Morgunblaðið - 26.10.1994, Page 24

24 MIÐVIKUDAGUR 26. OKTÓBER 1994
MORGUNBLAÐIÐ
AÐSEINIDAR GREINAR
Glatt í Hjallakírkju
HJALLAKIRKJA
SAFNAÐARSTARF í Hjallasókn
í vetur ber merki nýjunga og vax-
andi starfs í ungum söfnuði. Ungl-
ingastarfi er bætt við æskulýðsstarf-
ið, nýtt helgihald er í boði fyrir hina
fullorðnu og fjölbreytt fjölskyldu-
fræðsla er á næsta leiti. Eins er þjón-
ustan við aldraða að aukast. Þá er
sóknarnefnd að gera úttekt á safn-
aðarstarfinu og vinna að breyttu
skipulagi sem henti betur söfnuði í
nútíma þjóðfélagi.
Fjölskyldufræðsla í
Hjallakirkju
Fimm fræðslufundir á vegum
Reykjavíkurprófastdæmis eystra
fara fram í Hjallakirkju og verður
sá fyrsti þann 27. október nk.
Fræðslufundirnir eru helgaðir mál-
efnum ijölskyldunnar og gefa gott
tækifæri til að íhuga málefni sem
snertir flest okkar. Fræðslufundimir
verða haldnir á fimmtudögum og
hefjast kl. 20.30. Yfirskrift þeirra
er: Fjölskyldan í nútímanum. Það
er Safnaðaféiag Hjallakirkju sem
annast framkvæmd fundanna fyrir
hönd safnaðarins og selur kaffi að
þeim loknum. Nánari dagskrá
fræðslufundanna er: 27. okt. Fjöl-
skyldugerðir og uppeldi. Fyrirlesari:
Halla Jónsdóttir, hugmyndasagn-
fræðingur. 3. nóv. Gildi heimilisins
fyrir andlega velferð. Fyrirlesari:
Magnús Skúlason, geðlæknir. 10.
nóv. Foreldravandamál og unglinga-
vandamál. Fyrirlesari: Sr. Þorvaldur
Karl Helgason, forstöðumaður fjöl-
skylduþjónustu kirkjunnar. 17. nóv.
Hjónabandið í kristnum skilningi.
Fyrirlesari: Dr. Sigutjón Árni Eyj-
ólfsson, héraðsprestur. 24. nóv. Fjöl-
skyldustefna á grunni kristinnar trú-
ar. Fyrirlesari: Dr. Bjöm Bjömsson,
prófessor.
Nýtt helgihald fyrir fullorðna
Fyrir hina fullorðnu er hafið nýtt
helgihald, svonefndar Taize-stundir
(lesist ’tese’). Það em samveru-
stundir með sérstöku sniði sem
munkar í bænum Taize í Frakklandi
hafa þróað frá því í síðari heimsstyrj-
öldinni. Þetta eru bæna- og lofgjörð-
arstundir þar sem Taize-söngvar
skipa háan sess í helgihaldinu. Til-
Krafa dagsins er öflugt
safnaðarstarf, segir
Vigfús Hallgrímsson,
og þá kröfu reynir
Hjallasöfnuður
að uppfylla.
gangur Taize-stunda er að sameina
trúaða einstaklinga til bæna og lof-
gjörðar óháð trúarsöfnuðum krist-
innar kirkju. Þær eru haldnar annan
sunnudag hvers mánaðar kl. 21.
Fram til áramóta verða þær 13.
nóvember og 11. desember. Fyrsta
Taize-stundin fór fram 9. október
si. og sóttu hana um 30 manns.
„Frábært", sagði einn þátttakenda
að stundinni lokinni. Framkvæmdin
er í höndum safnaðarfélagsins.
Aðventusamkoma á jólaföstu
Aðventusamkoman er síðasta
verkefni safnaðarfélagsins fyrir ára-
mót. Aðventusamkoman verður
haldin sunnudaginn 27. nóvember
kl. 17. Hún verður nánar auglýst í
ijölmiðlum síðar. Safnaðarfélag
Hjallakirkju er að slíta barnsskónum
en er sífellt starfandi og stjórnin
íhugar gaumgæfílega ýmsar leiðir
til að efla starf safnaðarins.
Æskulýðsfélag fyrir
unglingana
Æskulýðsfélag Hjallakirkju var
stofnað í haust. Það er fyrir ungling-
ana í 8., 9. og 10. bekk grunnskóla.
Félagið er með fundi á mánudögum
í vetur kl. 20-22 í safnaðarsal kirkj-
unnar. Þar er margt til skemmtunar
gert og mikið um að vera en hver
fundur endar með helgistund inni í
kirkjunni. Nú þegar sækja félagið
margir unglingar.
Sérstakt starf fyrir
eldri börnin
Síðasta vetur byijaði starf fyrir
tíu til tólf ára börn, nefnt TTT. Þeir
eru á miðvikudögum kl. 17 í kirkj-
unni. Þar fræðast börnin um frelsara
sinn Jesú Krist, biðja bænir, syngja
og skemmta sér. Mörg börn koma
þar reglulega á fundi.
Sunnudagaskólinn fyrir börnin
Sunnudagaskólinn er á hveijum
sunnudegi í kirkjunni. Hann starfar
í tengslum við guðsþjónustur safnað-
arins. Öll fjölskyldan kemur saman
til kirkju og í miðri guðsþjónustu
fara börnin út til eigin samveru-
stunda. Hópnum er svo skipt í tvo
hópa eftir aldri og fræðsla mismun-
andi til að mæta ólíkum þörfum og
þroska. Á samverum barnanna er
sungið, sagðar sögur, biblíufræðsla
og beðnar bænir. Þá fá börnin eigin
möppu, límmiða og verkefnablöð
sem fylgir þátttöku í sunnudaga-
skólastarfínu.
Guðsþjónusta á hvíldardegi
Guðsþjónustan hefur lengi verið
miðpunktur íslensks kirkjustarfs,
frátekin stund á sunnudegi til að
fara til kirkju. I henni er setið, sung-
ið eftir atvikum, hugsað og íhugað,
Guðs orð meðtekið og hlustað á kór
og orgelleik, að ógleymdri móttöku
altarissakramentisins sem útdeilt er
í messum. Þar má jafnvel verða vitni
að því að kornabörn, og stærri börn,
eru skírð og veittur nýr ríkisborgara-
réttur, í Guðs ríki. Sannarlega er
það helg stund. í Hjallakirkju skipa
börnin mikið vægi, sérstaklega í íjöl-
skylduguðsþjónustum sem haldnar
eru mánaðarlega. Þá sjást ferming-
arbörnin og fjölskyldur þeirra æ tíð-
ar, svo það er líf og söngur í kirkj-
unni. Á hefðbundnum sunnudegi ert
þú þátttakandi í um 200 manna
hópi barna, unglinga og fullorðinna
í Hjallakirkju. Kannski átt þú sam-
leið þar með okkur?
Mömmumorgnar
Á hveijum miðvikudagsmorgni kl.
10-12 hittast mæður og ung börn
í Hjallakirkju en feður munu þar enn
vera frekar sjaldgæf sjón. Á hveijum
miðvikudegi er helgistund fastur lið-
ur í dagskránni. Fyrsta miðvikudag
hvers mánaðar kemur hjúkrunar-
fræðingur frá heilsugæslustöð
Kópavogs í heimsókn til að leiðbeina
og fræða um umönnun barna. Alltaf
er nóg rými fyrir nýja til að vera
með, fræðast, spjalla og uppörvast.
Kirkjustarf fyrir aldraða
Kirkjustarf fyrir eldra fólk hófst
á ný í Hjallakirkju í lok september
eftir sumarfrí. Það hefur verið gerð
spennandi dagskrá fram að jólum.
Samverur eldra fólksins eru haldnar
síðdegis þijá fímmtudaga í mánuði
í kirkjunni frá kl. 14-17. Það er
spjallað, sungið, fræðst, haldnar
helgistundir og drukkið kaffi.
Kór Hjallakirkju
í safnaðarstarfinu er margt annað
að gerast. Kór Hjallakirkju er skip-
aður fólki með mikinn áhuga á kór-
starfinu og starfar af krafti. Kórinn
syngur ekki bara við guðsþjónustur,
hann heldur einnig tónleika, m.a.
aðventutónleika með kór Árbæjar-
kirkju, fer í æfingabúðir og messu-
ferð í Húnavatnssýslu. Kórinn æfir
á þriðjudögum kl. 20 í kirkjunni og
er áhugasömu fólki sem vill syngja
í kirkjukór bent á að koma á æfíngu.
Fermingarstörfin
Fermingarstarfið er hafið en þar
sækja yfir 100 unglingar vikulega
fræðslustundir í vetur og sækja
guðsþjónustur. Nýlokið er velheppn-
uðum heimsóknum á fermingar-
barnanámskeið í Vatnaskóg.
FYæðslunni lýkur svo með ferming-
unum í vor.
Fréttabréf safnaðarins, Glatt á
hjalla, er nýkomið út og kynnti vel
það starf sem á döfínni er hjá söfnuð-
inum. Blaðið er enn í mótun og leit-
að er leiða til að nýta það vel til að
þjóna safnaðarfólki.
Safnaðarstarf endurskipulagt
Forsvarsmenn Hjallakirkju hefur
ákveðið að hefja endurskipulagningu
á safnaðarstarfínu. Sú vinna er þeg-
ar hafin. Skipulagningin felst m.a.
í því að viðskipta- og hagfræðinemi
og guðfræðinemi eru að gera úttekt
á safnaðarstarfinu, og vinna um leið
að Iokaritgerðum í námi sínu, og
gera þar tillögur um breytingar. Þau
plögg verða nýtt til umræðna innan
ólíkra starfshópa í safnaðarstarfinu
í vetur og tillögur um endurskipu-
lagningu mótaðar með vorinu.
Hjallasöfnuður er ungur söfnuður
í þéttbýli. Hann hefur byggt sér
kirkju, sem þó er aðeins að hluta
kláruð, án þess að hafa reist sér
burðarás um öxl. Það er litið svo á
að meginkrafa dagsins sé sú að
standa fyrir öflugu safnaðarstarfí.
Undir þeim formerkjum er söfnuður-
inn að auka starf sitt og bjóða sókn-
arbörnum, og öðrum, til fjölbreyttrar
starfsemi. Þar er fullvissan um upp-
risu Jesú Krists játuð, trúin á heil-
aga þrenningu er boðuð, náðarorðin
flutt, samfélagið hefur gildi, sakra-
mentum útdeilt og trúartilbei'ðslan
er sjálfsögð. Þetta er í kirkjunni
þinni, Hjallakirkju. Hvar ert þú?
Höfundur er kennari.
Kirkjuvika í Reykjavíkurprófastsdæmi
Foreldramorgnar
FORELDRAMORGNARNIR eru á hverjum miðvikudagsmorgni
FORELDRAMORGNAR í Lang-
holtskirkju hófu göngu sína 1991 og
hefur verið blómlegt starf síðan.
Á morgnana hafa mætt mæður,
ömmur og frænkur með 1-4 böm
hver og nokkrar em dagmæður að
auki. Enga feður höfum við fengið
enn sem komið er og ganga morgn-
amir oftast undir heitinu „mömmu-
morgnar".
Börnin eru á ýmsum aldri, allt frá
mánaðargömlum upp að 10 ára.
Sumar kvennanna vinna hlutastörf
utan heimilis, en koma áfram í kirkj-
una.
Síðastliðinn vetur höfðu þrjár kon-
ur umsjón með starfínu ásamt Hauki
I. Jónassyni, starfsmanni kirkjunnar.
Okkur fannst hafa gefíst vel að vera
þetta margar, bæði hefur álagið
dreifst, aak þess sem við höfum
ómælda ánægju af samstarfinu. Það
hefur verið mikill styrkur að hafa
fengið áhugasaman starfsmann frá
kirkjunni til liðs við okkur.
Tilgangur með mömmumorgnun-
um er að foreldrar bama í hverfínu
htitist og kynnist. Með þessu er reynt
að rjúfa þá félagslegu einangrun sem
mæður (foreldrar) lenda einatt í þeg-
ar þær sinna bömum sínum og heim-
ili. Það er margt sem breytist í lífí
þeirra við þessar aðstæður. Breyting-
in er mikil frá því að vera í skóla
eða vinnu og hafa þar félagsskap
af öðru fullorðnu fólki og vera viður-
kenndur þátttakandi í lífi eða at-
vinnulífí, yfir í að vera „bara“ hús-
móðir, í starfí sem oft er vanmetið.
Á foreldramorgnum
mæta mæður, ömmur
og frænkur, segja
Þórdís Tómasdóttir,
Kristín Edda
Ragnarsdóttir og
Asdís Bragadóttir,
ásamt börnunum til
samveru í kirkjunni.
Ýmis vandamál koma upp í tengslum
við bamauppeldið. Að koma saman
og hitta aðrar konur í svipaðri stöðu
og ræða málin er dýrmætt. Auk þess
að miðla af reynslu okkar, hefur hér
einnig gefist gmndvöllur til skoðana-
skipta um ýmis mál sem tengjast
hverfinu og höfum við beitt áhrifum
okkar sem hópur.
Tengslin sem skapast hafa á milli
barnanna hafa á sama hátt verið
mikilvæg. Á þessum morgnum stíga
þau sum hver sín fyrstu skref í sam-
skiptum við önnur böm, kynnast
bömum sem þau síðar meir eru með
á leikskóla eða skóla.
Dagskrá vetrarins var fjölþætt.
Við fengum til okkar ýmsa fyrirles-
ara. Sem dæmi má nefna að Halla
Jónsdóttir fjallaði um andlegan
þroska barna og sjálfstyrkingu
kvenna. Diana Jónsdóttir og Guðrún
Ágústsdóttir komu frá Kvennaat-
hvarfínu og ræddu reynslu sína af
starfínu þar. Guðrún Sederholm
námsráðgjafi í Menntaskólanum við
Sund, ræddi reynslu sína af fátækt
meðal skólabama. Haukur I. Jónas-
son fræddi okkur um hjónabandið.
Sr. María Ágústsdóttir ræddi um
ábyrgð og skyldur kirkjunnar á börn-
um og Hreinn Pálsson kynnti fyrir
okkur heimspeki fyrir börn. Einnig
fengum við að sjá sýnishom af verk-
um leirlistakonunnar Heigu Jóhann-
esdóttur.
Foreldramorgnarnir eru á hveijum
miðvikudagsmorgni milli 10 og 12.
Stundum er spjallað saman, stundum
fengnir fyrirlesarar. Kyrrðarstundir
eru, og oft er eitthvað sérstakt gert
með börnunum. Margs konar föndur
hefurverið, auk brúðuleikhúss, heim-
speki fyrir böm o.fl.
Ýmis önnur starfsemi var, t.d.
styrkingarnámskeið er Halla Jóns-
dóttir hélt við góðan orðstír. Við
konurnar fómm í helgarferð austur
í sveitir, fórum út að borða með
mökum okkar og stofnuðum auk
þess bæði saumaklúbb og göngu- og
skokkhóp.
Það er mjög virðingarvert að kirkj-
an skuli veita okkur þessa aðstöðu
til að koma saman. Ungar konur
með lítil börn eru hópur sem æði oft
gleymist og sem nær sjaldan saman
á þennan hátt. Við höfum átt gott
samstarf við starfsfólk kirkjunnar
sem við kunnum vel að meta.
Við höfum trú á að þetta góða
starf mömmumorgnanna skili sér í
bættri starfsemi innan sóknarinnar,
kirkjunnar, skóla, bamaheimila og
íþrótta- og félagsstarfs.
Við leituðum til nokkurra kvenna
er sótt hafa mömmumorgna og feng-
um að heyra svar þeirra við spurning-
unni um hvers vegna þær kæmu á
mömmumorgnana.
„Ég kem hingað vegna þess að
mér fínnst þetta tilbreyting frá hefð-
bundnum morgni á heimilinu og ekki
síst vegna barnanna. Nóg pláss til
að hlaupa og ærslast og vera í stór-
um barnahóp."
„Ég kem á mömmumorgna til að
hitta aðrar konur í sömu aðstöðu.
Mér finnst nauðsynlegt að komast
öðru hvoru út á meðal fólks, þar sem
ég er mikið ein heima yfir daginn.
Börnin eru líka ánægð með að hitta
aðra krakka og geta leikið sér fijálst
saman í stórum hóp.“
„Mömmumorgnar eru ómissandi.
Ég er eina amman í hópnum með
einn ömmustrák. Ég kann ágætlega
við mig innan um allar ungu konurn-
ar og hóp af börnum. Þessum hóp
er mjög vel stjórnað. Ég hlakka til
að koma hingað á hveijum miðviku-
dagsmorgni og barninu líkar vel að
koma innan um öll hin börnin, því
hann er alla daga einn með ömmu
og afa.“
„Mömmumorgnar eiga tvímæla-
laust rétt á sér. Fyrir mig persónu-
lega hafa þeir verið eins og ljós í
myrkrinu. Að fínna stuðning og
hvatningu vina sinna þegar manni
finnst lífið ekki brosa við sér og hitta
þá aðrar mæður sem búa yfir reynslu
og skilningi á þeim málum. Ég myndi
ekki leita eftir að koma á mömmu-
morgnana, nema af því að mér líður
vel þar.“
„Mér finnst mömmumorgnarnir
mjög góðir. Maðurinn minn er sjó-
maður og ég er því mikið ein með
dóttur minni. Hún var að verða mik-
il mannafæla, en nú hefur hún mjög
gaman af að hitta krakkana. Þetta
er mjög góð tilbreyting fyrir okkur
báðar.“
Höfundar luifn verið í forsvari
fyrir foreldramorgnum.