Morgunblaðið - 25.11.1994, Blaðsíða 18

18 FÖSTUDAGUR 25. NÓVEMBER 1994
ERLENT
MORGUNBLAÐIÐ
Breska stjórnin hótar afsögn og nýjum kosningum
Uppgjör við ESB-and-
stæðinga á mánudag
London. Reuter.
BRESKA ríkisstjórnin samþykkti
einróma í gær að segja af sér og
boða til nýrra kosninga ef frumvarp
hennar um aukin framlög til Evrópu-
sambandsins, ESB, verður fellt á
þingi. Spennan í breska Ihalds-
flokknum eykst dag frá degi og í
gær sagði einn forystumaður Evr-
ópuandstæðinga innan hans, að
hann hefði nægan stuðning til að
fella frumvarpið. Gaf hann jafnframt
lítið fyrir hótun Johns Majors forsæt-
isráðherra og annarra ráðherra um
„sameiginlegt sjálfsmorð“ eins og Major
hann kallaði nýjar kosningar.
Samþykkt ríkisstjórnarinnar er ætlað að
kveða niður orðróm um, að ráðherrarnir séu
ekki sammála um afsögn verði frumvarpið
fellt en það kemur til afgreiðslu á mánudag.
Sumir Evrópuandstæðinga hafa líka
haldið því fram, að engin þörf sé á
nýjum kosningum þótt frumvarpið
verði fellt, heldur sé nóg að skipta
um forsætisráðherra.
Líta á frumvarpið sem
traustsyfirlýsingu
í samþykkt ríkisstjórnarinnar seg-
ir, að hún líti á frumvarpið sem
traustsyfirlýsingu og ekki sé inni í
myndinni að skipta um forsætisráð-
herra. Boðað verði til þingkosninga
verði það fellt.
Bill Cash, einn þingmanna íhalds-
flokksins, sagði í gær, að nokkur hópur þing-
manna hefði heitið að styðja breytingartillögu
við frumvarpið en samkvæmt henni verður ESB
neitað um aukin framlög þar til eitthvað hefur
verið gert í alvöru til að koma í veg fyrir að
misfarið sé með fé úr sjóðum sambandsins.
Cash sagði í viðtali við breska ríkisútvarpið,
BBC, að 15 þingmenn og líklega fleiri myndu
styðja breytingartillöguna en íhaldsflokkurinn
hefur 14 sæta meirihluta á þingi.
Ósigurinn vís
Major og aðrir ráðherrar reiða sig samt á,
að hótun um kosningar muni halda aftur af
uppreisnarliðinu enda má telja alveg víst, að
íhaldsflokkurinn biði mikinn ósigur fyrir
Verkamannaflokknum. Skoðanakönnun, sem
Times birti í gær, sýnir, að Verkamanr.aflokk-
urinn hefur 31% umfram íhaldsflokkinn, sem
hefur aðeins stuðning 24% kjósenda.
Cash kvaðst þó ekki taka neitt mark á hót-
un um „sameiginlegt sjálfsmorð“ eins og hann
kallaði hugsanlegar kosningar.
pumir
TILBOÐSDAGAR
SPÖRTU
byrja í dag, föstudag
og standa yfir til 4. des.
Frábær tilboð á PUMA vörum.
íþróttaskór frá kr. 990.
íþróttagallar frá kr. 1.490.
íþróttatöskur, polobolir, íþróttabolir og
margt fleira.
Nú er tækifæri til þess að kaupa
jólagjafirnar á ótrúlega lágu verði.
Opið laugardag kl. 10-14.
Opið sunnudag kl. 13-17.
10% afsláttur af öðrum
vörum á tilboðsdögunum.
SPORTVÖRUVERSLUNIN
SPARTA
Laugavegi 49 ■ 101 Reykjavik • sfmi 12024
Reuter
Krefja Japani um bætur
JAPANSKA ríkisstjórnin sagðist
í gær íhuga að senda afsökunar-
beiðni til kóreskra kvenna sem
neyddar voru til þess að vera
kynlífsambáttir japanskra her-
manna í heimsstyrjöldinni síðari.
Hópur slíkra kvenna kom saman
í Seoul, höfuðborg Suður-Kóreu,
í gærdag og krafðist bóta af
hálfu Japana.
Rússar dæla enn úrgangi í jörðu
Sakaðir um geig-
vænlegt gáleysi
New York. Daily Telegraph.
BANDARlSKIR vísindamenn ótt-
ast að ótrúlegt vistfræðilegt gá-
leysi Rússa varðandi urðun kjarn-
orkuúrgangs eigi eftir að kalla
mikil vandamál yfír jarðarbúa um
ókomnar aldir.
Rússneskir vísindamenn hafa
svipt hulunni af helstu leyndarmál-
um Kalda stríðsins; að Rússar hafi
í þijá áratugi losað sig við kjarn-
orkuúrgang með því að dæla hon-
um í jörðu niður.
Og það sem verra er, þessu at-
hæfi halda þeir áfrarri enn í dag.
„Þetta er gáleysislegasta athæfi
á sviði kjarnorkumála sem mann-
kynið hefur upplifað," sagði Henry
Kendall, eðlisfræðingur við Tækni-
háskóla Massachusetts og Nóbels-
verðlaunahafi.
„Það er enginn mælikvarði til
yfir þetta geigvænlega ábyrgðar-
leysi,“ bætti Kendall við.
Bent hefur verið á þrjá staði í
Rússlandi þar sem úrgangi er enn
dælt niður í jörðina. Dýpstar eru
holurnar við Dímítrovgrad,
skammt frá Moskvu, eða 1.100 til
1.500 metra djúpar.
Rússneskir vísindamenn hafa
staðfest að geislavirkur úrgangur
hefur borist miklu lengra út frá
holunum en ráð var fyrir gert, með
ófyrirsjáanlegum afleiðingum.
Þar sem geymsluholurnar eru
rétt við ár, sem renna annars vegar
í Kaspíahaf og hins vegar í Norður-
íshaf, er talin hætta á að úrgangur-
inn berist í þær með jarðvatni.
Áætlað er að úrgangi sem sam-
svarar þremur milljörðum kúría,
sem er mælieining á geislavirkni,
hafi verið dælt niður í jörðina í
Rússlandi. Til samanburðar nam
geislunin frá Tsjemóbýl-verinu 50
milljónum kúría.
Meðal úrgangsefnanna eru Ces-
ium-137 með 30 ára helmingunar-
tíma og Strontium-90 með 28 ára
helmingunartíma. Vísindamönnum
stendur sérstakur stuggur af
Strontium-90 sakir þess að það
binst auðveldlega í beinum manns-
líkamans.
Krefjast
afsagnar
PATRICK Nicholls varafor-
maður breska Íhaldsflokksins
fékk til tevatnsins í blöðum í
gær fyrir að lýsa Frökkum sem
samsærismönnum íjóðverja í
seinna stríðinu [Þjóðverjar
felldu 592.000 Frakka er þeir
hemámu Frakkland] og Þjóð-
vetjum sem stríðsæsingamönn-
um. Nicholls sagði eina framlag
Ijóðverja til Evrópu væri að
hafa hrundið tveimur styrjöld-
um af stað. Fyrir ummæli sín
var hann neyddur til að segja
af sér varaformennsku í fyrra-
dag. Afsagnar hans sem þing-
manns var krafist í gær.
Gratsjov á
sjúkrahúsi
PAVEL
Gratsjov
varnarmála-
ráðherra
Rússlands
var lagður
inn á sjúkra-
hús í síðustu
viku en tals-
maður ráðu-
neytisins
sagði að í ljós
hefði komið við ítarlega rann-
sókn að engir alvarlegir kvillar
hijá hann. Gratsjov var fluttur
á spítala er hann kenndi las-
leika eftir þingumræður sl.
föstudag.
Gratsjov
Flugræningj-
ar gefast upp
ÞRÍR menn sem rændu far-
þegaþotu á flugi frá Syktyvkar
í norðurhluta Rússlands til
Mínsk í Hvíta Rússlandi gáfust
upp í Tallin í Eistlandi í gær.
Þeir höfðu krafist þess að fá
að fara til Vestur-Evrópu en
gáfust um síðir upp án til þess
kæmi að sérsveitir réðust inn
í flugvélina.
Sjö sökuð um
misnotkun
RÉTTARHÖLD hófust í gær
yfír sjö manns frá þýsku borg-
inni Worms sem sakaðir eru
um að hafa misnotað sjö börn
á aldrinum sex mánaða til átta
ára frá mars til nóvember í
fyrra. Er þetta ógeðfelldasta
mál sinnar tegundar sem upp
hefur komið í Þýskalandi. Sak-
borningarnir eru amma barn-
anna, tvenn hjón og tveir
frændur þeirra. Þau eru m.a.
sökuð um að hafa selt afnot
af bömunum.
Flugslys á
Suðurskauti
KANADÍSK Twin Otter flug-
vél á vegum bresku Suður-
skauststofnunarinnar fórst í
flugtaki við Rothera rannsókn-
arstöðina í gær. Með henni
fórust fjórir Kanadamenn.
Flestir styðja
Fatah
FATAH-samtökin, fylking
Yassers Arafats, nýtur mun
meiri stuðnings meðal Palest-
ínumanna á Gazasvæðinu og
Vesturbakkanum en öfga-
mannasamtökin Hamas, sam-
kvæmt óháðri skoðanakönnun.
Styðja 42,3% Fatah en einung-
is 17,4% Hamas.