1988. Það skipti þó litlu
máli því umræðuefnin hafí verið ei-
lífðarmál eins og trú og dauði.
UMFERÐAR
RÁÐ
AFENGISVARNARAÐ