Morgunblaðið - 03.11.1994, Blaðsíða 19

MORGUNBLAÐIÐ
FIMMTUDAGUR 3. NÓVEMBER 1994 19
ÚRVERINU
Vilji virðist fyrir skiptingn
úthafskarfakvótans
ÓFORMLEGT samkomulag hefur tekist með
íslenskum og grænlenskum stjornvöldum um
að standa saman að því að bera fram tillögu
á fundi Norðaustur-Atlantshafsráðsins um að
settur verði kvóti á úthafskarfaveiðar út af
Reykjaneshrygg. Fyrstu hugmyndir um skipt-
ingu kvótans eru á þá leið að einn þriðjungur
komi í hlut hvors strandríkis, þ.e. Islands og
Grænlands, og einn í hlut annarra ríkja sem
veiða á úthafinu, þar á meðal íslendinga.
Þorsteinn Pálsson sjávarútvegsráðherra ósk-
aði eftir því í haust við Grænlendinga að tekn-
ar yrðu upp viðræður um þessi mál og átti
hann fund í síðustu viku með þeim.
„Ég hef haft af því nokkrar áhyggjur að
Oformlegt samkomulag-
liggur fyrir milli
íslands og Grænlands
það væri ekki nægilega góð samstaða milli
okkar og Grænlendinga. Þessi fundur var
mjög jákvæður og það er mikiil vilji til sam-
starfs milli þjóðanna um að ná stjórnun á
stofninum og skipta honum niður. Þær hug-
myndir voru ræddar óformlega á fundinum
að eðlilegt væri að skipta honum þannig að
þriðjungur kæmi í hlut hvors strandríkis og
þriðjungur í hlut þeirra þjóða sem eru að veiða
á úthafínu, þar á meðal okkar,“ sagði Þorsteinn.
Þorsteinn sagði að áformað væri að þjóðirnar
stæðu saman að þessum hugmyndum þegar
þær koma á fund Norðaustur-Atlantshafs-
nefndarinnar síðar í þessum mánuði. Þó væri
ekki ljóst hveijar niðurstöður þessa máls yrðu.
Rök fyrir meiri
karfaveiðum
Síðasta ráðgjöf Alþjóðahafrannsóknaráðsins
um karfaveiðar á þessum slóðum hljóðaði upp
á 100 þúsund rúmlesta heildarveiði. „Við teljum
að það séu líffræðileg rök fyrir því að auka
þessa veiði en endanlegar tillögur þar um liggja
ekki fyrir,“ sagði Þorsteinn.
19. þing Sjómannasambands íslands
Tekist á um
formennsku og
atvinnumál
SJÓMANNASAMBAND ísland
heldur nú þing sitt í 19. sinn.
Helztu málefni þingsins eru at-
vinnu- og kjaramál og öryggis- og
tryggingamál, en breytingar á
reglum lífeyrissjóðs sjómanna eru
einnig til umræðu. Þá setur slagur
um formennsku í samabandinu
svip sinn á þingið, en formaður
þess, Óskar Vigfússon, gefur ekki
kost á sér til áframhaldandi for-
mennsku eftir að hafa verið í for-
ystusveit íslenzkra sjómanna um
árabil.
Þingið hófst árdegis í gær með
ávörpum geta, sem voru Þorsteinn
Pálsson, sjávarútvegsráðherra,
Guðjón A. Kristjánsson, forseti
Farmanna- og fiskimannas-
mabands íslands, Helgi Laxdal,
fomaður Vélstjórafélags íslands og
Benedikt Davíðsson, formaður Al-
þýðusamabands íslands. í gær
fluttu einnig erindi þeir Sævar
Gunnarsson og Hafþór Rósmunds-
son, en þeir fjölluðu um atvinnu-
kjaramál og öryggis- og trygg-
ingamál.
Stjórnarkjör í dag
Þinginu verður framhaldið í dag
og á morgun, en í dag flytja þeir
erindi Jakob Jakobsson, forsýóri
Hafrannsóknastofnunar og Arni
Guðmundsson, framkvæmdastjóri
Lífeyrissjóðs sjómanna.
Stjórn sambandsins verður einn-
ig kjörin í dag, en til formennsku
nú hafa einkum tveir menn verið
nefndir, Sævar Gunnarsson,
Grindavík og Sigurður Ólafsson frá
Vestfjörðum.
Morgunblaðið/Sigurgeir
Hugað að nótinni
SIGÞÓR Ingvarsson hugar að nótinni á bryggjunni í Eyjuni.
Danir fást
ekki til
fiskvinnslu
• SKORTUR á vinnuafli í
sjávarútvegi veldur nú vand-
ræðum í Danmörku. í Hanst-
holm, sem er ein af helztu fiski-
höfnum Dana, hefur verið sett
nefnd í málið. Þrátt fyrir að
atvinnuleysi í Danmörku sé um
12% ogjafnvel hærra á
norðanverðu Jótlandi, vantar
fólk í fiskvinnslu og á sjóinn,
þegar mest er að gera. Ungt
fólk, sem er að ljúka námi,
virðist ekki vilja vinna í sjávar-
útveginum og vinnumiðlanir
hafa ekki náð að beina fólki í
útveginn.
• FISKNEYZLA í Frakk-
landi hefur aukizt undanfarin
misseri vegna lækkandi verðs
á sjávarafurðum, samkvæmt
frétt í franska sjávarútvegs- _
blaðinu Prouduits de la Mer. I
fyrra borðaði hvert manns-
barn í Frakklandi 19 kíló af
fiski og fiskafurðum, sem svar-
ar til um 25 kilóa af fiski upp
úr sjó. Um fjórðungur fiskmet-
isins var borðaður á veitinga-
stöðum, en heima borðuðu
Frakkar tvo þriðju magnsins
eða um 733.000 tonn.
• „ÞAÐerekkiréttaðLÍÚ'
hafi ekki viljað senda fulltrúa
sinn á ráðstefnu Landverndar
um nýtingu auðlinda hafsins,“
segir Kristján Ragnarsson,
formaður stjórnar LÍÚ. „Við
buðum Landvernd að Kristján
Þórarinsson, stofnvistfræðing-
ur, héldi erindi á fundinum,
en því var hafnað. Kristján er
formaður nefndar skipaðri af
sjávarútvegsráðuneytinu um
bætta umgegni um auðlindir
hafsins og okkur fannst við
hæfi að hann flytti erindi á
ráðstefnunni. Landvernd vildi
hins vegar ráða því hver kæmi
frá okkur, vildi útgerðarmann
en ekki stofnvistfræðing og
formann fyrrnefndrar nefnd-
ar. Því var enginn fuUtrúi okk-
ar á fundinum," segir Kristján
Ragnarsson.
i
„Ég er laus við sveiflur í útgjöldum.
Ég borga bara eina fasta greiðslu
mánaðarlega."
Sigurður Sveinsson, handknattleiksmaður
Með greiðsludreifingu Heimilislínunnar er útgjaldaliðum ársins,
einum eða fleiri, dreift á 12 jafnar mánaðargreiðslur.
Sarna upphæð er millifærð mánaðarlega af launareikningi yfir á
útgjaldareikning og bankinn sér um að greiða reikningana.
í stað gluggaumslaga færðu sent mánaðarlegt yfirlit
yfír greidda reikninga.
BUNAÐARBANKI
ÍSLANDS
HEIMILISLINAN
- Einfaldar fjármálin