Morgunblaðið - 03.01.1995, Qupperneq 2

2 ÞRIÐJUDAGUR 3. JANÚAR 1995
MORGUNBLAÐIÐ
FRÉTTIR
Kennarafélögin segja engan árangur af samningafundum
Fulltrúaráð ræða verk-
fallsaðgerðir í dag
Akveðið hvernig kröfugerðum
félaganna verður fylgt eftir
FULLTRÚARÁÐ Kennarasam-
bands íslands (KÍ) og Hins ís-
lenska kennarafélags (HÍK) hafa
verið boðuð til fundar í dag til að
ræða stöðu samningamálanna og
taka ákvarðanir um hvernig kröf-
um kennarafélaganna verður fylgt
eftir. Verður væntanlega ákveðið
á þessum fundum hvort efnt verð-
ur til atkvæðagreiðslu meðal kenn-
ara um boðun verkfalls, skv. upp-
lýsingum Elnu K. Jónsdóttur, for-
manns HÍK, og Eiríks Jónssonar,
formanns KÍ.
Kennarafélögin standa saman í
samningaviðræðunum og lögðu
félögin fram kröfugerð sína 25.
nóvember. Að mati forystumanna
kennarafélaganna hefur ekkert
miðað í viðræðunum og staða
mála um áramótin sú að launalið-
um kröfugerðarinnar hafi verið
hafnað og engu verið svarað varð-
andi þá liði kröfugerðarinnar er
lúta að vinnutíma kennara.
Fjórir fundir með
samninganefndum
Fundir samninganefnda kenn-
arafélaganna með samninga-
nefnd ríkisins eru orðnir fjórir
og auk þess hafa verið haldnir
tveir fundir með samninganefnd-
inni og fulltrúum menntamála-
ráðuneytis og aðrir tveir fundir
með menntamálaráðherra. Ekki
hefur verið boðað til nýs samn-
ingafundar.
„Við munum leggja fyrir full-
trúaráðin niðurstöðu þessarar
samningalotu, sem frá okkar bæj-
ardyrum séð hefði átt að geta
skilað þó nokkru,“ segir Elna. Húri
segist aðspurð telja að fulltrúaráð-
in muni taka afstöðu til þess í dag
hvort efnt verður til atkvæða-
greiðslu um boðun verkfalls. „Að
vísu þurfa fulltrúaráðin að fá ráð-
rúm og frelsi til að ákveða það
sjálf en það sýnist ekki vera nóg
að vera með mótaðar kröfur og
góðan samningsvilja frá hendi
kennarafélaganna til þess að fá
viðsemjandann til einhverra
verka,“ segir Elna.
Eiríkur var þeirrar skoðunar að
engin breyting yrði á gangi mála
nema teknar yrðu ákvarðanir um
aðgerðir til að fylgja kröfunum
eftir því samninganefndir kennara
hefðu fram að þessu ekki fengið
neitt upp á borðið frá viðsemjend-
um sínum. Hann benti jafnframt
á að þótt ákveðið yrði í dag að
láta fara fram atkvæðagreiðslu
um verkfall væri það þungt í vöf-
um því allur undirbúningurinn
tæki fimm til sex vikur.
Nýju ári
fagnað án
teljandi
óhappa
LANDSMENN fögnuðu nýju ári
án teljandi óhappa. Erilsamt var
þó hjá lögreglu víðast hvar.
Komur á slysadeild Borgarspít-
ala voru ekki fleiri en um venju-
lega helgi en þó bar meira á
brunaáverkum en alla jafna.
Samkvæmt upplýsingum frá
lögreglunni í Reykjavík stirðn-
aði samkomulag sums staðar
þegar líða tók á nýársnótt með
þeim afleiðingum að til handa-
lögmála kom. Á fimmta tug
manna gisti fangageymslur lög-
reglunnar í Reykjavík af ýmsum
ástæðum.
Á höfuðborgarsvæðinu var
veður eins og best verður á kos-
ið til að skjóta upp flugeldum
og var ljósadýrðin á miðnætti
mikil eins og meðfylgjandi mynd
ber með sér en hún var tekin
af Vatnsendahæð yfir borgina.
Lögregl-
an leitar
tveggja
barna
LÖGREGLAN í Reykjavík hefur
að beiðni Félagsmálastofnunar
leitað systkina, eins árs og sex
vikna gamalla, síðan á Þorláks-
messu.
Móðir barnanna, sem er 17 ára
gömul, hefur verið í felum með
þau síðan á Þorláksmessu. Þá
hafði faðirinn yngra barnið á brott
með sér af barnaspítala Hringsins
þar sem það var til læknismeðferð-
ar vegna vannæringar að kröfu
ungbarnaeftirlits.
Barnaverndarnefnd hafði svipt
foreldrana forræði barnanna tíma-
bundið, frá 13. desember til 17.
janúar, og tilkynnt þeim að
börnunum yrði komið í skamm-
tímavistun.
Að sögn Jónasar Hallssonar
aðstoðaryfirlögregluþjóns var fað-
ir barnanna yfirheyrður sl. föstu-
dag og viðurkenndi hann brot sitt
en neitaði að vísa til barnanna.
Brottnám barns úr umsjón barna-
vemdarnefndar varðar við barna-
verndarlög.
Jónas sagði að sér væri ekki
kunnugt um að foreldrarnir hefðu
kært úrskurð barnaverndarnefnd-
ar til barnavemdarráðs en það
væri næsta skref sættu þau sig
ekki við úrskurðinn.
Morgunblaðið/Ámi Sæberg
Niðurstöður Rannsóknastofu í lyfjafræði við Háskóiann
PCB-mengun
í fálkum
og mönnum
RANNSÓKN sem gerð var á
mengun af völdum klórkolefnis-
sambanda í fálkum á íslandi hefur
leitt í ljós mengun af völdum efna-
sambandsins PCB. Einnig hefur
efnasambandið greinst í umtals-
verðum mæli í mönnum hér á landi
en hvorki í ijúpum, sem teljast
meginfæða fálka, né mjólk eða
mjólkurafurðum, að sögn Þorkels
Jóhannessonar, forstöðumanns
Rannsóknastofu í lyfjafræði við
Háskóla íslands.
Niðurstöður rannsóknarinnar
verða birtar í rítgerð og auk þess
kynntar formlega á vísindaráð-
stefnu í læknadeild Háskólans 5.
janúar en höfundar ritgerðarinnar
eru Ævar Petersen hjá Náttúru-
fræðistofnun íslands, Kristín
Ólafsdóttir, Svava Þórðardóttir og
Þorkell Jóhannesson hjá Rann-
sóknastofu í lyfjafræði.
59 fálkar skoðaðir
Ástæður PCB-mengunarinnar
eru ekki kunnar þótt margar kenn-
ingar séu uppi að sögn Þorkels.
Menn velta því meðal annars fyrir
sér hvort efnasambandið sé að
finna í sjávarfangi hér við iand.
Þorkell segir að teknir hafi verið
til skoðunar 59 fálkar á árunum
1979-1994. Flestir voru íslenskir
en einnig voru nokkrir kanadískir
fálkar, sem fundust hérlendis
dauðir eða deyjandi, athugaðir.
Leitað var að ýmsum klórkolefnis-
samböndum, svo sem DDT og
efnasamböndum sem myndast út
frá því, lindan og skyldum efnum
sem notuð eru til að baða sauðfé.
Auk þess hexaklórbenseni, sem
notað er sem sveppalyf á plöntur
en er einnig að finna í lofthjúpnum
um víða veröld, og tíu mismunandi
PCB-efnum sem dreifst hafa vítt
og breitt um heiminn að sögn
Þorkels.
Lítið af öðrum
klórkolefnissamböndum
Sem fyrr segir er PCB-mengun
umtalsverð en lítið af hinum efn-
unum að Þorkels sögn. „Rjúpur
eru aðalfæða fálkans, milli 70 og
80% af fæðunni. Við höfum rann-
sakað nokkrar án árangurs þannig
að við vitum ekki nákvæmlega
hvernig þetta er niðurkomið. Til
samanburðar höfum við rannsakað
mjólk og mjólkurafurðir hér á
landi og þar er mjög lítið af fyrr-
greindum efnum. Einnig höfum
við rannsakað bijóstamjólk
kvenna og heila- og fituvef manna
en þar finnum við umtalsvert
magn af PCB-efnum,“ segir Þor-
kell.
Éta hugsanlega
menguð hræ
„Við þurfum að fá nánari skýr-
ingar á þessu en ein kenningin er
sú að fálkar leggi sér til munns
eitthvað annað, til dæmis sjávar-
fang, í ríkara mæli en talið hefur
verið. Hugsanlegt er að um eitt-
hvað annað sé að ræða, til dæmis
hræ sem eru svona þrælmenguð
en þetta eru bara tiigátur,“ segir
hann loks.
MEÐ blaðinu í dag fylgir 8
síðna auglýsingablað frá
SÍBS, „Lífið á erindi við þig“.
Ufanál ámni nui vel
xamiþií
bacaUui ltjii Uccttunríxlnda