Morgunblaðið - 20.01.1995, Blaðsíða 17

MORGUNBLAÐIÐ
FÖSTUDAGUR 20. JANÚAR 1995 17
FRÉTTIR: EVRÓPA
Evropuskæru-
liðar sækja
að John Major
London. Reuter.
TILLAGA til þingsályktunar frá
Verkamannaflokknum, þar sem
breska stjórnin er ávítuð fyrir
samning þann sem gerður var í síð-
asta mánuði um veiðar í írska hólf-
inu, var naumlega felld á breska
þinginu á miðvikudagskvöld. Ein-
ungis munaði níu atkvæðum þar
sem nokkrir þingmenn íhalds-
flokksins greiddu atkvæði með til-
lögunni.
Evrópuandstæðingar innan
Ihaldsflokksins hertu hins vegar
sóknina gegn John Major forsætis-
ráðherra í gær og kröfðust þess að
hann tæki til athugunar tillögur
þeirra í átta liðum um umbætur á
Evrópusambandinu.
„Evrópuskæruliðarnir" svoköll-
uðu saka stjómina um að hafa misst
tengslin við almenningsálitið og
segja tillögur sínar vera uppbyggi-
legt innlegg inní umræðuna fyrir
ríkjaráðstefnu ESB á næsta ári, þar
sem skipulag sambandsins verður
tekið til endurskoðunar.
„Ef íhaldsmenn breyta ekki
stefnu sinni í Evrópumálum verður
stjómin ekki endurkjörinn í næstu
kosningum," sagði Tony Marlow,
einn leiðtoga skæmliðanna.
Annar þingmaður, Teddy Taylor,
sagði hvorki vera um kröfur né
úrslitakosti að ræða. „Lýðræði okk-
ar er i mikilli hættu og eitthvað
verður að aðhafast vegna þess.“
Evrópuskæruliðarnir voru reknir
úr þingflokki íhaldsmanna eftir að
hafa greitt atkvæði gegn stjóm
Majors er fjárlög ESB vora borin
upp til atkvæða á síðasta ári. Major
hefur hins vegar reynt að ná sáttum
við þá að undanförnu og er þetta
nýja útspil þeirra því nokkuð áfall
fyrir hann.
í yfirlýsingu frá „skæruliðunum"
segir m.a. að eitt helsta markmiðið,
sem Bretar eigi að reyna að ná fram
á ríkjaráðstefnunni, sé að færa
ákvarðanatöku aftur heim til hinna
einstöku aðildarríkja að verulegu
leyti. Jafnvel megi hugsa sér að
Evrópusamstarfið eigi að snúast um
fríverslun og vináttu einvörðungu.
Dregið verði úr valdi
Evrópudómstólsins
Þeir vilja einnig að dregið verði
úr valdsviði Evrópudómstólsins og
að ESB hafi engin völd á sviði utan-
ríkis- og vamarmála.
Evrópuþingið kalla þeir „dýrt
spaug“ og leggja til þess að nafni
þess verði breytt í Evrópusamkund-
una og að þar sitji menn tilnefndir
af þjóðþingunum.
Marlow sagðist telja að flestir
þingmenn íhaldsflokksins væm
hlynntir þessum tillögum þó að þeir
þyrðu ekki að segja það opinber-
lega.
Annar þingmaður, John Wilkin-
son, mótmæltu því að þeir væru
kallaðir „skæruliðar", þar sem að
þeir endurspegluðu að hans mati
skoðanir meirihluta Breta.
Reuter
Delors kveður
JACQUES Delors hélt í gær síðustu ræðu sína á Evrópuþinginu
sem forseti framkvæmdastjórnarinnar. Hvatti hann eindregið til
þess að þróuninni í átt til sambandsríkis yrði haldið áfram. „Sam-
band þjóðríkja“ væri eina leiðin til að skilgreina hver ætti að
gera hvað og hver bæri ábyrgð gagnvart hverjum.
Havel vill
sækja um
ESB-aðild á
árinu
• VACLAV Havel, forseti Tékk-
lands, sagði á blaðamannafundi
í Prag á miðvikudag að Tékkar
myndu sennilega sækja um fulla
aðild að Evrópusambandinu und-
ir lok þessa árs. Havel vísaði til
þess að á næsta ári hæfist ríkja-
ráðstefna ESB um skipulags-
breytingar á stjórn sambandsins.
„Svo virðist sem það væri gott
að umsókn okkar lægi á borðum
samningamanna á ráðstefnunni,"
sagði Havel. Hann lagði hins veg-
ar enn meiri áherzlu á skjóta
aðild Tékklands að NATO. „Að-
ild væri öryggisakkeri fyrir land
okkar,“ sagði Havel. „Slíkt akk-
eri myndi hafa í för með sér til-
finningu fyrir öryggi, stöðug-
leika og friði, sem myndi skapa
góð skilyrði fyrir undirbúning
okkar að ESB-aðild.“
• ESKO Aho, forsætisráðherra
Finnlands, sem er á leið i opin-
bera heimsókn til Moskvu, mun
gera Tsjernomyrdin forsætisráð-
herra og ef til vill Jeltsín forseta
grein fyrir sjónarmiðum Evrópu-
sambandsins varðandi borgar-
stríðið í Tsjetsjníu. Aho mun þó
ekki hafa skriflega yfirlýsingu í
farteskinu.
• FRAKKAR, sem eru nú í for-
sæti ráðherraráðs Evrópusam-
bandsins, hafa gefið út yfirlýs-
ingu fyrir hönd sambandins um
ástandið í Tsjetsjníu. Þar er hvatt
til þess að bardögum verði hætt
þegar í stað til þess að hægt
verði að veita íbúum héraðsins
þjálp og hefja samningaviðræður
um lausn deilunnar. Evrópusam-
bandið hvetur til friðsamlegrar
lausnar, sem virðir friðhelgi
landamæra Rússlands.
ÚRVERINU
Morgunblaðið/Sigurgeir
BJÖRGUNARBÁTURINN úr Ohio Star hífður á land í Vestmannaeyjum.
Fundu björgunarbát af
skipinu Ohio Star á reki
SIGHVATUR Bjarnason VE sigldi
á dögunum fram á björgunarbát
sem tók út af bandaríska olíuskip-
inu Ohio Star og dró hann til hafn-
ar í Vestmannaeyjum. Bátsins
varð vart um 3 sjómílur austur af
Stórhöfða en hann hafði rekið
langan veg; losnaði er skipið fékk
á sig brot fjarri landhelgi íslands
fyrir jól. Guðmundur Sveinbjörns-
son skipstjóri á Sighvati segir að
báturinn sé hálfgert rekald og því
sé lítil eign í"honum. „Hann er illa
farinn enda er engu líkara en keyrt
hafi verið á hann.“
Guðmundur segir að sýslu-
maðurinn í Vestmánnaeyjum sé, í
Bátinn tók út af
skipinu nokkru
fyrir jól
félagi við Siglingamálastofnun, að
kanna hvort tryggingafélag
bandaríska skipsins hafi hug á að
endurheimta gripinn. „Það er
spurning hvort þeir vilja borga
okkur fyrir björgunina eða gefa
okkur hann.“ Báturinn er sem
stendur á bryggjunni í Vest-
mannaeyjum.
Kostaði níu milljónir
Björgunarbáturinn - sem rúmar
fimmtíu manns - er smíðaður hjá
Hyundai-verksmiðjunum í Suður-
Kóreu fyrir tveimur árum og kost-
aði um níu milljónir króna. Að sögn
Guðmundar er hann hin prýðileg-
asta fleyta og vel tækjum búinn;
nægir þar að nefna díselvél, talstöð
og áttavita. Allt er þetta þó ónýtt
eftir volkið en gat var á bátnum.
Vel gekk að draga bátinn til
hafnar og segir Guðmundur að
tveir skipverjar á Sighvati hafi far-
ið um borð og dvalið þar í góðu
yfirlæti á leiðinni.
Kolportið leggur sitt af mörkum í landssöfnunni
vegna Súðavíkur og býður þeim
félagasamtökum
sem vilja notfæra sér markaðstorgið til fjáröflunar
vegna þessa málstaðar ókeypis sölupláss
aðra helgi, 28.-29. janúar.
Við viljuin t.d. nefna kökubasara og sölu á kompudóti sein
ákjósanlegar fjáröflunarleiðir, en inargt fleira keinur til greina.
Vinsamlega hafið samband við skrifstofu Kolaportsins
sem fyrst til að tryggja pláss.
Sýningunni "Börnin og framtíðin" sem landsamtökin Heimili og skóli
standa fyrir, hefur vegna atburðanna í Súðavík verið frestað
í tvær vikur og verður haldin helgina 11.-12. febrúar.