Morgunblaðið - 20.01.1995, Blaðsíða 11
MORGUNBLAÐIÐ
FÖSTUDAGUR 20. JANÚAR 1995 11
FRÉTTIR
Ég hef misst
marga góða vini
Morgunblaðið/RAX
LILJA Ósk Þórisdóttir
Lilja Ösk
Þórisdóttir
slapp úr snjó-
flóðinu
við illan leik
ísafirði. Morgunblaðið.
„ÉG ER búin að missa
marga góða vini. Það er
mjög erfitt að vinna úr þess-
ari sorg. Það tekur sjálfsagt
langan tíma. Kannski jafnar
maður sig aldrei. Ég mun
aldrei sætta mig við þennan
missi. Hann er of stór,“
sagði Lilja Ósk Þórisdóttir,
en hún og fjölskylda hennar
komust af sjálfsdáðum út
úr húsinu að Nesvegi 3 eftir
að snjóflóð féll á það.
Fjórar manneskjur voru í
húsinu þegar snjóflóðið féll
á það. Þar voru ásamt Lilju tvö
börn hennar og móðir hennar. „Ég
fann þegar snjóflóðið féll á húsið.
Ég hélt fyrst að þakið hefði sprung-
ið upp því að hvinurinn var það
mikill. Síðan heyrði ég sprengingu
niðri, en þá sprakk hurð í herbergi
dóttur minnar út en hurðin opnast
inn. Herbergið hálffylltist af snjó
og dóttir mín lenti í snjó. Hún gat
þó staðið upp í rúminu. Það fór
einnig snjór inn í herbergi sonar
míns, en ég gat hjálpað þeim út
og upp á efri hæðina. Þar klæddum
við okkur.
Fljótlega kom fólk úr nálægum
húsum til okkur. Það kom t.d. til
mín maður sem var með djúpan
skurð á hné. Ég batt um sárið og
færði hann í föt, en hann vildi síð-
an komast út til að_ leita að fólkinu
sínu,“ sagði Lilja Ósk.
Kraftaverk að við
skyldum lifa
Lilja sagði óskiljan-
legt að húsið hennar
skyldi ekki hafa farið
verr í fióðinu. Hún
sagði að sér virtist
sem flóðið hefði klofn-
að á húsinu og farið
niður með því beggja
vegna. Hún sagðist
ekki gera sér grein
fyrir hvað húsið hefði
orðið fyrir miklum
skemmdum. „Ég lít á
það sem nánast
kraftaverk að enginn
úr minni fjölskyldu
skyldi farast í snjó-
flóðinu."
Jónatan Ingi Ás-
geirsson, eiginmaður
Lilju, var að koma úr
róðri þegar snjóflóðið
féll. Hún gerði strax ráðstafanir til
að koma skilaboðum til hans um
að allt væri í lagi með fjölskylduna.
Lilja sagði að fjölskyldan hefði
enga ákvörðun tekið um framtíð-
ina. Hún sagðist alla tíð hafa sofið
róleg í Súðavík. „Mér hefur alltaf
liðið mjög vel í Súðavík en þar hef
ég búið síðan 1970. Þar er gott
fólk og ég vil helst ekki vera neins
staðar annars staðar.“
Ávarp forseta íslands
við upphaf „Samhugar í verki“
Samhygð okkar
einlæg o g sterk
ÁVARPSORÐ for-
seta Islands í
tengslum við söfn-
unina „Samhugur í
verki“ sem forseti
íslands flutti í gær-
kvöldi á báðum
sjónvarpsstöðvum
svo og öllum út-
varpsstöðvum:
Góðir íslending-
ar.
Á þungbærum
stundum þjöppum
við okkur saman
heilsteypt þjóð við
andstreymi í landi,
þar sem náttúruöfl-
in hafa birst okkur grimm og
óvægin. Harmar hafa sótt okk-
ur heim og við finnum það
glöggt sem endranær, þegar
að okkur er höggvið, hve ná-
komin við erum hvert öðru.
Átakanlegur missir og harmur
eins verður missir og harmur
þjóðarinnar allrar. Hvarvetna á
Islandi dvelur hugur manna
þessar stundir hjá þeim sem
orðið hafa fyrir miklum raun-
um. Samhygð okkar er einlæg
og sterk og öll vild-
um við eiga ráð til
að létta þeim
þungar sorgar-
byrðar.
Við stöndum
máttvana and-
spænis því sem
orðið er og ekkert
fær breytt. En
tíminn nemur ekki
staðar, heldur er
sá einn kostur okk-
ar að halda áfram
og leita allra leiða
til að milda áföllin
og vernda þá sem
fyrir reiðarslagi
hafa orðið. Okkur
gefst nú öllum færi á að rétta
þeim hjálparhönd og votta þeim
samkennd okkar í landssöfnun
sem ber einkunnarorðin „Sam-
hugur í verki“. Stuðningur okk-
ar og einhugur getur á þann
veg veitt þeim, sem að hefur
verið vegið, stýrk til að ganga
til móts við komandi tíð.
Með djúpa hryggð í hjarta
bið ég Guð að blessa og styrkja
þá sem hafa þolað sáran missi
ástvina og íslendinga alla.
Vigdís
Finnbogadóttir
HÖRKUUTSALA
40-70%
AFSLÁTTUR
a
fyrir fjölskylduna