Morgunblaðið - 18.10.1994, Blaðsíða 39

MORGUNBLAÐIÐ
MIMMIIMGAR
KRISTÍN BJARKAN
síðast allar saman, í ágúst í sumar-
bústað á Þingvöllum, á kvöldi sem
var eins og þau geta fallegust orðið
þar. Við ætlum að muna hana eins
og hún var þá, yndisleg vinkona sem
okkur þótti öllum vænt um.
Við biðjum algóðan guð að geyma
hana og gefa fjölskyldu hennar
styrk.
Látin er í Reykjavík Kristín Bjark-
an snyrtifræðingur langt um aldur
fram.
Það er fagurt við Sundin í Reykja-
vík þar sem mannlífið hefur tekið
við af svartfuglinum og glæstar
nýbyggingar prýða ströndina upp
af klöppinni. Kolbeinshaus er horfinn
I og steinbryggjan líka svo og stak-
| stæðin og fjaran en fegurðin er eft-
ir því að hún deyr ekki.
Hjónin Kristín og Gunnar Ingi-
mundarson höfðu kosið sér þessa
nærvist við fegurðina frá Hengla-
íjöllum til Jökulsins. Hún var tákn-
ræn fyrir þeirra samvist alla um
nærfellt þriggja áratuga skeið.
Fyrir Kristínu varaði þessi nær-
vist aðeins til tveggja nátta. Það var
of skammur tími.
Kristín var vandvirkur fagmaður
á sínu sérsviði og létti þrautir
margra lélegra fóta og lúinna handa.
En hæst ber reisn hennar í því hvern-
ig hún kaus að umbera erfiðan sjúk-
dóm sem mest innra með sér án
þess að bera hann á torg fyrir aðra.
Út á við var hún frískleg og kát og
lék á als oddi.
Okkur setti hljóð við þá skapfestu
og stillingu, sem við urðum vitni að
og verður okkur jafnan minnisstæð.
Þótt Kristín hafi nú gengið á vit
aftureldingarinnar og veðramökkur
hjúpi Jökulinn í svip mun aftur birta
af því sama sólskini og lýsir á Krist-
ínu Bjarkan í hennar hinztu verferð.
Við þökkum hennar samveru og
sendum Gunnari og börnum einlæg-
ar samúðarkveðjur.
Björg og Sverrir Ólafsson.
Það var árið 1972 að starfs-
mannafélag IBM á íslandi efndi til
sinnar árvissu Jónsmessunætur-
göngu. í það skiptið var gengið á
Helgafell fyrir ofan Hafnarfjörð. í
hópnum var Gunnar Ingimundarson
sem þá starfaði fyrir IBM í Dan-
mörku en var kominn til íslands sem
ráðgjafi og til að halda námskeið
um tölvutæknileg atriði. í þessari
ferð var kona hans í för með honum,
Kristín Bjarkan. Það var í þessari
ferð sem við kynntumst þeim hjónum
og hélst sá kunningsskapur alla tíð
síðan.
Kristín menntaðist í Danmörku
sem snyrtisérfræðingur með fótaað-
gerðir sem sérgrein. Hún starfaði
alla tíð við sína grein ýmist á stofu
eða á stofnunum og nú síðast á Öldr-
unardeild Landspítalans í Hátúni.
Naut hún mikilla vinsælda í starfi
sínu og yar eftirsótt. í Danmörku
kynntist hún lífsförunaut sínum.
Alla tíð vakti það aðdáun okkar
hjóna hversu samrýnd þau Gunnar
Iog Kristín voru og samtaka í öllu
sem þau tóku sér fyrir hendur. Þau
studdu hvort annað í öllum sínum
áhugamálum, engin ákvörðun tekin
nema í samráði. Þau eignuðust tvö
mannvænleg börn, Sigrúnu og Dav-
íð. Sigrún er í framhaldsnámi í tölv-
unarfræðum í Bandaríkjunum en
hún er gift Brynjólfi Þórssyni, verk-
fræðingi, og eiga þau einn son, Arn-
ór, á öðru ári. Davíð er í framhalds-
námi í verkfræði í Frakklandi.
Kristín Bjarkan var að mörgu leyti
sérstök manneskja. Það sem ein-
kenndi hana fyrst og fremst var
hreinskilni og glaðværð. Hún sagði
hreint út það sem henni bjó í brjósti,
duldi aldrei hrifningu sína yfir nýjum
hugmyndum, nýjum hlutum. Já,
hrifningu, það var eins og ekkert
neikvætt væri til í hennar huga,
aðeins gleði yfir lífinu og öllu sem
í kringum hana var. Kristín bjó yfir
listrænum eiginleikum sem lýstu sér
í áhuga hennar á myndlist þar sem
hún fylgdist vel með öllum sýning-
um. ÓIl handavinna var henni leikur
einn og hún lét sig ekki muna um
að sauma forkunnarfallegan brúðar-
kjól á dóttur sína.
Síðustu árin barðist Kristín við
illvígan sjúkdóm og á þeim tíma
sýndi hún á sér nýja hlið. Hún lét
aldrei bugast, bað aldrei um vor-
kunnsemi, íþyngdi ekki vinum sínum
með voli heldur ræddi um veikindi
sín af æðruleysi og kjarki, sem kom
svo berlega í ljós á síðustu ævidögum
hennar. Þó svo að dauðinn biði henn-
ar á næstu grösum var hugur henn-
ar allur bundinn við nýju íbúðina,
sem þau hjónin fluttu í aðeins nokkr-
um dögum fyrir andlát Kristínar og
hún náði aðeins að njóta í tvo daga
áður en hún var lögð inn á spítala
í hinsta sinn. Það var Kristínu ómet-
anlegt að eiga Gunanr og börnin að,
en umhyggja þeirra var einstök. Þau
gerðu allt til að gera henni lífið létt-
ara.
Hennar verður sárt saknað á okk-
ar heimili. Við munum sakna allra
glaðværu heimsóknanna, allra sím-
talanna, samverustundanna og allra
greiðanna, sem hún aldrei taldi eftir
sér, hvort heldur við eða synir okkar
þurftu að leita til hennar. Alltaf tók
hún á móti okkur opnum örmum af
sinni einstöku hjartahlýju og gleði.
Hver einstaklingur, hver fjöl-
skylda, á sitt líf, eignast sína sam-
ferðamenn, sitt umhverfi sem ekki
endurnýjast, skörðin verða trauðla
fyllt. Við fráfall Kristínar verður líf
okkar litlausara, hversdagsleikinn
grárri. Okkar söknuður er þó hjóm
eitt í samanburði við þá sorg, sem
ríkir í bijóstum hennar nánustu, eig-
inmanns, hjartfólginna barna og fjöl-
skyldu. Þeim viljum við votta okkar
dýpstu samúð. Blessuð sé minning
Kristínar.
Hekla og Björgvin.
Kær vinkona okkar, Kristín
Bjarkan, er látin. Er kynni okkar
hófust fyrir nokkrum árum, vorum
við nokkrar sem þurftum að takast
á við þann illvíga sjúkdóm sem Krist-
ín þurfti að lokum að beygja sig
fyrir. Með okkur tókst einlæg vin-
átta sem við allar mátum svo mik-
ils. Kristín barðist hetjulega og hélt
alltaf reisn sinni. Sýndi hún best
styrk sinn og dugnað er þau Gunnar
fluttu í nýja og glæsilega íbúð að-
eins fáeinum dögum fyrir andlát
Kristínar. En þar hafði hana dreymt
um að njóta hins fallega útsýnis
yfir sjóinn með Gunnari. Gunnar
maðurinn hennar var sem klettur
við hlið hennar sem og börn þeirra,
Sigrún og Davíð. Litla barnabarnið
Arnór var sem sólargeisli hjá afa
og ömmu í sumar.
Elsku Gunnar, Sigrún og Davíð,
okkar innilegustu samúðarkveðjur.
Guð veri með ykkur. Þið voruð henni
allt.
Unnur og Þóra Hrönn.
Det Nodvendige Seminarium
(I Danmörku getur enn tekið inn 3 íslenska
NEMENDUR ÞANN 1. SEPT. 1995
4ra ára alþjóðlegt, nútíma kennaranám, sem veitir réttindi til kennslu í mörg-
um skólum og uppeldisstoínunum í Evrópu og þriðja heiminurn.
Námið er:
• 1 ár með alþjóðlegu námsefni, innifalin er 4ra mánaða námsferð til Asíu.
• 1 ár námsefni innanlands, innifalin er 6 mán. þátttaka í dönsku atvinnulífi.
• 2ja ára fagnám, innifalið er 2x6 mánaða starfsnám í grunnskóla og öðrum
skólum innanlands og utan.
Eftir útskrift tekur við eins árs vinna i skóla í Afriku.
Allir nemendur búa í skólanum. Kynningarfundur um skólann verð-
ur haldinn í Reykjavík laugard. 12. nóvember kl. 16 á Hótel íslandi.
ÍEf þú hefur áhuga, hringdu í síma 90 45 43 99 55 44 eða sendu
símbréf 90 45 43 99 59 82.
I Det Nodvendige Seminarium, DK-6990 Ulfborg
ÞRIÐJUDAGUR 18. OKTÓBER 1994 39
EVRÓPUKEPPNITAFLFÉLAGA
TR sló út stórlið
Bayern Miinhen
Hannes Hlífar vann Benedikt Jónasson
sjálfan Artúr Jú- lagði stórmeistarann
supov. Bischoff.
SKAK
UNDANRÁS EM TAFLFÉ-
LAGA í EUPEN, BELGÍU
HAUSTMÓT TR
Október 1994.
TAFLFÉLAG Reykjavíkur er
óvænt komið í átta liða úrslit í
Evrópukeppni taflfélaga með sigri
í undanrásariðli í Eupen í Belgíu.
TR sló Evrópumeistarana 1992,
Bayern Miinchen frá Þýskalandi,
út í úrslitaviðureign á sunnudag-
inn. Jóhann Hjartarson var í því
erfiða hlutverki að þurfa að tefla
fyrir Bayem gegn félögum sínum
í TR. Hann stóð fyrir sínu, vann
Karl Þorsteins á fjórða borði, en
það dugði ekki til. Hannes Hlífar
Stefánsson vann einn sterkasta
skákmann heims, Artúr Júsupov,
á öðra borði. Benedikt Jónasson
var miklu stigalægri en andstæð-
ingur hans á sjötta borði, en tókst
samt að sigra.
Helgi Ólafsson—Hiibner V2—V2
Hannes H. Stefánsson—Júsupov
1-0
Jón L. Árnason—Ribli V2—V2
Karl Þorsteins—Jóhann
Hjartarson 0—1
Helgi Áss Grétarsson—Stangl
0-1
Benedikt Jónasson—Bischoff
Í-0
Úrslitin urðu því 3—3, _en TR
komst áfram á stigum. Úrslit á
fyrsta borði hafa mest vægi við
stigaútreikninginn, síðan annað
borðið og svo koll af kolli.
Hvítt: Hannes Hlífar Stefánsson
Svart: Artúr Júsupov
Rússnesk vöm
'1. e4 - e5 2. Rf3 - Rf6 3. d4 -
exd4 4. e5 — Re4 5. Dxd4 — d5
6. exd6 (framhjáhlaup) Rxd6 7.
Rc3 - Rc6 8. Df4 - g6 9. Be3
Júdit Polgar lék 9. Bd2 gegn
Júsupov á hraðmótinu í Oviedo á
Spáni í fyrra, en eftir 9. — Bg7
10. 0-0-0 Be6 11. Rg5 - 0-0
12. g3 — Rd4 hafði svartur sín
gagnfæri.
Bg7 10. 0-0-0 - Be6 11. Rg5! -
0-0 12. h4 - Be5 13. Df3 - h5
14. Rxe6 — fxe6
Lakari peðastaða svarts tryggir
hvíti nú ívið betri stöðu.
15. Dh3 - Df6 16. Bg5 - Bf4+
17. Bxf4 - Dxf4+ 18. Kbl -
Hae8 19. Be2!? - Re5
Eftir 19. - Dxf2 20. Hhfl -
Dc5 21. g4 hefur hvítur fullnægj-
andi bætur fyrir peðið.
20. Hhel - Hf5 21. f3 - Db4
22. a3 - Db6 23. g4 -
23. - Hf4?
Betra var 23. — hxg4 24. fxg4
- Hg4 en Júsupov treystir á gagn-
sókn sína á drottningarvæng.
Hannes lætur ekki ragla sig í rím-
inu og heldur sínu striki:
24. gxh5! — Rdc4 25. Bxc4 —
Rxc4 26. b3 — Rxa3+ 27. Kcl —
Df2 28. He2 - Dxf3 29. Dxf3 -
Hxf3 30. Kb2 - c6 31. Re4!
Hannes er kominn með unnið
endatafl og þetta er sá fyrsti af
nokkrum laglegum millileikjum
sem þvinga fram sigur. Það liggur
ekkert á með að leika h5xg6.
30. - c6 31. Re4 - Rb5 32. c4
- Rc? 33. Hd7 - Ra6 34. hxg6
- Hef8 35. g7 - H8f7 36. Hd8+
- Kxg7 37. Hg2+ - Kh7 38.
Rg5+ og Júsupov gafst upp.
Spánskir andstæðingar TR í
fyrstu umferðinni á föstudaginn
boðuðu forföll og andstæðingar
þeirra voru því Anderlecht frá
Belgíu. Einn Belginn missti af lest
og Hannes Hlífar fékk vinning án
taflmennsku. Loka-
tölurnar urðu 4 V2—
V/2 TR í vil, Jón L.,
Karl og Helgi Áss
unnu sínar skákir,
Helgi Ólafsson gerði
jafntefli_ en Benedikt
tapaði. í annarri um-
ferðinni á laugardag*—
mætti TR síðan hei-
maliðinu og sigraði
5—1. Þeir Helgi ög
Jón L. gerðu jafntefli
en hinir unnu.
Það breytti miklu í
þessum riðli að rússn-
eska liðið frá Ekater-
inburg sótti ekki um
vegabréfsáritun fýrr
en 7. október. Það
reyndist of seint og þeir féllu því
allir á tíma í fyrstu umferð.
Úrslitakeppnin fer fram í Lyon
í Frakklandi helgina 18.—20.
nóvember.
Haustmót Taflfélags
Reykjavíkur
Þröstur Þórhallsson, alþjóðlegur
meistari, hefur unnið fimm fyrstu
skákir sínar í A flokki á Haust-
móti Taflfélags Reykjavíkur og er
afar sigurstranglegur. Staða efstu
manna í flokkunum fjórum að
loknum um fímm umferðum af
ellefu á Haustmótinu er þessi:
A flokkur:
1. Þröstur Þórhallsson 5 v.
2. Magnús Örn Úlfarsson 4 v.
3. -4. Sigurbjörn Björnsson 3 v.
3.-4. Sævar Bjarnason 3 v.
5.-7. Jón Viktor Gunnarsson 2Vi v.
5—7. Jón Garðar Viðarsson 2Vi v.
5.-7. Tómas Björnsson 2Vi v.
B flokkur:
1. Eiríkur Björnsson 3 V2 v.
2. -3. Hrannar Baldursson 3 v.
2.-3. Arnar E. Gunnarsson 3 v.
í B flokki er nokkuð um frestað-
ar skákir.
C flokkur:
Einar K. Einarsson 4 V2 v.
2. Torfi Leósson 4 v.
3. Halldór Garðarsson 3'h v.
4. -6. Einar H. Jensson 3 v.
4.-6. Sverrir Sigurðsson 3 v.
4.-6. Árni H. Kristjánsson 3 v.
D flokkur:
1. Kristján Halldórsson 4 v.
2. -3. Guðm. S. Jónsson 3*/z af 4
2.-3. Davíð Ó. Ingimarss. 3'/2 af 4
4.-5. Jón Baldur Lorange 3'/2 v.
4.-5. Stefán Kristjánsson 3‘/2 v.
Margeir Pétursson
Skjaldborg stuðningsmanna
SÓLVEIGAR
PÉTURSDÓTTUR
alþingismanns
er að Vegmúla 2, s. 881380 og 881382
Opið virka daga frá kl. 14:00 - 22:00
laugard. og sunnud. frá kl. 14:00 -19:00.
Sólveig skipaði 6. sæti á lista Sjálfstæðisflokksins við
síðustu kosningar, efst kvenna á þeim lista. Hún hefur
gegnt margvíslegum trúnaðarstörfum á Alþingi. M.a. er
hún formaður allsherjarnefndar, á sæti í efnahags- og
viðskiptanefnd, heilbrigðis- og trygginganefnd og er
formaður íslandsdeildar Norður-Atlantshafsþingsins.
HtarsmiMafrtfe
- kjarni málsins!