Morgunblaðið - 03.11.1994, Blaðsíða 12

12 FINIMTUDAGUR 3. NÓVEMBER 1994
MORGUNBLAÐIÐ
AKUREYRI
íslenska útvarpsfélagið svarar
Neytendafélagi Akureyrar
Myndlykil má
taka með
út af heimilinu
„ÉG ER mjög ánægður með þessi svör,“ sagði Vilhjálmur Ingi Ámason,
formaður Neytendafélags Akureyrar og nágrennis, en hann hefur nú fengið
svör við margvíslegum spumingum sem hann lagði fyrir forráðamenn Is-
lenska útvarpsfélagsins í kjölfar myndlyklaskipta og nýrra áskriftarskil-
mála, en fjölmargar fyrirspumir bárust í kjölfar þess.
Ein spuminga félagsins varðaði
2. grein áskriftarskilmálanna þar
sem segir að áskrifanda sé óheimilt
að tengja áskriftarbúnaðinn við sjón-
varpstæki utan heimilis síns eða
skráðs notkunarstaðar hans en félag-
ið vildi vita hvort áskrifandi mætti
flytja myndlykilinn með sér, t.d. í
sumarbústað. í svari útvarpsstjóra
kemur fram að sumarbústaður eða
annar tímabundinn dvalarstaður
áskrifanda er skilgreindur sem heim-
ili hans og ákvæðið einungis sett inn
til varnar því að áskrifandi geti
stundað skipulagða framleigu eða lán
á myndlykli. Forráðamenn séu fylgj-
andi því að áskrifendur geti notið
dagskrár Stöðvar 2 hvar sem þeir
eru.
Fram kemur í svarinu að kostn-
aðarverð áskriftarbúnaðar er 15 þús-
und krónur en í skilmálum kemur
fram að eyðileggist eða glatist bún-
aður í vörslum áskrifanda beri honum
að greiða ÍÚ kostnaðarverð nýs og
mun sú upphæð aldrei hækka um-
fram verðlagsþróun í landinum.
Hvað varðar þá grein að ÍÚ ábyrg-
ist ekki útsendingar og móttökuskil-
yrði miðla sinna segir í svarinu að
með þessu ákvæði sé félagið að
tryggja sig fyrir því að áskrifendur
með lélegan eða ófullnægjandi loft-
netsbúnað eða þeir sem eru þannig
landfræðilega staðsettir að þeir ná
illa útsendingum stöðvarinnar geti
gert kröfu á hendur félaginu. Um
hitt gegni öðru máii að þegar búnað-
ur stöðvarinnar bilar muni áskrifend-
um verða mætt á miðri leið. „Að
þessu leyti gera þeir betur en Ríkisút-
varpið og greinilegt er að kappkosta
á að veita góða þjónustu," sagði Vil-
hjálmur Ingi.

Snjónum
kyngdi niður
FLJÚGANDI hálka var á götum
Akureyrar í gærdag. Þær voru
sandbornar en stöðugt hríðaði
þannig að það gagnaðist lítið.
Þrjú óhöpp höfðu orðið í umferð-
inni síðdegis, engin meiðsl urðu
á fólki en eignatjón þó nokkuð.
Einn bílanna reyndist óökufær
og var dreginn á brott. Brynhild-
ur Björnsdóttir í Norðurgötunni
lét hins vegar ekki deigan síga
og mokaði í gríð og erg snjó-
fargi af blómaskálanum við húsið
hennar. Snjó hefur kyngt niður
síðustu daga og menn eru famir
að gramsa í geymslum eftir skíð-
um og skautum.
Morgunblaðið/Rúnar Þór
íbúðir fyrir fólk 60 ára og eldra
Eiðismýri 30 - Seltjarnarnesi
í þessu húsi eru 2ja og 3ja herb. íbúðir sem eru til afh. nú í desember.
Kynnið ykkur verð og fyrirkomulag.
Byggjendur eru Byggingarfélag Gylfa og Gunnars hf. í samvinnu við
Félag eldri borgara í Reykjavík og nágrenni.
Allar frekari upplýsingar gefur Svan Friðgeirsson hjá
byggingardeild Félags eldri borgara, Borgartúni 31,
sími 621477 milli kl. 9 og 12.
Fyrstujóla-
trén felld
EKKERT lát er á snjókomunni
Norðanlands og með naumindum
að starfsmenn Skógræktarfélags
Eyfirðinga komist um klofháa
skaflana til að höggva jólatrén.
„Það er á mörkunum að menn
komist um, aðstæður em að
verða ansi erfiðar, en við höfum
engar áhyggjur enn; erum þess
fullvissir að snjóinn taki upp,“
sagði Hallgrímur Indriðason
framkvæmdasljóri félagsins.
Æpingur
Byijað er á að fella stór tré,
svokölluð útitré, sem komið er
fyrir á torgum, á vegum sveitar-
félaga og fyrirtækja en síðar
kemur að því að jólatré sem
munu prýða stofur Eyfirðinga
verða höggvin. Gert er ráð fyrir
að um tvö til þrjú þúsund jólatré
verði höggvin fyrir þessijól.
„Það er mikill æpingur eftir
þessu, við erum út um allt að
sækja trén, í Fossselsskóg í sam-
vinnu við Suður-Þingeyinga, í
Kjarnaskóg, á Miðháls og Lauga-
land á Þelamörk," sagði Hall-
grímur en á myndinni er Aðal-
steinn Svanur Sigfússon starfs-
maður Skógræktarfélags Eyfirð-
inga að fella tré í Kjarnaskógi.
1<. 1W 8.7».%
Ert þú að selja?
Ætlarðu að kaupa?
Skráum eignir og
kaupendur samdægurs
SÍMI 880150
lÉl^STUTT
Djass á
heitum
fimmtu-
degi
DJASSAÐ verður í kvöld,
fimmtudagskvöld, á „Heitum
fimmtudegi" í Deiglunni.
Poul Weeden, sem er Akur-
eyringum að góðu kunnur,
leikur á gítar og með honum
spila Karl Olgeirsson á píanó,
Jón Rafnsson á kontrabassa
og Karl Petersen á trommur,
allt kennarar í Tónlistarskól-
anum á Akureyri.
Nýstofnaður djasskvintett
skipaður tónlistarmönnum úr
Eyjafírði mun hita upp fyrir
þá félaga. Dassklúbbur Karó-
línu og Listasumars var með
eindæmum vel sóttur og þar
lék fjöldi þekktra tónlistar-
manna.
Sýningin Sal-
on 1994
framlengd
MYNDLISTARSÝNINGIN
„Salon 1994“ sem staðið hefur
í Deiglunni hefur hlotið góðar
viðtökur og var áætlað að
henni lyki um helgina, en
vegna þess hve aðsókn hefur
verið góð verður hún fram-
lengd um viku.
Sýningin er opin frá kl.
14-18 alla daga nema næst-
komandi laugardag 5. nóv-
ember. Henni lýkur 13. nóv-
ember.
Sögusýning
haldin í Lista-
safninu
í TILEFNI af því að 2. bindi
Sögu Akureyrar er að koma
út um þessar mundir býður
menningarmálanefnd Akur-
eyrar til útgáfusýningar í
Listasafninu á Akureyri,
Kaupvangsstræti 4.
Sýningin stendur í fjóra
daga, ophar laugardaginn 5.
nóvember og lýkur þriðjudag-
inn 8. nóvember og er opin frá
kl. 14 til 18.
Markmiðið er að gefa
áhugamönnum um Sögu Ak-
ureyrar örlitla innsýn í það
mikla verk sem sagan er en
hún er 350 síður að stærð,
prýdd fjölda gamalla Ijós-
mynda er margar hafa aldrei
fyrr komið fyrir augu almenn-
ings.
Poul Weeden
á þrennum
tónleikum
Djassgítarleikarinn Poul
Weeden kemur fram á þrenn-
um tónleikum á Norðurlandi
um helgina.
Fyrstu tónleikamir verða í
Deiglunni í kvöld, þá leikur
hann á Hlöðufelli á Húsavík á
föstudagskvöld og Hótel
Varmahlíð á laugardagskvöld.
Poul Weeden hefur leikið
með mörgum heimsþekktum
tónlistarmönnum, m.a. um
tíma með Count Basie, og er
þekktur fyrir góða stemmn-
ingu á tónleikum. Með honum
leika Karl Olgeirsson, Jón
Rafnsson og Karl Petersen.