Morgunblaðið - 08.10.1993, Blaðsíða 41

MORGUNBLAÐIÐ FÖSTUDAGUR 8. OKTÓBER 1993
41
Enn um ökuljós í björtu
Frá Sveini Ólafssyni:
Ég kvitta hér með fyrir kveðju
frá Ásmundi U. Guðmundssyni á
Akranesi um ofangreint efni, í blað-
inu 23. þ.m. — Ég kannast nú ekki
við að hafa hringt til Ásmundar
U. Guðmundssonar eins og hann
segir frá. Þetta er þannig allmikið
undrunarefni og nánast leyndar-
dómur hver það var, nema kannski
einhver sem eitthvað kynni að hafa
talið sig þurfa að létta á sér við
hann útaf skrifum hans? — Sýnist
full ástæða til að auglýsa eftir þeim
sem hringt hefir, svo sannleikurinn
komi í ljós. — Ég skil að Ásmundi
U. Guðmundssyni gremjist svona
framkoma, en á henni ber ég enga
ábyrgð.
Þó ég se á öndverðum meiði við
skoðanir Ásmundar U. Guðmunds-
sonar, þá voru mér frekar þakkir í
hug að hann skyldi skrifa um þetta
jnál, þó ekki væri ég stórlega hrif-
inn af orðbragðinu og ritstílnum
sem hann notar. Það vekur nefni-
lega athygli á þessu áríðandi máli
— og er ekki vanþörf á. Og það er
líka meginmálið, en ekki meiningar
mínar eða hans. Ég var aðeins að
tala um að menn færu eftir lögum.
Mér hefði þannig aldrei dottið í hug
að hringja í Ásmund U. Guðmunds-
son til að skammast, — og síst að
þora svo ekki að ræða við hann —
til þess hef ég alveg treyst mér
þótt ég telji slíka málsmeðferð held-
ur tilgangslitla, og því hef ég frem-
ur kosið að skrifa en að standa í
einhverri persónulegri orðasennu,
sem engu gagni þjónar nema að
ergja menn.
Eg tel mig þannig ekki eiga þau
heldur raunalegu orð og líkingar
sem hann setur fram — raunaleg
af því að þau eru honum sjálfum
til vanvirðu, ekki mér. Mér liggur
það í léttu rúmi, þótt hann sé með
nafngiftir á mínum orðum og kalli
þau rugl o.fl. í sínum skrifum og
legg mig ekki niður við niðrandi tal
á móti um hans skoðanir, ritstíi og
framsetningu.
Ég reyndi að setja fram mínar
röksemdir og gat þá um þá hluti
og staðreyndir sem ég hafði kunn-
ugleika af, en slíkt vill hann greini-
lega ekki heyra, heldur sendir gusu
af ómálefnalegum lýsingum á hvað
allt sé fráleitt sem ég set fram. En
hann ómakar sig aftur ekki á að
svara málefnalega neinu af því sem
ég bendi á. Svona málsmeðferð
getur ekki að rnínu mati skoðast
sem neitt annað en þrætur — ekki
rökræða.
Ég nefndi að aðrar þjóðir en
Svíar væru að lögleiða eða hefðu
lögleitt ökuljós í björtu. En eftir
kokkabók Ásmundar U. Guðmunds-
sonar mátti ég það ekki, af því
hann hafði ekki sjálfur nefnt slíkt.
Ég spyr, hvar er skoðana- og mál-
frelsið? Má Ásmundur U. Guð-
mundsson einn hafa skoðun? Ég vil
samt til viðbótar áður sögðu — þó
ég megi það kannski ekki! — benda
Ásmundi U. Guðmundssyni á, að
það eru Finnar, sem fyrstir byijuðu
með þetta, hvað sem líður löngum
skógargöngum í Svíþjóð. Svíar tóku
þetta upp eftir þeim, svo hér er
þetta engin bein eftiröpun eftir
Svíum, sem virðist vera eitthvað
mjög viðkvæmt fyrir Ásmund U.
Guðmundsson. Og gott er líka að
hann viti að Danir lögleiddu ökuljós
í björtu 1. okt. 1990 og Norðmenn
munu hafa gert það líka. Auk þess
er ekki rétt að bannað sé og varði
sektum í Þýskalandi að hafa ökuljós
kveikt í björtu. Það er hreinlega
rangt hjá Ásmundi U. Guðmunds-
syni, því miður fyrir hann. Það er
leyfilegt þar og einnig í mörgum
fleiri Evrópulöndum, eins og Frakk-
landi, Sviss, Hollandi o.fl. löndum,
en ekki lögboðið, a.m.k. ekki enn-
þá. Og ég endurtek að í Þýskalandi
er frumvarp fyrir þinginu um að
lögleiða ökuljós í björtu vegna
reynslu annarra þjóða af sannan-
legri minni slysatíðni vegna ljósa-
notkunar í björtu. Um þetta eru til
skýrslur byggðar á rannsóknum og
ætti Ásmundur U. Guðmundsson
að spyija Umferðarráð um það og
fleira sem hér er sagt.
Ásmundur U. Guðmundsson
nefnir að mér hafi sést yfir að nefna
allskyns afbrigði af óreglu í notkun
ljósa. Hann ætti samt að athuga
það að ég sagði í fyrstu grein minni
um ökuljósin að sjá mætti „hinar
fjölskrúðugustu vísbendingar um
afbrigðilegheit í þessu tilliti" — svo
ef Ásmundur U. Guðmundsson
hefði lesið vandlegar það sem hann
er að vitna í eftir mér, þá hefði
hann getað komist hjá því að brigsla
mér um að minnast ekki á allt hitt,
sem hann rekur nú. Það er aftur
alveg rétt hjá Ásmundi U. Guð-
mundssyni að þarna þarf úrbóta við
líka, og því gott að hann sér það
og bendir á það. Ásmundur U.
Guðmundsson skyldi líka muna að
greinar í Morgunblaðinu leyfa ekki
að rætt sé í einu um alla hluti í
smáatriðum, svo sumu verður að
gera skil í skemmra máli, eins og
gert var í minni fyrstu grein.
Ég vil svo taka fram, að ég er
ekki tilbúinn til að standa í frekari
þrætum og orðahnippingum við
Ásmund U. Guðmundsson um þessi
mál, sem ættu að vera öllum auð-
skilin, og sérstaklega lögskyldan
um að nota ökuljós um bjartan dag.
Þetta verður því síðasta svar mitt
til hans um þessi mál. Að öðru leyti
sendi ég honum kveðjur og óskir
um velgengni í umferðinni. Ljóst
er að við höfum ekki sömu skoðun
á því sem fjölyrt hefir verið um
okkur í milli, — en samt er vonandi
að þessi skrif verði til gagns, þótt
okkar skoðanir geti ekki fallið sam-
an.
SVEINN ÓLAFSSON,
Furugrund 70,
Kópavogi.
Pennavinir
Átján ára norsk stúlka með
áhuga á knattspyrnu, ferðalögum,
bréfaskriftum og barmmerkjum vill
skrifast á við 16-22 ára stúlkur:
Tove Tennessen,
Sletteid,
4370 Egersund,
Norway.
ísraelskur frímerkjasafnari sem
getur ekki um aldur:
Sam Baum,
P.O. Box 1316,
52113 Ramat-Gan,
Israel.
Fimmtán ára japönsk stúlka með
áhuga á lestri og matargerð:
Hiromi Ogasawara,
1-15-22 Yokota,
Matsumoto-shi,
Nagano,
390Japan.
Tvítug Ghanastúlka, háskóla-
nemi, með áhuga á ferðalögum:
Macellinda Andzie-Quainoo,
P.O. Box 0100,
University Post Office,
University of Cape Coast,
Cape Coast,
Ghana.
Átján ára ítölsk stúlka með bull-
andi áhuga á íslandi. Vill skrifast
á við 18-20 ára íslensk ungmenni:
Teresa Giulianelli, N
Borgo S. Groce 3,
62010 Appignano (MC),
Italy. ,
VELVAKANDI
GERSPILLTAR
RÆSTINGAKONUR
EINS og marga íslendinga rekur
minni til fór fram útboð á ræst-
ingum í skólum á vegum mennta-
málaráðuneytis fyrr á árinu.
Gengið var að tilboði Securitas í
þessi verk en það fól í sér gífur-
lega kjaraskerðingu fyrir ræst-
ingakonur. Það má til sanns veg-
ar færa að stækkað hafi verið
tvisvar sinnum svæðið sem kon-
unum er ætlað að þrífa en kaup-
ið lækkað um helming. Þetta telja
forráðamenn Securitas afsakan-
legt í ljósi þess að þeir hafi hugs-
að sér að létta af konunum erfíð-
ustu verkunum, þ.e. upptöku
gamals bóns og endurnýjunar á
því. Yfirmenn fyrirtækisins
ræddu þetta í fjölmiðlum og skein
heiðríkja manngæskunnar úr
svipnum. Hins vegar datt engum
þeirra í hug að hugsanlega hefði
verið sanngjarnara að spyrja
konurnar hvort þær kysu frekar
að erfiða áfram og halda kaupi.
Enda sér hver skynsamur maður
að betra er að svelta en bogna
í baki.
Forráðamenn nokkurra skóla
kusu að standa með sínu starfs-
fólki og taka ekki tilboði Securit-
as þar sem ræstingakostnaður
nam ekki meira en 5% af rekstr-
arkostnaði skólanna sáu þeir í
hendi sér að þó tækist að koma
því niður í 3-4% stoppaði það
ekki að fullu upp í fjárlagagatið.
Mér hafa alltaf reynst þeir yfir-
menn bestir sem ekki bara skríða
fyrir yfirmönnum sínum heldur
standa með 'undirmönnunum
þegar þeirra málstaður er góður.
Mér varð hugsað til slíkra yfir-
manna sem ég hef kynnst þegar
ég afþakkaði vinnu hjá Securitas
og ræstingastjóri þeirra hafði orð
á hvort ekki bæri að líta svo á
það þarna hafi verið á ferðinni
meira en lítið misferli í kaup-
greiðslum fyrst hægt væri að
lækka þær svo mjög. Við þessi
orð flögraði að mér sú hugsun
að sennilega bærum við ræst-
ingakonur einar ábyrgð á fjár-
hagsvanda menntamálaráðu-
neytisins. Já, það er munur að
vera ofalinn sauður á ríkisjöt-
unni. Því miður var ég of for-
stokkuð til að þessar hugsanir
yrðu viðvarandi og fljótlega
vaknaði með mér grunur um að
sennilega hefði eyðslan og bruðl-
ið verið víðar í þeirri mætu stofn-
un. Enda vil ég leyfa mér að
fullyrða að yfirmenn mennta-
málaráðuneytisins, Securitas og
skólanna vildu ekki vinna okkar
erfiðu og lítils metnu verk fyrir
það kaup sem okkur var greitt.
Þessi vanþakkláta kona er
þetta skrifar reyndist of gerspillt
til að vilja una siíkum málalokum.
Svo undarlega vildi hins vegar
til að ekki bættist hún í sívax-
andi hóp atvinnuleysingja heldur
var henni umsvifalaust boðið
starf þar sem hún nýtur sann-
gjamra launakjara.
Ræstingakona
TAPAÐ/FUNDIÐ
Gleraugu í kartöflug'arði
SILFURLITUÐ spangargler-
augu í brúnu hulstri fundust í
vegarbrún í kartöflugarði uppi
við Korpúlfsstaðir sl. sunnudag.
Þetta eru fjarsýnisgleraugu.
Upplýsingar gefur Björn í síma
72685 eftir kl. 18.
GÆLUDÝR
Kettlingur í óskilum
FRESSKETTLINGUR, grár með
hvítar hosur og hvíta bringu, á
að giska þriggja mánaða gamall,
fannst fyrir utan Háskólann sl.
þriðjudag. Hann er ólarlaus. Eig-
andi má vitja hans í síma 658113.
>50
u.
Vertu með g
- draumurinn gæti orðið að veruleika I
1